Yngsta amma heims aðeins 23 ára gömul

Yngsta amma heims er hin 23 ára gamla Rifca Stanescu. Rifka var aðeins 12 ára gömul þegar hún eignaðist dótturina Maríu í Rúmeníu. Hún ól dóttur sína upp í góðum siðum og vonaði að hún fylgdi ekki í fótspor sín þegar kæmi að barneignum. Hún lagði hart að Maríu að halda áfram í skóla en hún fór þó að heiman til þess að giftast aðeins tíu ára gömul.

Framkvæmdir gætu hafist með haustinu

Vinna við deiliskipulag lóðar nýja Landspítalans við Hringbraut í Reykjavík er vel á veg komin. Unnið er á grundvelli tillögu Spital-hópsins sem varð hlutskörpust í samkeppni um hönnun spítalans.

Gaddafi í gagnsókn

Stjórnarher Líbíu hefur nú hafið gagnsókn í átt að hafnarbænum Ras Lanuf og hefur því hægst á sókn uppreisnarmanna til Trípólí. Bærinn Bin Jawad, sem er í 60 kílómetra fjarlægð frá Ras Lanuf er nú á valdi manna Gaddafis. Uppreisnarmenn hafa síðustu daga sótt fram í átt að Trípólí en nú virðast stjórnarhermenn hafa náð vopnum sínum.

Fundu kannabisplöntur og haglabyssu í Þorlákshöfn

Lögreglan á Selfossi gerði húsleit í Þorlákshöfn á föstudag vegna gruns um kannabisræktun. Sú var raunin því lögreglumenn fundu þar á sjötta tug kanabisplantna sem voru í ræktun. Þær voru á mismunandi þroskastigi. Í tilkynningu frá lögreglu segir að hald hafi verið lagt á plönturnar og tilheyrandi búnað.

Áreitni í sumarbústað: Stjórnandinn hættur

Starfsmaður Isavia, sem áreitti samstarfskonu sína kynferðislega, hefur látið af störfum. Isavia var fyrir skömmu dæmt til að greiða konunni bætur vegna málsins

Lögmaður á skilorð fyrir stórfelldan fjárdrátt

Fimmtug kona hefur verið dæmd í tólf mánaða skilorðsbundið fangelsi fyrir fjárdrátt. Konan játaði fyrir Héraðsdómi Reykjaness að hafa í starfi sem héraðsdómslögmaður, dregið sér og einkahlutafélögum sem hún stjórnaði, 12 milljónir króna, sem hún tók við frá forsvarsmanni byggingafélags árið 2006.

Jóhanna: Engin siðleg réttlæting á ofurlaunum bankastjóra

Jóhanna Sigurðardóttir, forsætisráðherra, segir að engin siðleg rættlæting sé á þeim ofurlaunum sem æðstu stjórnendur Arionbanka og Íslandsbanka hafa fengið á liðnu ári. Framferði þeirra sé óþolandi ögrun og bein ógn við stöðugleika og frið í samfélaginu.

Veist þú hver þetta er?

Lögreglan á höfuðborgarsvæðinu óskar eftir að ná tali af manninum á meðfylgjandi mynd vegna máls sem hún hefur til rannsóknar. Ef einhverjir þekkja til mannsins, eða vita hvar hann er að finna, eru hinir sömu vinsamlegast beðnir um að hringja í lögregluna í síma 444-1000.

Stéttarfélög vilja fund með Isavia - óánægja á meðal starfsmanna

Formenn þriggja stéttarfélaga innan vébanda BSRB ætla að fara fram á fund með forstjóra og stjórnarformanni Isavia, ásamt með forsvarsmönnum BSRB, vegna dóms vegna kynferðislegrar áreitni sem upp kom hjá fyrirtækinu á dögunum. Félögin þrjú, Félag flugmálastarfsmanna ríkisins, Félag íslenskra flugumferðarstjóra og SFR - Stéttarfélag í almannaþjónustu, héldu sameiginlegan fund um málið í síðustu viku og kom þar fram óánægja vegna þessa máls, sem og annarra hjá fyrirtækinu, að því er fram kemur í frétt á heimasíðu BSRB.

Rottweiler hundur réðst á konu

Rottweiler hundur sem var bundinn við íbúðarhús í Hveragerði réðst á konu á föstudaginn og beit hana í úlnliðinn. Konan var að koma að húsi þar sem hún hugðist heimsækja fólk.

