Þungur baggi sem fylgir þeim besta Kristinn Páll Teitsson skrifar 16. ágúst 2019 18:00 Antonio Brown er tilfinningaríkur inni á vellinum. Nordicphotos/Getty Þegar þrjár vikur eru í að 100. tímabil NFL-deildarinnar hefjist er ein skærasta stjarna deildarinnar á forsíðum blaðanna af röngum ástæðum. Útherjinn Antonio Brown, sem var skipt frá Pittsburgh Steelers yfir til Oakland Raiders fyrr á árinu, hefur brotið reglur nýja félagsins og hótað deildinni að hann hætti ef ekki verður orðið við kröfum hans auk þess að komast í kast við lögin undanfarna tólf mánuði. Þegar skipti Browns yfir í Raiders frá Steelers gengu í gegn þóttu það kjarakaup hjá núverandi vinnuveitendum sem virðast vera að kynnast öllum þeim vandræðum sem fylgja honum þessa dagana. Hann hefur ekki farið leynt með óbeit sína á fyrrverandi liðsfélögum sínum og starfsfólki hjá Pittsburgh Steelers sem endurspeglaðist best í því þegar hann gaf ekki kost á sér í lokaleik tímabilsins í fyrra. Brown virðist því vera búinn að brenna allar brýr að baki sér í Pittsburgh. Það efast enginn um hæfileikana sem Brown býr yfir en efasemdir annarra hafa drifið hann áfram frá fyrsta degi innan deildarinnar. Brown féll niður í sjöttu umferð nýliðavalsins í NFL-deildinni og var valinn með 195. valrétt fyrir níu árum. Eftir að hafa lítið komið við sögu á fyrsta ári sínu innan deildarinnar greip hann tækifærið á því næsta og hefur verið besti útherji deildarinnar undanfarin sex ár. Tvívegis hefur hann verið sá útherji sem er með flesta jarda yfir tímabilið og í fyrra var enginn sem greip fleiri snertimarkssendingar en Brown þrátt fyrir að hann sé yfirleitt með besta varnarmann andstæðinganna á sinni vakt. Brown sem er litríkur karakter mætti með látum í æfingabúðir Raiders því að hann mætti á loftbelg á fyrstu æfingar liðsins en fljótlega fóru vandræðin að skjóta upp kollinum. Hann hefur þótt ófagmannlegur á æfingum, sýnir litla athygli á fundum liðsins og mætir iðulega seint.Brown yfirgaf lið Pittsburgh Steelers í fússi í sumar níu árum eftir að Steelers valdi hann með 195. valrétt í nýliðavalinu árið 2010. Nordicphotos/GettyBrown gat lítið æft eftir að hafa gleymt að klæðast viðeigandi fatnaði í lághitameðferð (e. cryotherapy) sem hann fór í án þess að láta félagið vita þar sem notast er við sérstakan frystiklefa til að auðvelda endurhæfingu. Brown gat því ekki hlaupið í byrjun æfingabúðanna vegna kalsára á fótunum. Stuttu seinna fór Brown að hætta að mæta á æfingar þar sem félagið leyfði honum ekki að koma með sinn eigin hjálm á æfingar. Deildin breytti nýlega reglum um hjálma til að bæta öryggi leikmannanna sem Brown segir að skerði sjón sína. Brown er ekki sá eini sem hefur kvartað, leikstjórnendurnir Tom Brady og Aaron Rodgers þurfa einnig að skipta um hjálm en Brown virtist ekki tilbúinn að aðlagast því. Sjálfur reyndi Brown að líma til gamla hjálminn sinn í von um að fá að notast við hann án árangurs eftir margar tilraunir til að smygla gamla hjálminum inn á völlinn sem endaði með því að hann fór í verkfall og hætti að mæta á æfingar.Stuttu seinna hótaði Brown að hætta í deildinni og reyndi án árangurs að fara með málið fyrir dómstóla eftir að forráðamenn deildarinnar funduðu með Brown og útskýrðu fyrir honum að reglunum yrði ekki haggað. Það leiddi til þess að Brown fór á Twitter og bað fylgjendur sína um hjálp við að finna sérstakan hjálm sem deildin samþykkti að hann myndi fá að nota. Þá hefur Brown einnig ratað á síður fjölmiðlanna vegna vandræða utan vallar. Honum tókst í vor að fá mál gegn sér niðurfellt gegn greiðslu eftir að hann henti húsgögnum niður af fjórtándu hæð í íbúð sinni í Miami síðasta vor þar sem litlu mátti muna að húsgögnin lentu á ungum dreng. Þá steig kokkur fram á dögunum og lýsti yfir því að Brown skuldaði honum um fimm milljónir íslenskra króna fyrir þjónustu sem Brown þáði á síðasta ári, stuttu eftir að þjálfari kærði hann fyrir að hafa neitað að greiða honum um milljón íslenskra króna fyrir æfingabúðir í apríl