Gríðarlega mikið um sjúkraflutninga síðasta sólarhringinn

Talsverður erill var hjá slökkviliðinu í sjúkraflutningum í nótt en alls voru þrjátíu færðir á spítala vegna veikinda eða minniháttar slysa að sögn varðstjóra slökkviliðsins.

Sjúkraflutningamenn fóru í yfir fjörtíu útköll í gærdag sem þykir einnig gríðarlega mikið. Þannig hafa sjúkraflutningamenn fært yfir sjötíu manns á spítala síðasta sólarhringinn.

Rólegt var hinsvegar hjá slökkviliðinu í nótt. En í gærdag var það kallað út vegna vatstjóns í Garðabæ.