Lars: Ísland er eitt skipulagðasta landslið heims Tómas Þór Þórðarson skrifar 12. febrúar 2015 13:00 Knattspyrnumenn hafa boltann að meðaltali í tæpa mínútu í hverjum leik og því snýst nær allur leikurinn um að hlaupa úr sér lungun. Lars Lagerbäck, annar landsliðsþjálfara karla í fótbolta, ræddi þetta í fyrirlestri sínum á opnum fundi Félags Atvinnumrekanda í gær þar sem hann talaði um leiðtogahlutverkið. Hann sagði fundargestum frá líklega bestu 90 sekúndum liðsins undir hans stjórn. Það var þegar liðið hélt boltanum í hálfa aðra mínútu gegn Noregi og skoraði svo mark sem tryggði liðinu í umspil um sæti á HM 2014. Það myndbrot fá strákarnir að sjá reglulega.Sjá einnig:Lars: Zlatan þurfti að taka ábyrgð á gjörðum sínum og því rak ég hann heim „Þeir spiluðu 90 sekúndur af fótbolta sem sést sjaldan. Vitið þið hversu margar sekúndur menn hafa boltann í heildina í fótboltaleik? Í dag í alþjóðlegum fótbolta eru þetta milli 30-45 sekúndur. 89 mínútur í fótboltaleik snúast því um að hlaupa. Þetta vilja leikmennirnir ekki heyra því þeir vilja auðvitað hafa boltann,“ sagði Lars sem leggur mikið upp úr því að leikmenn sínir hlaupi stanslaust allan leikinn. „En svona er fótboltinn og því verða menn að hafa vilja til að hlaupa. Þetta eru staðreyndir sem menn verða að sætta sig við. Og strákarnir hafa tekið þessu og staðið sig mjög vel.“Ísland spilaði frábærlega á móti Hollandi og vann 2-0 sigur.vísir/andri marinóEndurtekningar mikilvægar Svíinn talaði einnig um hversu mikilvægar endurtekningar eru í fótbolta þannig leikmennirnir geti brugðist við því sem kemur upp og séu vanir leikkerfinu. Gott sé að þróa lið í fáum skrefum. „Stundum gleymum við að endurtaka það sem við erum góðir í. Þjálfari, sem kenndi mér á áttunda áratugnum, sagði mér að endurtaka sama hlutinn 2-3 sinnum í viku með liðið. Leikmenn koma í landsliðið frá mismunandi félagsliðum þannig við verðum að minna þá á þetta,“ sagði Lars. „Svo er líka mikilvægt að þróa liðið smám saman. Ég komst að því þegar við komum Svíþjóð á fyrsta stórmótið mitt. Við spiluðum frábærlega í undankeppninni og unnum alla leikina nema einn þar sem við gerðum jafntefli við England. Við skoruðum tíu mörk en fengum bara á okkur eitt. Því ákváðum við að eyða öllum þremur vikunum fyrir mótið að bæta sóknarleikinn.“ „Þegar við mættum á mótið náðum við einu jafntefli og töpuðum tveimur leikjum. Ég lærði af þessu að þróa lið hægt frekar en hratt. Menn eiga að vera metnaðarfullir en ekki um of,“ sagði landsliðsþjálfarinn. Þessi þrautreyndi þjálfari, sem hefur þjálfað sænska, nígeríska og íslenska landsliðið á sínum ferli, segir gríðarlega mikilvægt að finna réttu blönduna í liðið. Því séu ekkert alltaf bestu fótboltamennirnir í byrjunarliðinu. „Þetta eru mikilvægir hlutir þegar kemur að því að byggja upp lið. Það er til dæmis ekki hægt að bera saman leikmann eins og Kára Árnason og Gylfa Þór. Hæfileikar þeirra eru mismunandi. Eitt það áhugaverðasta við að vera fótboltaþjálfari er að finna rétta jafnvægið í liðinu. Maður er því ekkert með bestu leikmennina alltaf í byrjunarliðinu,“ sagði hann.Gylfi Þór Sigurðsson er ólíkur Kára Árnasyni en báðir eru mikilvægir íslenska landsliðinu.vísir/anton brinkAllt saman spurning um jafnvægi Hann veit vel af því að fólk spyr sig hvers vegna Alfreð Finnbogason, markahæsti leikmaður hollensku úrvalsdeildarinnar á síðustu leiktíð, hafi setið nær allan tímann á bekknum í fyrstu fjórum leikjum Íslands í undankeppni EM. Í hans stað spilaði Jón Daði Böðvarsson sem var nú ekki beint að kveikja í norsku úrvalsdeildinni þegar hann fékk tækifærið síðasta haust. Jón Daði kom aftur á móti