Leggja til bann á plastburðarpokum, plastborðbúnaði, plaströrum og öðru einnota plasti Hulda Hólmkelsdóttir skrifar 1. nóvember 2018 14:30 Lagt er til að ráðist verði í markvissa vitundarvakningu um ofnotkun á plastvörum. Fréttablaðið/Sigtryggur Ari Samráðsvettvangur um aðgerðaráætlun í plastmálefnum hefur skilað til umhverfis- og auðlindaráðherra tillögu að átján þrepa aðgerðaráætlun um hvernig draga megi úr notkun plats, bæta endurvinnslu þess og takast á við plastmengun í hafi. Meðal annars er lagt til að ráðist verði í þriggja þrepa áætlun um burðarpoka úr plasti sem endi með því 1. jan 2021 að óheimilt verði að selja eða afhenda plastpoka í verslunum. Þá er lagt til að hafist verði handa við að innleiða tilskipun ESB um að draga úr umhverfisáhrifum plasts sem fyrst eftir að slík tilskipun hefur verið samþykkt í Evrópu en áætlað er að það verði á næsta ári. Lagt er til að banni við plastdiskum, plasthnífapörum, plaströrum og öðru einnota plasti, sem kveðið er á um í drögum að tilskipuninni, verði flýtt og það innleitt hér á landi frá og með 1. janúar 2020. Lagt er til að ráðist verði í markvissa vitundarvakningu um ofnotkun á plastvörum, komið verði á fót sérstökum rannsókna- og þróunarsjóði sem meðal annars styðji við nýjar lausnir sem komið geti í stað plasts, að leidd verði í lög skylda sveitarfélaga og rekstraraðila til að flokka úrgang og að flokkun úrgangs verði samræmd á landsvísu.Hreinlætisvörur sem innihalda örplast verði bannaðar Meðal annarra tillganga hópsins voru að lagt verði úrvinnslugjald á allt plast en ekki einungis umbúðaplast, að hreinsun frárennslis verði bætt til að minnka losun örplasts í hafið, enda sé skólp hvergi hreinsað á íslandi með tilliti til örplasts. Þá verði hreinlætisvörur sem innihalda örplast bannaðar árið 2020 með sama hætti og gert var á Bretlandi fyrr á þessu ári, staðið verði fyrir víðamiklu átaki um að hreinsa strendu rlandsins og að fyrirtækjum og rekstraraðilum verði með miðlægri upplýsingagjöf gert auðveldara fyrir við að velja umhverfisvænni lausnir fyrir rekstur sinn, til dæmis umhverfisvænni umbúðir undir tilbúna matvöru. Hópurinn leggur áherslu á að um tillögur sé að ræða en nánari útfærsla þeirra krefjist vandaðs undirbúnings og gott samráðsferli sé hluti þess. Tillögurnar fara nú í opið samráð og geta öll þau sem vilja gert athugasemdir við þær.Guðmundur Ingi Guðbrandsson, umhverfisráðherra.Vísir/vilhelm„Tillögurnar sem ég fékk í dag eru blanda af hagrænum hvötum, banni, fræðslu og nýsköpun. Plastfjöllin okkar hækka stöðugt og ef fram heldur sem horfir verður árið 2050 meira plast í hafinu en fiskar. Við verðum að breyta þessu og þora að taka stór skref. Hér í dag hafa einmitt mikilvæg fyrstu skref verið stigin,“ segir Guðmundur Ingi Guðbrandsson, umhverfis- og auðlindaráðherra. Guðmundur Ingi skipaði starfshópinn í júlí. Í hópnum áttu sæti þrettán manns og í honum voru fulltrúar atvinnulífs sveitarfélaga, umhverfisverndarsamtaka, félagasamtaka, opinberra stofnana, Alþingis, ráðuneyta og fleiri. Hópnum var falið af ráðherra að taka til skoðunar hvaða rannsóknir og vöktun varðandi plast þurfi að ráðast í, koma með tillögur um þær stjórnvaldsaðgerðir sem æskilegt væri að koma í framkvæmd og koma með tillögur um hvernig best verði stuðlað að nýsköpun í vörum sem koma í stað plastnotkunar. Í sáttmála ríkisstjórnarinnar er kveðið á um átak gegn plasti og að hreinsa plast úr umhverfinu og