Hafa haft áhyggjur af starfsemi Base Parking í mörg ár Margrét Björk Jónsdóttir skrifar 15. mars 2024 20:33 Guðbjörg segir mjög langt síðan ábendingar vegna Base Parking fóru að berast verkalýðsfélagi Keflavíkur. Vísir/Bjarni Formaður verkalýðsfélags Keflavíkur og nágrennis segir áhyggjur hafa verið uppi um starfsemi bílastæðaþjónustunnar Base Parking á Keflavíkurflugvelli í fjöldamörg ár. Grunur er um að brotið sé á réttindum starfsmanna og að þeir fái greitt undir borðið. Fjölmargir viðskiptavinir lýsa slæmri reynslu sinni af viðskiptum við fyrirtækið. „Við höfum verið að fá inn mál vegna þessa fyrirtækis svo lengi sem ég man eftir. Ég hef unnið hérna síðan 2015 og þetta hefur verið í gangi allavega síðan þá,” segir Guðbjörg Kristmundsdóttir, formaður Verkalýðs- og sjómannafélags Keflavíkur og nágrennis um fyrirtækið Base Parking. „Við höfum fengið mikið af kvörtunum frá félagsmönnum, bæði vegna vangreiddra launa, skattur hefur ekki verið að skila sér, félags-og lífeyrissjóðsgjöld hafa ekki verið að skila sér. Eftirlitið hefur farið á staðinn og aðbúnaði starfsmanna er verulega ábótavant. Það er ekki starfsmannaaðstaða og starfsmenn hafa ekki almenninlegan stað til að nærast og fara á klósett.” Guðbjörg segir starfsmannahóp fyrirtækisins mestmegnis samanstanda af ungu fólki og útlendingum sem þekki mögulega ekki réttindi sín. „Okkur hefur borist það til eyrna og höfum séð bankayfirlit hjá fólki, að laun eru ekki að stemma við launaseðla. Eins hefur fólk talað um að það hafi fengið greitt í peningum. Þannig maður hefur áhyggjur af því að það sé verið að greiða undir borð þarna, og það er kannski ekki fólk sem við fáum ábendingar um, svo maður hefur áhyggjur af þessum hóp.” Bílastæði Base Parking í Reykjanesbæ. Vísir/Bjarni Þá segist Guðbjörg ekki vita til þess að lögregla hafi haft afskipti af starfsemi Base Parking en það kæmi henni þó ekki á óvart ef svo væri. Sprungin dekk og slæmar aðstæður EFtir að frétt birtist á Vísi í gær þar sem tveir menn lýstu óánægju sinni með viðskipti við fyrirtækið hafa fréttastofu borist tugir ábendinga frá viðskiptavinum með svipaða reynslu. Fjölmargir hafa tjáð sig á samfélagsmiðlum um slæma reynslu af viðskiptum við Base Parking, auk þess sem fréttastofu hefur borist holskefla af ábendingum í kjölfar fréttaflutnings. Vísir/Hjalti Margir hverjir lýsa því að starfsmaður hafi ekki verið á svæðinu með bílinn þegar þeir lenda og að erfiðlega hafi gengið að ná í einhvern á vegum fyrirtækisins. Nokkrir hafa greint frá því að tugir eða jafnvel hundrað kílómetrar hafi bæst á akstursmæli bíla sem voru í geymslu hjá fyrirtækinu eða að þeir hafi orðið fyrir skemmdum. Fréttastofa leit í dag við á bílaplaninu þar sem bílarnir í umsjá Base Parking eru geymdir, en þar er óheft aðgengi fyrir hvern sem er, engin lýsing, öryggisgæsla né aðstaða fyrir starfsfólk. Bílum var lagt út í móa og víða mátti sjá skemmdir á bílum og sprungin dekk. Týndu bæði bílnum og lyklunum Í kvöldfréttatíma Stöðvar 2 var rætt við einn þeirra sem ber fyrirtækinu ekki vel söguna. Víðir Björnsson kom fyrir skemmstu heim úr ferðalagi frá Japan og hafði nýtt sér þjónustu Base Parking á meðan. Þegar hann lenti var enginn starfsmaður fyrirtækisins sjáanlegur og bíllinn hvergi nærri. Víðir Björnsson er einn þeirra sem hafa ekki góða reynslu af viðskiptum við Base Parking bílastæðaþjónustuna. Vísir/Bjarni „Þeir eru með vaktsímanúmer þar sem á að vera hægt að ná í þá allan sólarhringinn, ég held ég hafi hringt yfir tuttugu sinnum í það númer enþað svaraði aldrei neinn. Það var ekki fyrr en ég hef samband við eigandann á Facebook og segi að ég sé búinn að tilkynna bílinn stolinn að ég fæ einhver svör,“ segir Víðir. Eftir um þriggja klukkustunda bið fékk Víðir þær upplýsingar að bíllinn væri týndur og þurfti hann því að koma sér heim sjálfur. Skömmu síðar fékk hann þær upplýsingar að bíllinn væri fundinn, en lyklarnir fyndust hvergi. Þeir komu þó í leitirnar og bíllinn skilaði sér á endanum, með hálfétnum kebab bát í aftursætinu. Það besta var samt þegar starfsmaðurinn sem var að koma með bílinn hringdi í mig og sagðist vera á leiðinni, spurði hvort ég gæti skutlað honum til baka í Keflavík. Fréttastofa hefur síðasta sólarhringinn gert ítrekaðar tilraunir til að ná sambandi við eiganda Base Parking, Ómar Hjaltason. Hann svaraði skriflegri fyrirspurn seinnipartinn, þar sem hann sagði meiriháttar vandamál geta komið upp tvisvar til þrisvar sinnum á ári, en það væri mjög lítið hlutfall af viðskiptavinum fyrirtækisins. Hann viðurkenndi að tjón hafi orðið á bílum viðskiptavina en mikið væri lagt upp úr því að aðstoða þá við úrlausn sinna mála. „Það hafa komið upp tjón á bílum viðskiptavina. Við leggjum mikið upp úr því að ef viðskiptavinur lendir í tjóni að hann fái hraða og fagmannlega aðstoð við úrlausn sinna mála. Tjón eru afar sjaldgæf en starfsmenn gæta fyllsta öryggis við akstur á bílunum,“ sagði Ómar Hjaltason, eigandi Base Parking í skriflegu svari til fréttastofu.Vísir/Bjarni Nánar verður fjallað um Base Parking á Vísi í fyrramálið auk þess sem svörum Ómars verða gerð nánari skil. Bílastæði Keflavíkurflugvöllur Neytendur Ferðalög Bílar Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent „Það er komið að skuldadögum“ Innlent Trump gerði lítið úr æðstu heiðursorðu bandarískra hermanna Erlent Sagði Pétri Jökli að skipta um síma í snarheitum Innlent Sérsveitin kölluð til í Urriðaholti Innlent Óttast að tapa bestu flúðum landsins í virkjun Innlent Pétur Jökull hljóti að vera einstaklega óheppinn Innlent „Þetta var bara okkar líf og nú er það farið“ Innlent Katrín gerir upp framboðið og safnar heitum Innlent Fleiri fréttir Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og klessti á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Sjá meira
„Við höfum verið að fá inn mál vegna þessa fyrirtækis svo lengi sem ég man eftir. Ég hef unnið hérna síðan 2015 og þetta hefur verið í gangi allavega síðan þá,” segir Guðbjörg Kristmundsdóttir, formaður Verkalýðs- og sjómannafélags Keflavíkur og nágrennis um fyrirtækið Base Parking. „Við höfum fengið mikið af kvörtunum frá félagsmönnum, bæði vegna vangreiddra launa, skattur hefur ekki verið að skila sér, félags-og lífeyrissjóðsgjöld hafa ekki verið að skila sér. Eftirlitið hefur farið á staðinn og aðbúnaði starfsmanna er verulega ábótavant. Það er ekki starfsmannaaðstaða og starfsmenn hafa ekki almenninlegan stað til að nærast og fara á klósett.” Guðbjörg segir starfsmannahóp fyrirtækisins mestmegnis samanstanda af ungu fólki og útlendingum sem þekki mögulega ekki réttindi sín. „Okkur hefur borist það til eyrna og höfum séð bankayfirlit hjá fólki, að laun eru ekki að stemma við launaseðla. Eins hefur fólk talað um að það hafi fengið greitt í peningum. Þannig maður hefur áhyggjur af því að það sé verið að greiða undir borð þarna, og það er kannski ekki fólk sem við fáum ábendingar um, svo maður hefur áhyggjur af þessum hóp.” Bílastæði Base Parking í Reykjanesbæ. Vísir/Bjarni Þá segist Guðbjörg ekki vita til þess að lögregla hafi haft afskipti af starfsemi Base Parking en það kæmi henni þó ekki á óvart ef svo væri. Sprungin dekk og slæmar aðstæður EFtir að frétt birtist á Vísi í gær þar sem tveir menn lýstu óánægju sinni með viðskipti við fyrirtækið hafa fréttastofu borist tugir ábendinga frá viðskiptavinum með