KA sleit samstarfinu við Þór: Þetta var ekki létt ákvörðun Eiríkur Stefán Ásgeirsson skrifar 18. janúar 2017 11:01 Þór/KA varð Íslandsmeistari árið 2012. Mynd/Auðunn KA og Þór munu ekki tefla fram sameiginlegum liðum í knattspyrnu og handbolta eftir núverandi keppnistímabil. Óvissa er um stöðu Þórs/KA í Pepsi-deild kvenna í sumar. Í gærkvöldi birtist tilkynning þess efnis á heimasíðu KA að aðalstjórn félagsins hafi ákveðið að „endurnýja ekki samninga milli KA og Þórs um sameiginlega meistaraflokka kvenna í handknattleik og knattspyrnu“. Samstarfið hefur verið í gildi síðan 2001 en í tilkynningunni kemur fram að aðalstjórn KA styðji óbreytt fyrirkomulag um að knattspyrnulið Þórs/KA spili í Pepsi-deild kvenna næsta sumar. Það hefur þó engin ákvörðun verið tekin um framhaldið en rekstur knattspyrnuliðs Þórs/KA er í höndum Þórs. KA/Þór mun klára núverandi tímabil í Olísdeild kvenna en frá og með næsta keppnistímabili mun KA tefla fram handboltaliði undir eigin merkjum.Sýður stundum upp úr „Þetta hefur legið í loftinu í þó nokkuð langan tíma. Það hafa til að mynda komið fram óskir af hálfu iðkenda og foreldra að KA verði með sitt eigið kvennalið í knattspyrnu,“ sagði Eiríkur S. Jóhannsson, formaður knattspyrnudeildar KA, í samtali við Vísi í dag. Hann segir að það hafi orðið mikil fjölgun á iðkendafjölda í yngri flokkum og að ákvörðunin sé til hagsbóta fyrir KA til framtíðar. Eiríkur segir þó einnig að sambandið og samstarfið á milli félaganna hafi verið „frekar erfitt“. „Umræðan getur verið hatrömm og það sýður stundum upp úr,“ segir Eiríkur en vill ekki fara nánar út í þá sálma. „Fylgstu bara með umræðum á samfélagsmiðlum. Ég ætla ekki að segja meira um það. Þetta er bara heitt mál og það er keppnisskap í öllum. Menn segja margt.“Óvíst er hvort að Þór/KA spili í Pepsi-deild kvenna í sumar.Vísir/AntonEkkert samstarf Árni Óðinsson, formaður Þórs, sagði í samtali við mbl.is í gærkvöldi að ákvörðun KA hafi komið á óvart. Að þetta hafi komið „bara eins og sleggja“. Hann vill ekki segja hvort að það sé vilji Þórs að tefla fram sameiginlegu liði Þórs/KA í Pepsi-deild kvenna, eins og KA er reiðubúið að styðja í sumar. „Það er spurning hvort það sé okkar vilji. Það hefur verið talað um þetta sem dæmi um frábært samstarf. Samstarfið hefur hins vegar ekki verið neitt, heldur hljómar samningurinn upp á að Þór reki kvennaknattspyrnuna á Akureyri undir heiti Þórs/KA. Það hefur aldrei komið króna frá KA, enda við aldrei ætlast til þess,“ sagði Árni við mbl.is.Leggja fram fjáraflanir Eiríkur segir að það sé ekki rétt - að KA hafi ekkert lagt fram í samstarfið. „Við höfum haft fjáraflanir sem við höfum boðið fram í samstarfinu. Við bjóðum þeim upp á að styðja samstarfið með þeim hætti áfram í sumar og svo verði skiptingin framkvæmd í haust,“ sagði Eiríkur. Þær fjáraflanir sem hann nefnir eru í tengslum við rekstur sjoppa á heimaleikjum KA og í tengslum við rekstur á N1-mótinu sem fer fram hvert sumar á Akureyri.Ekki komið illa fram við leikmennEiríkur ítrekar að samstarfinu hafi verið sagt upp í september síðastliðinn og að nú sé komið að því að taka ákvörðun um framhaldið. „Það er bara komið að því að tilkynna inn lið til keppni. Það eru síðustu forvöð til þess.“ Hann segir enn fremur að Hrefna Torfadóttir, formaður KA, hafi tilkynnt Árna um ákvörðun stjórnarinnar í símtali áður en tilkynningin var birt á heimasíðu félagsins. „Fyrir suma kom þetta á óvart, aðra ekki,“ segir Eiríkur en telur hann að það sé verið að koma illa fram við leikmenn sem hafi fyrst frétt þetta á fréttamiðlum í gærkvöldi? „Nei, það tel ég ekki. En ég ítreka að þetta var ekki létt ákvörðun.