Ekki tekið á yfirgefnum sjókvíum í lögum

Tvö fyrirtæki, Arnarlax og Fjarðalax, vilja heimild fyrir samtals 4.500 tonna laxeldi í Arnarfirði. Vesturbyggð segist í umsögn til Skipulagsstofnunar ekki telja að það eigi að vera háð mati á umhverfisáhrifum.

Hvalfjarðargöngum lokað vegna umferðaróhapps

Umferðaróhapp varð í Hvalfjarðargöngunum nú á tíunda tímanum og hefur göngunum verið lokað um stund. Óhappið varð með þeim hætti flutningabíll rakst utan í kant með þeim afleiðingum að olía lak úr bílnum. Ekki liggur fyrir hvort göngin hafi verið opnuð aftur eða þá hvenær það mun gerast.

500 barnaníðsmál send lögreglu

Nær 500 ábendingar af rúmlega fimm þúsund, sem borist hafa Barnaheillum um myndefni þar sem börn eru sýnd á kynferðislegan eða klámfenginn hátt, hafa verið sendar áfram til lögreglu.

McQueen tískuhúsið hannar fyrir Middleton

Brúðarkjóllinn sem Kate Middleton ætlar að klæðast þegar að hún gengur upp að altarinu með Vilhjálmi Bretaprins er hannaður af Söru Burton í Alexander McQueen tískuhúsinu. Burton, sem er bresk að uppruna, tók við sem yfirhönnuður hjá fyrirtækinu eftir að

Harðir bardagar í Líbíu

Bardagar uppreisnarmanna í Líbíu og hermanna Gaddafís einræðisherra fara harðnandi með hverjum deginum. Her Gaddafis gerði í nótt gagnárásir á vígi uppreisnarmanna og urðu margar borgir á austurströnd landsins fyrir sprengjuregni í nótt og um helgina. Tugir létust í borginni Misrata um 200 kílómetra austan við Trípóli en þar höfðu uppreisnarmenn safnast saman til að gera atlögu að höfuðborginni Trípólí sem er enn höfuðvígi Gaddafís og hans manna.

Réðust að mótmælendum með sverðum og bensínsprengjum

Mótmælendur í Kaíró höfuðborg Egyptalands lentu í nótt í átökum við hóp óeinkennisklæddra manna sem voru vopnaðir sverðum og bensínsprengjum. Mótmælendurnir voru fyrir utan höfuðstöðvar leyniþjónustunnar í borginni og kröfðust þess að stofnunin yrði lögð niður.

Tíu þúsund heimili í Christchurch óíbúðarhæf

Tíu þúsund heimili í Christchurch á Nýja-Sjálandi hafa verið lýst óíbúðarhæf eftir jarðskjálftann sem þar reið yfir þann 22. febrúar síðastliðinn. Þetta tilkynnti Jophn Key forsætisráðherra landsins í gærkvöldi.

Nauðgun kærð á Selfossi - þrír grunaðir og eitt vitni

Stúlka kom á lögreglustöðina á Selfossi og kærði nauðgun á sunnudagsmorguninn. Brotið mun hafa átt sér stað á hóteli á Selfossi skömmu áður.

Auð kynlífsbók vekur athygli

Bókin „Það sem allir karlmenn hugsa um fyrir utan kynlíf“ selst nú eins og heitar lummur hjá netversluninni Amazon. Bókin samanstendur af tvö hundruð auðum síðum og er aðallega notuð sem stílabók hjá námsmönnum um allt Bretland.

Samtök lífrænna neytenda stofnuð í kvöld

Stofnfundur Samtaka lífrænna neytenda verður haldinn í kvöld. Tilgangur þeirra er að stuðla að aukinni framleiðslu og neyslu vottaðra lífrænna vara á Íslandi með velferð almennings, búfjár og umhverfisins að leiðarljósi.

Ófærð á Norðurlandi

Ófært er á milli Reykjavíkur og Akureyrar þar sem bæði Holtavörðuheiði og Öxnadalsheiði eru ófærar. Nokkur hundruð manns, þeirra á meðal nokkarar rútur með skólakrökkum nýttu sér nýja hjáleið um Héðinsfjarðargöngin og síðan um Laxárdalsheiði, og komust þannig suður í gærkvöldi.

Kulnuð eldfjöll sögð leyna á sér

Niðurstöður nýrrar rannsóknar benda til að eðli kulnaðra eldfjalla og kvikuhólfanna undir þeim sé annað en lengi var talið. Vísindamenn segja nú að þau geti orðið virk að nýju með styttri fyrirvara en áður var talið og því þurfi að endurmeta hættuna sem af þeim geti stafað.

