Það styttist óðum í það þegar kemur í ljós með hvaða þremur þjóðum Ísland lendir í riðli í úrslitakeppni Evrópumótsins í Frakkalandi næsta sumar.
Ungverjar og Írar hafa tryggt sér sæti á Evrópumótinu í Frakklandi í gegnum umspilið og nú eru bara tvö sæti laus. Það kemur síðan í ljós í kvöld hverjar verða tvær síðustu þjóðirnar sem komast á EM.
Lokaleikir umspilsins fara þá fram í Kaupamannahöfn og í Maribor í Slóveníu. Svíar unnu 2-1 sigur á Dönum í fyrri leiknum en Úkraína vann 2-0 heimasigur á Slóveníu í heimaleik sínum.
Knattspyrnusamband Evrópu, UEFA, hefur nú gefið það út hvernig styrkleikaflokkarnir munu líta út þegar dregið verður í riðla í úrslitakeppninni. Sá dráttur fer fram í París 12. desember næstkomandi.
Hér fyrir neðan má sjá hvernig styrkleikalistarnir munu líta út eftir því hvaða tvær þjóðir komast áfram í kvöld. Eitt lið úr hverjum flokki verður í hverjum riðli.
Tékkar halda örugglega með Slóveníu í kvöld því ef Slóvenar slá út Úkraínumenn þá fara Tékkar upp um einn styrkleikaflokk, frá þriðja upp í annan.
Ísland verður í fjórða styrkleikaflokki hvernig sem fer og Ísland gæti þannig lent í riðli með Englandi, Ítalíu og Danmörk.
Ísland gæti einnig lent í riðli með Þýskalandi, Króatíu og Svíþjóð. Það er öruggt að menn munu velta betur fyrir sér möguleikunum þegar nær dregur.
Ef Svíþjóð og Úkraína komast áfram:
Flokkur 1: Spánn, Þýskaland, England, Portúgal, Belgía
Flokkur 2: Ítalía, Rússland, Sviss, Austurríki, Króatía, Úkraína.
Flokkur 3: Tékkland, Svíþjóð, Pólland, Rúmenía, Slóvakía, Ungverjaland.
Flokkur 4: Tyrkland, Írland, Ísland, Wales, Albanía, Norður-Írland.
Ef Svíþjóð og Slóvenía komast áfram:
Flokkur 1: Spánn, Þýskaland, England, Portúgal, Belgía
Flokkur 2: Ítalía, Rússland, Sviss, Austurríki, Króatía, Tékkland.
Flokkur 3: Svíþjóð, Pólland, Rúmenía, Slóvakía, Ungverjaland, Tyrkland
Flokkur 4: Írland, Slóvenía, Ísland, Wales, Albanía, Norður-Írland.
Ef Danmörk og Úkraína komast áfram:
Flokkur 1: Spánn, Þýskaland, England, Portúgal, Belgía
Flokkur 2: Ítalía, Rússland, Sviss, Austurríki, Króatía, Úkraína.
Flokkur 3: Tékkland, Pólland, Rúmenía, Slóvakía, Ungverjaland, Danmörk
Flokkur 4: Tyrkland, Írland, Ísland, Wales, Albanía, Norður-Írland.
Ef Danmörk og Slóvenía komast áfram:
Flokkur 1: Spánn, Þýskaland, England, Portúgal, Belgía
Flokkur 2: Ítalía, Rússland, Sviss, Austurríki, Króatía, Tékkland
Flokkur 3: Pólland, Rúmenía, Slóvakía, Ungverjaland, Danmörk, Tyrkland
Flokkur 4: Írland, Slóvenía, Ísland, Wales, Albanía, Norður-Írland.
Ísland gæti lent í riðli með Englandi, Ítalíu og Danmörku á EM
Tengdar fréttir
Aron Einar verður ekki með gegn Slóvakíu
Landsliðsfyrirliðinn gat ekki æft í dag og verður ekki með í vináttuleiknum annað kvöld.
Heimir: Tekur tíma fyrir nýja menn að komast inn í skipulagið
Landsliðsþjálfarinn fagnar því að fá vináttuleiki gegn jafn sterkum þjóðum og Póllandi og Slóvakíu.
Heimir: Vildi mæta sterkasta liði Slóvaka
Hvorki Marek Hamsik né Martin Skrtel verða með slóvakíska landsliðinu í vináttuleiknum gegn Íslandi annað kvöld.
Einnar mínútu þögn á æfingu strákanna vegna hryðjuverkanna í París | Myndband
Íslenska karlalandsliðið í fótbolta gerði hlé á æfingu sinni í Zilina í dag og vottuðu fórnarlömbum voðaverkanna í París virðingu sína.
Heimir: Hef engar áhyggjur af þessum tapleikjum
Landsliðsþjálfarinn segir það verið skrítið að fá strákana upp á tærnar fyrir vináttuleiki þegar þeir eru nú þegar komnir á EM.
Tvær hliðar íslenska karlalandsliðsins
Íslenska karlalandsliðið í fótbolta hefur ekki unnið leik síðan liðið komst á EM og slök frammistaða í seinni hálfleik síðustu leikja á mikinn þátt í því.