“Afrekin segja ekki alltAfar líklegt er að hvorki Þór né KA myndu ná að tefla fram jafn sterkum liðum nú og sameinuð lið félaganna, hvort sem er í handbolta eða fótbolta. „Til skammst tíma getur verið að það verði þannig. En KA er orðið það stórt félag að við teljum að við getum sinnt þessu mjög vel,“ segir Eiríkur. „Ég geri mér grein fyrir því að árangur sameinaðs liðs hefur verið mjög góður. En það segir ekki alla söguna.“ „Í sumum tilvikum erum við með afreksfólk sem vill ná sem allra lengt. En við erum líka með aðra iðkendur sem hafa gaman að því að stunda sína íþrótt.“ „Það er til dæmis mikið brottfall hjá stúlkum sem ganga upp úr þriðja flokki upp í annan [sem keppir undir merkjum Þórs/KA] og það er meðal annars rakið til þess að það er erfitt að fara á milli. Við erum líka að sinna þeim hópi með því að taka þessa ákvörðun.“ Andinn gæti verið betri Eiríkur segir að það sé algengt að íþróttafélög taki ákvarðanir sem þessar - að starfa saman og slíta svo samstarfinu. Hann vísaði til ÍBA sem tefldi fram sameiginlegum liðum á Akureyri á árum áður sem og samstarfs Gróttu og KR í handboltanum á sínum tíma. „Stundum vinna íþróttafélög saman, og stundum ekki,“ sagði hann. En telur hann að það hafi súrnað í samstarfi liðanna að undanförnu, sem hafi gert það að verkum að þessi ákvörðun var tekin af hálfu KA? „Ég tel allavega að samstarfið og andinn á milli félaganna gæti verið betri.“ Íslenski boltinn Íslenski handboltinn Pepsi Max-deild kvenna Mest lesið Þessi ömurlega sápuópera haldi áfram þar til Ronaldo segi stopp Fótbolti „Vonbrigði“ að aðeins fari fimm frá Íslandi á Ólympíuleikana Sport Man. Utd bannað að kaupa varnarmann en leyft að spila Enski boltinn Fyrst kvenna og vill rjúfa múr í París: „Segja öll að þetta sé allt annað fyrirbæri“ Sport Hetja Spánar hermdi eftir pabba á sama stað Fótbolti Kanada óvænt í undanúrslitin Fótbolti Frakkar sluppu inn í undanúrslit Fótbolti Shaw gæti mætt Sviss en Trippier frábær í að tala Fótbolti Óskar Hrafn ráðinn yfirmaður knattspyrnumála hjá KR Fótbolti Dagskráin í dag: Barist í Bestu deildunum og í tímatöku á Silverstone Sport Fleiri fréttir Besta upphitunin: Þetta var sjokk en þéttir hópinn Frederik fer frá Val og Ögmundur gengur til liðs við félagið Sigdís Eva kveður uppeldisfélagið og fer til Svíþjóðar Finnst það gleymast að dómarar eigi að vernda leikmenn ÍTF í herferð gegn tölfræðiþjófum: „Þetta er langstærsti samstarfssamningur íslenskra félaga í heild sinni“ ÍR og Grindavík sendu skýr skilaboð Dýrmætur sigur Þórs en toppliðið skoraði ekki Liðsfélagar Helga skjóta hann í hausinn: „Ég þarf að ræða við þá eða drulla mér í burtu bara“ „Eru örugglega að leita sér að einhverju fersku“ Sjáðu sextán ára stelpu koma meisturunum til bjargar Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný „Þurfum bara að dekka í svona leikatriðum“ Uppgjörið: Valur - Þróttur 1-0 | Dramatískur sigur Íslandsmeistaranna Uppgjörið: Þór/KA - FH 0-1 | Ída Marín tryggði sigur gestanna Víkingar geta náð því sem enginn hefur gert í sextíu ár Sjáðu markið sem skilaði Stjörnunni fyrsta sigrinum í fimm leikjum „Bæði lið gátu klárlega stolið þessu í dag“ Uppgjör og viðtöl: Fylkir-Víkingur R. 0-0 | Ekkert mark í baráttuleik Hallgrímur: Við hefðum getað skorað sjö mörk Uppgjör og viðtöl: KA - Valur 3-2 | KA sló út Val og komst í bikarúrslitin annað árið í röð Uppgjör og viðtöl: Tindastóll - Breiðablik 0-1 | Andrea Rut hetja Blika á Króknum Uppgjör: Stjarnan-Keflavík 1-0 | Sigur í fyrsta leik nýja þjálfarans „Við Olla erum enn vinkonur, er það ekki?“ Telma ekki efst þrátt fyrir að fá varla á sig mark „Takk fyrir að berjast alltaf fyrir okkur stelpunum“ Fagnaði markinu með því að þykjast kasta vatnsbrúsa Uppgjör: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Sjá meira
