Xavi heldur áfram að taka til hendinni á Nývangi Runólfur Trausti Þórhallsson skrifar 2. desember 2021 07:00 Xavi veit hvað hann vill. EPA-EFE/Alejandro Garcia Xavi Hernández, nýráðinn þjálfari Barcelona, virðist allt annað en sáttur með hvernig er haldið um taumana hjá uppeldisfélaginu. Þjálfarinn hefur svo sannarlega tekið til hendinni síðan hann tók við félaginu í upphafi nóvembermánaðar og virðist hvergi nærri hættur. Eins og frægt er orðið ákvað Barcelona að sækja einn af sínum dáðustu sonum til Katar til að koma liðinu upp úr þeim mikla öldudal sem það virtist fast í. Þó það sé enn ómögulegt að ráða í hvort þjálfarinn Xavi nái eitthvað í líkingu við sama árangur og hann gerði sem leikmaður er eitt ljóst, hann er með skoðanir á öllu sem gerist hjá félaginu og ekki hræddur við að láta í sér heyra. Svo duglegur er hann að láta í sér heyra að eftir sigur Barcelona á Villareal á dögunum þurfti lögreglu til að aðskilja hann og Unai Emery, þjálfara Villareal. Svo virðist sem Freyr Alexandersson hafi séð þá hlið á Spánverjanum er þeir þjálfuðu báðir í Katar. Prinsinn hefur talað Gleymdir the dark side. En kannski kemur hún ekki í ljós — Freyr Alexandersson (@freyrale) November 5, 2021 Xavi var í Katar í alls sex ár, á þeim tíma virðist mikið hafa breyst í Katalóníu. Á íþróttavefnum The Athletic er kafað ofan í áframhaldandi breytingar Xavi á líferni leikmanna sinna. „Til að geta verið samkeppnishæfir þurfum við að hafa allt í röð og reglu. Það verða allir að fara eftir reglunum. Þegar ég hef sett reglur í búningsklefanum hafa hlutirnir smollið, þegar reglunum er ekki fylgt hefur hins vegar ekki gengið svo vel,“ sagði hinn 41 árs gamli Xavi á sínum fyrsta blaðamannafundi sem þjálfari Barcelona. Daginn eftir blaðamannafundinn var birtur listi með 10 reglum sem leikmenn þurftu að fylgja. Hann hefur einnig breytt hlutunum inn á vellinum en liðið spilar mun hraðar en það gerði fyrr á leiktíðinni, það spilar af meiri ákafa sem og hærra upp á vellinum. Miðvörðurinn Gerard Piqué virðist taka sinn fyrrum samherja mjög alvarlega og hefur til að mynda hætt við að koma fram í sjónvarpi í kringum Davis-bikarinn í tennis en það er meðal fjölda hluta sem Piqué er að bardúsa við utan vallar. Á undanförnum árum var ekki óalgengt að æfingar væru í styttra lagi og oftar en ekki í léttari kantinum svo stórstjörnur á borð við Lionel Messi væru hvað hressastar á leikdegi. Það heyrir nú sögunni til. Æfingar félagsins hafa tekið stakkaskiptum. Ákefðarstigið er hærra, þær eru lengri og menn eru almennt meira á tánum. Leikmenn þurfa einnig að vera mættir í hús 90 mínútum áður en æfing hefst. Hjá forverum Xavi var nóg að mæta klukkustund áður en menn áttu að vera mættir út á gras. Eðlilega hafa æfingarnar breyst en Xavi tók þjálfarateymi sitt frá Katar með sér til Katalóníu. Þeir sem þekkja til hans segja að allt það sem hann gerði í Katar hafi verið gert til að leggja grunn að endurkomu til Barcelona. Early arrival for training More basic hotels Communal meals Cut back on commercial workXavi has demanded a series of changes since his return to Barcelona. @DermotMCorrigan— The Athletic UK (@TheAthleticUK) December 1, 2021 Þá