ESB reglur um að kröfuhafar taki á sig bankatap

Nýjar reglur ESB um bankastarfsemi eiga að innihalda ákvæði um að kröfuhafar taki á sig tap af bankahruni. Þetta er skoðun Mario Draghi seðlabankastjóra Ítalíu og formann nefndar ESB um fjármálalegan stöðugleika.

Dollarinn braggast eftir dauða Osama bin Laden

Fjármálamarkaðir hafa tekið mjög vel í tíðindin af dauða Osama bin Laden. Þannig hefur dollarinn styrkst aðeins í morgun gagnvart evrunni.

Atvinnuleysi og lítill hagvöxtur í Bandaríkjunum

Hagvöxtur mældist 1,8 prósent í Bandaríkjunum á ársgrundvelli á fyrstu þremur mánuðum ársins, samkvæmt upplýsingum viðskiptaráðuneytisins þar í landi.

Samningar um endurfjármögnun All Saints á lokastigi

Samningar um endurfjármögnun tískuvöruverslunarkeðjunnar All Saints er nú á lokastigi en fyrirtækið hefur glímt við rekstrarerfiðleika undanfarið. Breska blaðið Guardian greinir frá þessu.

Dópsalar tapa tugum milljóna á dag

Danskir dópsalar tapa nú tugum milljóna kr. á hverjum degi þar sem Kristjanía í Kaupmannahöfn er lokuð og hefur verið svo undanfarna þrjá daga. Það eru íbúar Kristjaníu sem hafa sjálfir lokað staðnum en lokunin er mótmæli gegn áformum stjórnvalda um að gera Kristjaníu að venjulegu íbúðahverfi.

Dollarinn heldur áfram að veikjast

Ekkert lát virðist vera á lækkun á gengi Bandaríkjadollars gagnvart helstu myntum. Þá þróun má einna helst rekja til væntinga markaðsaðila um að peningastefna Seðlabanka Bandaríkjanna verði slakari þegar fram í sækir en peningastefna ýmissa annarra seðlabanka.

Milljón manns sóttu um vinnu á McDonalds

Alls sóttu milljón manns um 50.000 laus störf hjá hamborgarakeðjunni McDonalds í apríl mánuði. Raunar voru 62.000 manns ráðnir eða um 24% fleiri en upphaflega var gert ráð fyrir. 938.000 manns máttu hinsvegar sjá á eftir starfi hjá keðjunni.

Verðhækkanir á kaffi gætu farið úr böndunum

Ekkert lát er á verðhækkunum á kaffibaunum á heimsmarkaðinum og nú lítur út fyrir að þær gætu farið úr böndunum. Mikið úrhelli í Brasilíu og Kólombíu ásamt hættu á frosti í Brasilíu valda því að kaffibaunir gætu hækkað um 40%.

Deutsche Bank tapaði 9 milljörðum á Actavis

Deutsche Bank bókfærði 55 milljón evra eða um 9 milljarða kr. tap vegna Actavis á fyrsta ársfjórðungi ársins. Þetta kemur fram í umfjöllun Bloomberg fréttaveitunnar um uppgjör Deutsch Bank fyrir ársfjórðunginn sem reyndist töluvert yfir væntingum sérfræðinga.

Hefja olíuleit við Jan Mayen í sumar

Norðmenn munu hefja olíuleit við Jan Mayen í sumar. Leitin hefst þann 10. júní n.k. og mun standa yfir í að minnsta kosti þrjá mánuði.

Hvetur til meiri olíuframleiðslu

Barack Obama Bandaríkjaforseti hvetur Sádi-Arabíu og önnur olíuframleiðsluríki til þess að herða olíuframleiðslu sína vegna þeirrar óvissu og samdráttar í framleiðslu sem orðið hefur vegna Líbíustríðsins og ólgunnar víðar í ríkjum Norður-Afríku og Mið-Austurlöndum undanfarið.

Fátækum gæti fjölgað í álfunni

Hætt er við að hækkun á verði matvæla og eldsneytis geti dregið úr hagvexti í Asíu og aukið fátækt verulega.

