Einkunnir Íslands: Táningurinn toppaði alla Íþróttadeild Vísis skrifar 8. október 2021 21:34 Birkir Már Sævarsson og Ísak Bergmann Jóhannesson vita að boltinn er að lenda í netinu en varnarmenn Armeníu horfa svekktir á. vísir/Jónína Alls geta 1.697 áhorfendur sagst hafa verið á staðnum þegar hinn 18 ára Ísak Bergmann Jóhannesson varð yngsti markaskorari landsliðsins frá upphafi. Hann stóð upp úr í einkunnagjöf Vísis en Jón Dagur Þorsteinsson átti einnig góðan leik. Ísland gerði 1-1 jafntefli við Armeníu á Laugardalsvelli í kvöld, í sjöunda leik sínum af tíu í undankeppni HM í fótbolta í Katar. Arnar Þór Viðarsson veðjaði á hinn 21 árs gamla Elías Rafn Ólafsson í stöðu markvarðar. Reyndir bakverðir voru í vörninni ásamt miðvarðaparinu sem fengið hefur að þróast saman síðan í vináttulandsleikjunum snemma í sumar. Á miðjunni voru reyndir kappar ásamt Þóri Jóhanni Helgasyni sem hélt stöðu sinni í byrjunarliði frá því gegn Þýskalandi í síðasta mánuði. Jón Dagur og Albert Guðmundsson voru á köntunum og Viðar Örn Kjartansson fremstur. Liðið breyttist hins vegar talsvert þegar á leið og tvær skiptingar voru gerðar strax í hálfleik. Svona er einkunnagjöf íslenska liðsins í kvöld: Elías Rafn Ólafsson, markvörður 6 Elías fékk að spila sinn fyrsta A-landsleik og komst mjög vel frá sínu. Hann gat lítið gert í markinu sem Armenía skoraði en þurfti annars lítið að verja. Hann greip hins fullkomlega inn í fyrirgjafir og stungusendingar þegar á þurfti að halda. Ekkert sem bendir til annars en að hann fái áfram að eflast í þessari stöðu eftir magnaðan mánuð með Midtjylland í Danmörku. Birkir Már Sævarsson hægri bakvörður 6 Bar stóra sök í marki Armeníu þar sem hann virtist sofna á verðinum og gleyma Kamo Hovhannisyan á fjærstönginni. Bætti fyrir það með því að leggja upp jöfnunarmark Íslands af mikilli yfirvegun og var annars öruggur varnarlega og alltaf tilbúinn til að taka á rás fram hægri kantinn. Hjörtur Hermannsson, miðvörður 5 Hjörtur átti ágætan leik í miðri vörninni en gerði þó örfá mistök og mætti vanda betur hvernig hann skilar boltanum frá sér. Var skipt af velli á 68. mínútu þegar Ísland reyndi að auka sóknarþungann. Brynjar Ingi Bjarnason, miðvörður 6 Nokkuð öruggur eins og hann hefur verið í þessu hlutverki þrátt fyrir ungan aldur, og greip inn í þegar á þurfti að halda. Náði aðeins að leika fyrri hálfleikinn, væntanlega vegna meiðsla. Ari Freyr Skúlason, vinstri bakvörður 5 Varðist ekki fullkomlega en merkilega seigur við að bjarga sér í flestum tilvikum. Baráttuglaður að vanda en ekki eins ógnandi fram á við eins og á árum áður. Guðlaugur Victor Pálsson, miðjumaður 5 Hafði heldur hægt um sig á miðjunni og átti sinn þátt í því að Armenía fann sér fulloft pláss á milli varnar og miðju íslenska liðsins í fyrri hálfleiknum. Klettharður í návígum og kom ágætlega út í stöðu miðvarðar þegar Ísland reyndi að auka sóknarþungann. Birkir Bjarnason, miðjumaður 5 Gerði hlutina stundum allt of hægt og hefur ekki lengur nægan sprengikraft til að nýta nógu vel góð og mörg hlaup sín inn í teiginn og upp í hornin. Öruggur með boltann og færir ungu og óreyndu liði dýrmæta yfirvegun auk þess að vita hvenær hans er þörf í varnarleiknum. Þórir Jóhann Helgason, miðjumaður 4 Gerði stundum hálffurðuleg mistök í fyrri hálfleiknum og var heppinn að ein þeirra skildu ekki færa Armeníu dauðafæri. Betri