hefur leikmaðurinn fyrrverandi nýtt völd sín hjá félaginu og losað hinn og þennan undan samningi til þess að koma fólki sem hann treystir að. Einnig hefur hann skapað betri boðleið milli sín og þess sem sér um leikmannakaup félagsins, sá heitir Jordi Cruyff og er sonur hins goðsagnakennda Johans. Xavi hefur ákveðið að kalla lið sitt saman á hóteli daginn fyrir heimaleiki, eitthvað sem leikmenn Barcelona hafa ekki gert síðan Pep Guardiola var þjálfari liðsins. Í stað þess að hittast á hinu ívið fagra Princesa Sofia – fimm stjörnu hótel með allt til alls – og gista þar ákvað nýráðni þjálfarinn að NH Constanza væri staðurinn. Fínt hótel en töluvert frá glamúrnum sem fylgir fimm stjörnu hóteli á borð við Princesa Sofia. Coutinho er meðal þeirra sem taldir eru á sölulista Barcelona.EPA-EFE/ALEJANDRO GARCIA Ásamt öllu þessu er ljóst að Xavi vill nýja leikmenn. Til þess að fjármagna kaup leikmanna er ljóst að félagið þarf þá að losa sig við leikmenn sem eru nú þegar á launaskrá þar sem skuldir félagsins eru í dag í kringum 1.3 milljarð evra. Meðal þeirra nafna sem talin eru á útleið eru Philippe Coutinho, Samuel Umtiti, Neto, Martin Braithwaite, Clement Lenglet og Sergi Roberto. Illa hefur gengið að losa téða leikmenn í undanförnum gluggum en Xavi og félagar horfa nú til Norður-Englands þar sem nýríkt Newcastle United gæti hugsað sér gott til glóðarinnar og fengið leikmenn á útsöluverði. Það er stutt síðan Xavi tók við í Katalóníu og eflaust verða fleiri sögulínur, meira slúður og fleiri reglur á næstu vikum og mánuðum. Þjálfaratíð hans á Nývangi hefur byrjað ágætlega, markalausu jafntefli gegn Benfica í Meistaradeild Evrópu var fylgt eftir með sigrum á Espanyol og Villareal heima fyrir. Betur má þó ef duga skal en fari svo að Benfica vinni Dynamo Kíev er ljóst að Börsungar þurfa sigur á Allianz-vellinum í Bæjaralandi þann 8. desember er þeir sækja Bayern München heim, það er ef lærisveinar Xavi ætla sér í 16-liða úrslit Meistaradeildarinnar. Börsungum hefur gengið bölvanlega gegn Bæjurum að undanförnu.EPA-EFE/Alejandro Garcia Fótbolti Spænski boltinn Meistaradeild Evrópu í fótbolta karla Mest lesið „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Leik lokið: Vestri - KR 2-0 | Vestri dró KR niður í fallbaráttuna Íslenski boltinn Salah sjóðheitur af stað að vanda Enski boltinn Bein útsending: Motul torfæran Sport „Ekki gott að við séum með 43 leikmenn“ Enski boltinn Havertz og Saka afgreiddu Úlfana Enski boltinn „Ansi mikið breytt“ með komu Slots Enski boltinn Zirkzee hetjan í sínum fyrsta leik Enski boltinn Dagskráin í dag: Fyrsti leikur Óskars Hrafns með KR Sport Fleiri fréttir Íslendingar í Englandi: Jóhann Berg á skotskónum á meðan Willum Þór kom inn af bekknum og skoraði og fór meiddur af velli Milner sló met Giggs og tíu Newcastle-menn lönduðu sigri Í beinni: West Ham - Aston Villa | Villa-menn vilja fylgja eftir draumatímabili Havertz og Saka afgreiddu Úlfana Bomba frá Selmu og Ísak skoraði gegn toppliðinu „Ansi mikið breytt“ með komu Slots Leik lokið: Vestri - KR 2-0 | Vestri dró KR niður í fallbaráttuna Sagði eyrnabólgu skýra fjarveru Sancho Salah sjóðheitur af stað að vanda „Ekki gott að við séum með 43 leikmenn“ Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Sjá meira