Endurreisnin eftir hrun verður dýrkeypt

Matsfyrirtækið Standard & Poor‘s, S&P, segir að endurrreisnarstarf í Japan eftir náttúruhamfarir og kjarnorkuslys fyrir rúmum mánuði verði svo kostnaðarsamt að það kunni að hafa neikvæð áhrif á ríkisreksturinn.

Stærsti gullforðinn er í Sviss - miðað við mannfjölda

Gullverð er í hæstu hæðum þessa dagana og kemur það sér vel fyrir þau lönd sem hafa verið dugleg við að safna í forðann. Tímaritið The Economist hefur tekið saman töflu yfir þau lönd sem eiga mest af gulli miðað við hvert mannsbarn. Sviss trónir á toppi listans en forðinn þar nemur rúmum sex þúsund dollurum á hvert mannsbarn, eða um 670 þúsund krónum. Það nemur um fjórum únsum á hvert mannsbarn. Heildar gullforði Svisslendinga nemur rúmum þúsund tonnum. Líbanon fylgir í kjölfarið þegar hlutfallslegur forði er mældur og Þjóðverjar eru í þriðja sæti.

Kemur seint í kapphlaupið

Japanska tæknifyrirtækið Sony tilkynnti um helgina að það ætlaði að demba sér í slaginn um spjaldtölvurnar og setja tvær slíkar á markað í haust.

Besta afkoma í þrettán ár

Bandaríski bílaframleiðandinn Ford Motor Company hagnaðist um 2,55 milljarða Bandaríkjadala, jafnvirði 287 milljarða íslenskra króna, á fyrsta fjórðungi ársins. Þetta er 22 prósenta aukning á milli ára og ein besta afkoma fyrirtækisins í þrettán ár.

SAAB í miklum vandræðum

Bílaframleiðandinn SAAB er á barmi gjaldþrots og keppast stjórnendur nú við að selja eignir til þess að halda fyrirtækinu á floti. Framleiðsla hefur nær algjörlega stöðvast í aðalverksmiðju SAAB í Svíþjóð síðasta mánuðinn en um 2000 manns vinna í verksmiðjunni. Ástæða framleiðslustöðvunarinnar er sú að birgjar hafa ekki fengið greitt fyrir íhluti í bílana.

Kínverjar og Bandaríkjamenn ætla að funda um gjaldmiðlareglur

Bandaríkjamenn og Kínverjar hafa ákveðið að taka upp viðræður um reglur varðandi gengi á gjaldeyri.

Toyota gæti dottið niður í þriðja sætið

Svo gæti farið að bílarisinn Toyota detti niður í þriðja sætið yfir stærstu bílaframleiðendur heimsins sökum hamfaranna í Japan. Toyota hefur síðustu ár verið stærsti framleiðandi heimsins en General Motors og Volkswagen gætu siglt fram úr þeim á þessu ári. Framleiðsla Toyota og annara japanskra framleiðenda hefur stórskaðast vegna jarðskjálftans þar í landi auk þess sem skemmdir á kjarnorkuverum landsins hafa orsakað orkuskort.

Verð á gulli og silfri í methæðum

Verð á gulli og silfri fór í methæðir í morgun. Ástæðan er sú að bandaríkjadalur er að lækka og ófriður í Mið-Austurlöndum og Norður-Afríku ógnar stöðugleika.

Árlegur hagnaður Nintendo hrynur um 66%

Árlegur hagnaður tölvuleikjarisans Nintendo hefur lækkað um 66% en er nú 77.6 milljarðar jena eða 106,5 milljarðar íslenskra króna samanborið við 314 milljarða króna hagnað fyrirtækisins á síðasta ári. Tapið má rekja til minnkandi sölu og sterkrar stöðu jensins.

Unnið alla helgina við að bjarga All Saints

Æðstu stjórnendur All Saints tískuvöruverslunarinnar segja að þeir hafi fundið nýja fjárfesta inn í félagið. Nýju fjárfestarnir munu koma í veg fyrir að félagið fari í greiðslustöðvun. Þetta er fullyrt á vef Daily Mail.

