Björgunarsveitir með vörslu við Sólheimajökul

Björgunarsveitarmenn hefja vörslu við við Sólheimajökul klukkan átta og verða þar fram á kvöld, vegna yfirvofandi hættu á að stór stykki geti brotnað úr jökulröndinni og valdið flóðbylgju í Lóninu.

Jökullinn er að skríða fram og hefur jökulsporðurinn hækkað um einn og hálfan metra. Jarðvísindamenn og jöklafræðingar eru væntanlegir á svæðið í dag til að kanna hvað er þarna um að vera og meta framvinduna og að því búnu ræðst hvort hættusvæðið verður stækkað.