skipan starfshópsins var liður í að fylgja því eftir. Þá hefur ráðherra lagt áherslu á að plastmál séu eitt af hans forgangsmálum. Samráðshópinn skipuðu: Án tilnefningar Laufey Helga Guðmundsdóttir, formaður, umhverfis- og auðlindaráðuneyti, Samkvæmt tilnefningu Úrvinnslusjóðs Guðlaugur G. Sverrisson Samkvæmt tilnefningu Sambands íslenskra sveitarfélaga Lúðvík E. Gústafsson Samvæmt tilnefningu Samtaka atvinnulífsins Lárus M. K. Ólafsson Samkvæmt tilnefningu Umhverfisstofnunar Elva Rakel Jónsdóttir Samkvæmt tilnefningu Matís ohf. Hrönn Jörundsdóttir Samkvæmt tilnefningu Neytendasamtakanna Þórey S. Þórisdóttir Samkvæmt tilnefningu Nýsköpunarmiðstöðvar Íslands Páll Árnason Samkvæmt tilnefningu fjármála- og efnahagsráðuneytis Benedikt S. Benediktsson Samkvæmt tilnefningu umhverfisverndarsamtaka Rannveig Magnúsdóttir Samkvæmt tilnefningu Hafrannsóknastofnunar Eydís Salome Eiríksdóttir Samkvæmt sameiginlegri tilnefningu þingflokka stjórnarflokka Bjarkey Olsen Gunnarsdóttir Samkvæmt sameiginlegri tilnefningu þingflokka stjórnarandstöðuflokka Guðmundur Andri Thorsson. Neytendur Umhverfismál Mest lesið Vaktin: Tollar Trump valda usla Viðskipti erlent Tæknirisarnir sjö fengu skell þegar markaðir opnuðu Viðskipti erlent Öll félög lækkuðu nema þrjú Viðskipti innlent Neita að skila umsögn um frumvarpið fyrir tilskilinn frest Viðskipti innlent 36 manns sagt upp í tveimur hópuppsögnum Viðskipti innlent Ísland megi ekki verða á milli í stríði ESB og Bandaríkjanna Viðskipti innlent Eistnesk að kenna íslensku: „Þúst, ehaggibara og kúka” Atvinnulíf Bæði vonbrigði og léttir Viðskipti innlent Tollar alltaf slæmir og skaða lífskjör almennings Viðskipti innlent Ísland ekki á spjaldi Trumps en fær samt tíu prósenta toll Viðskipti erlent Fleiri fréttir ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum Sjá meira
Samráðsvettvangur um aðgerðaráætlun í plastmálefnum hefur skilað til umhverfis- og auðlindaráðherra tillögu að átján þrepa aðgerðaráætlun um hvernig draga megi úr notkun plats, bæta endurvinnslu þess og takast á við plastmengun í hafi. Meðal annars er lagt til að ráðist verði í þriggja þrepa áætlun um burðarpoka úr plasti sem endi með því 1. jan 2021 að óheimilt verði að selja eða afhenda plastpoka í verslunum. Þá er lagt til að hafist verði handa við að innleiða tilskipun ESB um að draga úr umhverfisáhrifum plasts sem fyrst eftir að slík tilskipun hefur verið samþykkt í Evrópu en áætlað er að það verði á næsta ári. Lagt er til að banni við plastdiskum, plasthnífapörum, plaströrum og öðru einnota plasti, sem kveðið er á um í drögum að tilskipuninni, verði flýtt og það innleitt hér á landi frá og með 1. janúar 2020. Lagt er til að ráðist verði í markvissa vitundarvakningu um ofnotkun á plastvörum, komið verði á fót sérstökum rannsókna- og þróunarsjóði sem meðal annars styðji við nýjar lausnir sem komið geti í stað plasts, að leidd verði í lög skylda sveitarfélaga og rekstraraðila til að flokka úrgang og að flokkun úrgangs verði samræmd á landsvísu.Hreinlætisvörur sem innihalda örplast verði bannaðar Meðal annarra tillganga hópsins voru að lagt verði úrvinnslugjald á allt plast en ekki einungis umbúðaplast, að hreinsun frárennslis verði bætt til að minnka losun örplasts í hafið, enda sé skólp hvergi hreinsað á íslandi með tilliti til örplasts. Þá verði hreinlætisvörur sem innihalda örplast bannaðar árið 2020 með sama hætti og gert var á Bretlandi fyrr