Davíð segir ofurskatt lagðan á sjávarútveginn Jakob Bjarnar skrifar 9. desember 2019 08:59 Þorsteinn Már Baldvinsson og Davíð Oddsson sem telur ómaklega að fiskveiðistjórnunarkerfnu vegið af lýðskrumurum. visir/Vilhelm/Getty Davíð Oddsson ritstjóri Morgunblaðsins er harðorður í leiðara dagsins og beinir spjótum sínum að þeim sem hann kallar lýðskrumara; pólitíkusar sem vilja gera sér mat úr því sem kalla má „óskemmtilegt mál sem réttilega hefur fengið mjög á almenning hér þó að það hafi vakið mun minni athygli erlendis en sumir vilja vera láta“. Davíð er hér að tala um Samherjamálið þó hann nefni það aldrei sem slíkt, heldur talar um mál úti í Namibíu. Ritstjórinn telur fráleitt að tengja það mál saman við umræðu um fiskveiðistjórnunarkerfið eða útgerðina sem á reyndar undir högg að sækja. Árvakur, útgáfufélag blaðsins, hefur verið í eigu útgerðarmanna, til skamms tíma meðal annarra Samherja sem seldi sinn hlut til Eyþórs Arnalds oddvita Sjálfstæðismanna í borginni og lánaði honum þá 325 milljónir króna til kaupanna. „Ein atvinnugrein hér á landi býr við það að vera sérstaklega skattlögð umfram nokkra aðra. Þetta er sjávarútvegurinn en sem kunnugt er leggur ríkið sérstakt »veiðigjald«, sem þykir hljóma betur en sérstakur skattur á fiskveiðar, á greinina. Sambærilegur aukaskattur er ekki lagður á aðrar greinar, hvorki þær sem nýta náttúruna með svipuðum hætti og sjávarútvegurinn né önnur fyrirtæki sem nýta sér einhvers konar aðstöðu sem mætti jafna til náttúruauðlinda.“ Ofurskattur á útgerðina Þessi sérstaða sjávarútvegsins, eða fiskveiðanna, hefur ekki orðið til þess að gætt sé hófs í þessari aukaskattlagningu, að sögn Davíðs. „Þvert á móti er þessi skattur að lögum ákveðinn 33% og hefur verið það um hríð, þrátt fyrir tal um að hann hafi verið lækkaður,“ skrifar Davíð og segir skattinn í raun enn meira íþyngjandi því að veiðigjaldið á að leggjast á nýtingu auðlindarinnar, sem sagt fiskveiðarnar, en ekki á til dæmis markaðsstarf sjávarútvegsins, sem hefur verið öflugt og skilað miklum árangri á liðnum árum. Þorsteinn Már, fráfarandi forstjóri Samherja, fundar með starfsfólki fyrirtækisins á Dalvík.visir/Tryggvi Páll Ritstjórinn vitnar í grein sem Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi skrifaði og birti í Morgunblaðinu þar sem fram kemur að miðað við áætlanir geti veiðigjaldið á næsta ári orðið 51% af hreinum hagnaði fiskveiða og ofan á það bætist svo 20% tekjuskattur, eins og á aðrar greinar. Óábyrgt athæfi lýðskrumarans „Þrátt fyrir þennan ofurskatt reyna lýðskrumarar nú eina ferðina enn að ráðast gegn þessari undirstöðuatvinnugrein þjóðarinnar og nota til þess ömurlegt mál í fjarlægu landi. Ætlunin virðist vera að hækka skatta á greinina og helst að bylta fiskveiðistjórnarkerfinu, kerfi sem hefur tryggt stöðugleika og uppbyggingu í sjávarútvegi, kerfi sem hefur tryggt að útvegurinn hér á landi hefur getað staðið undir ofursköttum á sama tíma og keppinautarnir erlendis búa við ríkisstyrki.“ Davíð segir mikilvægt að botn fáist í þetta mál sem upp kom í Namibíu en það þurfi að gerast í réttarkerfinu en ekki með aftökum án dóms og laga. Og hann varar við lýðskrumurunum: „Ekki er síður mikilvægt að lýðskrumarar gæti sín áður en þeir hafa valdið þjóðinni mun meira tjóni með óábyrgu framferði sínu en þetta tiltekna mál gat nokkru sinni gert án þeirra atbeina.“ Fjölmiðlar Samherjaskjölin Sjávarútvegur Mest lesið „Í mínum huga alveg útilokað“ Innlent „Ef þessi maður kemst út úr fangelsi mun hann drepa barnið mitt“ Innlent Jarðgöng undir Miklubraut fýsilegri kostur Innlent Stærðarinnar skilti sem ekkert má sýna Innlent Trump eykur forskotið og Biden ekki á förum Erlent „Ef þið haldið mér áfram í fangelsi þá verður vandamál“ Innlent Segja Ásgeir Helga hafa verið 20 mínútur í stæðinu Innlent Óhjákvæmilegt fyrir stjórnvöld að grípa inn í Innlent Sveitastrákur mætir með byssuna sína á Ólympíuleikana Innlent Þrír af hverjum fjórum sitja eftir með sárt ennið Innlent Fleiri fréttir „Í mínum huga alveg útilokað“ Sveitastrákur mætir með byssuna sína á Ólympíuleikana Stærðarinnar skilti sem ekkert má sýna Jarðgöng undir Miklubraut fýsilegri kostur Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Sjá meira
