Sergio Perez, ökumaður Force India liðsins í Formúlu 1 segir að allt geti gerst í fyrstu keppni tímabilsins í Ástralíu næstu helgi.
Perez segist telja að Force India geti hafið tímabilið af krafti.
„Fyrsta keppni tímabilsins er alltaf skemmtileg. Veturinn hefur verið langur og nú langar mig að fara að keppa aftur.“
„Það er mikilvægt að við látum ekkert trufla okkur, við viljum byrja vel og komast aftur í keppnistakt og halda áfram að vinna okkar vinnu.“
„Brautin sjálf er nokkuð skemmtileg og erfið að keyra því hún er að hluta til görubraut. Hún er mjög græn [griplítil] í upphafi helgarinnar en eftir því sem líður á öðlast maður meira grip og meira sjálfstraust í nýja bílnum.“
„Ég er viss um að við getum staðið okkur vel og náði í stig í fyrstu keppni. Ástralía er staður þar sem allt getur gerst og við höfum séð mörg óvænt úrslit þar í gegnum tíðina.“
„Maður veit aldrei hvaða tækifæri koma upp í kappakstri svo maður þarf bara að vera viðbúinn að gríða þau þegar þau gefast.“
Fyrsta keppni tímabilsins fer fram næstu helgi. Tímatakan og keppnin verða í beinni útsendingu á Stöð 2 Sport. Fáðu þér áskrift á 365.is.
Sergio Perez: Allt getur gerst í Ástralíu

Tengdar fréttir

Myndrænt yfirlit yfir breytingar á Formúlu 1 bílum
Stærri, grimmari og fljótari, allt orð sem nota má til að lýsa nýju Formúlu 1 bílunum. Hér að neðan er að finna myndræna framsetningu á breytingunum sem hafa átt sér stað.

Verstappen: Red Bull ekki nógu gott til að vinna strax
Max Verstappen, ökumaður Red Bull liðsins hefur sagt að RB13 bíll liðsins geti ekki ógnað Mercedes eða Ferrari í upphafi tímabils.

Paddy Lowe kominn til Williams sem tæknistjóri og hluthafi
Paddy Lowe, fyrrum tæknistjóri Mercedes er kominn til liðs við Williams og er orðinn hluthafi og stjórnarmaður hjá liðinu.