Hörð samkeppni í flugeldasölu: „Það er val kúnnans hvar hann stundar sín viðskipti“ nína hjördís þorkelsdóttir skrifar 28. desember 2016 09:00 Fleiri einkaaðilar hafa bæst í hóp flugeldasala á síðustu árum. vísir/getty Flugeldasala hefst víðast hvar á landinu í dag en lögum samkvæmt er flugeldasala aðeins heimil frá 28. desember til 6. janúar ár hvert. Verð á flugeldum hefur víðast hvar lækkað frá því í fyrra, meðal annars vegna gengisbreytinga. Landslagið í flugeldasölu hefur jafnframt breyst talsvert síðustu ár en samkeppnin hefur aukist með tilkomu fleiri einkaaðila.Verðlækkun frá því í fyrraVerð á flugeldum hefur lækkað frá því um síðustu áramót. Vísir greindi frá umtalsverðri hækkun á verði flugelda síðustu áramót en þessi verð hafa lækkað örlítið síðan þá. Til að mynda kosta fjölskyldupakkar Flugeldamarkaða Björgunarsveitanna minna nú en þeir gerðu fyrir ári síðan. Fjölskyldupakkinn Tralli kostaði 9.700 krónur í fyrra en kostar 8.900 krónur nú. Troðni kostaði 16.900 krónur í fyrra en kostar nú 15.900 krónur, Trausti kostaði 21.600 í fyrra en kostar nú 19.900. Stærsti fjölskyldupakkinn, Trölli, kostaði 30.900 í fyrra en kostar nú 29.500 krónur. Að sögn Jóns Inga Sigvaldasonar, sölu- og markaðsstjóra hjá Slysavarnafélaginu Landsbjörgu, má rekja verðlækkunina til veikrari stöðu Bandaríkjadals gagnvart íslensku krónunni. Landsbjörg, sem sér Flugeldamörkuðum björgunarsveitanna fyrir flugeldum, flytur inn sínar vörur frá Kína en verðin eru í Bandaríkjadölum. Verðin eru þrátt fyrir þetta hærri en þau voru árið 2010 en þá kostaði fjölskyldupakkinn Tralli til að mynda tvö þúsund krónum minna en hann gerir í dag, eða 6.900. Verðlækkunin tekur ekki eingöngu til Flugeldamarkaða björgunarsveitanna en Viktor Böðvarsson, hjá flugeldasölunni Púðurkerlingunni, tók í sama streng. Púðurkerlingin var stofnuð í fyrra og hafa verðin verið lækkuð síðan þá. „Ástæðan er lægra verð hjá birgja,“ segir Viktor en fyrirtækið kaupir flugelda til smásölu frá innlendri heildsölu.Minnsti fjölskyldupakkinn, Tralli, hefur lækkað um 800 krónur frá því í fyrra.vísir/vilhelmVal kúnnans hvar hann stundar sín viðskiptiViktor telur ekki að einkaaðilar eigi á brattann að sækja vegna þess að fólk kjósi heldur að skipta við björgunarsveitirnar. Hann neitar því þó ekki að margir Íslendingar haldi tryggð sinni við björgunarsveitirnar. „Björgunarsveitirnar hafa sinn stuðning og það er allt hið besta mál. Við höfum að sjálfsögðu ekkert á móti því að fólk versli við björgunarsveitirnar en þegar upp er staðið er það val kúnnans hvar hann stundar sín viðskipti.“ Viktor segir að ekki vaki fyrir einkaaðilum að stela viðskiptavinum frá björgunarsveitunum. „Við erum ekki að reyna að veiða kúnna frá björgunarsveitunum, þvert á móti. Ef fólk vill versla þar þá er það gott mál.“ Hann fullyrðir jafnframt að markaðurinn skiptist í raun í fylkingar þeirra sem vilja eindregið styðja við björgunarsveitirnar og þeirra sem telja að slíkt gildi einu. Þannig sé samkeppnin meiri á milli einkaaðilanna innbyrðis heldur en endilega við björgunarsveitirnar. „Það er í raun beinni samkeppni á milli einkaaðilanna og við erum svolítið að einblína á þá „köku“ frekar. „Fólk skiptist í fylkingar hvað þetta varðar. Sumir telja að flugeldasala ætti að vera í höndum björgunarsveitanna eingöngu en aðrir vilja að salan ætti að vera frjáls,“ segir Viktor. Jón Ingi Sigvaldason hjá Slysavarnafélaginu Landsbjörgu er þessu ósammála. Hann telur að samkeppni hljóti að ríkja á milli einkaaðilanna og björgunarsveitanna. „Við erum náttúrulega bara í samkeppni við þá. Það er bara frjáls markaður og það eru því allir í samkeppni við alla,” fullyrðir Jón Ingi. Hann bendir jafnframt á að honum finnist sérkennilegt að sumir einkaaðilanna auglýsi flugelda með afslætti, þar sem flugeldasala er aðeins heimil frá 28. desember og fram að þrettándanum. Jón segir að björgunarsveitirnar hafi að einhverju leyti brugðist við aukinni samkeppni, til dæmis með því að auka vöruúrval og höfða til breiðari hópa. „Nú erum við með vörur í öllum verðbilum,“ segir Jón. Aðrar flugeldasölur hafa brugðist við aukinni samkeppni með öðrum ráðum, til dæmis með því að bjóða viðskiptavinum upp á heimsendingu. „Það eru mjög margir á landsbyggðinni sem nýta sér þennan möguleika,“ segir Viktor hjá Púðurkerlingunni sem er ein af þeim flugeldasölum sem býður upp á heimsendingu.Von á örtröð á gamlársdagJón Ingi og Viktor telja báðir að mestu viðskiptin muni án efa verða á gamlársdag. Spilar þar inn í að veðurspáin fyrir vikuna er slæm og þess auki sé nánast heil vinnuvika á milli jóla og nýárs. „Ef fólk vill hafa það rólegt í flugeldainnkaupum, þá er best að fara í þau snemma í vikunni,“ segir Jón Ingi. Mest lesið Albert sýknaður Innlent Þorði ekki að hringja í lögregluna eftir að hafa kveikt í sumarbústað Innlent Mikið tjón eftir að herbergið fylltist af vatni Innlent Starfsmenn þessara skóla fara í verkfall Innlent Vaktin: Hvirfilbylir og flóð fylgja Milton Erlent Ekki síst erfitt þegar menn eru fjölskylduvinir til margra áratuga Innlent Efast um að málinu verði áfrýjað Innlent Bein útsending: „Óveður aldarinnar“ skellur á Flórída Erlent Fréttamenn í bölvuðum vandræðum í óveðrinu Erlent Verkfall samþykkt með 100 prósent atkvæða í leik- og grunnskólum Innlent Fleiri fréttir Verkfallsnemendur með áhyggjur af náminu og tendrun jólageitarinnar Skýrist á mánudag hvort læknar fari í verkfall Misspennt fyrir verkfalli: „Þetta er fínt, meira frí“ Fjármálaráðherra búinn að endurskoða þjóðlendukröfur Hægir á landrisi Samið um flug til Eyja næstu þrjá vetur Sigmundur komst á forsíðuna en ekki Messi Rannsaka tengsl sköpunargáfu og ADHD Verkfall samþykkt með 100 prósent atkvæða í leik- og grunnskólum Reyna aftur að leggja niður Ríkisútvarpið ohf. Kæra ferðaþjónustufyrirtæki fyrir framkvæmdir í íshellum Efast um að málinu verði áfrýjað Ekki síst erfitt þegar menn eru fjölskylduvinir til margra áratuga Starfsmenn þessara skóla fara í verkfall Óeðlilegt að Guðmundur Ingi hafi hringt í ríkislögreglustjóra Albert sýknaður Komugjald í brjóstaskimun lækkar gríðarlega Þú finnur Íslendinga út um allan heim í fluginu Halla talar ensku við kónginn: „Ég held að það sé kannski nýi tíminn“ Riddari kannana mætir í Samtalið Mikið tjón eftir að herbergið fylltist af vatni Þorði ekki að hringja í lögregluna eftir að hafa kveikt í sumarbústað Vilja 62 milljónir til að tryggja vopnabirgðir lögreglu og sérsveitar „Hófleg snjókoma og ólíklegt að þetta setjist á vegi“ Vilja losna við bækur með grófu kynferðisofbeldi Hættir við að hætta og vill fimm ár í viðbót á RÚV Foreldrar í Laugalækjarskóla uggandi yfir mögulegu verkfalli Heimilislæknar upplifi stundum pressu á að skrifa lyfin út Stefna á að opna sundlaugar í Reykjavík í fyrramálið Ísland í mannréttindaráð Sameinuðu þjóðanna Sjá meira
