Úlfúð á Ólympíuleikunum: „Hef aldrei verið slegin svona áður“ Aron Guðmundsson skrifar 1. ágúst 2024 14:59 Imane Khelif bar sigur úr býtum gegn hinni ítölsku Angelu Carini í hnefaleikum á Ólympíuleikunum í París fyrr í dag. Ekki eru allir á eitt sáttir með að Khelif hafi fengið þátttökurétt í hnefaleikum á Ólympíuleikunum eftir að henni var vikið af HM á síðasta ári fyrir að hafa ekki staðist kynjapróf. Vísir/EPA Þátttaka hinnar alsírsku Imane Khelif í kvennaflokki í hnefaleikum á yfirstandandi Ólympíuleikum í París hefur valdið fjaðrafoki. Khelif var meinuð þátttaka á heimsmeistaramóti síðasta árs eftir að hafa ekki staðist kynjapróf. Hin ítalska Angela Carini bað um að bardagi sinn við Khelif, á Ólympíuleikunum fyrr í dag, yrði stöðvaður eftir að aðeins 46 sekúndur höfðu liðið af honum. „Ég hef aldrei verið slegin svona áður,“ sagði Carini eftir bardagann. Khelif er ein tveggja keppenda til þess að fá leyfi til þess að keppa í flokki kvenna í hnefaleikum á Ólympíuleikunum í París eftir að hafa verið vikið frá keppni á heimsmeistaramótinu í fyrra. Mót sem Alþjóðahnefaleikasambandið (IBA) skipuleggur. Khelif var dæmd úr keppni á heimsmeistaramótinu í hnefaleikum í fyrra, þar sem að hún keppti í veltivigtarflokki, eftir að hafa ekki uppfyllt þær kröfur sem gerðar eru til keppenda með kynjaprófi. En reglurnar koma í veg fyrir að íþróttamenn með XY-litninga keppi í kvennagreinum. Alþjóðaólympíunefndin (IOC) segir ástæðuna fyrir brottvísun Khelif frá keppni á heimsmeistaramótinu hafa stafað af of háu gildi testósterón hormóns í líkamsstarfsemi hennar. Álitamál eru uppi um hvort að Khelif sé Intersex einstaklingur. Intersex einstaklingar fæðast með einkenni sem eru ekki algjörlega karl- eða kvenkyns; sem eru sambland af karl- og kvenkyns; eða sem eru hvorki karl- né kvenkyns. Nánari fróðleik má nálgast á síðu Hinsegin frá A til Ö. sem og heimasíðu Intersex Ísland. Fékk nóg eftir 46 sekúndur Khelif, sem einnig keppti á Ólympíuleikunum í Tókýó, mætti til leiks í annarri umferð hnefaleikakeppninnar á yfirstandandi Ólympíuleikum og mætti þar hinni ítölsku Angelu Carini. Eftir þrjátíu sekúndna bardaga og þungt högg í höfuð bað Carini um að hlé yrði gert á bardaganum til þess að hún gæti fengið þjálfara sinn til þess að laga höfuðvörn sína. Bardaginn hélt svo áfram í nokkrar sekúndur eftir það en þá fékk Carini annað þungt höfuðhögg frá Khelif og þá bað sú ítalska um að bardaginn yrði stöðvaður eftir að 46 sekúndur höfðu liðið af fyrstu lotu. Khelif slær frá sér í bardaganum fyrr í dagVísir/Getty Khelif var úrskurðuð sigurvegari bardagans. Skömmu áður en dómarinn lyfti hendi hinnar alsírsku og úrskurðaði hana sigurvegarann mátti heyra Carini segja „þetta er ekki réttlátt“ og í kjölfarið brotnaði sú ítalska niður í hringnum. „Ég er niðurbrotin,“ sagði Carini eftir bardagann en The Guardian greinir frá. „Ég steig inn í hringinn til þess að heiðra minningu föður míns. Ég hef oft fengið að heyra það að ég sé stríðskona en ég ákvað að hætta keppni heilsu minnar vegna. Ég hef aldrei verið slegin svona áður. Ég steig inn í hringinn til þess að berjast. Ég gafst ekki upp en eitt höggið særði mig of mikið þannig að ég kallaði þetta gott. Ég fer héðan og get borið höfuðið hátt.