Allir með réttarstöðu sakborninga - myndskeið

Sjömenningarnir sem yfirheyrðir voru af sérstökum saksóknara í gær eru allir með réttarstöðu sakborninga, samkvæmt upplýsingum Vísis. Yfirheyrslur stóðu lang fram á kvöld í gær.

Að þeim loknum var gæsluvarðhalds krafist yfir Sigurjóni Þ. Árnasyni og Ívari Guðjónssyni sem báðir störfuðu hjá gamla Landsbankanum. Dómari mun úrskurða um gæsluvarðhaldskröfuna klukkan tvö í dag.

Halldór J. Kristjánsson, sem var bankastjóri gamla Landsbankans ásamt Sigurjóni Árnasyni, er væntanlegur til landsins á næstunni.