Succession er Rollsinn í sjónvarpi í dag Stöð 2+ 29. mars 2023 14:47 „Logan Roy er yfir og allt um kring og allur sirkusinn snýst um hann. Það má vissulega hata hann, því hann er fullkomlega siðblindur sadisti og hræðileg manneskja, en við skiljum hann samt,“ segir Sigurjón Kjartansson, handritshöfundur og framleiðandi, sem hlakkar mikið til að horfa á lokaseríu Succession. Fyrsti þáttur í fjórðu og síðustu seríu Succession er kominn inn á Stöð 2+. Sigurjón Kjartansson, handritshöfundur og framleiðandi, kallar þættina Rollsinn í sjónvarpi í dag og segir þá hafa skapað ný viðmið í sjónvarpi fyrir ókomin ár. Succession hefur notið mjög mikilla vinsælda um allan heim frá því fyrsta þáttaröðin fór í loftið árið 2018 auk þess sem hún hefur unnið til fjölda verðlauna, þar á meðal Golden Globe og Emmy verðlauna. Þættirnir segja frá raunum hinnar moldríku Roy fjölskyldu sem á fjölmiðlaveldið Waystar RoyCo í New York. Veldinu er stýrt af fjölskylduföðurnum Logan Roy sem braust til valda og ríkidæmis úr mikilli fátækt. Hann er kominn á efri ár og keppast börnin hans fjögur, og raunar ýmsir fleiri, um yfirráð og völd fjölmiðlaveldisins. Klippa: Succession - Fjórða sería er komin á Stöð 2+ Innantómir frasar og dásamleg þvæla Það er því óhætt að segja margir sjónvarpsáhorfendur séu spenntir fyrir kvöldinu og er Sigurjón Kjartansson sannarlega einn þeirra. „Succession er einfaldlega Rollsinn í sjónvarpi í dag. Þarna fara saman frábær skrif og frábært val á leikurum. Þetta eru tvö mikilvægustu atriðin til að hafa í huga við gerð sjónvarpsþátta.“ Hann segir seríuna skrifaða af fólki sem hafi að mestu skrifað gamanefni á sínum ferli en fái þarna vissa útrás sem síðan er tekin á næsta stig með frábærum leikurum og leikstjórum. „Þarna hefur myndast einhver dásamlegur samhljómur sem er vandfundinn og því er ég viss um að Succession hafi skapað ný viðmið í sjónvarpi fyrir ókomin ár.“ „Þarna hefur myndast einhver dásamlegur samhljómur sem er vandfundinn og því er ég viss um að Succession hafi skapað ný viðmið í sjónvarpi fyrir ókomin ár,“ segir Sigurjón Kjartansson. Mynd: Lilja Jónsdótti Hann segir ótal margt heillandi við sjónvarpsþættina, ekki síst hvernig sögupersónur segja yfirleitt eitthvað allt annað en þær meina. „Það er breitt yfir allar raunverulegar tilfinningar með innantómum frösum og dásamlegri þvælu. Allur díólógurinn er meira og minna innantómur – skreyttur frösum sem persónurnar hafa lært í dýru háskólanámi, uppfullar af kaldhæðni. Það er enginn heiðarlegur þarna nema örsjaldan og þá tekur maður eftir því. Að horfa á þessa þætti er að mörgu leyti eins og að leysa röð gestaþrauta: þessi segir þetta, en hvað meinar hann í raun og veru?“ Baráttan um yfirráð og völd er hörð á bak við tjöldin. Allur sirkusinn snýst um Logan Roy Hann segist hafa lesið einhvers staðar að upphaflega hefði staðið til að Logan Roy myndi deyja í fyrstu þáttaröðinni. „Ef það hefði orðið raunin hefði Succession aldrei náð því flugi sem þeir eru á í dag. Logan Roy er yfir og allt um kring og allur sirkusinn snýst um hann. Það má vissulega hata hann, því hann er fullkomlega siðblindur sadisti og hræðileg manneskja, en við skiljum hann samt. Hann byggði sig upp úr sárri fátækt og stjórnar nú stórveldi. Hann fékk ekkert gefins í lífinu öfugt við börnin hans og þess vegna fyrirlítur hann þau.“ Skoski leikarinn Brian Cox er stórkostlegur í hlutverki Logan Roy að mati Sigurjóns sem segir hann vera í uppáhaldi hjá sér, en þó aðeins sem sjónvarps karakter. „Ég myndi ekki koma nálægt þessum manni með priki ef hann væri af holdi og blóði. Og maður finnur til með börnum Logans, því þau eru svo ráðvillt og meðvirk með föður sínum. Öll nema kannski sá elsti, Connor Roy, sem merkilegt nokk er líklega sjálfstæðastur þó hann stígi ekki beint í vitið blessaður. Kieran Culkin í hlutverki Romans Roy er endalaust athyglisverður. Ég er á því að Roman sé sá erfingjanna sem mest sé spunnið í. Eins eru þeir trúðar Tom og Greg óborganlegir.