Í tilkynningu lögreglunnar segir að Scott sé fimmtíu og níu ára gamall, grannvaxinn og vel á sig kominn. Hann er talinn vera klæddur í þann fatnað sem má sjá á meðfylgjandi myndum. Hann er með DSLR myndavél með litríkri hálsól og klæddur í brúna gönguskó.
Umfangsmikil leit hefur staðið yfir við gosstöðvarnar síðan í gær. Síðast sást til Scott við hraunkantinn austast í Merardölum þar sem hann varð viðskila við konu sína.
Lögreglan biður alla þá sem telja sig hafa séð Scott, að skoða meðfylgjandi kort og merkja við þann stað þar sem sást til hans og senda lögreglunni á Facebook eða hafa samband við neyðarlínuna.