“ Khelif var úrskurðaður sigurvegari bardagans gegn Carini eftir að sú ítalska bað um að hann yrði stöðvaður eftir að 46 sekúndur höfðu liðið af fyrstu lotu.Vísir/EPA Ekki sömu kröfur gerðar til keppenda Khelif er komin í átta manna úrslit á Ólympíuleikunum í París en uppákoman í morgun hefur vakið upp spurningar og gagnrýni í garð Alþjóðaólympíunefndarinnar fyrir að veita Khelif, sem og Lin Yu-ting frá Taívan, sem einnig var vikið frá HM í fyrra, keppnisleyfi á Ólympíuleikunum. Alþjóðahnefaleikasambandið (IBA), sem sér um skipulagningu á heimsmeistaramótinu sem Khelif og Lin var vikið af í fyrra, kemur ekki að keppni í hnefaleikum á Ólympíuleikunum. Nýverið gaf sambandið út yfirlýsingu þar sem það furðaði sig á því að Khelif og Lin hafi fengið keppnisleyfi í flokki kvenna á Ólympíuleikunum í París. Carini féll niður á hné og brotnaði saman eftir bardagann.Vísir/Getty Khelif hafi staðist allar kröfur IBA var svipt yfirumsjón með hnefaleikum á Ólympíuleikunum af Alþjóðaólympíunefndinni eftir að sambandinu mistókst að koma á umbótum á stjórnarháttum sínum, fjármálum og siðferðislegum álitamálum sem upp höfðu komið. Mark Adams, talsmaður Alþjóðaólympíunefndarinnar, hefur varið ákvörðun nefndarinnar að veita Khelif og Lin keppnisleyfi í hnefaleikum á Ólympíuleikunum. „Allar sem keppa í kvennaflokki hafa uppfyllt öll okkar viðmið um keppnishæfi í flokknum,“ hefur Adams látið hafa eftir sér í fjölmiðlum. Ólympíusamband Alsír fordæmir þær „tilhæfulausu árásir“ sem nefndin segir Khelif hafa orðið fyrir. Þá furðar Eugenia Roccella, fjölskyldu- og jafnréttismálaráðherra Ítalíu, sig á því ekki séu við lýði ákveðin og ströng samræmd viðmið um keppni og keppnishæfi í hnefaleikum á alþjóðavettvangi. Fulltrúar, sem Alþjóðaólympíunefndin skipaði sjálf, sjá um keppni í hnefaleikum á Ólympíuleikunum í París og segjast þeir styðjast við reglubók sem farið var eftir í keppni í hnefaleikum á Ólympíuleikunum árið 2016 í Rio de Janeiro. Ólympíuleikar 2024 í París Box Mest lesið Lýsti ofbeldinu sem faðir hans beitti hann Sport Paul vill nú berjast við fyrrum heimsmeistara í pílu Sport Rekinn fyrir að vera í sambandi með leikmanni en vill annað tækifæri Enski boltinn „Bestu liðin hafa ekkert að fela og deila upplýsingum“ Handbolti Aftur hefur KR leik í Laugardalnum Íslenski boltinn Eygló tilnefnd sem lyftingakona ársins í Evrópu Sport Alfreð Gísla: „Skemmdarverk á handboltanum“ Handbolti Rannsaka hatursorðræðu í garð Banda Fótbolti Argentína rústaði Brasilíu og er komin á HM Fótbolti Besta-spáin 2025: Ætla að brosa aftur í mótslok Íslenski boltinn Fleiri fréttir „Mjög krefjandi tímabil framundan“ „Lærir með hverju árinu hvað maður á að hlusta á og hvað ekki“ Besta-spáin 2025: Ætla að brosa aftur í mótslok Argentína rústaði Brasilíu og er komin á HM Rekinn fyrir að vera í sambandi með leikmanni en vill annað tækifæri Eygló tilnefnd sem lyftingakona ársins í Evrópu „Bestu liðin hafa ekkert að fela og deila upplýsingum“ Lýsti ofbeldinu sem faðir hans beitti hann Paul vill nú berjast við fyrrum heimsmeistara í pílu Dagskráin í dag: Bónus deild kvenna frá A til Ö Rannsaka hatursorðræðu í garð Banda Aftur hefur KR leik í Laugardalnum Portúgölsku Íslendingaliðin með mikilvæga sigra Martin dældi út stoðsendingum í enn einu Evróputapinu Stórskotaliðið gerði sitt þegar Norðmenn lögðu Ísrael Bjarki Már öflugur Nýi markvörður KA kom snemma inn af bekknum í fyrsta leik Elliði Snær átti sinn þátt í óvæntum sigri Ísabella Sara sögð á leið til Rosengård Barton dæmdur fyrir að ráðast á eiginkonu sína Enda án stiga á botni riðilsins Alfreð Gísla: „Skemmdarverk á handboltanum“ Sex marka sýning Íslands gegn Skotum Undraskot Curry fór ekki ofan í eftir allt saman Fimm ára fangelsi fyrir að reyna að myrða meintan barnaníðing Eygló í þyngri flokki en samt best allra Besta auglýsing Aftureldingar: „Þetta er enginn helvítis Pizzabær“ „Ekki pæla í því sem aðeins of feitur fyrrverandi leikmaður segir“ „Veturinn eins og best verður á kosið“ „Aron í svona stóru hlutverki, það er búið“ Sjá meira
