Tók fiskinn loks í sátt

Finnbogi Marinósson ljósmyndari segist hafa lært að meta fisk sem veislukost eftir vinnu sína við matreiðslubókina Meistarinn og áhugamaðurinn. Áður pantaði hann aldrei fisk á matsölustað.

Fékk endurgreitt

Tæknifyrirtækið Petra Group frá Malasíu hefur endurgreitt leikaranum Bruce Willis 900 þúsund dollara eftir að hann höfðaði mál gegn því.

Höfundur í feluhlutverki

Jeff Lindsey, höfundur bókanna um Dexter, er afar hrifinn af sjónvarpsþáttunum sem eru byggðir á verkum hans. Til að sýna stuðning sinn í verki ákvað hann að koma fram í feluhlutverki í nýjasta þættinum sem verður sýndur í Bandaríkjunum á sunnudaginn.

Fór beint á toppinn

Söngkonan Beyoncé fór beint á toppinn á Billboard-listanum í Bandaríkjunum með nýjustu plötu sína, hina tvöföldu I Am… Sasha Fierce. Þetta er í þriðja sinn í röð sem hún fer beint á toppinn þar í landi með plötu.

Emilíana með aðra tónleika

Það seldist upp samdægurs á tónleika Emilíönu Torrini í Háskólabíói 13. desember og því hefur öðrum tónleikum verið bætt við kvöldið eftir. Miðaverð er 4.900 krónur en þar sem sérstakt ungmennaverð fyrir 13-16 ára gafst vel á Sigur Rósar tónleikana í Höllinni á dögunum verður sama tilboð í gangi á seinni tónleika Emilíönu. Miðasalan hefst í dag á midi.is en unglingamiðana er hægt að nálgast í verslun Skífunnar á Laugavegi gegn skilríkjum. Þessir miðar kosta eitt þúsund krónur og getur hver unglingur keypt tvo miða.

Eurobandið syngur með Söndru Kim í Þýskalandi

Eurobandið verður meðal skærustu Euovision-stjarna á árlegri árshátíð eins stærsta Eurovision-aðdáendaklúbbsins sem um getur. Árshátíðin er haldin í München í byrjun janúar og meðal þeirra sem þar koma fram auk Eurobandsins er hin belgíska Sandra Kim. „Svo skemmtilega vill til að við erum að spila á sama stað og hún. Það verður forvitnilegt að hitta hana og heyra hana syngja, rúmum tuttugu árum eftir sigurinn,“ segir Friðrik Ómar, ein aðalsprautan í Eurobandinu. Hann bendir á að þrátt fyrir að rúmlega tveir áratugir séu liðnir síðan Kim sigraði er hún aðeins 36 ára í dag. Sandra var enda aðeins fjórtán þegar hún fór með framlag Belga, J’aime la vie, alla leið árið 1986 á stóra sviðinu í Bergen. Sama ár og Gleðibankinn sigraði heiminn með Icy-tríóinu.

Kvennasýningar blómstra

Listakonur eru fyrirferðarmiklar í myndlistarsölum þessa dagana og kennir í verkum þeirra frá liðnu ári margra grasa. Hér er líka uppi athyglisverð sýning hollenskrar listakonu þar sem bent er á hlut horfinna kvenna í myndlistinni.

Grýla og familía

Í dag er opnuð sýning í Hafnarborg á nýjum myndskreytingum eftir Brian Pilkington af íslensku jólasveinunum, foreldrum þeirra, Grýlu og Leppalúða, þessari séríslensku vandamálafjölskyldu. Sýningin mun standa fram á þrettándann og er tilvalið að fara með börnin í Fjörðinn til að skoða þessar teikningar Brians.

Sienna ekki lengur á lausu

Ástarmál Siennu Miller eru jafn flókin og fjármál íslenska ríkisins. Stundum er hún laus og liðug en á sama tíma virðist hún vera ástfangin upp fyrir haus. Breskir fjölmiðlar þreytast hins vegar seint á að fjalla um örvarnar sem Amor hefur engan veginn gefist upp á að skjóta í hjarta hennar.

Rífandi góðir dómar

Jóhann Jóhannsson fær rífandi góða dóma fyrir nýju plötuna sína, Fordlandia. Platan er ósungin en segir sögur um misheppnaðar útópíur. Lagaheitin og útskýringar sem Jóhann birtir á netinu segja söguna. Gagnrýnendur beggja vegna Atlantshafsins eru yfir sig hrifnir.

Sírenuvæl í sól og sumaryl

Gylfi Ægisson fagnar 30 ára edrúafmæli sínu á næsta ári. Hann klárar þetta ár með málverkasýningu og útgáfu á geisladiski með vinsælustu lögum sínum.

