Viðskipti erlent

Norðurlönd og Bahamaeyjar undirrita upplýsingasamning

Í dag var undirritaður upplýsingaskiptasamningur milli Norðurlanda og Bahamaeyja til að sporna gegn skattaundanskotum. Hann er liður í verkefni á vegum Norrænu ráðherranefndarinnar sem á að stuðla að því að koma í veg fyrir skattaundanskot á heimsvísu.

Viðskipti erlent 10.3.2010 11:48

Tveir draugar seldir á uppboði á Nýja Sjálandi

Tveir draugar á flöskum voru seldir á uppboði á Nýja Sjálandi fyrir um 250.000 kr. Samkvæmt frétt í Daily Telegraph voru draugarnir fangaðir í húsi Avie Woodbury í Christchurch þegar særing fór fram þar í fyrra. Hún ákvað síðan að bjóða þá upp.

Viðskipti erlent 10.3.2010 11:21

Jarðskjálftinn í Chile veldur gjaldþrotum hjá vínbændum

Jarðskjálftinn í Chile, sá öflugasti í 50 ár, mun hafa þær afleiðingar að margir smærri vínbændur og framleiðendur landsins horfa nú fram á gjaldþrot. Víngarðar skemmdust, víntunnur og tankar brotnuðu og milljónir lítra af vínum fóru til spillis í jarðskjálftanum.

Viðskipti erlent 10.3.2010 09:48

Íslenskt tóbaksbann í uppnámi ef norskt dómsmál vinnst

Svo gæti farið að íslensk stjórnvöld verði að afnema löggjöf frá árinu 2001 um bann við því að hafa tóbaksvörur sýnilegar í verslunum og sjoppum.

Viðskipti erlent 9.3.2010 15:04

Kínverjar ætla að fara varlega í frekari gullkaup

Kínverjar ætla að stíga varlega til jarðar hvað varðar frekari gullkaup til að styrkja varasjóði sína. Þeir hafa varann á sér því gullkaup þeirra gætu leitt til þess að verð á gulli hækki ennfrekar en orðið er.

Viðskipti erlent 9.3.2010 13:56

Hóplögsókn gegn Kaupþingi og Acta í Svíþjóð

Aðgerðarhópur fyrrum viðskiptavina Acta Kapitalforvalting í Svíþjóð, Grupptalan mod Acta, hefur ákveðið að höfða hóplögsókn gegn Acta og Kaupþingi vegna viðskipta með skuldabréf í Lehman Brothers skömmu áður en sá banki varð gjaldþrota.

Viðskipti erlent 9.3.2010 11:25

Lénið sex.com sett á uppboð

Klám selur og þá sérstaklega á netinu. Það vita eigendur verðmætasta lénsins á netinu, sex.com, og því hafa þeir ákveðið að setja lénið á uppboð. Uppboðið hefst á lágmarksboði upp á eina milljón dollara eða um 128 milljónir kr. en það verður haldið í næstu viku.

Viðskipti erlent 9.3.2010 09:47

Actavis býður Ratiopharm upp á kauphallarskráningu

Actavis hefur boðið stjórn þýska samheitalyfjafyrirtækisins Ratiopharm kauphallarskráningu á sameinuðu fyrirtæki fari svo að Ratiopharm samþykki Actacvis sem kaupenda. Þetta kemur fram í frétt á Reuters þar sem segir að tilboðið sé aðaltromp Actavis í baráttunni við að kaupa Ratiopharm.

Viðskipti erlent 9.3.2010 08:53

Rætt um að evruríkin stofni sérstakan gjaldeyrissjóð

Evruríkin ættu að velta því vandlega fyrir sér hvort þörf sé á því evrópskri stofnun, sambærilegri við Alþjóðagjaldeyrissjóðinn, til þess að forðast nýtt áfall líkt og hrun Grikklands. Þetta segir Wolfgang Schaeuble, fjármálaráðherra Þýskalands, í samtali við þýska blaðið Welt.

Viðskipti erlent 8.3.2010 22:18

Sigurbjörn Þorkelsson hættir hjá Nomura Holdings

Sigurbjörn Þorkelsson hefur látið af störfum hjá Nomura Holdings en þar starfaði hann sem yfirmaður hlutabréfadeildar fyrir Asíu og Kyrrahafssvæðið. Sigurbjörn fór til Nomura í kjölfar gjaldþrots Lehman Brothers haustið 2008 þegar Nomura yfirtók rekstur Lehman.

Viðskipti erlent 8.3.2010 09:45

Von á tilboði Actacvis í Ratiopharm í dag

Von er á tilboði Actavis í þýska samheitalyfjafyrirtækið Ratiopharm í dag að því er segir í frétt á Reuters um málið. Actavis keppir um kaupin á Ratiopharm við bandaríska lyfjarisann Pfizer og Teva sem er stærsta samheitalyfjafyrirtæki heimsins.

Viðskipti erlent 8.3.2010 08:22

Þarf að velja á millli fótboltaliðsins og bankans

Stjörnuhagfræðingurinn Jim O´Neill stendur nú frammi fyrir valinu á milli uppáhalds fótboltaliðs síns og bankans sem hann vinnur fyrir. O´Neill er þekktur fyrir nákvæmar spár sínar á sveiflum á gjaldeyrismörkuðum og hann er talinn áhrifamesti hagfræðingur heimsins í einkageiranum.

Viðskipti erlent 6.3.2010 09:26

Hjálparhöndin enn til staðar

Seðlabanki Evrópu og Englands ákváðu báðir í vikunni að halda stýrivöxtum óbreyttum að sinni. Stýrivextir Englandsbanka standa í hálfu prósenti en á evrusvæðinu í einu prósenti. Vextir Englandsbanka hafa ekki verið lægri í nokkur hundruð ár.

Viðskipti erlent 6.3.2010 02:30

Hagnaður norska olíusjóðsins 13.000 milljarðar

Hagnaður norska olíusjóðsins á síðasta ári nam 613 milljörðum norskra kr. eða rúmlega 13.000 milljörðum kr. Þetta er langmesti hagnaður á einu ári í sögu sjóðsins.

Viðskipti erlent 5.3.2010 10:41

Gjaldþrot fyrirtækja aldrei fleiri í Danmörku

Fjöldi gjaldþrota hjá fyrirtækjum í Danmörku fór í 581 í febrúar en þau voru 519 í janúar. Samkvæmt frétt á börsen.dk hafa gjaldþrot aldrei verið fleiri í einum mánuði í landinu frá árinu 1979 þegar byrjað var að taka saman upplýsingar um þau.

Viðskipti erlent 5.3.2010 08:30

Moody´s lækkar lánshæfiseinkunn Deutsche Bank

Matsfyrirtækið Moody´s hefur lækkað lánshæfiseinkunn Deutsche Bank úr Aa1 og niður í Aa3. Þar fyrir utan hefur Moody´s lækkað matið á fjárhagslegum styrk bankans úr B og niður í C+.

Viðskipti erlent 5.3.2010 08:24

Hafa heitið því að leggja 290 milljarða í tilboð i United

Sextíu vellauðugir fjárfestar hafa heitið því að leggja til samtals 1,5 milljarð sterlingspunda, eða tæpa 290 milljarða íslenskra króna, vegna fyrirhugaðs tilboðs í enska knattspyrnuliðið Manchester United. Þetta er fullyrt í breska blaðinu Times í dag.

Viðskipti erlent 5.3.2010 07:57

Seðlabanki Svíþjóðar: Engin áætlun til ef Icesave er fellt

Stefan Ingves seðlabankastjóri Svíþjóðar segir að engin áætlun sé til staðar ef Icesavesamningurinn verður felldur í þjóðaratkvæðagreiðslunni á laugardag. Þetta kemur fram í frétt á Reuters.

Viðskipti erlent 4.3.2010 14:21

Lukkulegir hjá Lego, annar methagnaður í höfn

Danski leikfangaframleiðandinn Lego hefur ástæðu til að fagna. Annað árið í röð varð methagnaður hjá Lego. Á síðasta ári varð hagnaðurinn tæpir 2,9 milljarðar danskra kr. eða um 66 milljarðar kr. fyrir skatta. Fyrra metár var 2008 þegar hagnaðurinn nam 1,85 milljörðum danskra kr.

Viðskipti erlent 4.3.2010 14:00

Heimskreppa í nánd ef ekki tekst að hemja bankana

Ýmsir fjármálasérfræðingar, meðal annars Nóbelsverðlaunarhafar, segja aðra heimskreppu í nánd ef reglur um áhættufjárfestingar banka verði ekki hertar svo um munar.

