Fyrirsæta sakar Bandaríkjaforseta um kynferðisárás Kjartan Kjartansson skrifar 17. september 2020 11:22 Trump á opna bandaríska tennismótinu fyrr á 10. áratugnum með þáverandi eiginkonu sinni Ivönu Trump. Atvikið sem Dorris lýsir átti sér stað á sama móti árið 1997 en þá var Trump giftur Mörlu Maples. Vísir/Getty Fyrrverandi fyrirsæta sakar Donald Trump Bandaríkjaforseta um að hafa ráðist á hana kynferðislega á opna bandaríska tennismótinu fyrir tæpum aldarfjórðungi. Konan lýsir því að árásin hafi valdið henni ógleði og henni hafi fundist á sér brotið. Í viðtali við breska blaðið The Guardian heldur Amy Dorris því fram að Trump hafi ráðist á sig fyrir utan snyrtingu í einkastúku á mótinu í New York 5. september árið 1997. Hún var þá 24 ára gömul. Trump hafi rekið tunguna ofan í kokið á henni, þuklað á henni allri og haldið henni fastri. „Hann tróð bara tungunni ofan í kok á mér og ég reyndi að ýta honum af mér. Það var þá sem hann hélt fastar, hendur hans voru afar fálmandi og alls staðar yfir þjóhnappa mína, brjóstin, bakið, allt,“ segir Dorris við blaðið. Lögmaður Trump hafnar ásökunum Dorris með öllu. Forsetinn var 51 árs gamall þegar árásin á að hafa átt sér stað og giftur Mörlu Maples, annarri eiginkonu sinni. Dorris, sem nú er 48 ára gömul og búsett á Flórída, lét The Guardian í té miða sinn á tennismótið og sex myndir af henni með fasteignafrömuðinum í New York. Móðir hennar og vinur í New York staðfesta að hún hafi sagt þeim frá meintri árásinni rétt eftir að hún á að hafa átt sér stað. Fleiri vinir Dorris og sálfræðingur staðfesta að hún hafi sagt þeim frá uppákomunni í gegnum árin. Fjöldi kvenna steig fram fyrir forsetakosningarnar í Bandaríkjunum árið 2016 og sakaði Trump um að hafa beitt sig kynferðislegu ofbeldi eða áreitni en hann vísaði þeim ásökunum öllum á bug. Dorris segist hafa íhugað að greina frá árásinni þá en ákvað að gera það ekki, meðal annars vegna þess að hún óttaðist afleiðingarnar fyrir fjölskyldu sína. Sat fyrir henni fyrir utan snyrtinguna Árásin sem Dorris lýsir á að hafa átt sér stað þegar hann fór með Jason Binn, þáverandi kærasta sínum, til New York þar sem þau vörðu nokkrum dögum í félagsskap Trump í september árið 1997. Binn, stofnandi nokkurra tísku og lífsstílsstímarita, var vinur Trump. Dorris segir að Trump hafi þegar reynt að gera hosur sínar grænar við hana við fyrstu kynni. „Þetta virtist dæmigert við ákveðna tegund náunga, fólk sem finnst eins og það eigi heimtingu á því sem það vill…jafnvel þó að ég hafi verið þarna með kærastanum mínum,“ segir hún. Saman fóru þau Trump, Dorris og Binn ásamt fleiri vinum Trump á opna tennismótið í Queens-hverfinu þar sem Trump var með einkastúku. Þegar Dorris kom út af snyrtingu sem var rétt handan vil skilrúm segir hún að Trump hafi beðið eftir sér. Eftir stutt orðaskipti segir hún að Trump hafi þröngvað sér upp á hana þrátt fyrir mótbárur hennar. „Ég var eiginlega bara í áfalli. Mér fannst brotið á mér, augljóslega. Ég meðtók þetta ekki ennþá og var bara að reyna að fara til baka og tala við alla og skemmta mér vegna þess, ég veit það ekki, mér fannst þrýstingur á að vera þannig,“ segir Dorris. Hún man ekki hvort hún sagði Binn upp og ofan af því sem gerðist en hún hafi sagt honum að Trump væri á eftir henni og hann þyrfti að skerast í leikinn. Hún segist jafnframt hafa beðið Trump um að láta sig í friði. Lögmaður Trump heldur því fram að Binn hafi sagt þeim að hann muni ekkert eftir að Dorris hafi sagt honum frá atviki í líkingu við það sem Dorris lýsir eða að henni hafi liðið illa í návist hans. Lögmennirnir telja tímasetninguna tortryggilega Dagana á eftir segir Dorris að Trump hafi haldið áfram að ganga á eftir sér þrátt fyrir það sem á undan var gengið. Hún fór áfram með Binn og Trump á næsta