í seinni hálfleiknum en skilaði ekki nægilega miklu í leiknum, hvorki í sókn né vörn, og fékk kannski að hanga fulllengi inni á. Albert Guðmundsson, hægri kantmaður 5 Löngu sannað að Albert nýtur sín betur á miðjum vellinum en úti á kanti. Eftir að hann var færður innar í seinni hálfleiknum skilaði það sér í fullkominni forstoðsendingu í jöfnunarmarkinu. Nálægt því að skora snemma leiks en var kominn í þröngt færi og skaut framhjá. Missti annars boltann of oft og virtist í mestu vandræðum með að fóta sig á slökum vellinum. Jón Dagur Þorsteinsson reyndist Armenum á köflum erfiður.vísir/jónína Jón Dagur Þorsteinsson, vinstri vængmaður 7 Kraftmikill og áræðinn, og virtist bara vaxa ásmegin þegar á leið svo það var frekar skrýtið að sjá hann fara af velli eftir þrælgóðan sprett framhjá hálfu, armenska liðinu. Kannski fóru síðustu orkudroparnir þar. Átti fínar sendingar inn í teiginn sem hefðu vel getað skilað marki í fyrri hálfleiknum. Viðar Örn Kjartansson, framherji 4 Fékk aðeins að spila fyrri hálfleikinn enda kom ekki nógu mikið út úr honum. Náði þó að finna sér ágætt færi eftir undirbúning Jóns Dags en skaut föstu skoti framhjá. Ísak Bergmann Jóhannesson kom inn á fyrir Viðar Örn á 46. mínútu 8 Stimplaði sig glæsilega inn á miðjuna og skilaði góðu hlutverki í sókn og vörn. Skoraði sitt fyrsta af vonandi mörgum landsliðsmörkum en átti tvö mjög álitleg skot til viðbótar og hafði hvetjandi áhrif á liðsfélaga sína. Daníel Leó Grétarsson kom inn á fyrir Brynjar Inga á 46. mínútu 6 Daníel fær stórt hrós fyrir að hafa komið af öryggi inn í vörnina, býsna óvænt, eftir að hafa varla spilað leik á tímabilinu með Blackpool. Lét finna vel fyrir sér, var kannski fullæstur fyrstu mínúturnar en fljótur að finna jafnvægi og réttan takt í að koma boltanum frá sér. Sveinn Aron Guðjohnsen kom inn á fyrir Hjört á 68. mínútu 5 Var ekkert meira áberandi en Viðar í fremstu víglínunni en fékk minni tíma til að láta til sín taka. Ísland þarf sterkari kandídata á toppnum miðað við frammistöðu þeirra í kvöld. Mikael Anderson kom inn á fyrir Jón Dag á 81. mínútu. Spilaði ekki nóg til að fá einkunn. Mikael Egill Ellertsson kom inn á fyrir Þóri á 90. mínútu. Spilaði ekki nóg til að fá einkunn. HM 2022 í Katar Tengdar fréttir Ísak Bergmann yngsti markaskorari landsliðsins frá upphafi Ísak Bergmann Jóhannesson sett nýtt met í kvöld þegar hann jafnaði metin á móti Armeníu í undankeppni HM. Hann er yngsti markaskorari landsliðsins, bæði í landsleik og í keppnisleik. 8. október 2021 20:30 Leik lokið: Ísland - Armenía 1-1 | Ísak bjargaði stigi gegn Armenum Ísland og Armenía skildu jöfn, 1-1, í undankeppni heimsmeistaramótsins 2022 á Laugardalsvelli í kvöld. 8. október 2021 21:20 Byrjunarlið Íslands: Elías Rafn byrjar í sínum fyrsta A-landsleik, Birkir Már heldur sæti sínu og Jón Dagur fær loks sénsinn Arnar Þór Viðarsson hefur tilkynnt sitt fyrsta byrjunarlið sem þjálfari A-landsliðs karla í fótbolta. Ísland mætir Armeníu í undankeppni HM kl. 19.45 á Laugardalsvelli. 8. október 2021 17:25 Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti KR kærir og segir KSÍ mismuna félögum Íslenski boltinn „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira
Ísland gerði 1-1 jafntefli við Armeníu á Laugardalsvelli í kvöld, í sjöunda leik sínum af tíu í undankeppni HM í fótbolta í Katar. Arnar Þór Viðarsson veðjaði á hinn 21 árs gamla Elías Rafn Ólafsson í stöðu markvarðar. Reyndir bakverðir voru í vörninni ásamt miðvarðaparinu sem fengið hefur að þróast saman síðan í vináttulandsleikjunum snemma í sumar. Á miðjunni voru reyndir kappar ásamt Þóri Jóhanni Helgasyni sem hélt stöðu sinni í byrjunarliði frá því gegn Þýskalandi í síðasta mánuði. Jón Dagur og Albert Guðmundsson voru á köntunum og Viðar Örn Kjartansson fremstur. Liðið breyttist hins vegar talsvert þegar á leið og tvær skiptingar voru gerðar strax í hálfleik. Svona er einkunnagjöf íslenska liðsins í kvöld: Elías Rafn Ólafsson, markvörður 6 Elías fékk að spila sinn fyrsta A-landsleik og komst mjög vel frá sínu. Hann gat lítið gert í markinu sem Armenía skoraði en þurfti annars lítið að verja. Hann greip hins fullkomlega inn í fyrirgjafir og stungusendingar þegar á þurfti að halda. Ekkert sem bendir til annars en að hann fái áfram að eflast í þessari stöðu eftir magnaðan mánuð með Midtjylland í Danmörku. Birkir Már Sævarsson hægri bakvörður 6 Bar stóra sök í marki Armeníu þar sem hann virtist sofna á verðinum og gleyma Kamo Hovhannisyan á fjærstönginni. Bætti fyrir það með því að leggja upp jöfnunarmark Íslands af mikilli yfirvegun og var annars öruggur varnarlega og alltaf tilbúinn til að taka á rás fram hægri kantinn. Hjörtur Hermannsson, miðvörður 5 Hjörtur átti ágætan leik í miðri vörninni en gerði þó örfá mistök og mætti vanda betur hvernig hann skilar boltanum frá sér. Var skipt af velli á 68. mínútu þegar Ísland reyndi að auka sóknarþungann. Brynjar Ingi Bjarnason, miðvörður 6 Nokkuð öruggur eins og hann hefur verið í þessu hlutverki þrátt fyrir ungan aldur, og greip inn í þegar á þurfti að halda. Náði aðeins að leika fyrri hálfleikinn, væntanlega vegna meiðsla. Ari Freyr Skúlason, vinstri bakvörður 5 Varðist ekki fullkomlega en merkilega seigur við að bjarga sér í flestum tilvikum. Baráttuglaður að vanda en ekki eins ógnandi fram á við eins og á árum áður. Guðlaugur Victor Pálsson, miðjumaður 5 Hafði heldur hægt um sig á miðjunni og átti sinn þátt í því að Armenía fann sér fulloft pláss á milli varnar og miðju íslenska liðsins í fyrri hálfleiknum. Klettharður í návígum og kom ágætlega út í stöðu miðvarðar þegar Ísland reyndi að auka sóknarþungann. Birkir Bjarnason, miðjumaður 5 Gerði hlutina stundum allt of hægt og hefur ekki lengur nægan sprengikraft til að nýta nógu vel góð og mörg hlaup sín inn í teiginn og upp í hornin. Öruggur með boltann og færir ungu og óreyndu liði dýrmæta yfirvegun auk þess að vita hvenær hans er þörf í varnarleiknum. Þórir Jóhann Helgason, miðjumaður 4 Gerði stundum hálffurðuleg mistök í fyrri hálfleiknum og var heppinn að ein þeirra skildu ekki færa Armeníu dauðafæri. Betri í seinni hálfleiknum en skilaði ekki nægilega miklu í leiknum, hvorki í sókn né vörn, og fékk kannski að hanga fulllengi inni á. Albert Guðmundsson, hægri kantmaður 5 Löngu sannað að Albert nýtur sín betur á miðjum vellinum en úti á kanti. Eftir að hann var færður innar í seinni hálfleiknum skilaði það sér í fullkominni forstoðsendingu í jöfnunarmarkinu. Nálægt því að skora snemma leiks en var kominn í þröngt færi og skaut framhjá. Missti annars boltann of oft og virtist í mestu vandræðum með að fóta sig á slökum vellinum. Jón Dagur Þorsteinsson reyndist Armenum á köflum erfiður.vísir/jónína Jón Dagur