Þjálfarinn hefur svo sannarlega tekið til hendinni síðan hann tók við félaginu í upphafi nóvembermánaðar og virðist hvergi nærri hættur. Eins og frægt er orðið ákvað Barcelona að sækja einn af sínum dáðustu sonum til Katar til að koma liðinu upp úr þeim mikla öldudal sem það virtist fast í. Þó það sé enn ómögulegt að ráða í hvort þjálfarinn Xavi nái eitthvað í líkingu við sama árangur og hann gerði sem leikmaður er eitt ljóst, hann er með skoðanir á öllu sem gerist hjá félaginu og ekki hræddur við að láta í sér heyra. Svo duglegur er hann að láta í sér heyra að eftir sigur Barcelona á Villareal á dögunum þurfti lögreglu til að aðskilja hann og Unai Emery, þjálfara Villareal. Svo virðist sem Freyr Alexandersson hafi séð þá hlið á Spánverjanum er þeir þjálfuðu báðir í Katar. Prinsinn hefur talað Gleymdir the dark side. En kannski kemur hún ekki í ljós — Freyr Alexandersson (@freyrale) November 5, 2021 Xavi var í Katar í alls sex ár, á þeim tíma virðist mikið hafa breyst í Katalóníu. Á íþróttavefnum The Athletic er kafað ofan í áframhaldandi breytingar Xavi á líferni leikmanna sinna. „Til að geta verið samkeppnishæfir þurfum við að hafa allt í röð og reglu. Það verða allir að fara eftir reglunum. Þegar ég hef sett reglur í búningsklefanum hafa hlutirnir smollið, þegar reglunum er ekki fylgt hefur hins vegar ekki gengið svo vel,“ sagði hinn 41 árs gamli Xavi á sínum fyrsta blaðamannafundi sem þjálfari Barcelona. Daginn eftir blaðamannafundinn var birtur listi með 10 reglum sem leikmenn þurftu að fylgja. Hann hefur einnig breytt hlutunum inn á vellinum en liðið spilar mun hraðar en það gerði fyrr á leiktíðinni, það spilar af meiri ákafa sem og hærra upp á vellinum. Miðvörðurinn Gerard Piqué virðist taka sinn fyrrum samherja mjög alvarlega og hefur til að mynda hætt við að koma fram í sjónvarpi í kringum Davis-bikarinn í tennis en það er meðal fjölda hluta sem Piqué er að bardúsa við utan vallar. Á undanförnum árum var ekki óalgengt að æfingar væru í styttra lagi og oftar en ekki í léttari kantinum svo stórstjörnur á borð við Lionel Messi væru hvað hressastar á leikdegi. Það heyrir nú sögunni til. Æfingar félagsins hafa tekið stakkaskiptum. Ákefðarstigið er hærra, þær eru lengri og menn eru almennt meira á tánum. Leikmenn þurfa einnig að vera mættir í hús 90 mínútum áður en æfing hefst. Hjá forverum Xavi var nóg að mæta klukkustund áður en menn áttu að vera mættir út á gras. Eðlilega hafa æfingarnar breyst en Xavi tók þjálfarateymi sitt frá Katar með sér til Katalóníu. Þeir sem þekkja til hans segja að allt það sem hann gerði í Katar hafi verið gert til að leggja grunn að endurkomu til Barcelona. Early arrival for training More basic hotels Communal meals Cut back on commercial workXavi has demanded a series of changes since his return to Barcelona. @DermotMCorrigan— The Athletic UK (@TheAthleticUK) December 1, 2021 Þá hefur leikmaðurinn fyrrverandi nýtt völd sín hjá félaginu og losað hinn og þennan undan samningi til þess að koma fólki sem hann treystir að. Einnig hefur hann skapað betri boðleið milli sín og þess sem sér