Flugeldasala hefst víðast hvar á landinu í dag en lögum samkvæmt er flugeldasala aðeins heimil frá 28. desember til 6. janúar ár hvert. Verð á flugeldum hefur víðast hvar lækkað frá því í fyrra, meðal annars vegna gengisbreytinga. Landslagið í flugeldasölu hefur jafnframt breyst talsvert síðustu ár en samkeppnin hefur aukist með tilkomu fleiri einkaaðila.Verðlækkun frá því í fyrraVerð á flugeldum hefur lækkað frá því um síðustu áramót. Vísir greindi frá umtalsverðri hækkun á verði flugelda síðustu áramót en þessi verð hafa lækkað örlítið síðan þá. Til að mynda kosta fjölskyldupakkar Flugeldamarkaða Björgunarsveitanna minna nú en þeir gerðu fyrir ári síðan. Fjölskyldupakkinn Tralli kostaði 9.700 krónur í fyrra en kostar 8.900 krónur nú. Troðni kostaði 16.900 krónur í fyrra en kostar nú 15.900 krónur, Trausti kostaði 21.600 í fyrra en kostar nú 19.900. Stærsti fjölskyldupakkinn, Trölli, kostaði 30.900 í fyrra en kostar nú 29.500 krónur. Að sögn Jóns Inga Sigvaldasonar, sölu- og markaðsstjóra hjá Slysavarnafélaginu Landsbjörgu, má rekja verðlækkunina til veikrari stöðu Bandaríkjadals gagnvart íslensku krónunni. Landsbjörg, sem sér Flugeldamörkuðum björgunarsveitanna fyrir flugeldum, flytur inn sínar vörur frá Kína en verðin eru í Bandaríkjadölum. Verðin eru þrátt fyrir þetta hærri en þau voru árið 2010 en þá kostaði fjölskyldupakkinn Tralli til að mynda tvö þúsund krónum minna en hann gerir í dag, eða 6.900. Verðlækkunin tekur ekki eingöngu til Flugeldamarkaða björgunarsveitanna en Viktor Böðvarsson, hjá flugeldasölunni Púðurkerlingunni, tók í sama streng. Púðurkerlingin var stofnuð í fyrra og hafa verðin verið lækkuð síðan þá. „Ástæðan er lægra verð hjá birgja,“ segir Viktor en fyrirtækið kaupir flugelda til smásölu frá innlendri heildsölu.Minnsti fjölskyldupakkinn, Tralli, hefur lækkað um 800 krónur frá því í fyrra.vísir/vilhelmVal kúnnans hvar hann stundar sín viðskiptiViktor telur ekki að einkaaðilar eigi á brattann að sækja vegna þess að fólk kjósi heldur að skipta við björgunarsveitirnar. Hann neitar því þó ekki að margir Íslendingar haldi tryggð sinni við björgunarsveitirnar. „Björgunarsveitirnar hafa sinn stuðning og það er allt hið besta mál. Við höfum að sjálfsögðu ekkert á móti því að fólk versli við björgunarsveitirnar en þegar upp er staðið er það val kúnnans hvar hann stundar sín viðskipti.“ Viktor segir að ekki vaki fyrir einkaaðilum að stela viðskiptavinum frá björgunarsveitunum. „Við erum ekki að reyna að veiða kúnna frá björgunarsveitunum, þvert á móti. Ef fólk vill versla þar þá er það gott mál.“ Hann fullyrðir jafnframt að markaðurinn skiptist í raun í fylkingar þeirra sem vilja eindregið styðja við björgunarsveitirnar og þeirra sem telja að slíkt gildi einu. Þannig sé samkeppnin meiri á milli einkaaðilanna innbyrðis heldur en endilega við björgunarsveitirnar. „Það er í raun beinni samkeppni á milli einkaaðilanna og við erum svolítið að einblína á þá „köku“ frekar. „Fólk skiptist í fylkingar hvað þetta varðar. Sumir telja að flugeldasala ætti að vera í höndum björgunarsveitanna eingöngu en aðrir vilja að salan ætti að vera frjáls,“ segir Viktor. Jón Ingi Sigvaldason hjá Slysavarnafélaginu Landsbjörgu er þessu ósammála. Hann telur að samkeppni