Ronaldo orðinn leikmaður Manchester United á ný Runólfur Trausti Þórhallsson skrifar 27. ágúst 2021 15:54 Cristiano Ronaldo fagnar marki í leik með Manchester United. getty/Matthew Peters Cristiano Ronaldo er orðinn leikmaður enska úrvalsdeildarfélagsins Manchester United á nýjan leik. Þessi magnaði leikmaður skrifar undir tveggja ára samning á Old Trafford. United staðfesti komu Ronaldos á Twitter nú rétt í þessu. Hann gengst væntanlega undir læknisskoðun í Lissabon í kvöld. Welcome , @Cristiano #MUFC | #Ronaldo— Manchester United (@ManUtd) August 27, 2021 Ekki er langt síðan Ronaldo gaf það út að hann væri tilbúinn í tímabilið með Juventus og allar getgátur um framtíð hans væru óþarfi. Skömmu síðar fóru sögusagnir á kreik að Juve vildi losna við hinn 36 ára gamla Portúgala og Englandsmeisturum Manchester City hefði verið boðið að kaupa hann. Ronaldo sat á bekknum í fyrsta leik tímabilsins hjá Juventus og virðist sem ítalska félagið hafi ekki verið tilbúið að halda áfram að borga Ronaldo þau himinháu laun sem hann samdi um er hann gekk til liðs við félagið árið 2018. Manchester City var þarna nýbúið að gefa Harry Kane upp á bátinn og eitt af fáum liðum sem hefði ráðið við launakröfur Ronaldo. Leikmaðurinn gerði hins vegar garðinn frægan með Manchester United frá árunum 2003 til 2009. Þar fór hann úr því að vera kvikur vængmaður sem gerði um það til tuttugu skæri í leik í marka og stoðsendinga vél sem skilaði tölfræði sem hafði vart sést áður. Það hefði því verið þungt högg í maga Manchester United stuðningsfólks að sjá Ronaldo í ljósblárri treyju Manchester City. Þegar öll von virtist úti og það var í raun aðeins beðið eftir að Ronaldo væri myndaður skælbrosandi með Pep Guaridola, þjálfara City, þá fór hver fréttamaðurinn á fætur öðrum að birta fregnir af því að Ronaldo væru á leið til Manchester-borgar. Hann væri hins vegar á leið heim til Manchester, heim á Old Trafford þar sem hann er enn í guðatölu eftir frábær ár hjá félaginu. Sir Alex Ferguson, þjálfari Ronaldo er hann var hjá Man Utd, ku hafa hringt í sinn fyrrum lærisvein og sannfært hann um að snúa aftur. Saman unnu þeir allt sem hægt var að vinna hjá félaginu. 3x Englandsmeistari 2x Deildarbikarinn 1x FA bikarinn 1x Meistaradeild Evrópu 1x HM félagsliða Eftir að hafa unnið tvennuna - og verið grátlega nálægt því að eiga möguleika á þrennunni - tímabilið 2007/2008 vildi Ronaldo færa sig um set. Honum langaði að fara til Madrídar líkt og Kylian Mbappé langar nú. Sir Alex sannfærði Ronaldo um að vera áfram hjá Man United eitt tímabil í viðbót og svo mætti hann fara. Ronaldo hlýddi, liðið varð Englandsmeistari, og svo hélt hann til höfuðborgar Spánar. Þar hélt markaskorun og titlasöfnun Portúgalans áfram. Hann og Lionel Messi voru í eilífðar keppni um hvor væri betri. Verður eflaust deilt um það næstu áratugina en það sem verður ekki deilt um er tölfræði Ronaldo hjá Real. Ronaldo á fimm Meistaradeildartitla.Ina Fassbender/Getty Images 438 leikir - 450 mörk - 132 stoðsendingar 2x La Liga, spænska úrvalsdeildin, 2x spænski Konungsbikarinn 3x Ofurbikar Spánar 3x Ofurbikar Evrópu 3x HM félagsliða 4x Meistaradeild Evrópu Eftir næstum áratug hjá Real ákvað Ronaldo að söðla um og halda til Ítalíu. Hann gekk í raðir Juventus og hélt áfram að raða inn mörkum og vinna titla. 134 leikir - 101 mark - 22 stoðsendingar 2x Serie A, ítalska úrvalsdeildin 1x ítalski bikarinn 1x Ofurbikar Ítalíu Þá varð Ronaldo Evrópumeistari með Portúgal sumarið 2016 ásamt því að vinna Þjóðadeildina þremur árum síðar. Einnig hefur Ronaldo verið valinn besti leikmaður í heimi (Ballon d'Or) fimm sinnum ásamt fjöldanum öllum af öðrum einstaklings verðlaunum. Ronaldo með Evróputitilinn eftir 1-0 sigur Portúgals á Frakklandi í París sumarið 2016.Getty Images Núna, sumarið 2021 - tólf árum eftir að Ronaldo yfirgaf Old Trafford í Manchester, er hann á leið aftur í Leikhús Draumanna. Þrátt fyrir að vera orðinn 36 ára gamall þá má reikna með að mikil ábyrgð verði lögð á herðar hans. Hann er jú að uppfylla draum margra með því að snúa aftur til Manchester United. Hann sýndi það á EM í sumar - þar sem hann vann gullskóinn - að aldur er afstæður. Nú er bara að endurtaka leikinn í ensku úrvalsdeildinni enn einu sinni. Enski boltinn Mest lesið Kæra KR tekin fyrir á morgun Íslenski boltinn Fulham tekur Berge fram yfir McTominay Enski boltinn Uppgjörið: Víkingur R. - ÍA 1-2 | Skagamenn fyrstir til að vinna í Víkinni Íslenski boltinn „Ég ætla rétt að vona að menn hafi ekki verið að spara sig“ Íslenski boltinn Jóhann Berg á leið til Sádi-Arabíu Fótbolti Atli Barkar spenntur fyrir næsta kafla Fótbolti Uppgjörið: Breiðablik - Fram 3-1 | Jafna Víking að stigum á toppnum Íslenski boltinn Síungur Vardy tryggði nýliðunum stig Enski boltinn „Við vorum tilbúnir að þjást“ Íslenski boltinn Uppgjörið og viðöl: FH - Valur 2-2 | Ótrúleg dramatík í Kaplakrika Íslenski boltinn Fleiri fréttir Fulham tekur Berge fram yfir McTominay Síungur Vardy tryggði nýliðunum stig Félix á leið til Chelsea á meðan Gallagher fer í hina áttina Guardiola: Haaland líður betur en á sama tíma í fyrra Þurftu að stækka klefann hjá Chelsea Segir Sterling hafa brugðist liðsfélögum sínum Söngurinn um Haaland kom í bakið á honum: „Fyndinn náungi“ Meistararnir byrja á sterkum sigri Brentford byrjar tímabilið á sigri Stefán Teitur fær þriðja þjálfarann í jafn mörgum leikjum Brady ánægður með ráðherrasoninn „Engar áhyggjur, við hittumst aftur“ Slot sammála Klopp varðandi hádegisleiki Durán sökkti Hömrunum Íslendingar á Englandi: Jóhann Berg og Willum Þór á skotskónum Milner sló met Giggs og tíu Newcastle-menn lönduðu sigri Havertz og Saka afgreiddu Úlfana „Ansi mikið breytt“ með komu Slots Sagði eyrnabólgu skýra fjarveru Sancho Salah sjóðheitur af stað að vanda „Ekki gott að við séum með 43 leikmenn“ „Það sjá allir hve mikilvægir varamenn eru“ Zirkzee hetjan í sínum fyrsta leik Schmeichel skammar Shaw fyrir að spila á EM Man. City dottið niður í ellefta sætið yfir mestu eyðsluna Ten Hag um kaupin á öllum þessum Ajax mönnum: Ekki bara mín ákvörðun Hafa eytt fjörutíu milljörðum í fyrrum lærisveina stjórans Ed Sheeran eignast hlut í ensku félagi en frábiður sér kvart og kvein Spurs setur Bissouma í bann fyrir hláturgasmyndbandið Liverpool selur einn af ungu strákunum sínum Sjá meira