Jaguar ætlar að fjölga um 1000 störf

Jaguar verksmiðjurnar, sem er einn af stærstu bílaframleiðendum í Bretlandi, munu hugsanlega opna nýja verksmiðju á Bretlandi sem gætu skapað meira en 1000 störf. Fréttavefur Daily Telegraph segir að þetta gæti orðið vatn á myllu ríkisstjórnar Bretlands sem glímir við samdrátt í efnahagslífinu. Eftirspurn eftir Jagúar bifreiðum hefur aukist í Asíu. Auk Jagúar framleiða verksmiðjurnar jafnframt Land Rover bifreiðar. Líklegast er að nýja verksmiðjan verði í Bretlandi en einnig kemur til greina að hún verði á Indlandi.

Eðlileg framleiðsla í árslok

Verulega hefur dregið úr framleiðslugetu japanska Toyota bílaframleiðandans vegna jarðskjálftanna og flóðbylgjunnar í Japan. Forsvarsmenn fyrirtækisins telja að framleiðslan verði komin í eðlilegt horf í nóvember eða desember. Vegna náttúruhörmunganna í Japan hafa framleiðendur ekki geta nálgast íhluti í bílana og það hefur valdið töf á framleiðslu.

Gullverð í hæstu hæðum

Gullverð er nú í hæstu hæðum og fór únsan í rétt rúma 1500 dollara á mörkuðum í Asíu, eða tæpar 170 þúsund krónur og hefur aldrei verið dýrara. Áhyggjur manna af því að efnahagskreppan í heiminum dragist á langinn hefur gert gull og aðra góðmálma að fýsilegum fjárfestingarkosti.

Útflutningur frá Japan dregst saman vegna náttúruhamfaranna

Áhrifin af jarðskjálftanum og flóðbylgjunni í Japan eru nú að koma í ljós í minnkandi útflutningi landsins. Útflutningur Japans í mars dróst saman um 2,2% miðað við sama mánuð í fyrra.

Verð á gulli komið yfir 1.500 dollara á únsuna

Heimsmarkaðsverð á gulli er komið yfir 1.500 dollara á únsuna í fyrsta sinn í sögunni. Silfur hefur einnig hækkað mikið í verði.

Danir versla fyrir 220 milljarða í nágrannalöndunum

Ný rannsókn leiðir í ljós að Danir versla nú fyrir nær 10 milljarða danskra króna, eða nær 220 milljarða króna í Svíþjóð og Þýskalandi á hverju ári.

Volkswagen kynnir nýja kynslóð af bjöllunni

Volkswagen verksmiðjunar hafa kynnt nýja kynslóð af hinni sívinsælu bjöllu sinni.

Áætlun Íslands til fyrirmyndar

Fleiri komu á vegum íslenskra stjórnvalda á vorfund Alþjóðagjaldeyrissjóðsins (AGS) og Alþjóðabankans í Washington D.C. um nýliðna helgi en alla jafna koma frá stjórnvöldum annarra landa.

Bankarnir ausa út lánsfé

Hagvöxtur jókst um 9,7 prósent í Kína á fyrsta ársfjórðungi. Þetta er 0,1 prósentustigs samdráttur á milli ársfjórðunga og meiri vöxtur en gert var ráð fyrir. Á sama tíma hækkaði verðlag í kringum tíu prósent og keyrði verðbólgu upp. Hún mælist nú 5,4 prósent.

Lækkað lánshæfismat olli nokkurri ólgu

Ákvörðun matsfyrirtækisins Standard & Poor‘s á mánudag um að lækka lánshæfiseinkunn Bandaríkjanna úr stöðugum horfum niður í neikvæðar olli verulegum usla á verðbréfamörkuðum víðs vegar um heim í gær.

Alcoa í viðræðum um álver í Norður-Noregi

Nýjar olíu- og gaslindir, sem fundist hafa í Barentshafi, auka líkur á að bandaríska álfyrirtækið Alcoa reisi nýtt álver í Norður-Noregi. Álverið myndi nýta raforku sem framleidd yrði með gasi.

Standard & Poor´s veldur uppnámi á mörkuðum

Matsfyrirtækið Standard & Poor´s olli miklu uppnámi á fjármálamörkuðum heimsins í gærdag þegar fyrirtækið ákvað að setja lánshæfiseinkunn Bandaríkjanna á neikvæðar horfur.