hljóti að ríkja á milli einkaaðilanna og björgunarsveitanna. „Við erum náttúrulega bara í samkeppni við þá. Það er bara frjáls markaður og það eru því allir í samkeppni við alla,” fullyrðir Jón Ingi. Hann bendir jafnframt á að honum finnist sérkennilegt að sumir einkaaðilanna auglýsi flugelda með afslætti, þar sem flugeldasala er aðeins heimil frá 28. desember og fram að þrettándanum. Jón segir að björgunarsveitirnar hafi að einhverju leyti brugðist við aukinni samkeppni, til dæmis með því að auka vöruúrval og höfða til breiðari hópa. „Nú erum við með vörur í öllum verðbilum,“ segir Jón. Aðrar flugeldasölur hafa brugðist við aukinni samkeppni með öðrum ráðum, til dæmis með því að bjóða viðskiptavinum upp á heimsendingu. „Það eru mjög margir á landsbyggðinni sem nýta sér þennan möguleika,“ segir Viktor hjá Púðurkerlingunni sem er ein af þeim flugeldasölum sem býður upp á heimsendingu.Von á örtröð á gamlársdagJón Ingi og Viktor telja báðir að mestu viðskiptin muni án efa verða á gamlársdag. Spilar þar inn í að veðurspáin fyrir vikuna er slæm og þess auki sé nánast heil vinnuvika á milli jóla og nýárs. „Ef fólk vill hafa það rólegt í flugeldainnkaupum, þá er best að fara í þau snemma í vikunni,“ segir Jón Ingi.
Mest lesið Albert sýknaður Innlent Þorði ekki að hringja í lögregluna eftir að hafa kveikt í sumarbústað Innlent Mikið tjón eftir að herbergið fylltist af vatni Innlent Starfsmenn þessara skóla fara í verkfall Innlent Vaktin: Hvirfilbylir og flóð fylgja Milton Erlent Ekki síst erfitt þegar menn eru fjölskylduvinir til margra áratuga Innlent Efast um að málinu verði áfrýjað Innlent Bein útsending: „Óveður aldarinnar“ skellur á Flórída Erlent Fréttamenn í bölvuðum vandræðum í óveðrinu Erlent Verkfall samþykkt með 100 prósent atkvæða í leik- og grunnskólum Innlent Fleiri fréttir Verkfallsnemendur með áhyggjur af náminu og tendrun jólageitarinnar Skýrist á mánudag hvort læknar fari í verkfall Misspennt fyrir verkfalli: „Þetta er fínt, meira frí“ Fjármálaráðherra búinn að endurskoða þjóðlendukröfur Hægir á landrisi Samið um flug til Eyja næstu þrjá vetur Sigmundur komst á forsíðuna en ekki Messi Rannsaka tengsl sköpunargáfu og ADHD Verkfall samþykkt með 100 prósent atkvæða í leik- og grunnskólum Reyna aftur að leggja niður Ríkisútvarpið ohf. Kæra ferðaþjónustufyrirtæki fyrir framkvæmdir í íshellum Efast um að málinu verði áfrýjað Ekki síst erfitt þegar menn eru fjölskylduvinir til margra áratuga Starfsmenn þessara skóla fara í verkfall Óeðlilegt að Guðmundur Ingi hafi hringt í ríkislögreglustjóra Albert sýknaður Komugjald í brjóstaskimun lækkar gríðarlega Þú finnur Íslendinga út um allan heim í fluginu Halla talar ensku við kónginn: „Ég held að það sé kannski nýi tíminn“ Riddari kannana mætir í Samtalið Mikið tjón eftir að herbergið fylltist af vatni Þorði ekki að hringja í lögregluna eftir að hafa kveikt í sumarbústað Vilja 62 milljónir til að tryggja vopnabirgðir lögreglu og sérsveitar „Hófleg snjókoma og ólíklegt að þetta setjist á vegi“ Vilja losna við bækur með grófu kynferðisofbeldi Hættir við að hætta og vill fimm ár í viðbót á RÚV Foreldrar í Laugalækjarskóla uggandi yfir mögulegu verkfalli Heimilislæknar upplifi stundum pressu á að skrifa lyfin út Stefna á að opna sundlaugar í Reykjavík í fyrramálið Ísland í mannréttindaráð Sameinuðu þjóðanna Sjá meira