Rúmir 4 milljarðar í lækna sem búa úti

Ríkið hefur greitt að minnsta kosti 4,3 milljarða króna í menntun íslenskra lækna sem nú búa og starfa erlendis. Árlegur kostnaður þess að mennta lækni hér á landi er 1,4 milljónir. Fullt læknanám tekur sex ár og hefur ríkið því borgað um 8,5 milljónir króna fyrir hvern fullmenntaðan lækni. Eru þessar tölur miðaðar við fjárlög ríkisins 2011 til Háskóla Íslands (HÍ), sem þó lækkuðu um 7 prósent frá árinu áður. Því má gera ráð fyrir að kostnaður við menntun lækna hafi áður verið hærri. Er hér einungis verið að tala um beint framlag ríkisins til læknanáms við HÍ, en ekki námslán og aðra framfærslu nema.

Lady Gaga brjáluð yfir brjóstamjólkurísnum

Þær vöktu athygli á dögunum fréttirnar af ísbúð í Bretlandi sem hefur tekið upp á því að bjóða rjómaís gerðan úr brjóstamjólk kvenna. Nú hefur Lady Gaga blandast í málið.

Eldingar á höfuðborgarsvæðinu

Eldingar sáust á himni og þrumugnýr heyrðist á höfuðborgarsvæðinu á sjötta tímanum í morgun, en ekki er vitað til að eldingu hafi slegið niður með skaðlegum afleiðingum. Mjög mikil ókyrrð er nú í lofti víða yfir landinu, en við þau skilyrði er hætt við eldingum.

Þrír í haldi á Selfossi grunaðir um kynferðisbrot

Lögreglan á Selfossi handtók í gær þrjá karlmenn, eftir að henni barst kæra um kynferðisbrotamál í gærmorgun. Mennirnir munu enn vera í vörslu lögreglunnar, en yfirheyrslur stóðu fram á nótt.

Klessti bíl í Skuggahverfinu og fór í heimsókn

Ekið var á kyrrstæðan mannlausan bíl í Skuggahverfinu í Reykjavík i nótt og sáu vitni tvær konur hlaupa af vettvangi. Lögreglumenn náðu að rekja spor þeirra í snjónum heim að húsi, þar sem þær reyndust báðar vera gestkomandi, og handtóku konuna, sem talið er að hafi ekið bílnum. Hún gistir nú fangageymslur. Bíll hennar skemmdist mikið og bíllinn sem hún ók á töluvert, að sögn lögreglu.

Gönguskíðamenn komnir til byggða

Björgunarsveitir Landsbjargar komu laust fyrir klukkan sex í morgun til byggða með þrjá skíðagöngumenn, sem þeir björguðu í slæmu veðri af Öræfajökli í nótt. Mennirnir eru heilir á húfi enda voru þeir mjög vel búnir. Þeir óskuðu eftir aðstoð í gærkvöldi og gátu gefið upp staðsetningu. Björgunarsveitarmenn komu að þeim klukkan eitt í nótt. Að sögn björgunarsveitarmanna var afleitt veður á jöklinum í nótt og sóttist ferðin ofan af jöklinum hægt.

Níu af hverjum tíu bændum á móti ESB

Ný skoðanakönnun sýnir að yfir níutíu prósent bænda eru mótfallin inngöngu Íslands í Evrópusambandið. Þetta kom fram á árlegu Búnaðarþingi Bændasamtaka Íslands sem var sett í gær undir yfirskriftinni „Ræktum okkar land“.

Ljóst að fólk missir vinnuna hjá SpKef

Formenn samtaka samtaka sveitarfélaga á Vestfjörðum og Suðurnesjum hafa áhyggjur af yfirtöku Landsbankans á SpKef. Ljóst sé að fólk muni missa vinnuna.

Vítisenglarnir komnir heim

Átta liðsmenn íslensku Vítisenglanna komu til landsins á tólfta tímanum í gærkvöldi frá Osló. Þeir stigu sjálfviljugir upp í flugvél á Gardemoen-flugvelli samkvæmt upplýsingum frá lögmanni þeirra.

Ráðuneyti flytjast til

Breytingar á húsnæðisskipan stjórnarráðsins vegna sameininga ráðuneyta hafa verið ákveðnar og hrint í framkvæmd að hluta. Sameining ráðuneyta heilbrigðis- og félagsmála í velferðarráðuneyti og ráðuneyta samgöngu- og dómsmála í innanríkisráðuneyti kallaði á flutninga.

Beiðnunum er jafnan hafnað

Á árabilinu 2000 til 2010 barst Hæstarétti 41 beiðni um endurupptöku máls sem dómurinn hafði dæmt. Af þeim voru þrjár samþykktar.