dag mótsins og á minningarathöfn um Gianni Versace tveimur dögum síðar. Spurð að því hvers vegna hún hélt áfram að umgangast Trump og Binn dagana eftir árásina sem hún lýsir ber Dorris því við að hún hafi búið á Flórída, verið blönk og ekki átt í önnur hús að vernda í New York. Hún hafi verið þar með kærasta sínum og dagskráin hafi verið þétt. „Fólk ver fleiri árum með fólki sem hefur misnotað það, það er það sem gerist þegar þú verður fyrir áfalli, þú frýst,“ segir Dorris. Lögmenn Trump fullyrða að lýsingar Dorris standist enga skoðun. Hefði Trump ráðist á hana fyrir utan snyrtinguna hefði fjöldi fólks orðið vitni að því. Setja þeir einnig spurningamerki við að Dorris hafi haldið áfram að umgangast Trump næstu dagana á eftir. Þá benda lögmennirnir á að ásakanir Dorris komi fram innan við tveimur mánuðum fyrir forsetakosningar og halda því fram að þær gætu því átt sér pólitískar rætur. The Guardian segir að Dorris hafi fyrst sagt blaðinu frá atburðunum fyrir fimmtán mánuðum en hún hafi verið hikandi við að koma fram opinberlega. Segir Dorris að henni gremjist að Trump hafi komist upp með að beita konur kynferðislegu ofbeldi og saka þær um lygar. „Ég er þreytt á því að þegja. Þetta er svolítið hreinsandi. Ég vil bara koma þessu út og ég vil að fólk viti að þetta er maðurinn, þetta er forsetinn okkar. Þetta er það sem hann gerir og það er óásættanlegt,“ segir Dorris. Donald Trump Forsetakosningar í Bandaríkjunum 2020 Bandaríkin Tennis MeToo Tengdar fréttir Dómsmálaráðuneyti vill taka við vörn Trump gegn meiðyrðakæru Bandaríska dómsmálaráðuneytið tók það óvenjulega skref að taka við málsvörn Donalds Trump forseta í meiðyrðamáli konu gegn honum sem sakar hann um að hafa nauðgað sér á 10. áratugnum. 9. september 2020 14:25 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Á 110 á gangstétt og ók á lögreglubifhjól Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira
Fyrrverandi fyrirsæta sakar Donald Trump Bandaríkjaforseta um að hafa ráðist á hana kynferðislega á opna bandaríska tennismótinu fyrir tæpum aldarfjórðungi. Konan lýsir því að árásin hafi valdið henni ógleði og henni hafi fundist á sér brotið. Í viðtali við breska blaðið The Guardian heldur Amy Dorris því fram að Trump hafi ráðist á sig fyrir utan snyrtingu í einkastúku á mótinu í New York 5. september árið 1997. Hún var þá 24 ára gömul. Trump hafi rekið tunguna ofan í kokið á henni, þuklað á henni allri og haldið henni fastri. „Hann tróð bara tungunni ofan í kok á mér og ég reyndi að ýta honum af mér. Það var þá sem hann hélt fastar, hendur hans voru afar fálmandi og alls staðar yfir þjóhnappa mína, brjóstin, bakið, allt,“ segir Dorris við blaðið. Lögmaður Trump hafnar ásökunum Dorris með öllu. Forsetinn var 51 árs gamall þegar árásin á að hafa átt sér stað og giftur Mörlu Maples, annarri eiginkonu sinni. Dorris, sem nú er 48 ára gömul og búsett á Flórída, lét The Guardian í té miða sinn á tennismótið og sex myndir af henni með fasteignafrömuðinum í New York. Móðir hennar og vinur í New York staðfesta að hún hafi sagt þeim frá meintri árásinni rétt eftir að hún á að hafa átt sér stað. Fleiri vinir Dorris og sálfræðingur staðfesta að hún hafi sagt þeim frá uppákomunni í gegnum árin. Fjöldi kvenna steig fram fyrir forsetakosningarnar í Bandaríkjunum árið 2016 og sakaði Trump um að hafa beitt sig kynferðislegu ofbeldi eða áreitni en hann vísaði þeim ásökunum öllum á bug. Dorris segist hafa íhugað að greina frá árásinni þá en ákvað að gera það ekki, meðal annars vegna þess að hún óttaðist afleiðingarnar fyrir fjölskyldu sína. Sat fyrir henni fyrir utan snyrtinguna Árásin sem Dorris lýsir á að hafa átt sér stað þegar hann fór með Jason Binn, þáverandi kærasta sínum, til New York þar sem þau vörðu nokkrum dögum í félagsskap