Húðflúr sem geyma persónulegar minningar Guðrún Jóna Stefánsdóttir skrifar 22. mars 2017 13:00 Haukur hjá Memoria Collective í Reykjavík, hannaði þetta flúr fyrir Svölu, henni þykir ernir fallegir og tákn um sjálfstæði og styrk. Mynd/Svala Svala Björgvinsdóttir söngkona hefur í gegnum tíðina fengið sér mörg falleg og litrík húðflúr. Fyrir henni eru húðflúr listaverk sem maður safnar á líkama sinn. Sem stendur er Svala í miðjum undirbúningi fyrir Eurovision sem fer fram í Kiev í byrjun maí. „Fyrsta flúrið mitt er dreki sem Fjölnir gerði fyrir löngu síðan. Ég er fædd á ári drekans og fékk mér svokallaðan „water dragon“ á magann,“ segir Svala Björgvinsdóttir söngkona, en eins og flestir hafa tekið eftir er Svala með fjölda fallegra húðflúra sem hún hefur fengið sér í gegn um tíðina. Öll flúrin sem Svala er með eiga að geyma persónulega minningar. Ári eftir að Svala lifði af alvarlegt bílslys 9. apríl 2008, fékk hún sér til að mynda japanska ermi, eða eins og það er kallað í tattúheiminum „full sleeve“ sem vinkona hennar Sophia Estrella hannaði og flúraði. „Hún var á þeim tíma að vinna á Reykjavík Ink. Ég vildi fá mér fallegt listaverk á allan handlegginn til að fagna lífinu og það tók fimm skipti að búa til flúrið og fimm til sex klukkutíma í hvert skipti,“ útskýrir Svala. Nýjasta flúrið hennar Svölu vakti talsverða athygli, þegar hún kom fram og sigraði söngvakeppni sjónvarpsins sem fram fór um síðustu helgi. Flúrið var virkilega áberandi og á mjög sjaldgæfum stað. „Þegar ég átti afmæli á þessu ári, gaf Einar eiginmaðurinn minn mér eitt fallegasta flúr í heiminum, hannað af Fran Fernandez sem er frægur flúrari frá Barcelona og mikill listamaður. Það vildi svo skemmtilega til að hann var gestaflúrari hjá Memoria Collective hér í Reykavík og ég var heppin að komast að hjá honum og fá á bringuna mína Hið heilaga geómetríska lífstré eða „sacred geometric tree of life“ táknið. Það er mjög táknrænt fyrir samband okkar Einars,“ útskýrir Svala, en hún og Einar hafa verið saman frá árinu 1994 og giftu sig árið 2013. Í kjölfarið fékk Svala sér hauskúputattú eða svokallað sugarskull í Los Angeles, en þau Einar hafa verið búsett þar síðustu átta ár. „Sugarskull flúrið var gert á Dark Horse tattú-stofunni af honum Adam sem er svaka listamaður, Einar var nefnilega með sugarskull og okkur langaði að vera með eins tattú,“ segir hún. Svala hefur þó líka fengið sér húðflúr sem hún hefur ekki fílað. „Ég fékk mér risastóran svartan hlébarða yfir allt mjóbakið til að hylja gamalt „tribal“ húðflúr sem ég fílaði aldrei og það kom rosa vel út, því það sést ekkert að þar hafi verið flúr áður af því að hlébarðinn er svo stór og dökkur,“ segir Svala. Í fyrra kynntist Svala strákunum á Memoria Collective í Reykjavík, en þar fékk hún Hauk til að hanna fyrir sig ugluna og einhyrninginn í kvikmyndinni Blade Runner. „Blade Runner er ein af mínum uppáhaldsmyndum. Mig hafði dreymt um að fá mér þessi tvö flúr mjög lengi. En uglan og „origami“ einhyrningurinn eru mjög táknræn í myndinni,“ segir hún. Það er óhætt að segja að Svala hikar ekki mikið þegar kemur að nýjum flúrum en fljótlega fékk hún Hauk til að hanna fleiri flúr á sig. „Ég fékk hann til að gera ótrúlega fallegan örn og rósir í kring. Mér finnst ernir svo fallegir og svo mikið tákn um sjálfstæði og styrk,“ segir Svala og bætir við að fyrir henni eru húðflúr listaverk sem maður safnar á líkamann og það sé ótrúlega sérstök tilfinning þegar maður fær verk frá annarri persónu, það einfaldlega kemur einhver ótrúleg orka með því.Hér má sjá bæði full sleeve, ásamt uglunni úr kvikmyndinni Blade runner. Mynd/Svala.Svala vekur athygli fyrir einstaklega litríkan og skemmtilegan stíl. Mynd/SvalaSvala þykir einstaklega svöl, en flúrin hennar hafa vakið mikla athygli. Mynd/Svala.Eiginmaðurinn Svölu Einar Egilsson gaf henni hið heilaga geómetríska lífs tré húðflúr, sem Svala segir vera einstaklega táknrænt fyrir samband þeirra, flúrið er hannað af Fran Fernandez sem er frægur flúrari frá Barcelona. Mynd/Svala. Húðflúr Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira
Svala Björgvinsdóttir söngkona hefur í gegnum tíðina fengið sér mörg falleg og litrík húðflúr. Fyrir henni eru húðflúr listaverk sem maður safnar á líkama sinn. Sem stendur er Svala í miðjum undirbúningi fyrir Eurovision sem fer fram í Kiev í byrjun maí. „Fyrsta flúrið mitt er dreki sem Fjölnir gerði fyrir löngu síðan. Ég er fædd á ári drekans og fékk mér svokallaðan „water dragon“ á magann,“ segir Svala Björgvinsdóttir söngkona, en eins og flestir hafa tekið eftir er Svala með fjölda fallegra húðflúra sem hún hefur fengið sér í gegn um tíðina. Öll flúrin sem Svala er með eiga að geyma persónulega minningar. Ári eftir að Svala lifði af alvarlegt bílslys 9. apríl 2008, fékk hún sér til að mynda japanska ermi, eða eins og það er kallað í tattúheiminum „full sleeve“ sem vinkona hennar Sophia Estrella hannaði og flúraði. „Hún var á þeim tíma að vinna á Reykjavík Ink. Ég vildi fá mér fallegt listaverk á allan handlegginn til að fagna lífinu og það tók fimm skipti að búa til flúrið og fimm til sex klukkutíma í hvert skipti,“ útskýrir Svala. Nýjasta flúrið hennar Svölu vakti talsverða athygli, þegar hún kom fram og sigraði söngvakeppni sjónvarpsins sem fram fór um síðustu helgi. Flúrið var virkilega áberandi og á mjög sjaldgæfum stað. „Þegar ég átti afmæli á þessu ári, gaf Einar eiginmaðurinn minn mér eitt fallegasta flúr í heiminum, hannað af Fran Fernandez sem er frægur flúrari frá Barcelona og mikill listamaður. Það vildi svo skemmtilega til að hann var gestaflúrari hjá Memoria Collective hér í Reykavík og ég var heppin að komast að hjá honum og fá á bringuna mína Hið heilaga geómetríska lífstré eða „sacred geometric tree of life“ táknið. Það er mjög táknrænt fyrir samband okkar Einars,“ útskýrir Svala, en hún og Einar hafa verið saman frá árinu 1994 og giftu sig árið 2013. Í kjölfarið fékk Svala sér hauskúputattú eða svokallað sugarskull í Los Angeles, en þau Einar hafa verið búsett þar síðustu átta ár. „Sugarskull flúrið var gert á Dark Horse tattú-stofunni af honum Adam sem er svaka listamaður, Einar var nefnilega með sugarskull og okkur langaði að vera með eins tattú,“ segir hún. Svala hefur þó líka fengið sér húðflúr sem hún hefur ekki fílað. „Ég fékk mér risastóran svartan hlébarða yfir allt mjóbakið til að hylja gamalt „tribal“ húðflúr sem ég fílaði aldrei og það kom rosa vel út, því það sést ekkert að þar hafi verið flúr áður af því að hlébarðinn er svo stór og dökkur,“ segir Svala. Í fyrra kynntist Svala strákunum á Memoria Collective í Reykjavík, en þar fékk hún Hauk til að hanna fyrir sig ugluna og einhyrninginn í kvikmyndinni Blade Runner. „Blade Runner er ein af mínum uppáhaldsmyndum. Mig hafði dreymt um að fá mér þessi tvö flúr mjög lengi. En uglan og „origami“ einhyrningurinn eru mjög táknræn í myndinni,“ segir hún. Það er óhætt að segja að Svala hikar ekki mikið þegar kemur að nýjum flúrum en fljótlega fékk hún Hauk til að hanna fleiri flúr á sig. „Ég fékk hann til að gera ótrúlega fallegan örn og rósir í kring. Mér finnst ernir svo fallegir og svo mikið tákn um sjálfstæði og styrk,“ segir Svala og bætir við að fyrir henni eru húðflúr listaverk sem maður safnar á líkamann og það sé ótrúlega sérstök tilfinning þegar maður fær verk frá annarri persónu, það einfaldlega kemur einhver ótrúleg orka með því.Hér má sjá bæði full sleeve, ásamt uglunni úr kvikmyndinni Blade runner. Mynd/Svala.Svala vekur athygli fyrir einstaklega litríkan og skemmtilegan stíl. Mynd/SvalaSvala þykir einstaklega svöl, en flúrin hennar hafa vakið mikla athygli. Mynd/Svala.Eiginmaðurinn Svölu Einar Egilsson gaf henni hið heilaga geómetríska lífs tré húðflúr, sem Svala segir vera einstaklega táknrænt fyrir samband þeirra, flúrið er hannað af Fran Fernandez sem er frægur flúrari frá Barcelona. Mynd/Svala.
Húðflúr Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira