Veður

Reikna með hægum vindi og dá­lítilli úr­komu sunnan­til

Útlit er fyrir norðan átta til þrettán metrar á sekúndu á norðanverðu landinu með snjúkomu eða éljum í dag. Reikna má með hægari vindi og dálitlum éljum eða skúrum sunnanlands, en vaxandi norðanátt þar eftir hádegi og léttir til.

Veður 10.11.2021 07:23

Víða hæg breyti­leg átt með skúrum og slyddu­éljum

Víða verður hæg breytileg átt í dag, en suðvestan tíu til fimmtán metrar á sekúndu með suðausturströndinni og norðan strekkingur á Vestfjörðum. Spáð er skúrum og slydduéljum, en þurrt norðaustantil á landinu fram undir kvöld. Hiti verður á bilinu núll til sex stig þar sem mildast verður sunnanlands.

Veður 9.11.2021 07:09

Snýst í sunnan­vind með skúrum sunnan og vestan­til

Lægð er skammt suðvestur af Reykjanesi sem fer norðaustur og úrkomuskil frá henni yfir landinu, en suðvesturhluti landsins er kominn undan þeim. Stormurinn sem geisaði um liðna nótt hefur gengið mikið niður.

Veður 8.11.2021 07:06

Gular við­varanir á sunnan­verðu landinu og Aust­fjörðum í nótt

Gular viðvaranir taka gildi á miðnætti í nótt og gilda þær frá Faxaflóa og austur yfir landið að Austfjörðum. Búast má við hvassviðri eða stormi slyddu og snjókomu. 

Veður 7.11.2021 07:42

Snjókoma og éljagangur norðanlands

Lægð, sem er á austurleið, er um 200 km suður af Reykjanesi en samskil frá henni liggja nú yfir landinu með tilheyrandi úrkomu um allt land. 

Veður 6.11.2021 07:40

Gular viðvaranir sunnanlands á morgun

Gular viðvaranir taka gildi í nótt víða á sunnanverðu landinu. Víðast er spáð snjókomu eða slyddu og norðaustanhvassviðri eða stormi. 

Veður 5.11.2021 13:18

Lægð kemur úr suð­vestri í nótt með hvass­viðri og úr­komu

Veðurstofan spáir vestanátt, stöku skúrir vestantil og él fyrir norðan. Eftir hádegi dregur svo úr úrkomu og vindi.

Veður 5.11.2021 07:13

Sólríkara og úrkomuminna í Reykjavík en á Akureyri

Október einkenndist af norðaustlægum áttum og var úrkomusamur á Norðaustur- og Austurlandi. Samanborið við sama mánuð undanfarin tíu ár var mánuðurinn tiltölulega kaldur á norðanverðu landinu en tiltölulega hlýr á því sunnanverðu.

Veður 4.11.2021 09:09

Skúrir vestan­til og stöku él við norðan­ströndina

Veðurstofan spáir vestanátt í dag og skúrir á vestanverðu landinu. Síðdegis snýst vindur í norðlæga átt við norðurströndina með stöku éljum þar.

Veður 4.11.2021 07:23

Úr­koma og hvöss eða all­hvöss sunnan­átt

Skil koma inn á vestanvert landið kringum hádegi og fylgir því líklegast rigning þó að stutt verði í slyddu eða snjókomu.

Veður 3.11.2021 07:06

Norð­læg átt og él norðan­til en bjart fyrir sunnan

Landsmenn mega reikna með norðlægri átt, kalda eða stinningskalda í dag. Spáð er éljum fyrir norðan, einkum norðaustantil, en bjartviðri að mestu sunnan- og vestanlands.

Veður 2.11.2021 07:10

Norð­læg átt og hiti um eða yfir for­st­marki

Lægðargangur er nú austur af landinu og því norðlæg átt, víða átta til fimmtán metrar á sekúndu en heldur hvassara austast.

Veður 1.11.2021 07:08

Víða rigning eða skúrir og hvass­viðri norð­vestan­til

Spáð er norðaustan- og austan fimm til þrettán metrar á sekúndu í dag og rigningu eða skúrum. Allvíða má reikna með hvassviðri á norðvestanverðu landinu, þrettán til tuttugu metrum á sekúndu.

Veður 29.10.2021 07:27

Úr­koma víða um land og mest á Norð­vestur­landi

Spáð er vaxandi norðaustan- og austanátt í dag, víða kalda eða stinningskalda og rigningu eða skúrum eftir hádegi, en þrettán til átján metrum á sekúndu á norðvestanverðu landinu.

Veður 28.10.2021 07:13

Víða rigning en úr­komu­lítið suð­vestan­til

Veðurstofan spáir norðaustan tíu til átján metrum á sekúndu í dag, en hægari vindi og úrkomulitlu veðri sunnan heiða.

Veður 27.10.2021 07:11

Gular við­varanir sunnan­lands vegna hvass­viðris í dag

Nú í morgunsárið verður frekar bjart og kalt með hægum vindum á norðanverðu landinu. Fyrir sunnan er hins vegar austangola, skýjað að mestu og er hitinn kominn yfir frostmark. Gular viðvaranir taka gildi um hádegisbil á sunnanverðu landinu.

Veður 26.10.2021 07:10

Gular við­varanir vegna komandi storms á Suður­landi

Veðurstofan hefur gefið út gular viðvaranir á Suðurlandi, Suðausturlandi og Miðhálendi vegna stormsins sem skellur á landið á morgun.

Veður 25.10.2021 10:31

Hvass­viðri á Vest­fjörðum í dag og stormur á Suður­landi á morgun

Tvær minniháttar lægðir hringsóla nú út af Norður- og Austurlandi og úrkomukerfi þeim tengd hreyfast yfir landið.

Veður 25.10.2021 07:07

Lægðir sem hring­snúast um landið

Búast má við að norðaustlæg átt verði ríkjandi á landinu í dag og víða dálítil rigning. Í kvöld hvessir talsvert á Vestfjörðum og reikna má með slyddu til fjalla þar um slóðir.

Veður 24.10.2021 07:57

Að­gerðalítið og milt veður í dag

Búast má við aðgerðalitlu og mildu veðri í dag, hægri suðlægri átt og dálítilli vætu á víð og dreif. Síðdegis rofar til á Norður- og Austurlandi.

Veður 23.10.2021 08:48

Hægt vaxandi suð­austan­átt með hlýnandi veðri

Landsmenn mega reikna með hægt vaxandi suðaustanátt með hlýnandi veðri þar sem muni fari að rigna sunnan- og vestanlands. Allhvass eða hvass vindur þar seinnipartinn, en mun hægari fyrir norðan og austan og þurrt norðaustantil fram á kvöld.

Veður 22.10.2021 07:24

Norð­lægar áttir og yfir­leitt létt­skýjað sunnan- og vestan­til

Spáð er norðlægum áttum, tíu til átján metrar á sekúndu í dag, en það lægir á vestanverðu landinu með morgninum. Yfirleitt verður léttskýjað sunnan- og vestantil, en dálítil él norðaustanlands. Hiti verður um eða rétt yfir frostmarki.

Veður 20.10.2021 07:09

Víða hvass­viðri eða stormur og gular við­varanir

Landsmenn mega búa sig undir norðaustanátt í dag þar sem víða verður hvassviðri eða stormur. Sums staðar getur þó orðið enn hvassara í vindstrengjum við fjöll.

Veður 19.10.2021 07:14

Bætir aftur í vind í kvöld og stormur víða á morgun

Mildur loftmassi hefur nú náð yfir landið eftir hina hvössu austanátt sem herjaði á landann í gær. Búast má við austan strekkingi með rigningu, en undantekningin á þeirri stöðu eru Vestfirðir, þar sem útlit er fyrir norðaustan hvassviðri eða stormi og svalara veðri. Verður úrkoman þar því væntanlega slyddukennd.

Veður 18.10.2021 07:22

Vara við hvassviðri og stormi á morgun

Búast má við hvassviðri eða stormi víða á landinu á morgun og hefur Veðurstofan gefið út gular viðvaranir vegna veðurs á höfuðborgarsvæðinu, Suðurlandi, Suðausturlandi og Vestfjörðum.

Veður 16.10.2021 18:36

All­hvass norðan­vindur með rigningu eða slyddu norðan­til

Eftir mildar og suðlægar áttir gærdagsins verður norðan strekkingur eða allhvass vindur með rigningu eða slyddu um norðanvert landið en að mestu skýjað og lítilsháttar væta sunnantil.

Veður 13.10.2021 07:33

Rigning í öllum lands­hlutum og smá vind­strengur

Skil koma að suðvesturhorni landsins núna í morgunsárið og er byrjað að rigna úr þeim á Reykjanesskaganum. Skilin fara norðaustur yfir landið í dag og því má búast við rigningu í öllum landshlutum, en þó ekki fyrr en seinnipartinn á Norðausturlandi.

Veður 12.10.2021 06:47

Við­búið að margir þurfi að finna bíl­rúðu­sköfurnar

Víða er fremur kalt núna í morgunsárið og því viðbúið að margir þurfi að finna sköfurnar til að hreinsa ísingu á bílrúðum. Annars má reikna með hæglætisveðri í dag.

Veður 11.10.2021 07:05

Norður- og Austur­land sleppa við rigninguna

Suðaustlæg eða breytileg átt, skýjað og úrkomulítið í dag, en norðaustan strekkingur og rigning á Vestfjörðum.

Veður 8.10.2021 07:14

Stormur syðst og allt að 35 metrar í hviðum

Hvasst verður víða um land í dag. Spáð er allhvassri eða hvassri austanátt, sums staðar stormi syðra og víða rigningu, talsveðri um tíma, einkum suðaustanlands.

Veður 7.10.2021 07:21