Fótboltastrákarnir í hellinum fundnir heilir á húfi

Björgunarsveitir í Tælandi hafa fundið fótboltastrákana tólf og þjálfara þeirra sem leitað hefur verið að í helli í norðurhluta landsins. Þeir eru allir heilir á húfi. BBC greinir frá.

Allir þrettán eru heilir að húfi að sögn yfirvalda en þeir hafa dúsað í hellinum í níu daga sökum úrhellisrigningar. Í frétt BBC segir að kafarar á vegum sérsveitar tælenska hersins hafi fundið hópinn. Nú eigi hins vegar eftir að finna út úr því hvernig koma eigi drengjunum og þjálfaranum úr hellinum.

Gríðarleg björgunaraðgerð var sett á stað en túu þúsund lítrum af vatni var dælt úr hellinum á hverri klukkustund. Vonir stóðu til að drengirnir og þjálfarar þeirra hafi fundið skjól í útskoti í hellinum.