Ung kona fannst alvarlega slösuð og meðvitundarlaus

Ung kona fannst meðvitundarlaus með alvarlega höfuðáverka í bíl við Einholt þann 27. febrúar síðastliðinn. Þetta staðfestir Geir Jón Þórisson yfirlögregluþjónn í samtali við Vísi. Konan man ekki atburðarrásina og er talið er að hún þjáist af minnisleysi vegna höfuðáverkanna.

Þriggja ára fangelsi fyrir árás í Laugardal

23 ára gamall maður, Óðinn Freyr Valgeirsson, var í dag dæmdur í þriggja ára fangelsi fyrir árás á 16 ára gamla stúlku í Laugardal þann ellefta október í fyrra. Maðurinn réðst að stúlkunni á göngustíg með ofbeldi og sló hana ítrekað með hörðu áhaldi í höfuð þannig að af hlaust skurður á hnakka. Hann tók hana hálstaki þrengdi að þar til hún missti meðvitund.

Björgunaraðgerð Europol - Íslendingur í barnaklámhring

Íslenskur karlmaður um þrítugt kemur við sögu í alþjóðlegri lögreglurannsókn sem Europol greindi frá í dag. Rannsóknin, sem gengur undir nafninu "Operation Rescue“ og á íslensku má kalla Björgunaraðgerð, teygir sig til fjölmargra landa, sneri að samskiptum aðila á spjallrás á Netinu. Þar voru til umfjöllunar myndir sem á mátti sjá börn misnotuð kynferðislega. Um 230 börnum var bjargað í aðgerðinni. Gefin hefur verið út ákæra á hendur manninum.

Íslenskt efni um helmingur sjónvarpsefnisins

Íslenskt sjónvarpsefni var um helmingur þess efnis sem Sjónvarpið sýndi á síðasta rekstrarári RÚV, samkvæmt svari mennta- og menningarmálaráðherra við svari Sivjar Friðleifsdóttur, þingmanni Framsóknarflokksins. Samkvæmt svarinu var íslenskt sjónvarpsefni með 50,7% hlutdeild, bandarískt efni með um 26,1% hlutdeild og norrænt efni með 7,5% hlutdeild. Siv spurði einnig hver kostnaðurinn við kaup á norrænu og bandarísku efni hefði verið en það fékkst ekki uppgefið af samkeppnisástæðum.

Vatnavinir hljóta alþjóðleg verðlaun í arkitektúr

Vatnavinir hafa hlotið hin virtu alþjóðlegu verðlaun í arkitektúr Global Award for Sustainable Architecture 2011 fyrir verkefnið Heilsulandið Ísland. Locus Foundation standa árlega fyrir þessari verðlaunaveitingu sem er hugsuð sem viðurkenning til handa arkitektum fyrir framþróun á sviði sjálfbærni í arkitektúr. Olga Guðrún Sigfúsdóttir, arkitekt og meðlimur í Vatnavinum, segir hópnum sýndur mikill sómi og heiður með verðlaununum.

Áreitt kynferðislega í EVE Online - kynjamismunum í tölvuleikjum

Konur verða fyrir kynferðislegri áreitni í sýndarveruleika ekki síður en í raunveruleikanum. Kynjamismunun er staðreynd í tölvuleiknum EVE Online. Þetta er megin niðurstaða Önnu Bragadóttur sem rannsakaði samskipti kynjanna í sýndarveruleika, sérstaklega í tölvuleiknum EVE Online. Rannsóknina vann hún fyrir lokaritgerð sína við viðskiptafræðideild Háskólans á Bifröst og spilaði hún leikinn mánuðum saman til að öðlast betri skilning á verkefni sínu.

Japönsk stelpa fann fjölskylduna á YouTube

Japönsk stúlka grét í þrjá daga af því að hún hélt að fjölskylda hennar hefði farist í flóðbylgjunni sem fylgdi jarðskjálftanum stóra í landinu. Stúlkan, sem heitir Akiko Kosaka fékk skilaboð á föstudaginn síðasta um að heimsins stærsti jarðskjálfti hefði skekið Japan og 10 metra há flóðbylgja hefði fylgt fast á eftir.

