Jón Gnarr opnar Jólabæinn í dag

Jón Gnarr borgarstjóri mun opna Jólabæinn á Hljómalindarreit með sérstakri athöfn klukkan þrjú í dag.

Honum til halds og traust verður Fóstbróðir hans Sigurjón Kjartansson auk Fótbræðranna í Karlakórnum Fóstbræðrum. Jafnframt munu nokkrir landsþekktir skemmtikraftar koma fram í gervum hálftrölla og jólafólks.

Boðið verður upp á heitt súkkulaði við opnunina að því er fram kemur í tilkynningu.

„Jólabærinn mun skarta frábærum verslunum og sölubásum til jóla auk þess sem samfelld viðburðadagskrá verður þar og víðar í miðborginni á næstunni, en Reykjavík var um sl. helgi útnefnd eftirsóknarverðasta jólaborg heims!" segir ennfremur.