Innlent

Bíll í ljósum logum á Miklubraut

Magnús Jochum Pálsson skrifar
Stillur úr myndbandi af bílnum brenna.
Stillur úr myndbandi af bílnum brenna. Björn Steinbekk

Slökkviliðinu barst tilkynning um bíl í ljósum logum á Miklubraut við göngubrúna við Grundargerði rétt hjá Skeifunni. Slökkviliðið segir alla farþega komna út úr bílnum og að verið sé að slökkva eldinn.

Á myndbandi sem Björn Steinbekk tók má sjá hvernig fjölmennur hópur fólks var mættur til að fylgjast með bílnum brenna.

„Það eru allir komnir út og mínir menn eru að slökkva í bílnum í þessum töluðu orðum,“ sagði Þorsteinn Gunnarsson, varðstjóri í aðgerðarstjórn Slökkviliðsins á höfuðborgarsvæðinu, í samtali við Vísi laust fyrir ellefu.

Aðspurður hvort um væri að ræða rafmagnsbíl sagði Þorsteinn svo ekki vera. Um væri að ræða annað hvort bensín eða díselbíl.

Svo virðist sem kviknað hafi í bílnum á miðri ferð þar sem hann brann á miðjum veginum. Ekki er vitað hvað olli brunanum.

Aðspurður sagði Þorsteinn að það væri algengara að það kviknaði í kyrrstæðum bílum en það væri þó allur gangur á því.

Slökkvilið Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið