„Velti fyrir mér virði heiðursmannasamkomulags“ Hjörtur Leó Guðjónsson skrifar 25. apríl 2023 20:58 Þórir Guðmundsson, formaður barna- og unglingaráðs körfuknattleiksdeildar Vestra segir vinnubrögð Tindastóls ekki vera til útfluttnings. Samsett/Vestri Vestra verður að öllum líkindum dæmdur ósigur í tveimur leikjum félagsins í 11. flokki karla í körfubolta eftir að liðið notaði leikmann sem var of gamall til að spila í flokknum. Félagið hafði hins vegar fengið samþykki allra annarra liða í deildinni fyrir því að nota leikmanninn. Þórir Guðmundsson, formaður barna- og unglingaráðs körfuknattleiksdeildar Vestra, segir frá því á Facebook-síðu sinni í dag að síðasta sumar hafi félagið sent tölvupóst til allra félaganna sem voru með 11. flokki Vestra í deild í Íslandsmótinu. Tilefni tölvupóstsins var til að kanna hvort hin félögin væru til í að gera heiðursmannasamkomulag um að leyfa leikmanni sem var orðinn of gamall til að spila í 11. flokki að spila með flokknum í vetur. „Ljóst var að það væri enginn vettvangur fyrir þennan dreng á tímabilinu sem er að líða og því ákváðum við að kanna þennan möguleika, því ekki vildum við að hann hætti í körfubolta. Það reynist oft erfitt að manna flokka á landsbyggðini eftir því sem iðkendur okkar eldast og stóðu hlutirnir þannig að þessi umræddi leikmaður var einn eftir á þessum aldri,“ segir Þórir í færslu sinni. Tindastóll fer í úrslitakeppni á kostnað Vestra Samkvæmt færslu Þóris samþykktu öll lið deildarinnar þessa beiðni Vestra og því lék umræddur leikmaður með 11. flokki félagsins í vetur. Vestri hafnaði að lokum í fjórða sæti 2. deildar, tveimur stigum fyrir ofan Tindastól sem hafnaði í fimmta sæti. Liðin mættust innbyrðis í þrígang á tímabilinu þar sem Vestri vann tvo leiki og Tindastóll einn. Þórir segir svo frá því að í dag hafi honum hins vegar borist tölvupóstur frá Körfuknattleikssambandi Íslands, KKÍ, þar sem honum er tilkynnt að borist hefði formleg kvörtun frá Tindastóli vegna þess að Vestri hafði notað ólöglegan leikmann í leikjunum á móti þeim. Það sé því nokkuð ljóst að Tindastóli verði dæmdur 20-0 sigur í leikjunum tveimur sem töpuðust gegn Vestra, en úrslitin úr sigurleik Tindastóls gegn Vestra haldast óbreytt. Tindastóll mun því færast upp í fjórða sæti deildarinnar og fær sæti í úrslitakeppni 2. deildar á kostnað Vestra. Vissu af áhættunni Þórir bendir þó á að hann og aðrir innan stjórnar Vestra hafi vissulega vitað að eitthvað líkt þessu gæti gerst. Hann veltir hins vegar fyrir sér virði heiðursmannasamkomulags. „Ég veit vel hvernig regluverk KKÍ er og vissum við vel af þessari áhættu. En það hefur tíðkast að lið ræði saman í svona aðstöðu og hafa lið nánast alltaf hjálpast að við að skapa öllum vettvang og því sýnt þessu skilning, innan skynsamlegra marka að sjálfsögðu,“ ritar Þórir. „Við getum auðvitað ekkert gert og tökum þessu, enda var þessi áhætta til staðar. Ég hinsvegar velti fyrir mér virði heiðursmannasamkomulags og hvort að fólki finnist svona auðvelt að ganga á bak orða sinna? Ég vill trúa því að það sé mikill minnihluti sem geri það og erum við bara óheppin að hluti af því fólki er í barna- og unglingaráði Tindastóls.“ „Ég vill samt óska drengjunum í Tindastóli til hamingju með að vera komnir í úrslitakeppnina og vonandi gengur þeim vel. Vona að stjórn barna- og unglingaráðs Tindastóls sé líka stolt af þessum vinnubrögðum sínum. Ef þið spyrjið mig þá myndi ég segja að þau séu ekki til útflutnings,“ segir Þórir að lokum og lætur skjáskot af tölvupóstsamskiptum sínum við barna- og unglingaráð Tindastóls fylgja með. Uppfært kl. 22:37. Þórir hefur nú uppfært Facebook-færslu sína þar sem hann segist hafa verið í góðum samskiptum við fólk úr röðum Tindastóls eftir að upphafleg færsla hans birtis. Hann segir að ákvörðunin hafi verið tekin af miklum minnihluta deildarinnar, án vitundar drengjanna í liðinu og foreldra þeirra. „Er búinn að vera í góðum samskiptum við fólk úr röðum Tindastóls og kom í ljós að þessi ákvörðun var tekin af miklum minnihluta deildarinnar. Það er ljóst að langflestir vissu ekki af þessu og ekki drengirnir í flokknum né foreldrar þeirra.