Hin ítalska Angela Carini bað um að bardagi sinn við Khelif, á Ólympíuleikunum fyrr í dag, yrði stöðvaður eftir að aðeins 46 sekúndur höfðu liðið af honum. „Ég hef aldrei verið slegin svona áður,“ sagði Carini eftir bardagann. Khelif er ein tveggja keppenda til þess að fá leyfi til þess að keppa í flokki kvenna í hnefaleikum á Ólympíuleikunum í París eftir að hafa verið vikið frá keppni á heimsmeistaramótinu í fyrra. Mót sem Alþjóðahnefaleikasambandið (IBA) skipuleggur. Khelif var dæmd úr keppni á heimsmeistaramótinu í hnefaleikum í fyrra, þar sem að hún keppti í veltivigtarflokki, eftir að hafa ekki uppfyllt þær kröfur sem gerðar eru til keppenda með kynjaprófi. En reglurnar koma í veg fyrir að íþróttamenn með XY-litninga keppi í kvennagreinum. Alþjóðaólympíunefndin (IOC) segir ástæðuna fyrir brottvísun Khelif frá keppni á heimsmeistaramótinu hafa stafað af of háu gildi testósterón hormóns í líkamsstarfsemi hennar. Álitamál eru uppi um hvort að Khelif sé Intersex einstaklingur. Intersex einstaklingar fæðast með einkenni sem eru ekki algjörlega karl- eða kvenkyns; sem eru sambland af karl- og kvenkyns; eða sem eru hvorki karl- né kvenkyns. Nánari fróðleik má nálgast á síðu Hinsegin frá A til Ö. sem og heimasíðu Intersex Ísland. Fékk nóg eftir 46 sekúndur Khelif, sem einnig keppti á Ólympíuleikunum í Tókýó, mætti til leiks í annarri umferð hnefaleikakeppninnar á yfirstandandi Ólympíuleikum og mætti þar hinni ítölsku Angelu Carini. Eftir þrjátíu sekúndna bardaga og þungt högg í höfuð bað Carini um að hlé yrði gert á bardaganum til þess að hún gæti fengið þjálfara sinn til þess að laga höfuðvörn sína. Bardaginn hélt svo áfram í nokkrar sekúndur eftir það en þá fékk Carini annað þungt höfuðhögg frá Khelif og þá bað sú ítalska um að bardaginn yrði stöðvaður eftir að 46 sekúndur höfðu liðið af fyrstu lotu. Khelif slær frá sér í bardaganum fyrr í dagVísir/Getty Khelif var úrskurðuð sigurvegari bardagans. Skömmu áður en dómarinn lyfti hendi hinnar alsírsku og úrskurðaði hana sigurvegarann mátti heyra Carini segja „þetta er ekki réttlátt“ og í kjölfarið brotnaði sú ítalska niður í hringnum. „Ég er niðurbrotin,“ sagði Carini eftir bardagann en The Guardian greinir frá. „Ég steig inn í hringinn til þess að heiðra minningu föður míns. Ég hef oft fengið að heyra það að ég sé stríðskona en ég ákvað að hætta keppni heilsu minnar vegna. Ég hef aldrei verið slegin svona áður. Ég steig inn í hringinn til þess að berjast. Ég gafst ekki upp en eitt höggið særði mig of mikið þannig að ég kallaði þetta gott. Ég fer héðan og get borið höfuðið hátt.“ Khelif var úrskurðaður sigurvegari bardagans gegn Carini eftir að sú ítalska bað um að hann yrði stöðvaður eftir að 46 sekúndur höfðu liðið af fyrstu lotu.Vísir/EPA Ekki sömu kröfur gerðar til keppenda Khelif er komin í átta manna úrslit á Ólympíuleikunum í París en uppákoman í morgun hefur vakið upp spurningar og gagnrýni í garð Alþjóðaólympíunefndarinnar fyrir að veita Khelif, sem og Lin Yu-ting frá Taívan, sem einnig var vikið frá HM í fyrra, keppnisleyfi á Ólympíuleikunum. Alþjóðahnefaleikasambandið (IBA), sem sér um skipulagningu á heimsmeistaramótinu