Viðskipti erlent 4.3.2010 13:30

Skuldabréfaútboð Grikkja lofar góðu

Í morgun tilkynnti gríska ríkisstjórnin um skuldabréfaútboð sem ætlað er að safna 5 milljörðum evra. Gangi það eftir á Grikkland engu að síður enn eftir að fjármagna 48 milljarða evra halla til viðbótar.

Viðskipti erlent 4.3.2010 13:00

Atvinnulausum fækkar óvænt í Danmörku

Atvinnlausum fækkaði óvænt í Danmörku í janúar og voru þá 118.000 á atvinnuleysisskrá í landinu. Þetta er 4,2% atvinnuleysi en fimm sérfræðingar sem spáðu fyrir um atvinnuleysið á börsen.dk höfðu reiknað með atvinnuleysi upp á 4,5%.

Viðskipti erlent 4.3.2010 10:32

Eigendur Manchester United kvarta við forstjóra Goldman Sachs

Glazerfjölskyldan, sem á knattspyrnufélagið Manchester United, hefur kvartað við Lloyd Blankfein, forstjóra Goldman Sachs, vegna hegðunar Jims O´Niell, aðalhagfræðings bankans.

Viðskipti erlent 4.3.2010 08:49

Fyrsta tap í sögu Mærsk skipafélagsins í Danmörku

A.P. Möller-Mærsk skipafélagið skilaði gífurlegu tapi á síðasta ári eins og væntingar voru um. Þetta er fyrsta árið í sögu félagsins sem það skilar tapi en félagið á rætur sínar að rekja til upphafs síðustu aldar.

Viðskipti erlent 4.3.2010 08:36

Nýr illvígur vírus herjar á Facebook notendur

Ný tegund af illvígum vírus herjar nú á Facebook notendur að því er segir á vefsíðunni eb.dk. Vírusinn dreifir sér með skilaboðum sem merkt eru „Youtube".

Viðskipti erlent 3.3.2010 13:42

Vogunarsjóðir beðnir um að eyða ekki evru-gögnum

Bandarísk stjórnvöld hafa farið fram á það við vognarsjóði þar í landi að þeir eyði ekki gögnum sínum um veðmál/stöðutöku gegn evrunni. Á sama tíma aukast rannsóknir Í Bandaríkjunum og Evrópu á þætti vogunarsjóða og banka í grísku skuldakreppunni.

Viðskipti erlent 3.3.2010 10:18

Pfizer með hærra tilboð en Actavis í Ratiopharm

Bandaríski lyfjarisinn Pfizer ætlar að leggja fram hærra tilboð en Actavis í þýska samheitalyfjafyrirtækið Ratiopharm. Samkvæmt heimildum Reuters nemur tilboð Pfizer 3 milljörðum evra en tilboð Actavis hljóðaði upp á tæpa 3 milljarða evra.

Viðskipti erlent 3.3.2010 08:37

Nissan innkallar hálfa milljón bíla

Nissanverksmiðjurnar þurfa að innkalla hálfa milljón bíla, að langstærstum hluta til í Bandaríkjunum, vegna bilunar í bremsubúnaði og eldsneytismæli. Í tilkynningu frá bílaframleiðandanum segir að Nissan verksmiðjurnar muni gera við þá bíla sem kunni að vera bilaðir. Um sé að ræða vöruflutningabíla og smáflutningabíla. Talsmenn Nissan verksmiðjanna segja að enginn slys hafi orðið vegna þessara bilanna.

Viðskipti erlent 3.3.2010 08:10

Ástralar hækka vexti

Seðlabanki Ástralíu gerði sér lítið fyrir og hækkaði stýrivexti í fjögur prósent, og segir efnahagslífið vera að styrkjast verulega.

Viðskipti erlent 3.3.2010 04:15

Fjármálakreppan smitar skemmtanalífið

Eigendur bandaríska næturklúbbsins The China Club eiga í rekstrarvanda og sóttu um heimild til greiðsluþrotaverndar samkvæmt bandarískum gjaldþrotalögum í síðustu viku. Staðurinn telst til óbeinna fórnarlamba fjármálakreppunnar.

Viðskipti erlent 3.3.2010 03:00