Stjórnendur Atlantic Fresh kaupa fyrirtækið

Stjórnendur Atlantic Fresh, stærsta innflytjenda á íslenskum fiski til Humber svæðisins í Bretlandi, hafa keypt fyrirtækið.

S&P segir horfur í bandarísku efnahagslífi neikvæðar

Lánshæfismatsfyrirtækið Standard & Poor's. mun hugsanlega lækka lánshæfismat bandaríska ríkisins á næstunni.Ástæður þess eru einkum að S&P telur að demókratar og repúblikanar geti ekki komið sér saman um áætlun til þess að draga úr halla á ríkissjóði. S&P tilkynnti í dag að horfur í efnahagsbúskap bandaríkisins væru neikvæðar en höfðu verið góðar. Fréttastofa BBC segir að þetta geti þýtt að lánshæfismatið verði lækkað á næstu tveimur árum. Hlutabréf á WallStreet lækkuðu í dag eftir að tilkynningin frá S&P barst.

Candy bræðurnir selja dýrustu lúxusíbúð Bretlands

Candy bræðurnir, fyrrum viðskiptafélagar Kaupþings, hafa selt það sem telst vera dýrasta lúxusíbúð í Bretlandi. Um er að ræða þakíbúð á þremur hæðum í One Hyde Park turnunum í London.

Heimsmarkaðsverð á olíu lækkaði aðeins í morgun

Heimsmarkaðsverð á olíu hefur lækkað aðeins í morgun eftir að olíumálaráðherra Saudi Arabíu sagði í gærdag að olíubirgðir heimsins væru nægar og raunar væri framboð af olíu of mikið á markaðinum.

Prentuðu þrjá milljarða frímerkja með rangri mynd

Í ljós hefur komið að bandaríska póstþjónustan lét prent þrjá milljarða frímerkja með rangri mynd á.

Taka upp reglur sem mæla hugsanlega hættu af innlendum efnahagsstefnum

Fjármálaráðherrar og seðlabankastjórar G20 ríkjanna samþykktu á fundi sínum í Washington í gær að taka upp leiðbeinandi viðmiðunarreglur sem mæla hugsanlega hættu sem hagkerfum heimsins stafar af innlendum efnahagsstefnum.

Hagfræðingur: ESB óttast fjárhagsleg ragnarök

Jacob Graven aðalhagfræðingur Sydbank segir að óttinn um fjárhagsleg ragnarök komi í veg fyrir að Grikklandi sé leyft að lýsa yfir þjóðargjaldþroti. Grikkland sé gjaldþrota og engin leið sé til að taka á því vandamáli nema afskrifa skuldir landsins.

Rannsaka umfangsmestu fjársvik í sögu Danmerkur

Danskur sérfræðingur í fjársvikamálum segist aldrei séð annað eins. Málið snýst um 24 ákærða einstaklinga, milljóna fjársvik hjá mörgum af stærstu fyrirtækjum Danmerkur og eignaupptöku á þyrlu, vopnum og dýrum bílum.

Verðbólga heldur áfram að aukast á evrusvæðinu

Samræmd vísitala neysluverðs hefur hækkað um 2,7% að meðaltali á síðastliðnum tólf mánuðum á evrusvæðinu. Er verðbólgan að aukast á svæðinu en í febrúar var hún 2,4%.

Economist: Írar vilja íslenska þjóðaratkvæðagreiðslu

Vinstrimenn á Írlandi vilja halda þjóðaratkvæðagreiðslu að íslenskri fyrirmynd um lántökur hins opinbera til að ábyrgjast bankakerfið þar í landi.

Glencore stjórnar stórum hluta af málmviðskiptum heimsins

Hrávörurisinn Glencore International hefur afhjúpað yfirburðastöðu sína á alþjóðamörkuðum, einkum hvað málma varðar. Í ljós kemur að Glencore stjórnar 60% af viðskiptum með zink, 50% af viðskiptum með kopar, 45% af viðskiptum með blý og 38% af viðskiptum með ál í öllum heiminum.