um leikmannakaup félagsins, sá heitir Jordi Cruyff og er sonur hins goðsagnakennda Johans. Xavi hefur ákveðið að kalla lið sitt saman á hóteli daginn fyrir heimaleiki, eitthvað sem leikmenn Barcelona hafa ekki gert síðan Pep Guardiola var þjálfari liðsins. Í stað þess að hittast á hinu ívið fagra Princesa Sofia – fimm stjörnu hótel með allt til alls – og gista þar ákvað nýráðni þjálfarinn að NH Constanza væri staðurinn. Fínt hótel en töluvert frá glamúrnum sem fylgir fimm stjörnu hóteli á borð við Princesa Sofia. Coutinho er meðal þeirra sem taldir eru á sölulista Barcelona.EPA-EFE/ALEJANDRO GARCIA Ásamt öllu þessu er ljóst að Xavi vill nýja leikmenn. Til þess að fjármagna kaup leikmanna er ljóst að félagið þarf þá að losa sig við leikmenn sem eru nú þegar á launaskrá þar sem skuldir félagsins eru í dag í kringum 1.3 milljarð evra. Meðal þeirra nafna sem talin eru á útleið eru Philippe Coutinho, Samuel Umtiti, Neto, Martin Braithwaite, Clement Lenglet og Sergi Roberto. Illa hefur gengið að losa téða leikmenn í undanförnum gluggum en Xavi og félagar horfa nú til Norður-Englands þar sem nýríkt Newcastle United gæti hugsað sér gott til glóðarinnar og fengið leikmenn á útsöluverði. Það er stutt síðan Xavi tók við í Katalóníu og eflaust verða fleiri sögulínur, meira slúður og fleiri reglur á næstu vikum og mánuðum. Þjálfaratíð hans á Nývangi hefur byrjað ágætlega, markalausu jafntefli gegn Benfica í Meistaradeild Evrópu var fylgt eftir með sigrum á Espanyol og Villareal heima fyrir. Betur má þó ef duga skal en fari svo að Benfica vinni Dynamo Kíev er ljóst að Börsungar þurfa sigur á Allianz-vellinum í Bæjaralandi þann 8. desember er þeir sækja Bayern München heim, það er ef lærisveinar Xavi ætla sér í 16-liða úrslit Meistaradeildarinnar. Börsungum hefur gengið bölvanlega gegn Bæjurum að undanförnu.EPA-EFE/Alejandro Garcia
Fótbolti Spænski boltinn Meistaradeild Evrópu í fótbolta karla Mest lesið „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Leik lokið: Vestri - KR 2-0 | Vestri dró KR niður í fallbaráttuna Íslenski boltinn Salah sjóðheitur af stað að vanda Enski boltinn Bein útsending: Motul torfæran Sport „Ekki gott að við séum með 43 leikmenn“ Enski boltinn Havertz og Saka afgreiddu Úlfana Enski boltinn „Ansi mikið breytt“ með komu Slots Enski boltinn Zirkzee hetjan í sínum fyrsta leik Enski boltinn Dagskráin í dag: Fyrsti leikur Óskars Hrafns með KR Sport Fleiri fréttir Íslendingar í Englandi: Jóhann Berg á skotskónum á meðan Willum Þór kom inn af bekknum og skoraði og fór meiddur af velli Milner sló met Giggs og tíu Newcastle-menn lönduðu sigri Í beinni: West Ham - Aston Villa | Villa-menn vilja fylgja eftir draumatímabili Havertz og Saka afgreiddu Úlfana Bomba frá Selmu og Ísak skoraði gegn toppliðinu „Ansi mikið breytt“ með komu Slots Leik lokið: Vestri - KR 2-0 | Vestri dró KR niður í fallbaráttuna Sagði eyrnabólgu skýra fjarveru Sancho Salah sjóðheitur af stað að vanda „Ekki gott að við séum með 43 leikmenn“ Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Sjá meira
Íslendingar í Englandi: Jóhann Berg á skotskónum á meðan Willum Þór kom inn af bekknum og skoraði og fór meiddur af velli