svipaða reynslu. Fjölmargir hafa tjáð sig á samfélagsmiðlum um slæma reynslu af viðskiptum við Base Parking, auk þess sem fréttastofu hefur borist holskefla af ábendingum í kjölfar fréttaflutnings. Vísir/Hjalti Margir hverjir lýsa því að starfsmaður hafi ekki verið á svæðinu með bílinn þegar þeir lenda og að erfiðlega hafi gengið að ná í einhvern á vegum fyrirtækisins. Nokkrir hafa greint frá því að tugir eða jafnvel hundrað kílómetrar hafi bæst á akstursmæli bíla sem voru í geymslu hjá fyrirtækinu eða að þeir hafi orðið fyrir skemmdum. Fréttastofa leit í dag við á bílaplaninu þar sem bílarnir í umsjá Base Parking eru geymdir, en þar er óheft aðgengi fyrir hvern sem er, engin lýsing, öryggisgæsla né aðstaða fyrir starfsfólk. Bílum var lagt út í móa og víða mátti sjá skemmdir á bílum og sprungin dekk. Týndu bæði bílnum og lyklunum Í kvöldfréttatíma Stöðvar 2 var rætt við einn þeirra sem ber fyrirtækinu ekki vel söguna. Víðir Björnsson kom fyrir skemmstu heim úr ferðalagi frá Japan og hafði nýtt sér þjónustu Base Parking á meðan. Þegar hann lenti var enginn starfsmaður fyrirtækisins sjáanlegur og bíllinn hvergi nærri. Víðir Björnsson er einn þeirra sem hafa ekki góða reynslu af viðskiptum við Base Parking bílastæðaþjónustuna. Vísir/Bjarni „Þeir eru með vaktsímanúmer þar sem á að vera hægt að ná í þá allan sólarhringinn, ég held ég hafi hringt yfir tuttugu sinnum í það númer enþað svaraði aldrei neinn. Það var ekki fyrr en ég hef samband við eigandann á Facebook og segi að ég sé búinn að tilkynna bílinn stolinn að ég fæ einhver svör,“ segir Víðir. Eftir um þriggja klukkustunda bið fékk Víðir þær upplýsingar að bíllinn væri týndur og þurfti hann því að koma sér heim sjálfur. Skömmu síðar fékk hann þær upplýsingar að bíllinn væri fundinn, en lyklarnir fyndust hvergi. Þeir komu þó í leitirnar og bíllinn skilaði sér á endanum, með hálfétnum kebab bát í aftursætinu. Það besta var samt þegar starfsmaðurinn sem var að koma með bílinn hringdi í mig og sagðist vera á leiðinni, spurði hvort ég gæti skutlað honum til baka í Keflavík. Fréttastofa hefur síðasta sólarhringinn gert ítrekaðar tilraunir til að ná sambandi við eiganda Base Parking, Ómar Hjaltason. Hann svaraði skriflegri fyrirspurn seinnipartinn, þar sem hann sagði meiriháttar vandamál geta komið upp tvisvar til þrisvar sinnum á ári, en það væri mjög lítið hlutfall af viðskiptavinum fyrirtækisins. Hann viðurkenndi að tjón hafi orðið á bílum viðskiptavina en mikið væri lagt upp úr því að aðstoða þá við úrlausn sinna mála. „Það hafa komið upp tjón á bílum viðskiptavina. Við leggjum mikið upp úr því að ef viðskiptavinur lendir í tjóni að hann fái hraða og fagmannlega aðstoð við úrlausn sinna mála. Tjón eru afar sjaldgæf en starfsmenn gæta fyllsta öryggis við akstur á bílunum,“ sagði Ómar Hjaltason, eigandi Base Parking í skriflegu svari til fréttastofu.Vísir/Bjarni Nánar verður fjallað um Base Parking á Vísi í fyrramálið auk þess sem svörum Ómars verða gerð nánari skil.
Bílastæði Keflavíkurflugvöllur Neytendur Ferðalög Bílar Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent „Það er komið að skuldadögum“ Innlent Trump gerði lítið úr æðstu heiðursorðu bandarískra hermanna Erlent Sagði Pétri Jökli að skipta um síma í snarheitum Innlent Sérsveitin kölluð til í Urriðaholti Innlent Óttast að tapa bestu flúðum landsins í virkjun Innlent Pétur Jökull hljóti að vera einstaklega óheppinn Innlent „Þetta var bara okkar líf og nú er það farið“ Innlent Katrín gerir upp framboðið og safnar heitum Innlent Fleiri fréttir Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og klessti á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Sjá meira