KA og Þór munu ekki tefla fram sameiginlegum liðum í knattspyrnu og handbolta eftir núverandi keppnistímabil. Óvissa er um stöðu Þórs/KA í Pepsi-deild kvenna í sumar. Í gærkvöldi birtist tilkynning þess efnis á heimasíðu KA að aðalstjórn félagsins hafi ákveðið að „endurnýja ekki samninga milli KA og Þórs um sameiginlega meistaraflokka kvenna í handknattleik og knattspyrnu“. Samstarfið hefur verið í gildi síðan 2001 en í tilkynningunni kemur fram að aðalstjórn KA styðji óbreytt fyrirkomulag um að knattspyrnulið Þórs/KA spili í Pepsi-deild kvenna næsta sumar. Það hefur þó engin ákvörðun verið tekin um framhaldið en rekstur knattspyrnuliðs Þórs/KA er í höndum Þórs. KA/Þór mun klára núverandi tímabil í Olísdeild kvenna en frá og með næsta keppnistímabili mun KA tefla fram handboltaliði undir eigin merkjum.Sýður stundum upp úr „Þetta hefur legið í loftinu í þó nokkuð langan tíma. Það hafa til að mynda komið fram óskir af hálfu iðkenda og foreldra að KA verði með sitt eigið kvennalið í knattspyrnu,“ sagði Eiríkur S. Jóhannsson, formaður knattspyrnudeildar KA, í samtali við Vísi í dag. Hann segir að það hafi orðið mikil fjölgun á iðkendafjölda í yngri flokkum og að ákvörðunin sé til hagsbóta fyrir KA til framtíðar. Eiríkur segir þó einnig að sambandið og samstarfið á milli félaganna hafi verið „frekar erfitt“. „Umræðan getur verið hatrömm og það sýður stundum upp úr,“ segir Eiríkur en vill ekki fara nánar út í þá sálma. „Fylgstu bara með umræðum á samfélagsmiðlum. Ég ætla ekki að segja meira um það. Þetta er bara heitt mál og það er keppnisskap í öllum. Menn segja margt.“Óvíst er hvort að Þór/KA spili í Pepsi-deild kvenna í sumar.Vísir/AntonEkkert samstarf Árni Óðinsson, formaður Þórs, sagði í samtali við mbl.is í gærkvöldi að ákvörðun KA hafi komið á óvart. Að þetta hafi komið „bara eins og sleggja“. Hann vill ekki segja hvort að það sé vilji Þórs að tefla fram sameiginlegu liði Þórs/KA í Pepsi-deild kvenna, eins og KA er reiðubúið að styðja í sumar. „Það er spurning hvort það sé okkar vilji. Það hefur verið talað um þetta sem dæmi um frábært samstarf. Samstarfið hefur hins vegar ekki verið neitt, heldur hljómar samningurinn upp á að Þór reki kvennaknattspyrnuna á Akureyri undir heiti Þórs/KA. Það hefur aldrei komið króna frá KA, enda við aldrei ætlast til þess,“ sagði Árni við mbl.is.Leggja fram fjáraflanir Eiríkur segir að það sé ekki rétt - að KA hafi ekkert lagt fram í samstarfið. „Við höfum haft fjáraflanir sem við höfum boðið fram í samstarfinu. Við bjóðum þeim upp á að styðja samstarfið með þeim hætti áfram í sumar og svo verði skiptingin framkvæmd í haust,“ sagði Eiríkur. Þær fjáraflanir sem hann nefnir eru í tengslum við rekstur sjoppa á heimaleikjum KA og í tengslum við rekstur á N1-mótinu sem fer fram hvert sumar á Akureyri.Ekki komið illa fram við leikmennEiríkur ítrekar að samstarfinu hafi verið sagt upp í september síðastliðinn og að nú sé komið að því að taka ákvörðun um framhaldið. „Það er bara komið að því að tilkynna inn lið til keppni. Það eru síðustu forvöð til þess.“ Hann segir enn fremur að Hrefna Torfadóttir, formaður KA, hafi tilkynnt Árna um ákvörðun stjórnarinnar í símtali áður en tilkynningin var birt á heimasíðu félagsins. „Fyrir suma kom þetta á óvart, aðra ekki,“ segir Eiríkur en telur hann að það sé verið að koma illa fram við leikmenn sem hafi fyrst frétt þetta á fréttamiðlum í gærkvöldi? „Nei, það tel ég ekki. En ég ítreka að þetta var ekki létt ákvörðun.