Meistaradeildin

Keppni hinna bestu í Evrópu.

Liverpool sló út Juventus

Liverpool tryggði sér í kvöld farseðilinn í undanúrslit Meistaradeildar Evrópu í fyrsta sinn með því að slá út Juventus en liðin gerðu markalaust jafntefli á Delle Alpi heimavelli Juve. Samtals vinnur Liverpool rimmuna 2-1 eftir sigur í fyrri leik liðanna fyrir viku. Leikur PSV Eindhoven og Lyon er farinn í framlengingu en honum lauk 1-1, eins og fyrri leik liðanna.

Sport 13. apríl 2005 00:01

Meistaradeildin í kvöld

Leik Juventus og Liverpool í Meistaradeild Evrópu í kvöld er beðið með mikilli eftirvæntingu, ekki síst vegna þeirrar spennu sem byggst hefur upp meðal stuðningsmanna liðanna. Leikur liðanna verður í beinni útsendingu á Sýn í kvöld og hefst útsending klukkan 18:30.

Sport 13. apríl 2005 00:01

Chelsea í undanúrslitin

Chelsea tryggði sér í kvöld sæti í undanúrslitum Meistaradeildar Evrópu. Chelsea tapaði 3-2 gegn Bayern Munchen í kvöld í þýskalandi en unnu samanlagt 6-5 og mæta annað hvort Juventus eða Liverpool í undanúrslitunum.

Sport 12. apríl 2005 00:01

Bayern búið að jafna

Bayern Munchen var rétt í þessu að jafna leikinn gegn Chelsea. Bayern fékk aukaspyrnu sem hitti beint á kollinn á Michael Ballack sem átti góðan skalla sem Cech varði frábærlega í stöngina og þaðan út í teig. Þar var Claudio Pizarro einn og óvaldaður og setti boltann í netið nánast af marklínu. Bayern þarf nú tvö mörk á 25 mínútum til að komast áfram í keppninni.

Sport 12. apríl 2005 00:01

Kallaður í hópinn hjá Liverpool

Franski framherjinn Djibril Cisse hefur mjög óvænt verið kallaður inn í leikmannahóp Liverpool fyrir síðari leik liðsins við Juventus í 8-liða úrslitum Meistaradeildar Evrópu í kvöld.

Sport 12. apríl 2005 00:01

Eiður Smári í byrjunarliðinu

Eiður Smári Guðjohnsen er í byrjunarliði Chelsea sem mætir Bayern Munchen í seinni leik liðanna í 8-liða úrslitum Meistaradeildar Evrópu í kvöld. Eiður Smári er í fremstu víglínu ásamt Didier Drogba. Hjá Bayern koma framherjarnir Claudio Pizarro og Roy Makaay leikfærir en þeir voru ekki með í fyrri leiknum sem endað með 4-2 sigri Chelsea.

Sport 12. apríl 2005 00:01

Del Piero miðlar til aðdáandanna

Fyrirliði Juventus, Alessandro Del Piero, hefur miðlað til stuðningsmanna Juventus um að haga sér vel á leik liðsins gegn Liverpool í 8-liða úrslitum Meistaradeildar Evrópu annað kvöld.

Sport 12. apríl 2005 00:01

Lampard kemur Chelsea yfir

Frank Lampard var nú rétt í þessu að koma Chelsea yfir gegn Bayern Munchen, í þýskalandi, í seinni leik liðanna í 8-liða úrslitum Meistaradeildarinnar. Markið var nánast endurtekning á markinu sem hann skoraði í fyrri leiknum.

Sport 12. apríl 2005 00:01

Drogba að tryggja Chelsea áfram

Didier Drogba var rétt í þessu að koma Chelsea í 2-1 gegn Bayern Munchen. Joe Cole sendi fyrir og þar kom Drogba og stangaði boltann í fjærhornið. Markið kom á 80. mínútu og þurfa því leikmenn Bayern að skora þrjú mörk á tíu mínútum til að komast áfram og má því segja að Chelsea sé komið með annan fótinn í undanúrslitin.

Sport 12. apríl 2005 00:01

Milan komið yfir gegn Inter

Andrei Shevchenko var að koma AC Milan yfir gegn Inter í seinni leik liðanna í 8-liða úrslitum Meistaradeildar Evrópu. Milan sigraði fyrri leikinn 2-0 og eru því möguleikar Inter eru nú orðnir litlir en til að komast áfram þurfa þeir nú að skora 4 mörk.

Sport 12. apríl 2005 00:01

Liverpoolunnendur varaðir við

Lögreglan á Englandi varaði stuðningsmenn Liverpool við að fara til Ítalíu á seinni viðureign Juventus og Liverpool í fjórðungsúrslitum Meistaradeildar Evrópu í knattspyrnu sem fram fer annað kvöld.

Sport 12. apríl 2005 00:01

Leik Inter og Milan hætt

Leik Inter og AC Milan í 8-liða úrslitum Meistaradeildar Evrópu var hætt í kvöld vegna óláta áhorfenda. Markus Merk, dómari leiksins, blés leikinn af og kallaði leikmenn til búningsherbergja á 73. mínútu eftir að stuðningsmenn Inter skutu ógrynni af flugeldum inná leikvanginn

Sport 12. apríl 2005 00:01

Hálfleikur í Meistaradeildinni

Nú er búið að blása til leikhlés í leikjunum tveimur í Meistaradeild Evrópu.