gríðarlega sterkur inn í liðið og spilaði frábærlega. „Þetta er spurning um jafnvægi. Þó við reynum alltaf að hugsa um okkar styrkleika verður maður að taka mið af hverju mótherjinn er góður í. Þetta er eitt af þessu áhugaverða við fótbolta,“ sagði Lars og hrósaði íslenska liðinu í hástert. „Ísland og Svíþjóð munu aldrei eiga bestu leikmenn heims, en við ættum að einbeita okkur að því að vera bestir þar sem við getum skarað fram úr. Ég myndi segja að Ísland er eitt best skipulagða landslið í dag. Allir leikmennirnir vita hvað þeir eiga að gera og þeir hafa staðið sig frábærlega og taka ábyrgð. Þetta er bara eitthvað í íslenska umhverfinu; þið takið ábyrgð á eigin gjörðum,“ sagði Lars Lagerbäck. Fyrirlestur Lars Lagerbäcks má sjá í spilaranum hér að ofan. Ef hann byrjar ekki á réttum stað má spóla á 55:50. Hann er um 35 mínútur. Íslenski boltinn Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Samherji Stefáns Teits kærður fyrir meint bit Engin vandræði þrátt fyrir að vera manni færri nær allan leikinn Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Birkir á leið til Vals á nýjan leik Kroos ætlaði að fara til United en svo var Moyes rekinn Afleitur Evrópuárangur Ten Hags upp á síðkastið Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Stefán fær Arsenal í heimsókn Sjáðu glæsimörk táninga og Helga koma Víkingi á toppinn Hvern gæti Man City sótt í stað Rodri? Ten Hag neitaði að kenna Eriksen um jöfnunarmarkið Heimir „hæstánægður með FH-liðið“ eftir 3-0 tap „Eina sem gerir mann betri er að vinna“ Barcelona jók forskot sitt með herkjum Uppgjörið: Víkingur - FH 3-0 | Meistararnir ekki í vandræðum í Víkinni Bragðdauft á Old Trafford Liverpool kom til baka eftir að lenda undir Skytturnar skoruðu fimm „Draumur að spila fyrir uppeldisfélagið“ Sveindís Jane og Sædís Rún í riðlakeppni Meistaradeildar Evrópu Sjá meira
Knattspyrnumenn hafa boltann að meðaltali í tæpa mínútu í hverjum leik og því snýst nær allur leikurinn um að hlaupa úr sér lungun. Lars Lagerbäck, annar landsliðsþjálfara karla í fótbolta, ræddi þetta í fyrirlestri sínum á opnum fundi Félags Atvinnumrekanda í gær þar sem hann talaði um leiðtogahlutverkið. Hann sagði fundargestum frá líklega bestu 90 sekúndum liðsins undir hans stjórn. Það var þegar liðið hélt boltanum í hálfa aðra mínútu gegn Noregi og skoraði svo mark sem tryggði liðinu í umspil um sæti á HM 2014. Það myndbrot fá strákarnir að sjá reglulega.Sjá einnig:Lars: Zlatan þurfti að taka ábyrgð á gjörðum sínum og því rak ég hann heim „Þeir spiluðu 90 sekúndur af fótbolta sem sést sjaldan. Vitið þið hversu margar sekúndur menn hafa boltann í heildina í fótboltaleik? Í dag í alþjóðlegum fótbolta eru þetta milli 30-45 sekúndur. 89 mínútur í fótboltaleik snúast því um að hlaupa. Þetta vilja leikmennirnir ekki heyra því þeir vilja auðvitað hafa boltann,“ sagði Lars sem leggur mikið upp úr því að leikmenn sínir hlaupi stanslaust allan leikinn. „En svona er fótboltinn og því verða menn að hafa vilja til að hlaupa. Þetta eru staðreyndir sem menn verða að sætta sig við. Og strákarnir hafa tekið þessu og staðið sig mjög vel.“Ísland spilaði frábærlega á móti Hollandi og vann 2-0 sigur.vísir/andri marinóEndurtekningar mikilvægar Svíinn talaði einnig um hversu mikilvægar endurtekningar eru í fótbolta þannig leikmennirnir geti brugðist við því sem kemur upp og séu vanir leikkerfinu. Gott sé að þróa lið í fáum skrefum. „Stundum gleymum við að endurtaka það sem við erum góðir í. Þjálfari, sem kenndi mér á áttunda áratugnum, sagði mér að endurtaka sama hlutinn 2-3 sinnum í viku með liðið. Leikmenn koma í landsliðið frá mismunandi félagsliðum þannig við verðum að minna þá á þetta,“ sagði Lars. „Svo er líka mikilvægt að þróa liðið smám saman. Ég komst að því þegar við komum Svíþjóð á fyrsta stórmótið mitt. Við spiluðum frábærlega í undankeppninni og unnum alla leikina nema einn þar sem við gerðum jafntefli við England. Við skoruðum tíu mörk en fengum bara á okkur eitt. Því ákváðum við að eyða öllum þremur vikunum fyrir mótið að bæta sóknarleikinn.