Cliff til liðs við Shadows á ný

Söngvarinn Cliff Richard ætlar í tónleikaferð seint á næsta ári með sínum gömlu félögum í The Shadows í tilefni af fimmtíu ára afmæli hljómsveitarinnar.

Dæmdu mat fyrir tónleika

Rokkararnir í Foo Fighters voru í gestahlutverki í bandaríska raunveruleikaþættinum Top Chef sem var sýndur fyrir skömmu vestanhafs. Í þættinum, sem var tekinn upp í sumar, þurftu keppendur að matreiða ofan í rokkarana og þáttastjórnandann Grant Achatz skömmu fyrir tónleika þeirra. Eftir það gáfu þeir kokkunum einkunn sína.

Stóns loks á Íslandi

Fyrstu tónleikar Stóns eru í kvöld á Players í Kópavogi. Þetta er tökulagasveit sem sérhæfir sig í Rolling Stones-lögum. Stóns eru valinkunnir menn úr íslenska rokkinu, Frosti Júníor í Esju er Charlie Watts, Kalli í Lights on the Highway er Bill Wyman, Biggi í Motion Boys er Brian Jones og Bjarni og Bjössi í Mínus eru Keith og Mick.

Madonna og A-Rod nálgast

Samband Madonnu og hafnaboltaleikmannsins Alex Rodriguez virðist allt að því óumflýjanlegt. A-Rod, eins og hann er kallaður í Bandaríkjunum, sat á fremsta bekk á tónleikum söng­dívunnar í Miami og virtist kunna því vel. Enda sat sjálft poppgoðið Rod Stewart honum á hægri hönd. Madonna virðist kunna þá list manna best að senda tvíræð skilaboð. Madonna sagði, áður en hún flutti lagið I’m So Far Away, að allir ættu að þekkja þá tilfinningu að vera ástfanginn í fjarbúð.F

Neighbours stjarna lenti í Mumbai árásum

Leikkonan Brooke Satchwell, sem þekktust er fyrir hlutverk sitt sem Anne Wilkinson í Nágrönnum, slapp naumlega frá vígamönnum sem réðust inn á Taj hótelið í Mumbai í gær með því að fela sig í baðherbergisskáp.

Óförðuð Miley Cyrus - myndir

Táningastjarnan, Miley Cyrus, 16 ára, sem er þekkt fyrir að leika Hönnuh Montana í samnefndum sjónvarpsþáttum var mynduð á Times Square í New York í gær.

Viðskiptaráðherra tekinn á teppið

Björgvin G. Sigurðsson viðskiptaráðherra situr fyrir svörum í sjónvarpsþættinum Íslandi í dag á Stöð 2 í kvöld. „Ég spyr Björgvin meðal annars hvort ekki þurfi að afnema vertrygginguna og hvað er að gerast bak við tjöldin í nýju bönkunum,“ svarar Sölvi Tryggvason þáttastjórnandi aðspurður um efnistök í þætti kvöldsins.

Metnaðarfull fylgdarþjónusta í kreppunni....eða?

Ritstjórn Vísis barst ábending um tiltölulega metnaðarfulla heimasíðu ungs manns sem býður erótíska fylgdarþjónustu. Meðal þess sem kynnt er á síðu hans er „einstaklingsþjónusta eða hópar, sértilboð til saumaklúbba og hlutverkaleikir“ og að sjálfsögðu er fullum trúnaði heitið.

Fást við leiklist á forsendum hvers og eins

Það var Halaleikhópurinn sem tók við Kærleikskúlunni svokölluðu í gær úr hendi Magnúsar Geirs Þórðarsonar borgarleikhússtjóra.

Beyoncé Knowles í níðþröngum galla - myndband

Beyoncé Knowles vakti lukku viðstaddra þegar hún dansaði í gærdag í níðþröngum galla eins og myndirnar sýna. Söngkonan tók nýju lögin hennar ,,Single ladies", ,,If I Were A Boy," og ,,Crazy in Love" í sjónvarpsþættinum Today Show á sjónvarpsstöðinni NBC í New York.

Róttæki laganeminn blæs á gagnrýni samnemenda

Katrín Oddsdóttir laganemi við Háskólann í Reykjavík vakti mikla athygli fyrir vasklega framgöngu sína á mótmælunum á Austurvelli um síðustu helgi. Þar hélt hún ræðu sem fékk fínar undirtektir viðstaddra. Fjórir samnemendur Katrínar skrifa grein í Morgunblaðið í dag þar sem þeir segjast vonast til þess að Katrín titli sig ekki sem laganema á opinberum vettvangi aftur.