“ Körfubolti Vestri Tindastóll Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Hjólhestaspyrna Bellingham bjargaði Englendingum Fótbolti Segja ballið búið hjá Heimi og Jamaíka Fótbolti Mögnuð reynsla og magnaður hópur Sport Almar skoraði fjörutíu stig þegar Ísland varð Norðurlandameistari Körfubolti Spánverjar í átta liða úrslit en ævintýri Georgíu á enda Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Leik lokið: Víkingur R. - Fram 2-1 | Meistararnir héldu út Íslenski boltinn „Við erum svona fimm prósentum frá þeim stað sem við viljum vera á“ Fótbolti Myndefni af ofsaveðrinu: Þrumur, eldingar, haglél og fossandi rigning á EM Fótbolti Fleiri fréttir Almar skoraði fjörutíu stig þegar Ísland varð Norðurlandameistari Faðir og sonur munu stýra syni og bróður Segir að Golden State banni Wiggins að spila á ÓL LeBron stoltur af syninum: „Arfleið!“ James feðgarnir sameinast í liði Los Angeles Lakers Álftanes fær mikla hetju úr Texas háskólanum Kínverski risinn sem enginn getur stöðvað Tveir Frakkar valdir fyrstir í nýliðavali NBA Maðurinn sem missir ekki úr mínútu skiptir um lið í stóra eplinu Basile á Krókinn Sara Rún áfram í Keflavík næstu tvö árin Lakers staðfesta ráðningu JJ Redick Besti leikmaður 1. deildarinnar til liðs við Álftanes Reese bætti met þegar hún sökkti Clark í uppgjöri nýliðanna Maddie Sutton áfram í herbúðum Þórs Israel Martín þjálfar aftur Tindastól Aldrei verið dýrara að kaupa miða á kvennakörfuboltaleik Margir feitir bitar með lausa samninga Grindvíkingar búnir að finna sér nýjan bandarískan bakvörð Átján ára körfuboltastrákur sagður vera 2,36 metrar á hæð Skiptir um lið en ekki um heimavöll Íslenska vegabréfið skilar Danielle samningi hjá Euro Cup liði Hlaðvarpsfélagi LeBrons nýr þjálfari LA Lakers Nýliðarnir sækja sér styrk í Hafnarfjörðinn Hefur grætt tólf milljarða króna á því að vera rekinn Líst afar vel á Friðrik Inga og framlengdi um tvö ár Þjálfari Boston Celtics þarf að fara í aðgerð eftir tímabilið Pep Guardiola hjálpaði Boston Celtics að vinna NBA titilinn Gríðarleg fagnaðarlæti í Boston eftir sigur Celtics Þórsarar sækja Ólaf úr háskólaboltanum Sjá meira
Þórir Guðmundsson, formaður barna- og unglingaráðs körfuknattleiksdeildar Vestra, segir frá því á Facebook-síðu sinni í dag að síðasta sumar hafi félagið sent tölvupóst til allra félaganna sem voru með 11. flokki Vestra í deild í Íslandsmótinu. Tilefni tölvupóstsins var til að kanna hvort hin félögin væru til í að gera heiðursmannasamkomulag um að leyfa leikmanni sem var orðinn of gamall til að spila í 11. flokki að spila með flokknum í vetur. „Ljóst var að það væri enginn vettvangur fyrir þennan dreng á tímabilinu sem er að líða og því ákváðum við að kanna þennan möguleika, því ekki vildum við að hann hætti í körfubolta. Það reynist oft erfitt að manna flokka á landsbyggðini eftir því sem iðkendur okkar eldast og stóðu hlutirnir þannig að þessi umræddi leikmaður var einn eftir á þessum aldri,“ segir Þórir í færslu sinni. Tindastóll fer í úrslitakeppni á kostnað Vestra Samkvæmt færslu Þóris samþykktu öll lið deildarinnar þessa beiðni Vestra og því lék umræddur leikmaður með 11. flokki félagsins í vetur. Vestri hafnaði að lokum í fjórða sæti 2. deildar, tveimur stigum fyrir ofan Tindastól sem hafnaði í fimmta sæti. Liðin mættust innbyrðis í þrígang á tímabilinu þar sem Vestri vann tvo leiki og Tindastóll einn. Þórir segir svo frá því að í dag hafi honum hins vegar borist tölvupóstur frá Körfuknattleikssambandi Íslands, KKÍ, þar sem honum er tilkynnt að borist hefði formleg kvörtun frá Tindastóli vegna þess að Vestri hafði notað ólöglegan leikmann í leikjunum á móti þeim. Það sé því nokkuð ljóst að Tindastóli verði dæmdur 20-0 sigur í leikjunum tveimur sem töpuðust gegn Vestra, en úrslitin úr sigurleik Tindastóls gegn Vestra haldast óbreytt. Tindastóll mun því færast upp í fjórða sæti