Umfjöllun: Fyrsti sigur Stjörnunnar í Garðabæ í sumar

Stjörnumenn fögnuðu fyrsta heimasigri sínum í sumar þegar þeir unnu 2-1 sigur á Grindavík í 7. umferð Pepsi-deildar karla í kvöld. Stjarnan er þar með komið með 11 stig en Stjörnumenn fóru upp í fjórða sætið með því að krækja í þessi þrjú stig.

Stjörnumenn höfðu gert jafntefli í fyrstu tveimur deildarleikjum sínum á gervigrasinu í Garðabænum auk þess að tapa á móti KR-ingum í bikarnum. Þeir hafa hinsvegar getað treyst á þrjú stig á heimavelli á móti Grindavík síðustu ár enda voru þeir að vinna Grindvíkinga þriðja árið í röð á teppinu.

Bæði mörk Stjörnunnar komu með tveggja mínútna millibili í fyrri hálfleik sem fram að því hafði verið jafn. Fyrst skoraði Garðar Jóhannsson og svo Halldór Orri Björnsson með glæsilegu skoti beint úr aukaspyrnu. Þeir Halldór Orri og Garðar hafa skorað saman 7 af 10 mörkum Stjörnunnar í Pepsi-deildinni í sumar.

Á lokamínútu fyrri hálfleiks minnkaði Jóhann Helgason muninn þegar hann skallaði knöttinn í netið aleinn á markteig Stjörnumanna. Algjört einbeitingarleysi hjá miðvörðum Garðbæinga og útlit fyrir spennandi síðari hálfleik.

Grindvíkingar voru með vindinn í bakið og sóttu töluvert, staðráðnir í að sækja í fyrsta sinn stig á teppið. Þrátt fyrir fjölmargar tilraunir gekk þeim illa að fóta sig á síðasta þriðjungi vallarins. Marktilraunir voru fjölmargar en dauðafæri af skornum skammti. Stjörnumenn reyndu að halda fengnum hlut og voru nærri því að refsa Grindvíkingum undir lokin þegar Suðurnesjamenn voru farnir að færa sig langt fram á völlinn.

Sigurinn hefði getað fallið hvorum megin sem var en Garðbæingar taka stigin þrjú með sér inn í hléið.

Stjarnan 2-1 Grindavík1-0 Garðar Jóhannsson (27.)

2-0 Halldór Orri Björnsson (29.)

2-1 Jóhann Helgason (45.)

Víkingsvöllur. Áhorfendur: 624

Dómari: Örvar Sær Gíslason 7

Tölfræðin

Skot (á mark): 9-13 (4-6)

Varin skot: Ingvar 5 – Óskar 2

Horn: 7-5

Aukaspyrnur fengnar: 8-12

Rangstöður: 0-7

Stjarnan 4-3-3

Ingvar Jónsson 6

Baldvin Sturluson 6

Tryggvi Sveinn Bjarnason 5

(77. Sindri Már Sigurþórsson )

Nikolaj Hagelskjaer Pedersen 5

Hörður Árnason 6

Þorvaldur Árnason 6

Daníel Laxdal 7 - Maður leiksins

Jesper Holdt Jensen 6

Jóhann Laxdal 6

(85. Bjarki Páll Eysteinsson )

Halldór Orri Björnsson 6

Garðar Jóhannsson 6

(63. Hafsteinn Rúnar Helgason 5)

Grindavík 4-4-2

Óskar Pétursson 6

Alexander Magnússon 5

Ólafur Örn Bjarnason 6

Orri Freyr Hjaltalín 5

(70. Magnús Björgvinsson 5)

Ray Anthony Jónsson 5

Ian Paul McShane 5

Jóhann Helgason 7

Jamie Patrick McCunnie 6

Scott Mckenna Ramsay 6

Robert Winters 6

Michal Pospisil 5

(70. Óli Baldur Bjarnason 5 )