Stórbók og fleiri gersemar

Viðhafnarútgáfur af ýmsu tagi hafa verið algengar í tónlistarútgáfu undanfarin ár og verða sífellt íburðarmeiri. Trausti Júlíusson spáði í þróunina og skoðaði nýja spariútgáfu Sigur Rósar-plötunnar Með suð í eyrum við spilum endalaust. Viðhafnarútgáfur hafa verið algengar í tónlistarútgáfu undanfarin ár.

Skítatúr Spocks í spinningsal

Hljómsveitin Dr. Spock var á framandlegum slóðum í hádeginu í gær þegar hún hélt útgáfutónleikana sína í spinningsal Sporthússins í Kópavogi. Múgur og margmenni svitnuðu við grjóthart rokkið með gula hanska á höndunum. Voru gestir ekki bara aumir í afturendanum eins og vanalega eftir spinningtíma heldur flestir með hvínandi són í eyrunum líka.

Fórnaði mottunni fyrir nýju plötuna

Brandon Flowers, söngvari hljómsveitarinnar The Killers, rakaði nýlega af sér yfirvaraskeggið sem hann hefur skartað síðustu ár. Ástæðuna segir hann vera að mottan hafi ekki samræmst nýrri stefnu sveitarinnar.

Benjamin fær frábæra dóma

Nýjasta mynd Davids Fincher, The Curious Case of Benjamin Button, fær frábæra dóma á bandarísku kvikmyndasíðunum Variety.com og Hollywoodreporter.com.

Janis áfram

Rokksöngleikurinn Janis 27 eftir Ólaf Hauk Símonarson hefur verið sýndur í Íslensku óperunni við miklar vinsældir í allt haust og verður síðasta sýning haustsins næstkomandi föstudag, 28. nóvember, kl. 20.

Gaman á Græna hattinum

Það verður gaman á Græna hattinum um helgina: á föstudagskvöld er það Margrét Guðrúnar og Bandið hans pabba en þá sveit skipa ekki ómerkari menn en: Ásgeir Óskarsson (Pelican, Stuðmenn, Þursaflokkurinn) trommur, Björgvin Gíslason (Náttúra, Pelican), gítar, Tómas Tómasson (Stuðmenn, Þursaflokkurinn) bassi og Margrét Guðrúnar píanó og söngur.

Bandarísk bókmenntaverðlaun

Peter Matthiessen, rithöfundur og stofnandi Paris Review, hlaut á miðvikudag National Book Award fyrir skáldsögu sína Wednesday night for Shadow Country sem er endurritun á verki hans frá áttunda áratugnum. Hann hefur áður fengið þessi verðlaun fyrir eitt sitt frægasta verk, The Snow Leopard.

Kominn á beinu brautina

Leikstjórinn Kevin Smith hefur sent frá sér gamanmyndina Zack and Miri Make a Porno sem verður frumsýnd hérlendis um helgina. Freyr Bjarnason leit yfir feril þessa athyglisverða leikstjóra.

Moka Myrká Arnaldar út

„Já, Myrká mokast út. Mikil söluaukning milli ára,“ segir Egill Örn Jóhannsson, framkvæmdastjóri Forlagsins.

Megas kyssir jólasvein

Megas & Senuþjófarnir blása til jólatónleika í Salnum í Kópavogi fimmtudagskvöldið 18. desember. Meiningin er að leika lög úr hnausþykkum lagasarpi meistarans og krydda pakkann með sérstaklega uppæfðum jólalögum, meðal annars smellinn „Ég sá mömmu kyssa jólasvein“. Mun sá jólasveinn væntanlega gera ýmislegt fleira en að kyssa mömmuna. Miðasala á þetta einstaka tækifæri til að láta sjálfan Megas koma sér endanlega í jólafílinginn er hafin á midi.is.

Rockville í fjórða sinn

Tónlistarhátíðin Rockville er nú haldin fjórða árið í röð á Paddy's í Keflavík. Stuðið hefst í kvöld og stendur fram á sunnudagsmorgun. Mikill fjöldi hljómsveita kemur fram, þar á meðal Dr. Spock, Retro Stefson, Mammút, Agent Fresco, Fm Belfast, Slugs, Æla, Hellvar, Dark Harvest, Andrúm, Klaus, Miri, DLX ATX, Morðingjarnir og Sudden Weather Change. Miðaverði er haldið niðri sem kostur er, passi á kvöldin þrjú kostar 2.300 kr., en þúsund kall á stök kvöld.

Sjúklegt basl og dálítið stress

Rapparinn Addi Intro úr hljómsveitinni Forgotten Lores er að gefa út sína fyrstu sólóplötu, Tivoli Chillout. Platan átti að koma út hjá Geimsteini en vegna kreppunnar og vandræða með gjaldeyri ákvað fyrirtækið að fresta útgáfunni fram í apríl. Það hugnaðist Adda ekki og ákvað hann að gefa hana út sjálfur með öllu því veseni sem því tilheyrir.

