Fékk flugferð fyrir fjölskylduna á 400 þúsund sem átti að kosta tæpar 1,3 milljón króna Jakob Bjarnar skrifar 21. desember 2022 16:41 Útlitið var kolsvart hjá Jóhanni Bergmann og fjölskyldu eftir að PLAY felldi niður flugverðina til Íslands. En betur fór en á horfðist. vísir/vilhelm/fb Jóhann Bergmann, sem staddur er í Boston ásamt fjölskyldu sinni, segir farir sínar ekki sléttar. Hann segir að Boston-reisa Bergmanns-klansins, eins og hann orðar það, eigi eftir að fara í sögubækurnar. Jóhann greinir frá hremmingum sínum og fjölskyldunnar á Facebook, en þau áttu bókaða flugferð heim til Íslands á mánudaginn. Það var með PLAY airlines en sú flugáætlun féll niður vegna veðursins sem geisað hefur á Íslandi undanfarna daga með ófyrirsjáanlegum afleiðingum. Betur fór en á horfðist. Flugferð fyrir fimm átti að kosta 1.225 þúsund krónur Jóhann segist hafa fullan skilning á því en hann fái tölvupóst frá PLAY þar sem í raun séu þrír kostir í boði; að fá aðra flugferð en þá án endurgreiðslu, fulla endurgreiðslu eða inneignarbréf eða að fjölskyldunni verði fundin sæti flugvél annars flugfélags. Óvíst sé hins vegar um endurgreiðslu flugmiðans. Jóhann segist hafa farið í að endurbóka hjá PLAY en þá fundið þau fimm sæti sem vantaði 23. desember sem myndi þýða að þau myndu lenda að morgni aðfangadags og það væri varla ásættanlegt. En auk þess myndi þá falla til kostnaður vegna gistingar á hóteli sem hefði í för með sér verulegan aukakostnað. „Ég sendi þeim línu á messenger og því var svarað seint, en ok. Þar bjóðast þeir til að finna annað flug með öðrum og að ég fengi jafnvel endurgreitt en þó ekki víst,“ segir Jóhann á Facebook-síðu sinni. Þá segist Jóhann hafa athugað með Icelandair og þar hafi verðið á sætinu verið 245 þúsund krónur á haus. „Bara heim sem gerir samtals 1.225 þúsund krónur. Sem er glæpur,“ segir Jóhann. Aukið framboð sæta leiði til verðlækkunar En þá gerðist það að einn úr hópnum fór inn á vefsíðu Icelandair North America. „Og þar var verðið í heild um 400 þúsund sem ég keypti þannig að við komum heim á fimmtudagsmorgun. Svo þarf ég að eiga við Play um endurgreiðslu,“ segir Jóhann harla kátur með að hafa sloppið fyrir horn með þetta; hann nái í skötuna og getur haldið jólin án þess að vera í stresskasti með það allt. Vísir hafði samband við Icelandair og spurði einfaldlega hvort þessi mikli munur á verði flugmiða fengi staðist? Að sögn Guðna Sigurðssonar, sérfræðings á samskiptasviði Icelandair, eigi verð að vera það sama hvort sem bókað er á Norður-Ameríku vefnum eða íslenska vefnum miðað við sömu ferðatilhögun. „Það sem gæti hafa gerst er einfaldlega að verðið hafi lækkað milli þess sem flugin voru skoðuð. Þessa dagana er mikið um tilflutninga á farþegum og sérstaklega erum við að færa tengifarþega sem áttu að millilenda í Keflavík yfir á önnur flugfélög. Þetta verður til þess að meira framboð verður á flugsætum og verð lækkar,“ segir í skriflegu svari Guðna. Ekki við Isavia að sakast heldur Icelandair Hörmungarsögur farþega sem lentu í hremmingum vegna veðursins og urðu til dæmis strandaglópar á Leifsstöð hafa hrannast upp. Þar hefur verið gagnrýnt harðlega slök upplýsingagjöf. Guðjón Helgason segir ekki við Isavia að sakast þó upplýsingagjöf til flugfarþega hafi verið í skötulíki, það hljóti að skrifast á reikning Icelandair.vísir/vilhelm Í Kastljósþætti í gær var farið yfir stöðuna sem kom upp og voru þeir þar til svara G. Pétur Matthíasson forstöðumaður samskiptadeildar Vegagerðarinnar og Guðjón Helgason upplýsingafulltrúi Isavia, en það var einmitt á upplýsingakerfi þeirra sem upplýsingar til farþegar berast, eða nánar tiltekið í þessu tilfelli, berast ekki. Guðjón varpaði þeim bolta umsvifalaust til