“ Skoski leikarinn Brian Cox (t.v.) er stórkostlegur í hlutverki Logan Roy að mati Sigurjóns sem segir hann vera í uppáhaldi hjá sér, en þó aðeins sem sjónvarps karakter. Hlakkar til að sjá Jóhannes Hauk Sigurjón segist búast við engu öðru en flugeldasýningu í kvöld og næstu vikur. „Það var mér viss léttir þegar ég frétti að höfundar hefðu ákveðið að þetta yrði síðasta þáttaröðin, því þá er líklegra að menn verði á tánum og láti þetta ekki drabbast niður á lokasprettinum. Eins hlakka ég mikið til að sjá okkar frábæra Jóhannes Hauk Jóhannesson spreyta sig þarna, en hann ku leika í nokkrum þáttum þessarar lokaseríu.“ Fyrsti þáttur fjórðu seríu er kominn inn á Stöð 2+ og nýr þáttur kemur vikulega þar inn á hverjum mánudegi. Eldri seríur Succession eru aðgengilegar á Stöð 2+. Bíó og sjónvarp Golden Globe-verðlaunin Emmy-verðlaunin Mest lesið Eva segir lífið betra með Kára Stefáns Lífið Tíu myndarleg einbýlishús á höfuðborgarsvæðinu Lífið Falska söngkonan á leið í meðferð Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Stjörnulífið: Heimir Hallgríms ástfanginn í Suður Frakklandi Lífið Hildur Vala og Kjartan keyptu raðhús í Fossvogi Lífið Logi Bergmann var tekinn Lífið „Ég var dómharður og ömurlegur gæi“ Lífið Myndaveisla: Héldu upp á tíu ára afmælið í Guðmundarlundi Lífið Fleiri fréttir Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Nova klippir kaffiverðið Bylgjulestin var í beinni frá Humarhátíðinni Nýjar merkjavörur í hverri viku á Pop up markaði Optical Studio Nú set ég mig í fyrsta, annað og þriðja sætið Bylgjulestin á Humarhátíðinni um helgina Látum ekki lúsmýið skemma fyrir okkur gleðina - Bitin burt Sólgleraugu og umgjarðir á 40-70% afslætti - Pop up Optical Studio Hægðirnar segja til um heilsufarið – rétt fóður mikilvægt Hefði ekki trúað áhrifunum! Frábær stemming á Jósmessuhátíð á Eyrarbakka Farðu ljómandi í sumarið! Það má leika sér með matinn Bylgjulestin mætir á Jónsmessuhátíð á Eyrarbakka um helgina „Finnst ég geta afkastað mun meira yfir daginn“ Heimili myndast þegar fjölskyldan ver tíma þar saman Bylgjulestin í bongóblíðu á Þingvöllum Myndaveisla: Enn eitt vel heppnað Streetball mót X977 Allt sem þú þarft fyrir Midsummer hátíðina Bylgjulestin verður á Þingvöllum laugardaginn 15. júní Viltu bæta svefngæði þín? „Í fyrrakvöld bjargaði Tesla bifreið lífi mínu“ Sjá meira
Succession hefur notið mjög mikilla vinsælda um allan heim frá því fyrsta þáttaröðin fór í loftið árið 2018 auk þess sem hún hefur unnið til fjölda verðlauna, þar á meðal Golden Globe og Emmy verðlauna. Þættirnir segja frá raunum hinnar moldríku Roy fjölskyldu sem á fjölmiðlaveldið Waystar RoyCo í New York. Veldinu er stýrt af fjölskylduföðurnum Logan Roy sem braust til valda og ríkidæmis úr mikilli fátækt. Hann er kominn á efri ár og keppast börnin hans fjögur, og raunar ýmsir fleiri, um yfirráð og völd fjölmiðlaveldisins. Klippa: Succession - Fjórða sería er komin á Stöð 2+ Innantómir frasar og dásamleg þvæla Það er því óhætt að segja margir sjónvarpsáhorfendur séu spenntir fyrir kvöldinu og er Sigurjón Kjartansson sannarlega einn þeirra. „Succession er einfaldlega Rollsinn í sjónvarpi í dag. Þarna fara saman frábær skrif og frábært val á leikurum. Þetta eru tvö mikilvægustu atriðin til að hafa í huga við gerð sjónvarpsþátta.“ Hann segir seríuna skrifaða af fólki sem hafi að mestu skrifað gamanefni á sínum ferli en fái þarna vissa útrás sem síðan er tekin á næsta stig með frábærum leikurum og leikstjórum. „Þarna hefur myndast einhver dásamlegur samhljómur sem er vandfundinn og því er ég viss um að Succession hafi skapað ný viðmið í sjónvarpi fyrir ókomin ár.“ „Þarna hefur myndast einhver dásamlegur samhljómur sem er vandfundinn og því er ég viss um að Succession hafi skapað ný viðmið í sjónvarpi fyrir ókomin ár,“ segir Sigurjón Kjartansson. Mynd: Lilja Jónsdótti Hann segir ótal margt heillandi við sjónvarpsþættina, ekki síst hvernig sögupersónur segja yfirleitt eitthvað allt annað en þær meina. „Það er breitt yfir allar raunverulegar tilfinningar með innantómum frösum og dásamlegri þvælu. Allur díólógurinn er meira og minna innantómur – skreyttur frösum sem persónurnar hafa lært í dýru háskólanámi, uppfullar af kaldhæðni. Það er enginn heiðarlegur þarna nema örsjaldan og þá tekur maður eftir því. Að horfa á þessa þætti er að mörgu leyti eins og að leysa röð gestaþrauta: þessi segir þetta, en hvað meinar hann í raun og veru?