Segir nei í þjóðaratkvæði seinka aðkomu ríkisins að mörkuðum

Nei í þjóðaratkvæðagreiðslu um Icesave mun seinka aðkomu ríkissjóðs að erlendum skuldabréfamörkuðum að mati seðlabankastjóra. Gerð áætlunar um losun gjaldeyrishafta er ekki lokið.

Vita hvar ágreiningurinn er

Forystumenn Alþýðusambandsins og Samtaka atvinnulífsins funduðu með stjórnvöldum um áherslur í kjarasamningum í dag.

Uppselt á Eagles í forsölu

Allir miðar í forsölu á tónleika Eagles seldust upp á rúmum hálftíma. Opnað var fyrir forsölu N1 í gegn um midi.is klukkan tíu í morgun. Alls voru fimm þúsund miðar í boði, 2500 miðar á hvort svæði. Allir miðar á svæði A seldust upp á um tíu mínútum en miðar á svæði B voru uppseldir um hálftíma síðar. Áætlað er að um 6-8 þúsund manns hafi á einum tímapunkti reynt að kaupa miða samtímis og stóðst sölukerfi Miða.is álagið mjög vel; allt gekk snurðulaust fyrir sig og allar sölur gengu hratt í gegn. Almenn miðasala hefst á morgun kl. 11 á Miði.is og verða þá aðrir 5 þúsund miðar í boði, þeir allra síðustu.

Svanurinn þekktasta umhverfismerkið

Norræna umhverfismerkið Svanurinn er lang þekktasta umhverfismerkið á Íslandi. Þetta er niðurstaða könnunar um umhverfis- og neytendamerki sem Capacent Gallup gerði í desembermánuði. Þegar þátttakendur voru beðnir um nefna eitthvert umhverfismerki sem þeir könnuðust við þá nefndu 45% aðspurðra Svaninn en innan við 6% nefndu þau umhverfismerki sem næst komu í röðinni. Í sambærilegri könnun frá 2009 nefndu 28% Svaninn. Af þessu má sjá að Svanurinn er ekki einungis það merki sem er neytendum efst í huga heldur styrkir hann einnig stöðu sína verulega milli ára. Þegar þátttakendum könnunarinnar var sýnt merki Svansins sögðust 73% þekkja það og þegar spurt var hvaða merki tengir þú við umhverfisvernd nefndu langflestir Svaninn eða 79%. Svanurinn virðist einnig hafa bætt mjög ímynd sína og almenningshylli milli ára því árið 2009 sögðu 8% aðspurðra að þeim líkaði við Svaninn en 2010 er þetta hlutfall komið í 46%. Hlutfallið hækkar því rúmlega fimmfalt á milli ára. En jafnframt því að gera kröfu um minni umhverfisáhrif, er einnig gerð krafa um virkni og gæði vottaðrar vöru eða þjónustu. Á Íslandi bera nú 14 aðilar umhverfisvottun Svansins en það eru prentsmiðjurnar Guðjón Ó, Oddi, Svansprent, Ísafold og Háskólaprent; ræstingarþjónusturnar Sólarræsting, ISS, Hreint, Nostra og AÞ-þrif; iðnaðarhreinsiefni frá Undra, Farfuglaheimilið í Laugardag og á Vesturgötu og kaffihús Kaffitárs. Nánar má lesa um Svaninn á svanurinn.is.

Dýrin þjást líka í Japan - vildi ekki yfirgefa félaga sinn

Japanskir myndatökumenn gengu í gær fram á tvo hunda í rústunum í Japan þegar þeir voru að mynda hinar hrikalegu afleiðingar jarðskjálftans á föstudag og flóðbylgjunnar sem fylgdi í kjölfarið. Annar hundurinn er greinilega særður en félagi hans neitar að yfirgefa hann og situr hjá honum hundtryggur.

