Yeoh fundar með Suu Kyi

Kvikmyndaleikkonan Michelle Yeoh hefur síðustu daga átt fundi með baráttukonunni og friðarverðlaunahafanum Aung San Suu Kyi í Búrma. Fundirnir eru vegna undirbúnings bandarískrar kvikmyndar þar sem Yeoh mun fara með hlutverk baráttukonunnar.

Á þriðjudag fylgdust Yeoh og Suu Kyi að á flugvelli í Búrma þar sem baráttukonan kvaddi 33 ára gamlan son sinn sem hún hitti í fyrsta sinn í áratug fyrir hálfum mánuði. Suu Kyi var leyst úr haldi 13. nóvember síðastliðinn. - óká