deildarinnar og fær sæti í úrslitakeppni 2. deildar á kostnað Vestra. Vissu af áhættunni Þórir bendir þó á að hann og aðrir innan stjórnar Vestra hafi vissulega vitað að eitthvað líkt þessu gæti gerst. Hann veltir hins vegar fyrir sér virði heiðursmannasamkomulags. „Ég veit vel hvernig regluverk KKÍ er og vissum við vel af þessari áhættu. En það hefur tíðkast að lið ræði saman í svona aðstöðu og hafa lið nánast alltaf hjálpast að við að skapa öllum vettvang og því sýnt þessu skilning, innan skynsamlegra marka að sjálfsögðu,“ ritar Þórir. „Við getum auðvitað ekkert gert og tökum þessu, enda var þessi áhætta til staðar. Ég hinsvegar velti fyrir mér virði heiðursmannasamkomulags og hvort að fólki finnist svona auðvelt að ganga á bak orða sinna? Ég vill trúa því að það sé mikill minnihluti sem geri það og erum við bara óheppin að hluti af því fólki er í barna- og unglingaráði Tindastóls.“ „Ég vill samt óska drengjunum í Tindastóli til hamingju með að vera komnir í úrslitakeppnina og vonandi gengur þeim vel. Vona að stjórn barna- og unglingaráðs Tindastóls sé líka stolt af þessum vinnubrögðum sínum. Ef þið spyrjið mig þá myndi ég segja að þau séu ekki til útflutnings,“ segir Þórir að lokum og lætur skjáskot af tölvupóstsamskiptum sínum við barna- og unglingaráð Tindastóls fylgja með. Uppfært kl. 22:37. Þórir hefur nú uppfært Facebook-færslu sína þar sem hann segist hafa verið í góðum samskiptum við fólk úr röðum Tindastóls eftir að upphafleg færsla hans birtis. Hann segir að ákvörðunin hafi verið tekin af miklum minnihluta deildarinnar, án vitundar drengjanna í liðinu og foreldra þeirra. „Er búinn að vera í góðum samskiptum við fólk úr röðum Tindastóls og kom í ljós að þessi ákvörðun var tekin af miklum minnihluta deildarinnar. Það er ljóst að langflestir vissu ekki af þessu og ekki drengirnir í flokknum né foreldrar þeirra.“
Körfubolti Vestri Tindastóll Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Hjólhestaspyrna Bellingham bjargaði Englendingum Fótbolti Segja ballið búið hjá Heimi og Jamaíka Fótbolti Mögnuð reynsla og magnaður hópur Sport Almar skoraði fjörutíu stig þegar Ísland varð Norðurlandameistari Körfubolti Spánverjar í átta liða úrslit en ævintýri Georgíu á enda Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Leik lokið: Víkingur R. - Fram 2-1 | Meistararnir héldu út Íslenski boltinn „Við erum svona fimm prósentum frá þeim stað sem við viljum vera á“ Fótbolti Myndefni af ofsaveðrinu: Þrumur, eldingar, haglél og fossandi rigning á EM Fótbolti Fleiri fréttir Almar skoraði fjörutíu stig þegar Ísland varð Norðurlandameistari Faðir og sonur munu stýra syni og bróður Segir að Golden State banni Wiggins að spila á ÓL LeBron stoltur af syninum: „Arfleið!“ James feðgarnir sameinast í liði Los Angeles Lakers Álftanes fær mikla hetju úr Texas háskólanum Kínverski risinn sem enginn getur stöðvað Tveir Frakkar valdir fyrstir í nýliðavali NBA Maðurinn sem missir ekki úr mínútu skiptir um lið í stóra eplinu Basile á Krókinn Sara Rún áfram í Keflavík næstu tvö árin Lakers staðfesta ráðningu JJ Redick Besti leikmaður 1. deildarinnar til liðs við Álftanes Reese bætti met þegar hún sökkti Clark í uppgjöri nýliðanna Maddie Sutton áfram í herbúðum Þórs Israel Martín þjálfar aftur Tindastól Aldrei verið dýrara að kaupa miða á kvennakörfuboltaleik Margir feitir bitar með lausa samninga Grindvíkingar búnir að finna sér nýjan bandarískan bakvörð Átján ára körfuboltastrákur sagður vera 2,36 metrar á hæð Skiptir um lið en ekki um heimavöll Íslenska vegabréfið skilar Danielle samningi hjá Euro Cup liði Hlaðvarpsfélagi LeBrons nýr þjálfari LA Lakers Nýliðarnir sækja sér styrk í Hafnarfjörðinn Hefur grætt tólf milljarða króna á því að vera rekinn Líst afar vel á Friðrik Inga og framlengdi um tvö ár Þjálfari Boston Celtics þarf að fara í aðgerð eftir tímabilið Pep Guardiola hjálpaði Boston Celtics að vinna NBA titilinn Gríðarleg fagnaðarlæti í Boston eftir sigur Celtics Þórsarar sækja Ólaf úr háskólaboltanum Sjá meira