Þorsteinsson, vinstri vængmaður 7 Kraftmikill og áræðinn, og virtist bara vaxa ásmegin þegar á leið svo það var frekar skrýtið að sjá hann fara af velli eftir þrælgóðan sprett framhjá hálfu, armenska liðinu. Kannski fóru síðustu orkudroparnir þar. Átti fínar sendingar inn í teiginn sem hefðu vel getað skilað marki í fyrri hálfleiknum. Viðar Örn Kjartansson, framherji 4 Fékk aðeins að spila fyrri hálfleikinn enda kom ekki nógu mikið út úr honum. Náði þó að finna sér ágætt færi eftir undirbúning Jóns Dags en skaut föstu skoti framhjá. Ísak Bergmann Jóhannesson kom inn á fyrir Viðar Örn á 46. mínútu 8 Stimplaði sig glæsilega inn á miðjuna og skilaði góðu hlutverki í sókn og vörn. Skoraði sitt fyrsta af vonandi mörgum landsliðsmörkum en átti tvö mjög álitleg skot til viðbótar og hafði hvetjandi áhrif á liðsfélaga sína. Daníel Leó Grétarsson kom inn á fyrir Brynjar Inga á 46. mínútu 6 Daníel fær stórt hrós fyrir að hafa komið af öryggi inn í vörnina, býsna óvænt, eftir að hafa varla spilað leik á tímabilinu með Blackpool. Lét finna vel fyrir sér, var kannski fullæstur fyrstu mínúturnar en fljótur að finna jafnvægi og réttan takt í að koma boltanum frá sér. Sveinn Aron Guðjohnsen kom inn á fyrir Hjört á 68. mínútu 5 Var ekkert meira áberandi en Viðar í fremstu víglínunni en fékk minni tíma til að láta til sín taka. Ísland þarf sterkari kandídata á toppnum miðað við frammistöðu þeirra í kvöld. Mikael Anderson kom inn á fyrir Jón Dag á 81. mínútu. Spilaði ekki nóg til að fá einkunn. Mikael Egill Ellertsson kom inn á fyrir Þóri á 90. mínútu. Spilaði ekki nóg til að fá einkunn.
HM 2022 í Katar Tengdar fréttir Ísak Bergmann yngsti markaskorari landsliðsins frá upphafi Ísak Bergmann Jóhannesson sett nýtt met í kvöld þegar hann jafnaði metin á móti Armeníu í undankeppni HM. Hann er yngsti markaskorari landsliðsins, bæði í landsleik og í keppnisleik. 8. október 2021 20:30 Leik lokið: Ísland - Armenía 1-1 | Ísak bjargaði stigi gegn Armenum Ísland og Armenía skildu jöfn, 1-1, í undankeppni heimsmeistaramótsins 2022 á Laugardalsvelli í kvöld. 8. október 2021 21:20 Byrjunarlið Íslands: Elías Rafn byrjar í sínum fyrsta A-landsleik, Birkir Már heldur sæti sínu og Jón Dagur fær loks sénsinn Arnar Þór Viðarsson hefur tilkynnt sitt fyrsta byrjunarlið sem þjálfari A-landsliðs karla í fótbolta. Ísland mætir Armeníu í undankeppni HM kl. 19.45 á Laugardalsvelli. 8. október 2021 17:25 Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti KR kærir og segir KSÍ mismuna félögum Íslenski boltinn „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira
Ísak Bergmann yngsti markaskorari landsliðsins frá upphafi Ísak Bergmann Jóhannesson sett nýtt met í kvöld þegar hann jafnaði metin á móti Armeníu í undankeppni HM. Hann er yngsti markaskorari landsliðsins, bæði í landsleik og í keppnisleik. 8. október 2021 20:30
Leik lokið: Ísland - Armenía 1-1 | Ísak bjargaði stigi gegn Armenum Ísland og Armenía skildu jöfn, 1-1, í undankeppni heimsmeistaramótsins 2022 á Laugardalsvelli í kvöld. 8. október 2021 21:20
Byrjunarlið Íslands: Elías Rafn byrjar í sínum fyrsta A-landsleik, Birkir Már heldur sæti sínu og Jón Dagur fær loks sénsinn Arnar Þór Viðarsson hefur tilkynnt sitt fyrsta byrjunarlið sem þjálfari A-landsliðs karla í fótbolta. Ísland mætir Armeníu í undankeppni HM kl. 19.45 á Laugardalsvelli. 8. október 2021 17:25