Reynt að lokka stelpur með nammi - sjötta málið á stuttum tíma

Menn á litlum dökkgráum bíl buðu tveimur tíu ára stúlkum sælgæti gegn því að þær kæmu upp í bíl með sér um miðjan dag í gær. Atvikið átti sér stað á Breiðvangi í Hafnarfirði, við Engjadalsskóla. Stúlkurnar hlupu í burtu, sem lögreglan segir hárrétt viðbrögð. Málið var tilkynnt til lögreglu og hafa nú alls sex tilkynningar borist á síðustu tveimur vikum um menn sem bjóða börnum upp í bíl til sín.

Kona fær dvalarleyfi þrátt fyrir synjun Útlendingastofnunar

Héraðsdómur hefur fellt úr gildi úrskurð dómsmála- og mannréttindaráðuneytisins frá 14. desember 2009 um að synja konu um dvalarleyfi hér á landi á grundvelli þess að hún hafði stofnað til málamyndahjúskapar með íslenskum karlmanni. Með úrskurði sínum hafði ráðuneytið staðfest ákvörðun Útlendingastofnunar.

Dregur úr geislun á ný og starfsmenn snúa aftur

Starfsmenn í Fukushima kjarnorkuverinu sem hafa reynt að kæla kjarnakljúfa þess síðustu daga hafa snúið aftur í verið eftir að hafa þurft að yfirgefa það í nótt þegar eldur varð þar laus og geislavirknin jókst til muna. Stjórnvöld segja nú að dregið hafi úr geisluninni á ný þannig að hún sé nú undir hættumörkum á svæðinu í kringum verið.

Funda með ríkisstjórninni

Fulltrúar aðilar vinnumarkaðarins mættu á fund leiðtoga ríkisstjórnarinnar um klukkan níu í morgun. Á fundinum stendur til að ræða þátt stjórnvalda í gerð kjarasamninga sem standa lausir. Bæði forseti Alþýðusambands Íslands og forystumenn Samtaka atvinnulífsins hafa lagt gríðarlega áherslu á það að ríkisstjórnin taki þátt í því að efla atvinnulífið.

Stýrivextir haldast óbreyttir

Peningastefnunefnd Seðlabanka Íslands hefur ákveðið að halda vöxtum bankans óbreyttum. Vextir á viðskiptareikningum innlánsstofnana verða áfram 3,25%, hámarksvextir á 28 daga innstæðubréfum 4,0%, vextir á lánum gegn veði til sjö daga 4,25% og daglánavextir 5,25%. Verðbólga mælist nú 1,9% og er útlit fyrir að hún verði heldur meiri á næstunni en áður hafði verið spáð, þrátt fyrir vísbendingar um veikari efnahagsumsvif. Þetta kemur fram á vef Seðlabankans.

Elti innbrotsþjóf með öxi og Rottweiler-tík

"Adrenalínið tók völdin,“ segir Lúðvík Kjartan Kristjánsson, sem um þarsíðustu helgi elti tvo innbrotsþjófa frá Veiðiportinu á Grandagarði. Tíkin París lék aðalhlutverk er Lúðvík handsamaði annan þjófinn. Hann slapp þó aftur fyrir vangá öryggisvarðar sem beindi athygli lögreglu að Lúðvíki, sem bar öxi í eltingarleiknum.

Drög að þriggja ára kjarasamningi liggja fyrir

Kjarasamningur milli vinnuveitenda og verkalýðshreyfingarinnar liggur fyrir í öllum megindráttum utan þess að enn er beðið eftir áformum og útspili ríkisstjórnarinnar.

Þeir skapstyggu lifa lengur en glaðlyndir

Umfangsmikil bandarísk rannsókn sem hófst árið 1921 og hefur staðið fram á okkar daga hefur leitt í ljós að það borgar sig að vera höstugur, eða skapstyggur, fremur en glaðlyndur ef maður vill lifa lengur.

Neyðarflugeldur reyndist vera F-16 þotur í næturflugi

Björgunarmiðstöð í Noregi gaf út aðvörun til strandgæslunnar og þyrlusveitar í gærkvöldi um að neyðarflugeldar hefðu sést yfir hafi suður af Noregi.