Davíð Oddsson ritstjóri Morgunblaðsins er harðorður í leiðara dagsins og beinir spjótum sínum að þeim sem hann kallar lýðskrumara; pólitíkusar sem vilja gera sér mat úr því sem kalla má „óskemmtilegt mál sem réttilega hefur fengið mjög á almenning hér þó að það hafi vakið mun minni athygli erlendis en sumir vilja vera láta“. Davíð er hér að tala um Samherjamálið þó hann nefni það aldrei sem slíkt, heldur talar um mál úti í Namibíu. Ritstjórinn telur fráleitt að tengja það mál saman við umræðu um fiskveiðistjórnunarkerfið eða útgerðina sem á reyndar undir högg að sækja. Árvakur, útgáfufélag blaðsins, hefur verið í eigu útgerðarmanna, til skamms tíma meðal annarra Samherja sem seldi sinn hlut til Eyþórs Arnalds oddvita Sjálfstæðismanna í borginni og lánaði honum þá 325 milljónir króna til kaupanna. „Ein atvinnugrein hér á landi býr við það að vera sérstaklega skattlögð umfram nokkra aðra. Þetta er sjávarútvegurinn en sem kunnugt er leggur ríkið sérstakt »veiðigjald«, sem þykir hljóma betur en sérstakur skattur á fiskveiðar, á greinina. Sambærilegur aukaskattur er ekki lagður á aðrar greinar, hvorki þær sem nýta náttúruna með svipuðum hætti og sjávarútvegurinn né önnur fyrirtæki sem nýta sér einhvers konar aðstöðu sem mætti jafna til náttúruauðlinda.“ Ofurskattur á útgerðina Þessi sérstaða sjávarútvegsins, eða fiskveiðanna, hefur ekki orðið til þess að gætt sé hófs í þessari aukaskattlagningu, að sögn Davíðs. „Þvert á móti er þessi skattur að lögum ákveðinn 33% og hefur verið það um hríð, þrátt fyrir tal um að hann hafi verið lækkaður,“ skrifar Davíð og segir skattinn í raun enn meira íþyngjandi því að veiðigjaldið á að leggjast á nýtingu auðlindarinnar, sem sagt fiskveiðarnar, en ekki á til dæmis markaðsstarf sjávarútvegsins, sem hefur verið öflugt og skilað miklum árangri á liðnum árum. Þorsteinn Már, fráfarandi forstjóri Samherja, fundar með starfsfólki fyrirtækisins á Dalvík.visir/Tryggvi Páll Ritstjórinn vitnar í grein sem Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi skrifaði og birti í Morgunblaðinu þar sem fram kemur að miðað við áætlanir geti veiðigjaldið á næsta ári orðið 51% af hreinum hagnaði fiskveiða og ofan á það bætist svo 20% tekjuskattur, eins og á aðrar greinar. Óábyrgt athæfi lýðskrumarans „Þrátt fyrir þennan ofurskatt reyna lýðskrumarar nú eina ferðina enn að ráðast gegn þessari undirstöðuatvinnugrein þjóðarinnar og nota til þess ömurlegt mál í fjarlægu landi. Ætlunin virðist vera að hækka skatta á greinina og helst að bylta fiskveiðistjórnarkerfinu, kerfi sem hefur tryggt stöðugleika og uppbyggingu í sjávarútvegi, kerfi sem hefur tryggt að útvegurinn hér á landi hefur getað staðið undir ofursköttum á sama tíma og keppinautarnir erlendis búa við ríkisstyrki.“ Davíð segir mikilvægt að botn fáist í þetta mál sem upp kom í Namibíu en það þurfi að gerast í réttarkerfinu en ekki með aftökum án dóms og laga. Og hann varar við lýðskrumurunum: „Ekki er síður mikilvægt að lýðskrumarar gæti sín áður en þeir hafa valdið þjóðinni mun meira tjóni með óábyrgu framferði sínu en þetta tiltekna mál gat nokkru sinni gert án þeirra atbeina.“
Fjölmiðlar Samherjaskjölin Sjávarútvegur Mest lesið „Í mínum huga alveg útilokað“ Innlent „Ef þessi maður kemst út úr fangelsi mun hann drepa barnið mitt“ Innlent Jarðgöng undir Miklubraut fýsilegri kostur Innlent Stærðarinnar skilti sem ekkert má sýna Innlent Trump eykur forskotið og Biden ekki á förum Erlent „Ef þið haldið mér áfram í fangelsi þá verður vandamál“ Innlent Segja Ásgeir Helga hafa verið 20 mínútur í stæðinu Innlent Óhjákvæmilegt fyrir stjórnvöld að grípa inn í Innlent Sveitastrákur mætir með byssuna sína á Ólympíuleikana Innlent Þrír af hverjum fjórum sitja eftir með sárt ennið Innlent Fleiri fréttir „Í mínum huga alveg útilokað“ Sveitastrákur mætir með byssuna sína á Ólympíuleikana Stærðarinnar skilti sem ekkert má sýna Jarðgöng undir Miklubraut fýsilegri kostur Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Sjá meira