Hálf öld aðskilur nafnana

52 ár, eða rúmlega hálf öld, skilur að nafnana Ragnar Bjarnason og Ragnar Sólberg sem eru báðir að gefa út sólóplötur núna fyrir jólin.

Blender gerir upp árið

Plata rapparans Lil" Wayne, Tha Carter III, hefur verið kjörin plata ársins af bandaríska tónlistartímaritinu Blender. Listar yfir plötur ársins fara smám saman að birtast og ríður Blender á vaðið með þessum nýja lista.

Coxon kallaður til æfinga með Blur

Damon Albarn hefur staðfest að Blur ætli að koma aftur saman á næsta ári með gítarleikarann Graham Coxon innanborðs. „Blur ætlar að æfa saman og síðan kemur í ljós hvort við erum til í tuskið,“ sagði Albarn, skömmu áður en hann flutti óperu sína Monkey: Journey to the West í London.

Mamma og pabbi hjálpa

„Ég er búin að vera að syngja í þrjú fjögur ár,“ segir Elín Eyþórsdóttir átján ára sem hefur gefið út sína fyrstu plötu, See you in dreamland. „Ég söng fyrst á kaffi Hljómalind þegar ég sá að maður gæti troðið þar upp og lét bara mína nánustu vita.

Pink nýtur ásta með sjálfri sér - myndband

Söngkonan Pink nýtur ásta, með hjálp tækninnar, með sjálfri sér í nýju tónlistarmyndbandi við lagið Sober klædd í svartan brjóstarhaldara. Sjá myndbandið hér. Pink skildi fyrr á árinu við eiginmann sinn, motorcross stjörnuna Carey Hart.

Rösklega ellefuhundruð facebook notendur styðja Geir

Rösklega ellefuhundruð manns hafa skráð sig á síðu sem sett var upp til stuðnings Geirs H. Haarde forsætisráðherra á facebook.

Reykjavík síðdegis verðlaunað

Á Umferðarþingi í ár var aðstandendum útvarpsþáttarins „Reykjavík síðdegis" veitt Umferðarljósið sem er sérstök viðurkenning sem Umferðarráð veitir þeim sem unnið hafa sérstaklega árangursríkt og eftirtektarvert starf á sviði umferðaröryggismála. Dagskrágerðarmenn þáttarins „Reykjavík síðdegis", þeir Þorgeir Ástvaldsson, Kristófer Helgason, Bragi Guðmundsson og áður Ásgeir Páll Ágústsson hafa verið fundvísir á áhugaverð málefni í sambandi við umferð og umferðaröryggi. „Þetta kemur á óvart. En við höfum í 8 ára sögu Reykjavík síðdegis alla tíð, í opnu útvarpi, verið mikið í sambandi við manninn á götunni. Sá tími sem landsmenn eyða í bíl hefur lengst og okkur finnst við hafa náð eyrum margra í bílum," svarar Þorgeri Ástvaldsson þegar Vísir óskar honum til hamingju með viðurkenninguna.

Angelina Jolie ólétt

Vikuritið In Touch heldur því fram að Angelina Jolie sé komin þrjá mánuði á leið með sjöunda barn hennar og Brad Pitt. Sama tímarit var fyrst með fréttirnar af tvíburum leikkonunnar. Þar segir að Angelina geti ekki hætt að ræða um barnið sem hún beri undir belti en annað hljóð sé í barnsföður hennar, Brad, sem sé ekki eins spenntur.

Andri Snær biður Verzlinga afsökunar - heldur fyrirlestur í sáttarskyni

Rithöfundurinn Andri Snær Magnason hringdi í formann nemendafélags Verzlunarskóla Íslands og baðst afsökunar á ummælum sem hann lét falla í Silfri Egils fyrir skömmu. Þar sagði Andri að núverandi efnahagsþrengingar fælu í sér fall Verzló. Rithöfundurinn mætir á sal skólans í hádeginu og heldur „kreppufyrirlestur“.

Þrefalt dýrara á Hróarskeldu

„Ég veit ekki hvernig þetta verður. Ég á ekki von á því að það verði jafnmikil þátttaka og síðustu ár,“ segir Tómas Young, íslenskur tengiliður Hróarskelduhátíðarinnar í Danmörku.

Geir Haarde fær stuðning og andbyr á Facebook

Mikið mæðir á Geir H. Haarde forsætisráðherra þessa dagana. Á Facebook hefur hópur aðdáenda ráðherrans opnað stuðningsmannasíðu þar sem fólki gefst kostur á að styðja við bakið á ráðherranum á þessum erfiðu tímum. 434 hafa skráð sig á síðuna. Á annari síðu er yfirskriftin: „Ekki meir Geir“ og þar hafa 655 skráð sig.