sem Khelif og Lin var vikið af í fyrra, kemur ekki að keppni í hnefaleikum á Ólympíuleikunum. Nýverið gaf sambandið út yfirlýsingu þar sem það furðaði sig á því að Khelif og Lin hafi fengið keppnisleyfi í flokki kvenna á Ólympíuleikunum í París. Carini féll niður á hné og brotnaði saman eftir bardagann.Vísir/Getty Khelif hafi staðist allar kröfur IBA var svipt yfirumsjón með hnefaleikum á Ólympíuleikunum af Alþjóðaólympíunefndinni eftir að sambandinu mistókst að koma á umbótum á stjórnarháttum sínum, fjármálum og siðferðislegum álitamálum sem upp höfðu komið. Mark Adams, talsmaður Alþjóðaólympíunefndarinnar, hefur varið ákvörðun nefndarinnar að veita Khelif og Lin keppnisleyfi í hnefaleikum á Ólympíuleikunum. „Allar sem keppa í kvennaflokki hafa uppfyllt öll okkar viðmið um keppnishæfi í flokknum,“ hefur Adams látið hafa eftir sér í fjölmiðlum. Ólympíusamband Alsír fordæmir þær „tilhæfulausu árásir“ sem nefndin segir Khelif hafa orðið fyrir. Þá furðar Eugenia Roccella, fjölskyldu- og jafnréttismálaráðherra Ítalíu, sig á því ekki séu við lýði ákveðin og ströng samræmd viðmið um keppni og keppnishæfi í hnefaleikum á alþjóðavettvangi. Fulltrúar, sem Alþjóðaólympíunefndin skipaði sjálf, sjá um keppni í hnefaleikum á Ólympíuleikunum í París og segjast þeir styðjast við reglubók sem farið var eftir í keppni í hnefaleikum á Ólympíuleikunum árið 2016 í Rio de Janeiro.
Ólympíuleikar 2024 í París Box Mest lesið Lýsti ofbeldinu sem faðir hans beitti hann Sport Paul vill nú berjast við fyrrum heimsmeistara í pílu Sport Rekinn fyrir að vera í sambandi með leikmanni en vill annað tækifæri Enski boltinn „Bestu liðin hafa ekkert að fela og deila upplýsingum“ Handbolti Aftur hefur KR leik í Laugardalnum Íslenski boltinn Eygló tilnefnd sem lyftingakona ársins í Evrópu Sport Alfreð Gísla: „Skemmdarverk á handboltanum“ Handbolti Rannsaka hatursorðræðu í garð Banda Fótbolti Argentína rústaði Brasilíu og er komin á HM Fótbolti Besta-spáin 2025: Ætla að brosa aftur í mótslok Íslenski boltinn Fleiri fréttir „Mjög krefjandi tímabil framundan“ „Lærir með hverju árinu hvað maður á að hlusta á og hvað ekki“ Besta-spáin 2025: Ætla að brosa aftur í mótslok Argentína rústaði Brasilíu og er komin á HM Rekinn fyrir að vera í sambandi með leikmanni en vill annað tækifæri Eygló tilnefnd sem lyftingakona ársins í Evrópu „Bestu liðin hafa ekkert að fela og deila upplýsingum“ Lýsti ofbeldinu sem faðir hans beitti hann Paul vill nú berjast við fyrrum heimsmeistara í pílu Dagskráin í dag: Bónus deild kvenna frá A til Ö Rannsaka hatursorðræðu í garð Banda Aftur hefur KR leik í Laugardalnum Portúgölsku Íslendingaliðin með mikilvæga sigra Martin dældi út stoðsendingum í enn einu Evróputapinu Stórskotaliðið gerði sitt þegar Norðmenn lögðu Ísrael Bjarki Már öflugur Nýi markvörður KA kom snemma inn af bekknum í fyrsta leik Elliði Snær átti sinn þátt í óvæntum sigri Ísabella Sara sögð á leið til Rosengård Barton dæmdur fyrir að ráðast á eiginkonu sína Enda án stiga á botni riðilsins Alfreð Gísla: „Skemmdarverk á handboltanum“ Sex marka sýning Íslands gegn Skotum Undraskot Curry fór ekki ofan í eftir allt saman Fimm ára fangelsi fyrir að reyna að myrða meintan barnaníðing Eygló í þyngri flokki en samt best allra Besta auglýsing Aftureldingar: „Þetta er enginn helvítis Pizzabær“ „Ekki pæla í því sem aðeins of feitur fyrrverandi leikmaður segir“ „Veturinn eins og best verður á kosið“ „Aron í svona stóru hlutverki, það er búið“ Sjá meira