“Afrekin segja ekki alltAfar líklegt er að hvorki Þór né KA myndu ná að tefla fram jafn sterkum liðum nú og sameinuð lið félaganna, hvort sem er í handbolta eða fótbolta. „Til skammst tíma getur verið að það verði þannig. En KA er orðið það stórt félag að við teljum að við getum sinnt þessu mjög vel,“ segir Eiríkur. „Ég geri mér grein fyrir því að árangur sameinaðs liðs hefur verið mjög góður. En það segir ekki alla söguna.“ „Í sumum tilvikum erum við með afreksfólk sem vill ná sem allra lengt. En við erum líka með aðra iðkendur sem hafa gaman að því að stunda sína íþrótt.“ „Það er til dæmis mikið brottfall hjá stúlkum sem ganga upp úr þriðja flokki upp í annan [sem keppir undir merkjum Þórs/KA] og það er meðal annars rakið til þess að það er erfitt að fara á milli. Við erum líka að sinna þeim hópi með því að taka þessa ákvörðun.“ Andinn gæti verið betri Eiríkur segir að það sé algengt að íþróttafélög taki ákvarðanir sem þessar - að starfa saman og slíta svo samstarfinu. Hann vísaði til ÍBA sem tefldi fram sameiginlegum liðum á Akureyri á árum áður sem og samstarfs Gróttu og KR í handboltanum á sínum tíma. „Stundum vinna íþróttafélög saman, og stundum ekki,“ sagði hann. En telur hann að það hafi súrnað í samstarfi liðanna að undanförnu, sem hafi gert það að verkum að þessi ákvörðun var tekin af hálfu KA? „Ég tel allavega að samstarfið og andinn á milli félaganna gæti verið betri.“
Íslenski boltinn Íslenski handboltinn Pepsi Max-deild kvenna Mest lesið Þessi ömurlega sápuópera haldi áfram þar til Ronaldo segi stopp Fótbolti „Vonbrigði“ að aðeins fari fimm frá Íslandi á Ólympíuleikana Sport Man. Utd bannað að kaupa varnarmann en leyft að spila Enski boltinn Fyrst kvenna og vill rjúfa múr í París: „Segja öll að þetta sé allt annað fyrirbæri“ Sport Hetja Spánar hermdi eftir pabba á sama stað Fótbolti Kanada óvænt í undanúrslitin Fótbolti Frakkar sluppu inn í undanúrslit Fótbolti Shaw gæti mætt Sviss en Trippier frábær í að tala Fótbolti Óskar Hrafn ráðinn yfirmaður knattspyrnumála hjá KR Fótbolti Dagskráin í dag: Barist í Bestu deildunum og í tímatöku á Silverstone Sport Fleiri fréttir Besta upphitunin: Þetta var sjokk en þéttir hópinn Frederik fer frá Val og Ögmundur gengur til liðs við félagið Sigdís Eva kveður uppeldisfélagið og fer til Svíþjóðar Finnst það gleymast að dómarar eigi að vernda leikmenn ÍTF í herferð gegn tölfræðiþjófum: „Þetta er langstærsti samstarfssamningur íslenskra félaga í heild sinni“ ÍR og Grindavík sendu skýr skilaboð Dýrmætur sigur Þórs en toppliðið skoraði ekki Liðsfélagar Helga skjóta hann í hausinn: „Ég þarf að ræða við þá eða drulla mér í burtu bara“ „Eru örugglega að leita sér að einhverju fersku“ Sjáðu sextán ára stelpu koma meisturunum til bjargar Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný „Þurfum bara að dekka í svona leikatriðum“ Uppgjörið: Valur - Þróttur 1-0 | Dramatískur sigur Íslandsmeistaranna Uppgjörið: Þór/KA - FH 0-1 | Ída Marín tryggði sigur gestanna Víkingar geta náð því sem enginn hefur gert í sextíu ár Sjáðu markið sem skilaði Stjörnunni fyrsta sigrinum í fimm leikjum „Bæði lið gátu klárlega stolið þessu í dag“ Uppgjör og viðtöl: Fylkir-Víkingur R. 0-0 | Ekkert mark í baráttuleik Hallgrímur: Við hefðum getað skorað sjö mörk Uppgjör og viðtöl: KA - Valur 3-2 | KA sló út Val og komst í bikarúrslitin annað árið í röð Uppgjör og viðtöl: Tindastóll - Breiðablik 0-1 | Andrea Rut hetja Blika á Króknum Uppgjör: Stjarnan-Keflavík 1-0 | Sigur í fyrsta leik nýja þjálfarans „Við Olla erum enn vinkonur, er það ekki?“ Telma ekki efst þrátt fyrir að fá varla á sig mark „Takk fyrir að berjast alltaf fyrir okkur stelpunum“ Fagnaði markinu með því að þykjast kasta vatnsbrúsa Uppgjör: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Sjá meira
ÍTF í herferð gegn tölfræðiþjófum: „Þetta er langstærsti samstarfssamningur íslenskra félaga í heild sinni“