United staðfesti komu Ronaldos á Twitter nú rétt í þessu. Hann gengst væntanlega undir læknisskoðun í Lissabon í kvöld. Welcome , @Cristiano #MUFC | #Ronaldo— Manchester United (@ManUtd) August 27, 2021 Ekki er langt síðan Ronaldo gaf það út að hann væri tilbúinn í tímabilið með Juventus og allar getgátur um framtíð hans væru óþarfi. Skömmu síðar fóru sögusagnir á kreik að Juve vildi losna við hinn 36 ára gamla Portúgala og Englandsmeisturum Manchester City hefði verið boðið að kaupa hann. Ronaldo sat á bekknum í fyrsta leik tímabilsins hjá Juventus og virðist sem ítalska félagið hafi ekki verið tilbúið að halda áfram að borga Ronaldo þau himinháu laun sem hann samdi um er hann gekk til liðs við félagið árið 2018. Manchester City var þarna nýbúið að gefa Harry Kane upp á bátinn og eitt af fáum liðum sem hefði ráðið við launakröfur Ronaldo. Leikmaðurinn gerði hins vegar garðinn frægan með Manchester United frá árunum 2003 til 2009. Þar fór hann úr því að vera kvikur vængmaður sem gerði um það til tuttugu skæri í leik í marka og stoðsendinga vél sem skilaði tölfræði sem hafði vart sést áður. Það hefði því verið þungt högg í maga Manchester United stuðningsfólks að sjá Ronaldo í ljósblárri treyju Manchester City. Þegar öll von virtist úti og það var í raun aðeins beðið eftir að Ronaldo væri myndaður skælbrosandi með Pep Guaridola, þjálfara City, þá fór hver fréttamaðurinn á fætur öðrum að birta fregnir af því að Ronaldo væru á leið til Manchester-borgar. Hann væri hins vegar á leið heim til Manchester, heim á Old Trafford þar sem hann er enn í guðatölu eftir frábær ár hjá félaginu. Sir Alex Ferguson, þjálfari Ronaldo er hann var hjá Man Utd, ku hafa hringt í sinn fyrrum lærisvein og sannfært hann um að snúa aftur. Saman unnu þeir allt sem hægt var að vinna hjá félaginu. 3x Englandsmeistari 2x Deildarbikarinn 1x FA bikarinn 1x Meistaradeild Evrópu 1x HM félagsliða Eftir að hafa unnið tvennuna - og verið grátlega nálægt því að eiga möguleika á þrennunni - tímabilið 2007/2008 vildi Ronaldo færa sig um set. Honum langaði að fara til Madrídar líkt og Kylian Mbappé langar nú. Sir Alex sannfærði Ronaldo um að vera áfram hjá Man United eitt tímabil í viðbót og svo mætti hann fara. Ronaldo hlýddi, liðið varð Englandsmeistari, og svo hélt hann til höfuðborgar Spánar. Þar hélt markaskorun og titlasöfnun Portúgalans áfram. Hann og Lionel Messi voru í eilífðar keppni um hvor væri betri. Verður eflaust deilt um það næstu áratugina en það sem verður ekki deilt um er tölfræði Ronaldo hjá Real. Ronaldo á fimm Meistaradeildartitla.Ina Fassbender/Getty Images 438 leikir - 450 mörk - 132 stoðsendingar 2x La Liga, spænska úrvalsdeildin, 2x spænski Konungsbikarinn 3x Ofurbikar Spánar 3x Ofurbikar Evrópu 3x HM félagsliða 4x Meistaradeild Evrópu Eftir næstum áratug hjá Real ákvað Ronaldo að söðla um og halda til Ítalíu. Hann gekk í raðir Juventus og hélt áfram að raða inn mörkum og vinna titla. 