“ „Þegar við mættum á mótið náðum við einu jafntefli og töpuðum tveimur leikjum. Ég lærði af þessu að þróa lið hægt frekar en hratt. Menn eiga að vera metnaðarfullir en ekki um of,“ sagði landsliðsþjálfarinn. Þessi þrautreyndi þjálfari, sem hefur þjálfað sænska, nígeríska og íslenska landsliðið á sínum ferli, segir gríðarlega mikilvægt að finna réttu blönduna í liðið. Því séu ekkert alltaf bestu fótboltamennirnir í byrjunarliðinu. „Þetta eru mikilvægir hlutir þegar kemur að því að byggja upp lið. Það er til dæmis ekki hægt að bera saman leikmann eins og Kára Árnason og Gylfa Þór. Hæfileikar þeirra eru mismunandi. Eitt það áhugaverðasta við að vera fótboltaþjálfari er að finna rétta jafnvægið í liðinu. Maður er því ekkert með bestu leikmennina alltaf í byrjunarliðinu,“ sagði hann.Gylfi Þór Sigurðsson er ólíkur Kára Árnasyni en báðir eru mikilvægir íslenska landsliðinu.vísir/anton brinkAllt saman spurning um jafnvægi Hann veit vel af því að fólk spyr sig hvers vegna Alfreð Finnbogason, markahæsti leikmaður hollensku úrvalsdeildarinnar á síðustu leiktíð, hafi setið nær allan tímann á bekknum í fyrstu fjórum leikjum Íslands í undankeppni EM. Í hans stað spilaði Jón Daði Böðvarsson sem var nú ekki beint að kveikja í norsku úrvalsdeildinni þegar hann fékk tækifærið síðasta haust. Jón Daði kom aftur á móti gríðarlega sterkur inn í liðið og spilaði frábærlega. „Þetta er spurning um jafnvægi. Þó við reynum alltaf að hugsa um okkar styrkleika verður maður að taka mið af hverju mótherjinn er góður í. Þetta er eitt af þessu áhugaverða við fótbolta,“ sagði Lars og hrósaði íslenska liðinu í hástert. „Ísland og Svíþjóð munu aldrei eiga bestu leikmenn heims, en við ættum að einbeita okkur að því að vera bestir þar sem við getum skarað fram úr. Ég myndi segja að Ísland er eitt best skipulagða landslið í dag. Allir leikmennirnir vita hvað þeir eiga að gera og þeir hafa staðið sig frábærlega og taka ábyrgð. Þetta er bara eitthvað í íslenska umhverfinu; þið takið ábyrgð á eigin gjörðum,“ sagði Lars Lagerbäck. Fyrirlestur Lars Lagerbäcks má sjá í spilaranum hér að ofan. Ef hann byrjar ekki á réttum stað má spóla á 55:50. Hann er um 35 mínútur.
Íslenski boltinn Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Samherji Stefáns Teits kærður fyrir meint bit Engin vandræði þrátt fyrir að vera manni færri nær allan leikinn Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Birkir á leið til Vals á nýjan leik Kroos ætlaði að fara til United en svo var Moyes rekinn Afleitur Evrópuárangur Ten Hags upp á síðkastið Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Stefán fær Arsenal í heimsókn Sjáðu glæsimörk táninga og Helga koma Víkingi á toppinn Hvern gæti Man City sótt í stað Rodri? Ten Hag neitaði að kenna Eriksen um jöfnunarmarkið Heimir „hæstánægður með FH-liðið“ eftir 3-0 tap „Eina sem gerir mann betri er að vinna“ Barcelona jók forskot sitt með herkjum Uppgjörið: Víkingur - FH 3-0 | Meistararnir ekki í vandræðum í Víkinni Bragðdauft á Old Trafford Liverpool kom til baka eftir að lenda undir Skytturnar skoruðu fimm „Draumur að spila fyrir uppeldisfélagið“ Sveindís Jane og Sædís Rún í riðlakeppni Meistaradeildar Evrópu Sjá meira