Sport 12. apríl 2005 00:01

Mourinho verður í stúkunni

Jose Mourinho segist muni verða í áhorfendastúkunni þegar Chelsea sækir Bayern Munchen heim á Ólympíuleikvanginn í síðari leik liðanna í Meistaradeildinni í vikunni.

Sport 11. apríl 2005 00:01

Faria hefur ekkert að fela

Leikmenn Bayern Munchen segjast munu mæta fullir sjálfstrausts í síðari leikinn í einvíginu gegn Chelsea í 8-liðum Meistaradeildarinnar í kvöld. Felix Magath, þjálfari Bayern, hefur endurheimt tvo helstu sóknarmenn sína, Roy Makaay og Claudio Pizarro, sem voru meiddir í fyrri leiknum. Sá leikmaður sem Magath óttast mest í liði andstæðinganna er Didier Drogba.

Sport 11. apríl 2005 00:01

Sagan ekki með Inter

Roberto Manchini hefur fulla trú á að sínir menn í Inter geti gert hið ómögulega og náð að sigra granna sína í AC Milan í Meistaradeildinni.

Sport 11. apríl 2005 00:01

Gerrard meiddur

Steven Gerrard, fyrirliði Liverpool er meiddur á nára og talið er hugsanlegt að hann missi af síðari leiknum við Juventus í Meistaradeildinni í vikunni.

Sport 11. apríl 2005 00:01

Gerrard verður ekki með gegn Juve

Nú rétt í þessu staðfestu læknar Liverpool liðsins að fyrirliðinn Steven Gerrard geti ekki leikið með liðinu gegn Juventus í síðari leik liðanna á miðvikudagskvöld.

Sport 11. apríl 2005 00:01

Leikaraskapur hjá Ballack

Leikmenn Chelsea eru ósáttir við framkomu þýska landsliðsmannsins Michael Ballack hjá Bayern München en þeir telja að hann hafi fengið vítaspyrnu á lokamínútu leiks Chelsea og Bayern München í meistaradeildinni á miðvikudaginn á óheiðarlegan hátt. Ballack skoraði sjálfur annað mark Bæjara úr spyrnunni en leikmenn Chelsea segja að hann hafi fallið í teignum án þess að komið væri við hann

Sport 8. apríl 2005 00:01

Cole sér fyrir slag við Milan

Enski landsliðsmaðurinn Joe Cole er farinn að sjá fyrir sér úrslitaleik við AC Milan í Meistaradeildinni í sumar og segir að ítalska liðið sé "ótrúlega sterkt".

Sport 8. apríl 2005 00:01

Bæjarar lofa átökum

Uli Hoeness, yfirmaður knattspyrnumála hjá Bayern Munchen, lofar sýningu á síðari leik liðsins við Chelsea í Meistaradeildinni.

Sport 7. apríl 2005 00:01

Liverpool óttast ólæti

Forráðamenn Liverpool óttast að uppúr sjóði meðal stuðningsmanna á síðari leik liðsins við Juventus í Meistaradeildinni í næstu viku.

Sport 7. apríl 2005 00:01

Vörnin svaf á verðinum

Roberto Manchini, knattspyrnustjóri Inter á Ítalíu, er ekki tilbúinn að játa sig sigraðan, þótt lið hans hafi beðið lægri hlut gegn grönnum sínum í AC Milan í Meistaradeildinni í gær.

Sport 7. apríl 2005 00:01

Chelsea sagði satt

Nú hafa komið fram ný gögn frá Knattspyrnusambandi Evrópu sem sýna að Chelsea hafði rétt fyrir sér eftir allt, þegar þeir héldu því fram að Frank Rijkaard hefði rætt við Anders Frisk í hálfleik á leik Chelsea og Barcelona í Meistaradeildinni á dögunum.

Sport 7. apríl 2005 00:01

Terry sakar Ballack um leikaraskap

John Terry, varnarmaður Chelsea, vandaði leikmönnum Bayern og dómurunum ekki kveðjurnar eftir 4-2 sigur sinna manna á Bayern Munchen í Meistaradeildinni í gærkvöldi.

Sport 7. apríl 2005 00:01

Ancelotti hógvær

Carlo Ancelotti, knattspyrnustjóri AC Milan var hógvær eftir sigur sinna manna á grönnum sínum í Inter í gærkvöldi, en fagnaði endurkomu markaskorara síns.

Sport 7. apríl 2005 00:01

Joe Cole kemur Chelsea yfir

Joe Cole var rétt í þessu að koma Chelsea yfir gegn Bayern Munchen í Meistaradeild Evrópu, en aðeins tæpar fimm mínútur voru liðnar af leiknum þegar Cole skoraði. Cole tók skot utan af velli, skotið virtist meinlaust og Oliver Kahn virtist vera með þetta allt á hreinu. En skotið fór í brasilíska varnarmanninn Lucio og breytti um stefnu og Kahn var varnarlaus.

Sport 6. apríl 2005 00:01

Mest lesið

Leikirnir

Mest lesið