Fótbolti

Breiðablik vann Bayern í vító | Strákarnir frá Malaví sóttu gullið

Hjörvar Ólafsson skrifar
Ascent Soccer fór með sigur af hólmi á Rey Cup
Ascent Soccer fór með sigur af hólmi á Rey Cup Vísir/Dúi

Rey-Cup mótinu í fótbolta stráka og stelpna lauk á Laugardalsvellinum í dag. Á mótinu er leikið í 4. og 3. flokki karla og kvenna. 

Stoke City fór með sigur af hólmi í 4. flokki karla en liðið hafði betur, 2-1, gegn Blackburn Rovers í úrslitaleiknum í þeim aldursflokki. 

Það var svo Stjarnan sem lagði Þór Akureyri að velli eftir vítaspyrnukeppni í úrslitum í 4. flokki kvenna. 

Sömuleiðis þurfti vítaspyrnukeppni til þess að knýja fram sigurvegarar í 3. flokki kvenna en þar bar Breiðablik sigurorð af Bayern München. 

Lilja Þórdís Guðjónsdóttir sá til þess að sá leikur réðist af vítapunktinum þegar hún jafnaði metin á lokaaandartökum leiksins. 

Eva Steinsen var svo hetjan þegar hún varði síðustu vítaspyrnu Bayern München í vítaspyrnukeppninni. 

Í 3. flokki karla sótti malavíska liðið Ascent Soccer svo bikarinn en liðið lagði Þrótt Reykjavík að velli í úrslitaleiknum. 

Mest lesið


Fleiri fréttir

Sjá meira


×

Mest lesið