síðastliðnum. Birtist í Fréttablaðinu NFL Mest lesið Bein útsending: Íslenska ofurfólkið keppir við þau bestu í heimi Sport Skiptar skoðanir á nýju merki Njarðvíkur Körfubolti „Hún er hjartað og lungað í liðinu“ Körfubolti Dagskráin í dag: Botnslagir í Bestu Sport Komin aftur á völlinn þremur mánuðum eftir barnsburð Handbolti Sjáðu sigurmarkið sem dæmt var af Skagamönnum Fótbolti „Gæti verið minn síðasti leikur á laugardaginn“ Íslenski boltinn Íslenska ofurfólkið sem keppir á HM í bakgarðshlaupi Sport Ásta og Laufey valdar í úrvalslið EM Sport „Óskiljanlegt að setja Erlend í þetta verkefni" Fótbolti Fleiri fréttir Grizzlies semja við lágvaxnasta leikmann NBA deildarinnar Skiptar skoðanir á nýju merki Njarðvíkur Dagskráin í dag: Botnslagir í Bestu „Hún er hjartað og lungað í liðinu“ Komin aftur á völlinn þremur mánuðum eftir barnsburð PSG aftur á toppinn Sjálfsmark skaut Juvents á toppinn Ásta og Laufey valdar í úrvalslið EM Diljá Ýr skoraði í stórsigri Leuven Elvar skoraði sex þegar Melsungen fór á toppinn Halldór: Forréttindi að fá að spila úrslitaleik um Íslandsmeistaratitilinn Harry Kane með þrennu í stórsigri Bayern Uppgjörið: Breiðablik - Stjarnan 2-1 | Draumaúrslitaleikurinn verður að veruleika Real Madrid upp að hlið Barcelona á toppnum „Þarft að vinna uppi á Skaga til þess að verða Íslandsmeistari“ Sjáðu sigurmarkið sem dæmt var af Skagamönnum Birkir kom inn á og skoraði sárabótarmark „Óskiljanlegt að setja Erlend í þetta verkefni" „Gæti verið minn síðasti leikur á laugardaginn“ Everton vann og endurkomusigrar hjá Leicester og Villa Þrjú stig í sarpinn en Orri leitar að markaskónum Arsenal mistókst að koma sér á toppinn Langþráð og laglegt mark Höjlund tryggði Man. Utd sigurinn Willum Þór með mikilvægt mark í endurkomusigri Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Bætti fyrir vítaklúðrið með því að skora sigurmarkið Íslenskur ökumaður fagnaði sigri í Le Mans keppninni Þrjú mörk á sjö mínútum í sannfærandi sigri Spurs Uppgjörið : FH - Valur 1-1 | Gylfi klúðraði víti og FH stal stigi í uppbótartíma Sjá meira
Þegar þrjár vikur eru í að 100. tímabil NFL-deildarinnar hefjist er ein skærasta stjarna deildarinnar á forsíðum blaðanna af röngum ástæðum. Útherjinn Antonio Brown, sem var skipt frá Pittsburgh Steelers yfir til Oakland Raiders fyrr á árinu, hefur brotið reglur nýja félagsins og hótað deildinni að hann hætti ef ekki verður orðið við kröfum hans auk þess að komast í kast við lögin undanfarna tólf mánuði. Þegar skipti Browns yfir í Raiders frá Steelers gengu í gegn þóttu það kjarakaup hjá núverandi vinnuveitendum sem virðast vera að kynnast öllum þeim vandræðum sem fylgja honum þessa dagana. Hann hefur ekki farið leynt með óbeit sína á fyrrverandi liðsfélögum sínum og starfsfólki hjá Pittsburgh Steelers sem endurspeglaðist best í því þegar hann gaf ekki kost á sér í lokaleik tímabilsins í fyrra. Brown virðist því vera búinn að brenna allar brýr að baki sér í Pittsburgh. Það efast enginn um hæfileikana sem Brown býr yfir en efasemdir annarra hafa drifið hann áfram frá fyrsta degi innan deildarinnar. Brown féll niður í sjöttu umferð nýliðavalsins í NFL-deildinni og var valinn með 195. valrétt fyrir níu árum. Eftir að hafa lítið komið við sögu á fyrsta ári sínu innan deildarinnar greip hann tækifærið á því næsta og hefur verið besti útherji deildarinnar undanfarin sex ár. Tvívegis hefur hann verið sá útherji sem er með flesta jarda yfir tímabilið og í fyrra var enginn sem greip fleiri snertimarkssendingar en Brown þrátt fyrir að hann sé yfirleitt með besta varnarmann andstæðinganna á sinni vakt. Brown sem er litríkur karakter mætti með látum í æfingabúðir Raiders því að hann mætti á loftbelg á fyrstu æfingar liðsins en fljótlega fóru vandræðin að skjóta upp kollinum. Hann hefur þótt ófagmannlegur á æfingum, sýnir litla athygli á fundum liðsins og mætir iðulega seint.Brown yfirgaf lið Pittsburgh Steelers í fússi í sumar níu árum eftir að Steelers valdi hann með 195. valrétt