á þessu ári, staðið verði fyrir víðamiklu átaki um að hreinsa strendu rlandsins og að fyrirtækjum og rekstraraðilum verði með miðlægri upplýsingagjöf gert auðveldara fyrir við að velja umhverfisvænni lausnir fyrir rekstur sinn, til dæmis umhverfisvænni umbúðir undir tilbúna matvöru. Hópurinn leggur áherslu á að um tillögur sé að ræða en nánari útfærsla þeirra krefjist vandaðs undirbúnings og gott samráðsferli sé hluti þess. Tillögurnar fara nú í opið samráð og geta öll þau sem vilja gert athugasemdir við þær.Guðmundur Ingi Guðbrandsson, umhverfisráðherra.Vísir/vilhelm„Tillögurnar sem ég fékk í dag eru blanda af hagrænum hvötum, banni, fræðslu og nýsköpun. Plastfjöllin okkar hækka stöðugt og ef fram heldur sem horfir verður árið 2050 meira plast í hafinu en fiskar. Við verðum að breyta þessu og þora að taka stór skref. Hér í dag hafa einmitt mikilvæg fyrstu skref verið stigin,“ segir Guðmundur Ingi Guðbrandsson, umhverfis- og auðlindaráðherra. Guðmundur Ingi skipaði starfshópinn í júlí. Í hópnum áttu sæti þrettán manns og í honum voru fulltrúar atvinnulífs sveitarfélaga, umhverfisverndarsamtaka, félagasamtaka, opinberra stofnana, Alþingis, ráðuneyta og fleiri. Hópnum var falið af ráðherra að taka til skoðunar hvaða rannsóknir og vöktun varðandi plast þurfi að ráðast í, koma með tillögur um þær stjórnvaldsaðgerðir sem æskilegt væri að koma í framkvæmd og koma með tillögur um hvernig best verði stuðlað að nýsköpun í vörum sem koma í stað plastnotkunar. Í sáttmála ríkisstjórnarinnar er kveðið á um átak gegn plasti og að hreinsa plast úr umhverfinu og skipan starfshópsins var liður í að fylgja því eftir. Þá hefur ráðherra lagt áherslu á að plastmál séu eitt af hans forgangsmálum. Samráðshópinn skipuðu: Án tilnefningar Laufey Helga Guðmundsdóttir, formaður, umhverfis- og auðlindaráðuneyti, Samkvæmt tilnefningu Úrvinnslusjóðs Guðlaugur G. Sverrisson Samkvæmt tilnefningu Sambands íslenskra sveitarfélaga Lúðvík E. Gústafsson Samvæmt tilnefningu Samtaka atvinnulífsins Lárus M. K. Ólafsson Samkvæmt tilnefningu Umhverfisstofnunar Elva Rakel Jónsdóttir Samkvæmt tilnefningu Matís ohf. Hrönn Jörundsdóttir Samkvæmt tilnefningu Neytendasamtakanna Þórey S. Þórisdóttir Samkvæmt tilnefningu Nýsköpunarmiðstöðvar Íslands Páll Árnason Samkvæmt tilnefningu fjármála- og efnahagsráðuneytis Benedikt S. Benediktsson Samkvæmt tilnefningu umhverfisverndarsamtaka Rannveig Magnúsdóttir Samkvæmt tilnefningu Hafrannsóknastofnunar Eydís Salome Eiríksdóttir Samkvæmt sameiginlegri tilnefningu þingflokka stjórnarflokka Bjarkey Olsen Gunnarsdóttir Samkvæmt sameiginlegri tilnefningu þingflokka stjórnarandstöðuflokka Guðmundur Andri Thorsson.
Neytendur Umhverfismál Mest lesið Vaktin: Tollar Trump valda usla Viðskipti erlent Tæknirisarnir sjö fengu skell þegar markaðir opnuðu Viðskipti erlent Öll félög lækkuðu nema þrjú Viðskipti innlent Neita að skila umsögn um frumvarpið fyrir tilskilinn frest Viðskipti innlent 36 manns sagt upp í tveimur hópuppsögnum Viðskipti innlent Ísland megi ekki verða á milli í stríði ESB og Bandaríkjanna Viðskipti innlent Eistnesk að kenna íslensku: „Þúst, ehaggibara og kúka” Atvinnulíf Bæði vonbrigði og léttir Viðskipti innlent Tollar alltaf slæmir og skaða lífskjör almennings Viðskipti innlent Ísland ekki á spjaldi Trumps en fær samt tíu prósenta toll Viðskipti erlent Fleiri fréttir ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum Sjá meira