Tekið verði tillit til sjónarmiða ungs fólks

Katrín Jakobsdóttir, mennta- og menningarmálaráðherra, vill að vegur ungs fólks í samfélaginu verði aukinn og hefur kynnt í ríkisstjórn áform um mótun heildstæðrar stefnu í málefnum þess. Engin slík heildstæð stefna er til þótt eftir henni hafi verið kallað, meðal annars af hálfu þeirra sem starfa að æskulýðsmálum.

Vindhraði innan þolmarka

Rannsókn á óhappinu í Nuuk, þar sem flugvél Flugfélags Íslands brotlenti, hefst í dag ef veður leyfir. Fulltrúar danskrar rannsóknarnefndar komu til landsins í gær en íslensk nefnd tekur þátt í rannsókninni, sem dönsk yfirvöld fara með. Alls voru 34 um borð. Engan sakaði.

Mikil skothríð í höfuðborginni

Hörð átök milli uppreisnarmanna og hersveita, sem hliðhollar eru Muammar Gaddafi, héldu áfram víða í Líbíu um helgina. Ríkissjónvarpsstöð landsins greindi frá því í gær að herinn hefði aftur náð völdum í borgunum Misrata, Ra’s Lanuf, Tobruk og Zawiya. Í öðrum miðlum halda uppreisnarmenn og íbúar borganna því þó fram að mótmælendur séu enn við völd í þessum borgum. Fréttir af mannfalli í átökunum eru óljósar, en í gær töldu bráðaliðar á svæðinu að tveir hið minnsta hefðu látist og nokkrir tugir slasast.

Vorrallið hafið á fimm skipum

Stofnmæling botnfiska á Íslandsmiðum, eða svokallað vorrall, hófst 1. mars og stendur yfir næstu þrjár vikurnar. Fimm skip taka þátt í verkefninu; togararnir Bjartur, Ljósafell og Jón Vídalín og rannsóknaskipin Árni Friðriksson og Bjarni Sæmundsson.

Kínverjar styrkja herafla sinn

Kínversk stjórnvöld ætla að auka framlög sín til hermála um 13 prósent á þessu ári. Nágrannaríki Kína og Bandaríkin hafa viðrað áhyggjur sínar af þessu.

Bolvíkingar hlutskarpastir

Taflfélag Bolungarvíkur varð hlutskarpast í síðari hluta Íslandsmóts skákfélaga sem fram fór í Rimaskóla um helgina. Aðalsveit félagsins sigraði í 1. deild og B-sveitin í 2. deild.

Vélhjólafélagi Che Guevara látinn

Alberto Granado er látinn. Hann var 88 ára gamall þegar hann lést á Kúbu. Alberto er sennilega þekktastur fyrir að vera góðvinur byltingarsinnans, Che Guevara, en saman ferðustu þeir vítt og breitt um Suður-Ameríku um miðja síðustu öld.

Hreinsunarstarfi lokið eftir tvær vikur - um 8 tonn af olíu í sjónum

Hreinsunarstarfi í Oslófirði verður lokið eftir um tvær vikur samkvæmt norskum fjölmiðlum. Goðafoss strandaði í firðinum um miðjan febrúar með þeim afleiðingum að olía lak í sjóinn.

Andlát í gufu: Misbrestur á verklagsreglum

Eigendur og starfsfólk World Class harma þann atburð sem varð síðastliðinn miðvikudag er maður fannst látinn í heilsuræktarstöð World Class í Laugum.

Breskir sérsveitarmenn í haldi uppreisnarmanna í Líbíu

Líbískir uppreisnarmenn hafa handsamað átta breska hermann, þar af eru sex þeim sérsveitarmenn innan breska hersins. Varnarmálaráðherra Bretlands sagði í viðtali við breska ríkisútvarpið að lítið teymi diplómata væri nú í Benghazi, þar sem mennirnir eru í haldi, og ættu í samningaviðræðum við uppreisnarmennina.

Mótmæla forvirkum rannsóknarheimildum

Stjórn Ungra vinstri grænna mótmælir harðlega hugmyndum dómsmálaráðherra sem fela í sér stórauknar rannsóknarheimildir lögreglunnarí. Þetta kemur fram í ályktun frá stjórninni sem send var á fjölmiðla.

Utanríkisráðherra Japans segir af sér

Utanríkisráðherra Japans, Seiji Maehara, sagði af sér um helgina eftir að hann tók við fjárframlögum frá erlendum ríkisborgara. Lög í Japan kveða á um að stjórnmálamenn megi ekki taka við fjárframlögum frá erlendum einstaklingum.