Icelandair, það væri þeirra að færa inn upplýsingarnar sem svo uppfærðust sjálfkrafa inn á upplýsingakerfi Isavia. Ekki væri því við Isavia að sakast. Raskanir höfðu áhrif á 24 þúsund farþega Vísir spurði Guðna hvernig það mætti vera að upplýsingagjöf hafi verið eins léleg og raun bar vitni, hvað klikkaði eiginlega? Guðjón hjá Icelandair segir að sætaframboð hafi veruleg áhrif á verð flugmiðans. „Við aðstæður sem þessar eru upplýsingar auðvitað mjög mikilvægar. Lokun Reykjanesbrautarinnar gerði okkur mjög erfitt fyrir og litlar upplýsingar að fá vegna þess að óljóst var um hvenær hægt væri að opna hana aftur,“ segir Guðjón og þannig virðist þetta komið í hring með það hvaðan upplýsingarnar áttu að berast. G. Pétur hjá Vegagerðinni hafi ekki verið á vaktinni, en hann sagði í áðurnefndum Kastljósþætti að fólk yrði að gera sér grein fyrir því að við byggjum á Íslandi og ekkert væri við veðrið ráðið. Guðni segir að á meðan á lokun stóð hafi þau hjá Icelandair sent smáskilaboð og/eða tölvupóst til þeirra farþega sem voru inni í flugstöðinni á um þriggja til fjögurra klukkustunda fresti. „Það var hins vegar mjög strembið að sinna upplýsingagjöf á staðnum þar sem mjög fáliðað var í hópnum okkar vegna þess að starfsfólk komst ekki á flugvöllinn. Raskanirnar höfðu áhrif á um 24 þúsund farþega og núna eru yfir 90 prósent þeirra komin með nýja ferðaáætlun.“ Fréttir af flugi Veður Keflavíkurflugvöllur Icelandair Upplýsingatækni Neytendur Mest lesið Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Dvaldi lengi í Engey áður en hún synti til baka í flasið á hvalaskoðunarskipi Innlent „Væri ekki að fara ef ekki væri fyrir góðvild fólks“ Innlent Stórhættulegur framúrakstur á Holtavörðuheiði Innlent Munaði engu að ökumaður straujaði niður nítján hjólreiðamenn Innlent Þrettán þúsund krónur fyrir nótt í tjaldi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Veitingamenn berjist í bökkum Innlent Eitraði fyrir sjálfri sér og ferðafélögum sínum með blásýru Erlent Fleiri fréttir Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Sjá meira
Jóhann greinir frá hremmingum sínum og fjölskyldunnar á Facebook, en þau áttu bókaða flugferð heim til Íslands á mánudaginn. Það var með PLAY airlines en sú flugáætlun féll niður vegna veðursins sem geisað hefur á Íslandi undanfarna daga með ófyrirsjáanlegum afleiðingum. Betur fór en á horfðist. Flugferð fyrir fimm átti að kosta 1.225 þúsund krónur Jóhann segist hafa fullan skilning á því en hann fái tölvupóst frá PLAY þar sem í raun séu þrír kostir í boði; að fá aðra flugferð en þá án endurgreiðslu, fulla endurgreiðslu eða inneignarbréf eða að fjölskyldunni verði fundin sæti flugvél annars flugfélags. Óvíst sé hins vegar um endurgreiðslu flugmiðans. Jóhann segist hafa farið í að endurbóka hjá PLAY en þá fundið þau fimm sæti sem vantaði 23. desember sem myndi þýða að þau myndu lenda að morgni aðfangadags og það væri varla ásættanlegt. En auk þess myndi þá falla til kostnaður vegna gistingar á hóteli sem hefði í för með sér verulegan aukakostnað. „Ég sendi þeim línu á messenger og því var svarað seint, en ok. Þar bjóðast þeir til að finna annað flug með öðrum og að ég fengi jafnvel endurgreitt en þó ekki víst,“ segir Jóhann á Facebook-síðu sinni. Þá segist Jóhann hafa athugað með Icelandair og þar hafi verðið á sætinu verið 245 þúsund krónur á haus. „Bara heim sem gerir samtals 1.225 þúsund krónur. Sem er glæpur,“ segir Jóhann. Aukið framboð sæta leiði til verðlækkunar En þá gerðist það að einn úr hópnum fór inn á vefsíðu Icelandair North America. „Og þar var verðið í heild um 400 þúsund sem ég keypti þannig að við komum heim á fimmtudagsmorgun. Svo þarf ég að eiga við Play um endurgreiðslu,“ segir