Trump í september árið 1997. Binn, stofnandi nokkurra tísku og lífsstílsstímarita, var vinur Trump. Dorris segir að Trump hafi þegar reynt að gera hosur sínar grænar við hana við fyrstu kynni. „Þetta virtist dæmigert við ákveðna tegund náunga, fólk sem finnst eins og það eigi heimtingu á því sem það vill…jafnvel þó að ég hafi verið þarna með kærastanum mínum,“ segir hún. Saman fóru þau Trump, Dorris og Binn ásamt fleiri vinum Trump á opna tennismótið í Queens-hverfinu þar sem Trump var með einkastúku. Þegar Dorris kom út af snyrtingu sem var rétt handan vil skilrúm segir hún að Trump hafi beðið eftir sér. Eftir stutt orðaskipti segir hún að Trump hafi þröngvað sér upp á hana þrátt fyrir mótbárur hennar. „Ég var eiginlega bara í áfalli. Mér fannst brotið á mér, augljóslega. Ég meðtók þetta ekki ennþá og var bara að reyna að fara til baka og tala við alla og skemmta mér vegna þess, ég veit það ekki, mér fannst þrýstingur á að vera þannig,“ segir Dorris. Hún man ekki hvort hún sagði Binn upp og ofan af því sem gerðist en hún hafi sagt honum að Trump væri á eftir henni og hann þyrfti að skerast í leikinn. Hún segist jafnframt hafa beðið Trump um að láta sig í friði. Lögmaður Trump heldur því fram að Binn hafi sagt þeim að hann muni ekkert eftir að Dorris hafi sagt honum frá atviki í líkingu við það sem Dorris lýsir eða að henni hafi liðið illa í návist hans. Lögmennirnir telja tímasetninguna tortryggilega Dagana á eftir segir Dorris að Trump hafi haldið áfram að ganga á eftir sér þrátt fyrir það sem á undan var gengið. Hún fór áfram með Binn og Trump á næsta dag mótsins og á minningarathöfn um Gianni Versace tveimur dögum síðar. Spurð að því hvers vegna hún hélt áfram að umgangast Trump og Binn dagana eftir árásina sem hún lýsir ber Dorris því við að hún hafi búið á Flórída, verið blönk og ekki átt í önnur hús að vernda í New York. Hún hafi verið þar með kærasta sínum og dagskráin hafi verið þétt. „Fólk ver fleiri árum með fólki sem hefur misnotað það, það er það sem gerist þegar þú verður fyrir áfalli, þú frýst,“ segir Dorris. Lögmenn Trump fullyrða að lýsingar Dorris standist enga skoðun. Hefði Trump ráðist á hana fyrir utan snyrtinguna hefði fjöldi fólks orðið vitni að því. Setja þeir einnig spurningamerki við að Dorris hafi haldið áfram að umgangast Trump næstu dagana á eftir. Þá benda lögmennirnir á að ásakanir Dorris komi fram innan við tveimur mánuðum fyrir forsetakosningar og halda því fram að þær gætu því átt sér pólitískar rætur. The Guardian segir að Dorris hafi fyrst sagt blaðinu frá atburðunum fyrir fimmtán mánuðum en hún hafi verið hikandi við að koma fram opinberlega. Segir Dorris að henni gremjist að Trump hafi komist upp með að beita konur kynferðislegu ofbeldi og saka þær um lygar. „Ég er þreytt á því að þegja. Þetta er svolítið hreinsandi. Ég vil bara koma þessu út og ég vil að fólk viti að þetta er maðurinn, þetta er forsetinn okkar. Þetta er það sem hann gerir og það er óásættanlegt,“ segir Dorris.
Donald Trump Forsetakosningar í Bandaríkjunum 2020 Bandaríkin Tennis MeToo Tengdar fréttir Dómsmálaráðuneyti vill taka við vörn Trump gegn meiðyrðakæru Bandaríska dómsmálaráðuneytið tók það óvenjulega skref að taka við málsvörn Donalds Trump forseta í meiðyrðamáli konu gegn honum sem sakar hann um að hafa nauðgað sér á 10. áratugnum. 9. september 2020 14:25 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Á 110 á gangstétt og ók á lögreglubifhjól Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira
Dómsmálaráðuneyti vill taka við vörn Trump gegn meiðyrðakæru Bandaríska dómsmálaráðuneytið tók það óvenjulega skref að taka við málsvörn Donalds Trump forseta í meiðyrðamáli konu gegn honum sem sakar hann um að hafa nauðgað sér á 10. áratugnum. 9. september 2020 14:25