í nýliðavalinu árið 2010. Nordicphotos/GettyBrown gat lítið æft eftir að hafa gleymt að klæðast viðeigandi fatnaði í lághitameðferð (e. cryotherapy) sem hann fór í án þess að láta félagið vita þar sem notast er við sérstakan frystiklefa til að auðvelda endurhæfingu. Brown gat því ekki hlaupið í byrjun æfingabúðanna vegna kalsára á fótunum. Stuttu seinna fór Brown að hætta að mæta á æfingar þar sem félagið leyfði honum ekki að koma með sinn eigin hjálm á æfingar. Deildin breytti nýlega reglum um hjálma til að bæta öryggi leikmannanna sem Brown segir að skerði sjón sína. Brown er ekki sá eini sem hefur kvartað, leikstjórnendurnir Tom Brady og Aaron Rodgers þurfa einnig að skipta um hjálm en Brown virtist ekki tilbúinn að aðlagast því. Sjálfur reyndi Brown að líma til gamla hjálminn sinn í von um að fá að notast við hann án árangurs eftir margar tilraunir til að smygla gamla hjálminum inn á völlinn sem endaði með því að hann fór í verkfall og hætti að mæta á æfingar.Stuttu seinna hótaði Brown að hætta í deildinni og reyndi án árangurs að fara með málið fyrir dómstóla eftir að forráðamenn deildarinnar funduðu með Brown og útskýrðu fyrir honum að reglunum yrði ekki haggað. Það leiddi til þess að Brown fór á Twitter og bað fylgjendur sína um hjálp við að finna sérstakan hjálm sem deildin samþykkti að hann myndi fá að nota. Þá hefur Brown einnig ratað á síður fjölmiðlanna vegna vandræða utan vallar. Honum tókst í vor að fá mál gegn sér niðurfellt gegn greiðslu eftir að hann henti húsgögnum niður af fjórtándu hæð í íbúð sinni í Miami síðasta vor þar sem litlu mátti muna að húsgögnin lentu á ungum dreng. Þá steig kokkur fram á dögunum og lýsti yfir því að Brown skuldaði honum um fimm milljónir íslenskra króna fyrir þjónustu sem Brown þáði á síðasta ári, stuttu eftir að þjálfari kærði hann fyrir að hafa neitað að greiða honum um milljón íslenskra króna fyrir æfingabúðir í apríl síðastliðnum.
Birtist í Fréttablaðinu NFL Mest lesið Bein útsending: Íslenska ofurfólkið keppir við þau bestu í heimi Sport Skiptar skoðanir á nýju merki Njarðvíkur Körfubolti „Hún er hjartað og lungað í liðinu“ Körfubolti Dagskráin í dag: Botnslagir í Bestu Sport Komin aftur á völlinn þremur mánuðum eftir barnsburð Handbolti Sjáðu sigurmarkið sem dæmt var af Skagamönnum Fótbolti „Gæti verið minn síðasti leikur á laugardaginn“ Íslenski boltinn Íslenska ofurfólkið sem keppir á HM í bakgarðshlaupi Sport Ásta og Laufey valdar í úrvalslið EM Sport „Óskiljanlegt að setja Erlend í þetta verkefni" Fótbolti Fleiri fréttir Grizzlies semja við lágvaxnasta leikmann NBA deildarinnar Skiptar skoðanir á nýju merki Njarðvíkur Dagskráin í dag: Botnslagir í Bestu „Hún er hjartað og lungað í liðinu“ Komin aftur á völlinn þremur mánuðum eftir barnsburð PSG aftur á toppinn Sjálfsmark skaut Juvents á toppinn Ásta og Laufey valdar í úrvalslið EM Diljá Ýr skoraði í stórsigri Leuven Elvar skoraði sex þegar Melsungen fór á toppinn Halldór: Forréttindi að fá að spila úrslitaleik um Íslandsmeistaratitilinn Harry Kane með þrennu í stórsigri Bayern Uppgjörið: Breiðablik - Stjarnan 2-1 | Draumaúrslitaleikurinn verður að veruleika Real Madrid upp að hlið Barcelona á toppnum „Þarft að vinna uppi á Skaga til þess að verða Íslandsmeistari“ Sjáðu sigurmarkið sem dæmt var af Skagamönnum Birkir kom inn á og skoraði sárabótarmark „Óskiljanlegt að setja Erlend í þetta verkefni" „Gæti verið minn síðasti leikur á laugardaginn“ Everton vann og endurkomusigrar hjá Leicester og Villa Þrjú stig í sarpinn en Orri leitar að markaskónum Arsenal mistókst að koma sér á toppinn Langþráð og laglegt mark Höjlund tryggði Man. Utd sigurinn Willum Þór með mikilvægt mark í endurkomusigri Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Bætti fyrir vítaklúðrið með því að skora sigurmarkið Íslenskur ökumaður fagnaði sigri í Le Mans keppninni Þrjú mörk á sjö mínútum í sannfærandi sigri Spurs Uppgjörið : FH - Valur 1-1 | Gylfi klúðraði víti og FH stal stigi í uppbótartíma Sjá meira