Jóhann harla kátur með að hafa sloppið fyrir horn með þetta; hann nái í skötuna og getur haldið jólin án þess að vera í stresskasti með það allt. Vísir hafði samband við Icelandair og spurði einfaldlega hvort þessi mikli munur á verði flugmiða fengi staðist? Að sögn Guðna Sigurðssonar, sérfræðings á samskiptasviði Icelandair, eigi verð að vera það sama hvort sem bókað er á Norður-Ameríku vefnum eða íslenska vefnum miðað við sömu ferðatilhögun. „Það sem gæti hafa gerst er einfaldlega að verðið hafi lækkað milli þess sem flugin voru skoðuð. Þessa dagana er mikið um tilflutninga á farþegum og sérstaklega erum við að færa tengifarþega sem áttu að millilenda í Keflavík yfir á önnur flugfélög. Þetta verður til þess að meira framboð verður á flugsætum og verð lækkar,“ segir í skriflegu svari Guðna. Ekki við Isavia að sakast heldur Icelandair Hörmungarsögur farþega sem lentu í hremmingum vegna veðursins og urðu til dæmis strandaglópar á Leifsstöð hafa hrannast upp. Þar hefur verið gagnrýnt harðlega slök upplýsingagjöf. Guðjón Helgason segir ekki við Isavia að sakast þó upplýsingagjöf til flugfarþega hafi verið í skötulíki, það hljóti að skrifast á reikning Icelandair.vísir/vilhelm Í Kastljósþætti í gær var farið yfir stöðuna sem kom upp og voru þeir þar til svara G. Pétur Matthíasson forstöðumaður samskiptadeildar Vegagerðarinnar og Guðjón Helgason upplýsingafulltrúi Isavia, en það var einmitt á upplýsingakerfi þeirra sem upplýsingar til farþegar berast, eða nánar tiltekið í þessu tilfelli, berast ekki. Guðjón varpaði þeim bolta umsvifalaust til Icelandair, það væri þeirra að færa inn upplýsingarnar sem svo uppfærðust sjálfkrafa inn á upplýsingakerfi Isavia. Ekki væri því við Isavia að sakast. Raskanir höfðu áhrif á 24 þúsund farþega Vísir spurði Guðna hvernig það mætti vera að upplýsingagjöf hafi verið eins léleg og raun bar vitni, hvað klikkaði eiginlega? Guðjón hjá Icelandair segir að sætaframboð hafi veruleg áhrif á verð flugmiðans. „Við aðstæður sem þessar eru upplýsingar auðvitað mjög mikilvægar. Lokun Reykjanesbrautarinnar gerði okkur mjög erfitt fyrir og litlar upplýsingar að fá vegna þess að óljóst var um hvenær hægt væri að opna hana aftur,“ segir Guðjón og þannig virðist þetta komið í hring með það hvaðan upplýsingarnar áttu að berast. G. Pétur hjá Vegagerðinni hafi ekki verið á vaktinni, en hann sagði í áðurnefndum Kastljósþætti að fólk yrði að gera sér grein fyrir því að við byggjum á Íslandi og ekkert væri við veðrið ráðið. Guðni segir að á meðan á lokun stóð hafi þau hjá Icelandair sent smáskilaboð og/eða tölvupóst til þeirra farþega sem voru inni í flugstöðinni á um þriggja til fjögurra klukkustunda fresti. „Það var hins vegar mjög strembið að sinna upplýsingagjöf á staðnum þar sem mjög fáliðað var í hópnum okkar vegna þess að starfsfólk komst ekki á flugvöllinn. Raskanirnar höfðu áhrif á um 24 þúsund farþega og núna eru yfir 90 prósent þeirra komin með nýja ferðaáætlun.“
Fréttir af flugi Veður Keflavíkurflugvöllur Icelandair Upplýsingatækni Neytendur Mest lesið Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Dvaldi lengi í Engey áður en hún synti til baka í flasið á hvalaskoðunarskipi Innlent „Væri ekki að fara ef ekki væri fyrir góðvild fólks“ Innlent Stórhættulegur framúrakstur á Holtavörðuheiði Innlent Munaði engu að ökumaður straujaði niður nítján hjólreiðamenn Innlent Þrettán þúsund krónur fyrir nótt í tjaldi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Veitingamenn berjist í bökkum Innlent Eitraði fyrir sjálfri sér og ferðafélögum sínum með blásýru Erlent Fleiri fréttir Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Sjá meira
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent