Heimsmetstilraun í Silfru

Hópur Íslendinga tók þátt í heimsmetstilraun í gærkvöldi þegar kafað var í upplýstri Silfru á Þingvöllum. Vilhelm Gunnarsson ljósmyndari Fréttablaðsins var á staðnum og náði flottum myndum eins og sjá má.

Tobias Klose og félagar hjá dive.is tóku þátt í köfuninni sem var tilraun til heimsmets en á sama tíma víðsvegar um heim voru kafarar í sömu erindagjörðum.

Fyrra met var slegið á síðasta ári þegar 2749 kafarar voru í kafi á sama tíma í 20 löndum. Enn er óljóst hvort það met hafi verið slegið í gær.