134 leikir - 101 mark - 22 stoðsendingar 2x Serie A, ítalska úrvalsdeildin 1x ítalski bikarinn 1x Ofurbikar Ítalíu Þá varð Ronaldo Evrópumeistari með Portúgal sumarið 2016 ásamt því að vinna Þjóðadeildina þremur árum síðar. Einnig hefur Ronaldo verið valinn besti leikmaður í heimi (Ballon d'Or) fimm sinnum ásamt fjöldanum öllum af öðrum einstaklings verðlaunum. Ronaldo með Evróputitilinn eftir 1-0 sigur Portúgals á Frakklandi í París sumarið 2016.Getty Images Núna, sumarið 2021 - tólf árum eftir að Ronaldo yfirgaf Old Trafford í Manchester, er hann á leið aftur í Leikhús Draumanna. Þrátt fyrir að vera orðinn 36 ára gamall þá má reikna með að mikil ábyrgð verði lögð á herðar hans. Hann er jú að uppfylla draum margra með því að snúa aftur til Manchester United. Hann sýndi það á EM í sumar - þar sem hann vann gullskóinn - að aldur er afstæður. Nú er bara að endurtaka leikinn í ensku úrvalsdeildinni enn einu sinni.
Enski boltinn Mest lesið Kæra KR tekin fyrir á morgun Íslenski boltinn Fulham tekur Berge fram yfir McTominay Enski boltinn Uppgjörið: Víkingur R. - ÍA 1-2 | Skagamenn fyrstir til að vinna í Víkinni Íslenski boltinn „Ég ætla rétt að vona að menn hafi ekki verið að spara sig“ Íslenski boltinn Jóhann Berg á leið til Sádi-Arabíu Fótbolti Atli Barkar spenntur fyrir næsta kafla Fótbolti Uppgjörið: Breiðablik - Fram 3-1 | Jafna Víking að stigum á toppnum Íslenski boltinn Síungur Vardy tryggði nýliðunum stig Enski boltinn „Við vorum tilbúnir að þjást“ Íslenski boltinn Uppgjörið og viðöl: FH - Valur 2-2 | Ótrúleg dramatík í Kaplakrika Íslenski boltinn Fleiri fréttir Fulham tekur Berge fram yfir McTominay Síungur Vardy tryggði nýliðunum stig Félix á leið til Chelsea á meðan Gallagher fer í hina áttina Guardiola: Haaland líður betur en á sama tíma í fyrra Þurftu að stækka klefann hjá Chelsea Segir Sterling hafa brugðist liðsfélögum sínum Söngurinn um Haaland kom í bakið á honum: „Fyndinn náungi“ Meistararnir byrja á sterkum sigri Brentford byrjar tímabilið á sigri Stefán Teitur fær þriðja þjálfarann í jafn mörgum leikjum Brady ánægður með ráðherrasoninn „Engar áhyggjur, við hittumst aftur“ Slot sammála Klopp varðandi hádegisleiki Durán sökkti Hömrunum Íslendingar á Englandi: Jóhann Berg og Willum Þór á skotskónum Milner sló met Giggs og tíu Newcastle-menn lönduðu sigri Havertz og Saka afgreiddu Úlfana „Ansi mikið breytt“ með komu Slots Sagði eyrnabólgu skýra fjarveru Sancho Salah sjóðheitur af stað að vanda „Ekki gott að við séum með 43 leikmenn“ „Það sjá allir hve mikilvægir varamenn eru“ Zirkzee hetjan í sínum fyrsta leik Schmeichel skammar Shaw fyrir að spila á EM Man. City dottið niður í ellefta sætið yfir mestu eyðsluna Ten Hag um kaupin á öllum þessum Ajax mönnum: Ekki bara mín ákvörðun Hafa eytt fjörutíu milljörðum í fyrrum lærisveina stjórans Ed Sheeran eignast hlut í ensku félagi en frábiður sér kvart og kvein Spurs setur Bissouma í bann fyrir hláturgasmyndbandið Liverpool selur einn af ungu strákunum sínum Sjá meira