“ Baráttan um yfirráð og völd er hörð á bak við tjöldin. Allur sirkusinn snýst um Logan Roy Hann segist hafa lesið einhvers staðar að upphaflega hefði staðið til að Logan Roy myndi deyja í fyrstu þáttaröðinni. „Ef það hefði orðið raunin hefði Succession aldrei náð því flugi sem þeir eru á í dag. Logan Roy er yfir og allt um kring og allur sirkusinn snýst um hann. Það má vissulega hata hann, því hann er fullkomlega siðblindur sadisti og hræðileg manneskja, en við skiljum hann samt. Hann byggði sig upp úr sárri fátækt og stjórnar nú stórveldi. Hann fékk ekkert gefins í lífinu öfugt við börnin hans og þess vegna fyrirlítur hann þau.“ Skoski leikarinn Brian Cox er stórkostlegur í hlutverki Logan Roy að mati Sigurjóns sem segir hann vera í uppáhaldi hjá sér, en þó aðeins sem sjónvarps karakter. „Ég myndi ekki koma nálægt þessum manni með priki ef hann væri af holdi og blóði. Og maður finnur til með börnum Logans, því þau eru svo ráðvillt og meðvirk með föður sínum. Öll nema kannski sá elsti, Connor Roy, sem merkilegt nokk er líklega sjálfstæðastur þó hann stígi ekki beint í vitið blessaður. Kieran Culkin í hlutverki Romans Roy er endalaust athyglisverður. Ég er á því að Roman sé sá erfingjanna sem mest sé spunnið í. Eins eru þeir trúðar Tom og Greg óborganlegir.“ Skoski leikarinn Brian Cox (t.v.) er stórkostlegur í hlutverki Logan Roy að mati Sigurjóns sem segir hann vera í uppáhaldi hjá sér, en þó aðeins sem sjónvarps karakter. Hlakkar til að sjá Jóhannes Hauk Sigurjón segist búast við engu öðru en flugeldasýningu í kvöld og næstu vikur. „Það var mér viss léttir þegar ég frétti að höfundar hefðu ákveðið að þetta yrði síðasta þáttaröðin, því þá er líklegra að menn verði á tánum og láti þetta ekki drabbast niður á lokasprettinum. Eins hlakka ég mikið til að sjá okkar frábæra Jóhannes Hauk Jóhannesson spreyta sig þarna, en hann ku leika í nokkrum þáttum þessarar lokaseríu.“ Fyrsti þáttur fjórðu seríu er kominn inn á Stöð 2+ og nýr þáttur kemur vikulega þar inn á hverjum mánudegi. Eldri seríur Succession eru aðgengilegar á Stöð 2+.
Bíó og sjónvarp Golden Globe-verðlaunin Emmy-verðlaunin Mest lesið Eva segir lífið betra með Kára Stefáns Lífið Tíu myndarleg einbýlishús á höfuðborgarsvæðinu Lífið Falska söngkonan á leið í meðferð Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Stjörnulífið: Heimir Hallgríms ástfanginn í Suður Frakklandi Lífið Hildur Vala og Kjartan keyptu raðhús í Fossvogi Lífið Logi Bergmann var tekinn Lífið „Ég var dómharður og ömurlegur gæi“ Lífið Myndaveisla: Héldu upp á tíu ára afmælið í Guðmundarlundi Lífið Fleiri fréttir Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Nova klippir kaffiverðið Bylgjulestin var í beinni frá Humarhátíðinni Nýjar merkjavörur í hverri viku á Pop up markaði Optical Studio Nú set ég mig í fyrsta, annað og þriðja sætið Bylgjulestin á Humarhátíðinni um helgina Látum ekki lúsmýið skemma fyrir okkur gleðina - Bitin burt Sólgleraugu og umgjarðir á 40-70% afslætti - Pop up Optical Studio Hægðirnar segja til um heilsufarið – rétt fóður mikilvægt Hefði ekki trúað áhrifunum! Frábær stemming á Jósmessuhátíð á Eyrarbakka Farðu ljómandi í sumarið! Það má leika sér með matinn Bylgjulestin mætir á Jónsmessuhátíð á Eyrarbakka um helgina „Finnst ég geta afkastað mun meira yfir daginn“ Heimili myndast þegar fjölskyldan ver tíma þar saman Bylgjulestin í bongóblíðu á Þingvöllum Myndaveisla: Enn eitt vel heppnað Streetball mót X977 Allt sem þú þarft fyrir Midsummer hátíðina Bylgjulestin verður á Þingvöllum laugardaginn 15. júní Viltu bæta svefngæði þín? „Í fyrrakvöld bjargaði Tesla bifreið lífi mínu“ Sjá meira