Brælunni að ljúka á miðunum umhverfis landið

Fiskiskipin eru aðeins byrjuð að týnast út á sjó eftir langvarandi brælu umhverfis allt landið.

Hersveitir Gaddafi halda sókn sinni áfram

Á meðan Öryggisráð Sameinuðu þjóðanna deilir um hvort setja eigi flugbann á Líbýu eða ekki halda hersveitir Gaddafi einræðisherra landsins áfram sókn sinni gegn uppreisnarmönnum.

Erlendir ríkisborgarar hvattir til að yfirgefa Japan

Frakkland hefur nú bæst í hóp þjóða sem hvetja ríkisborgara sína til að koma sér frá Japan eða flytja sig til suðurhluta landsins.

Eldur aftur laus í Fukushima kjarnorkuverinu

Eldur varð laus í kjarnakljúfi 4 í Fukushima kjarnorkuverinu í nótt en þetta er í annað sinn á tveimur dögum sem eldur blossar upp í þessum kjarnkljúfi.

Hafa játað á sig 75 innbrot

Þrír menn, tveir sautján ára og einn 23 ára, hafa verið ákærðir fyrir innbrot á 75 heimili, langflest á bilinu frá október í fyrra og til áramóta. Þegar mennirnir létu mest að sér kveða, í október og nóvember, voru þeir að verki í drjúgum hluta allra innbrota í heimahús á höfuðborgarsvæðinu.

Langur kafli ævinnar að baki

Þórir Sigurbjörnsson, kaupmaður í versluninni Vísi við Laugaveg, afgreiddi viðskiptavini sína í síðasta sinn í gær. Hann ætlar að setjast í helgan stein eftir langa vakt.

Höfnuðu tillögu um að hætta við

Sjálfstæðismenn í borgarstjórn Reykjavíkur kölluðu eftir því, á borgarstjórnarfundi í gær, að fyrirhugaðar sameiningar skóla yrðu dregnar til baka. Tillagan var felld með atkvæðum meirihlutans.

Stjórnlagaráð geti starfað til loka júlí

Róbert Marshall, formaður allsherjarnefndar, lagði í gær fram breytingartillögu við þingsályktunartillögu um skipan stjórnlagaráðs, þess efnis að ráðið geti starfað til loka júlí. Í upphaflegu tillögunni er gert ráð fyrir að stjórnlagaráð skili af sér frumvarpi fyrir lok júní.

Herlög gengin í gildi í Barein

Konungurinn í Barein hefur lýst yfir þriggja mánaða neyðarástandi í landinu. Jafnframt fær yfirmaður hersins víðtæk völd til að berja niður mótmæli, sem sjía-múslimar í landinu hafa verið í forystu fyrir undanfarnar vikur.

Öryggisþjónusta Mubaraks lögð niður

Innanríkisráðherra Egyptalands leysti í gær upp hinar illræmdu öryggissveitir Mubaraks. sem voru þekktar fyrir ofbeldi og mannréttindabrot.

Vilja koma repúblikönum frá völdum

Þrátt fyrir að Scott Walker, ríkisstjóri Wisconsin, hafi komið umdeildum lögum um samningsrétt í gegnum ríkisþingið fyrir helgi er málinu ekki lokið.

Geislamengun lak úr kjarnorkuverinu

Sjötugri konu var bjargað úr rústum heimilis hennar í hafnarborginni Otsuchi í Japan í gær, fjórum dögum eftir að flóðbylgja svipti húsinu af grunni síðastliðinn föstudag.

Búið að ráða niðurlögum eldsins í Fukushima

Búið er að ráða niðurlögum eldsins í kjarnaofni fjögur samkvæmt fréttavef Daily Telegraph. Þar kemur fram að starfsmenn hafi orðið varir við eldsvoðann í kvöld. Geislamengun lak út í kvöld en ekki er vitað hversu skaðleg hún er.

Fundu kókaín á skotpalli NASA

Yfirvöld bandarísku geimferðastofnunarinnar, NASA, rannsaka nú hvernig stendur á því að lítilræði af kókaíni hafi fundist á lokuðu svæði á skotpalli stofnunarinnar í Flórída.

