Cristiano Ronaldo er búinn að gefa grænt ljós á það að Juventus kaupi Paul Pogba aftur til félagsins. Enska götublaðið Daily Mail slær þessu upp í dag.
Pogba hefur verið ítrekað orðaður burt frá Manchester United og þar sem liðið hefur átt erfitt uppdráttar á tímabilinu þá verða þær sögusagnir bara háværari.
Daily Mail hefur það eftir spænska miðlinum El Desmarque að Ronaldo vilji fá Pogba til Juventus til þess að gera atlögu að því að vinna Meistaradeild Evrópu.
Juventus hefur unnið ítalska meistaratitilinn ár eftir ár en liðið hefur ekki náð að klófesta þann eyrnastóra.
United er sagt setja 180 milljón punda verðmiða á Pogba.
Frakkinn hefur ekkert spilað undan farið vegna ökklameiðsla en miðað við myndbönd sem hann setti á Instagram af endurhæfingunni þá styttist í að hann geti farið að spila á nýjan leik.
Ronaldo gaf grænt ljós á að kaupa Pogba
Tengdar fréttir
Paul Pogba er ekki að koma til baka á næstunni
Manchester United hefur verið án franska miðjumannsins Paul Pogba í síðustu leikjum sínum og það mun ekki breytast á næstunni.
Sport: Pogba var nálægt því að ganga í raðir PSG í sumar
Paul Pogba var nálægt því að ganga í raðir PSG í sumar þrátt fyrir mikinn áhuga frá Real Madrid en Sport Italia greinir frá þessu á vef sínum.