Þögnin er versti óvinurinn: Teiknimynd um kynferðisofbeldi

Þögnin er versti óvinurinn, segir formaður stjórnar Réttinda barna, en samtökin hafa látið gera teiknimynd um kynferðisofbeldi gegn börnum sem verður sýnd í öllum grunnskólum landsins.

Glímir við íslensk hafsvæði í vetrarham

"Ég vona að þessi ferð eigi eftir að vera lærdómsrík, þótt ég reyndar efist um að takast nokkurn tímann aftur á við ævintýri af þessari stærðargráðu,“ segir Riaan Manser, suðurafrískur sjókajakræðari, sem er á leið hingað í þeim tilgangi að róa umhverfis landið.

Sektaður fyrir að kasta hvolpi nágrannans út um bílglugga

26 ára gamall karlmaður var sektaður um 100 dollara, eða rétt rúmar ellefu þúsund krónur, fyrir að kasta hvolpi nágranna síns út um bílgluggann á ferð.

Tuttugu prósent Breta trúa því að geislasverð séu til

Ný könnun leiðir í ljós að ótrúlega margir trúa því í Bretlandi að geislasverðin úr Star Wars myndunum séu til í raun og veru. Könnunin var framkvæmd til þess að kanna hve óljós mörkin séu orðin á milli raunveruleika og skáldskapar. Spurt var út í ýmis fræg fyrirbæri úr vísindaskáldsögum og koma niðurstöðurnar talsvert á óvart.

Segjast ekki fá aðgengi að eineltismati

Bæjarstjórn Seltjarnarness harmar að meint eineltismál sé rekið í fjölmiðlum samkvæmt tilkynningu sem var send á fjölmiðla fyrir skömmu. Tilkynningin er afrakstur fundar sem bæjarstjórn hélt fyrr í dag þar sem farið var yfir ásakanir fyrrum framkvæmdastjóra Tækni- og umhverfissviðs hjá bænum, Ólafs Melsted, sem hefur verið frá vinnu vegna í rúmt ár.

Notkun svefnlyfja eykst enn

Notkun kvíðastillandi lyfja og svefnlyfja er áberandi meðal eldra fólks á Íslandi og fer vaxandi. Notkun þessara lyfja hefur löngum verið meiri hér en á hinum Norðurlöndunum þar sem hún fer minnkandi.

Microsoft vill ekki opna gagnaver á Íslandi af tæknilegum ástæðum

Bloggfréttamaðurinn Tom Foremski skrifaði færslu í dag þar sem greint var frá því að Microsoft hefði ákveðið að opna ekki gagnaver hér á landi þar sem tími sem líður frá þvi að stýriverk tölvunnar biður um gögn þangað til byrjað er að senda gögnin, er of mikill að mati sérfræðinga fyrirtækisins. Sem sagt af tæknilegum ástæðum.

Öryggisvörður dæmdur fyrir hótanir: "securitas - er í kaffi super takk"

Öryggisvörður á fimmtugsaldri var dæmdur í dag fyrir að hóta tvennum hjónum sem hann átti að sinna öryggisgæslu fyrir. Maðurinn starfaði sem öryggisvörður fyrir Securitas. Fyrra tilfellið átti sér stað um miðjan ágúst 2009.

Ekkert eftirlit með dæmdum barnaníðingum

Ekkert eftirlit er með dæmdum barnaníðingum hér á landi eftir að þeir hafa afplánað dóm. Barnaverndarstofa hefur lagt til að barnaverndarlögum verði breytt þannig að auknar heimildir verði til eftirlits með slíkum mönnum.

Utankjörfundur hefst á morgun

Utankjörfundaratkvæðagreiðsla erlendis vegna þjóðaratkvæðagreiðslu, um framtíðargildi laga um Icesavesamninginn sem fram fer 9. apríl 2011 hefst á morgun og fer fram í öllum sendiráðum Íslands erlendis og aðalræðisskrifstofum Íslands í New York, Winnipeg, og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands erlendis, samanber meðfylgjandi lista.