Innlent

Fréttamynd

Tvöföldun á hagnaði Mosaic Fashions

Tískuvörukeðjan Mosaic Fashions hf. skilaði 5,6 milljóna punda hagnaði á fyrstu sex mánuðum ársins. Þetta samsvarar 738,4 milljónum íslenskra króna og er rétt rúm tvöföldun á hagnaði félagsins á milli ára. Á sama í fyrra nam hann 2,7 milljónum punda. Mestur hluti hagnaðarins varð til á öðrum ársfjórðungi.

Viðskipti innlent
Fréttamynd

Fær tæpar sex milljónir í bætur

FL Group var í dag dæmt til að greiða manni sem var í starfi hjá félaginu tæpa sex og hálfa miljón króna vegna líkamstjóns sem maðurinn varð fyrir í starfi hjá félaginu.

Innlent
Fréttamynd

Hætt kominn í kviksyndi

10 ára drengur var hætt kominn þegar hann sökk upp að hálsi í kviksyndi skammt frá Akureyri. Drengurinn segir Guð hafa bjargað lífi sínu. Það voru hinsvegar dauðlegir menn sem beittu ýtrustu kröftum til að toga hann upp.

Innlent
Fréttamynd

Árni Johnsen sækist eftir 1. eða 2. sæti

Árni Johnsen fyrrverandi þingmaður sækist eftir 1. eða 2. sæti á lista Sjálfstæðisflokksins í Suðurkjördæmi. Árni sagði í samtali við NFS að hann vildi vinna að góðum málum fyrir fólkið í landinu og fólkið í sínu kjördæmi. Hann hefði fengið mjög mikla hvatningu en honum hefur meðal annars borist undirskriftarlisti með 1150 nöfnum úr öllum byggðum í kjördæminu. Hann hafi nú ákveðið að taka áskoruninni og er bjartsýnn á framhaldið.

Innlent
Fréttamynd

RÚV skyldað til að auka innlent efni

Ríkisútvarpið þarf að stórauka innlenda dagskrá í sjónvarpi, samkvæmt þjónustusamningi við ríkisvaldið. Samningurinn verður lagður fyrir þing á mánudag ásamt frumvarpi um breytingu RÚV í hlutafélag.

Innlent
Fréttamynd

Þakkaði Íslendingum stuðninginn

Viktoras Muntianas, forseti litháíska þingsins, þakkaði íslensku þjóðinni í dag stuðning við Litháen við endurreisn sjálfstæðis landsins. Hann er staddur á Íslandi í opinberri heimsókn í boði forseta Alþingis.

Innlent
Fréttamynd

Bein útsending frá myrkvun kl. 21:55

Bein útsending verður frá myrkvuninni í Reykjavíkurborg í kvöld á Vísir.is. Myrkvunin hefst klukkan 22:00 en útsendingin um fimm mínútum fyrr. Hægt verður að fylgjast með þegar ljósin verða slökkt og þar til þau verða kveikt aftur hálftíma síðar.

Innlent
Fréttamynd

Kertafleyting til minningar landsins sem hverfur

Í kvöld stendur Náttúruvaktin fyrir kertafleytingu við Reykjavíkurtjörn. Í tillkynningu frá samtökunum segir að þar ætli náttúruunnendur á höfuðborgarsvæðinu að koma saman og minnast þess lands sem nú fer undir Hálslón á Kárahnjúkasvæðinu.

Innlent
Fréttamynd

Óli H. Þórðarson hættir sem formaður Umferðarráðs

Óli H. Þórðarson tilkynnti í dag á fundi Umferðarráðs að hann ætli að hætta sem formaður ráðsins. Nýr formaður verður skipaður frá 1. október næstkomandi. Á fundinum var jafnframt samþykkt ályktun Umferðarráðs þar sem lýst er yfir þungum áhyggjum af endurteknum fréttum af hraðaakstri.

Innlent
Fréttamynd

Samskip reka áfram Sæfara

Vegagerðin og Samskip hafa framlengt samninginn um rekstur Grímseyjarferjunnar Sæfara. Verið er að standsetja nýja ferju sem tekin verður í notkun á samningstímanum.

Innlent
Fréttamynd

Dregur úr verðbólgu í október

Verðbólga fer úr 7,6% í september í 7,4% í október ef spá greiningardeildar Glitnis gengur eftir. Verðbólgan verður þrátt fyrir það enn fjarri 2,5% verðbólmarkmiði Seðlabanka Íslands og er það þrítugasti mánuðurinn í röð sem hún reynist yfir markmiði hans.

Innlent
Fréttamynd

Búið að hreinsa mest allt stöðvarhúsið

Búið er að ljúka grófhreinsun á stöðvarhúsi Hellisheiðarvirkjunar en þar lak saltpéturssýra úr lögn í nótt. Slökkvilið höfuðborgarsvæðisins vinnur nú að fínhreinsun og verður því verki lokið innan skamms.

Innlent
Fréttamynd

Festist í lyftu vegna hunda

Lögreglan í Reykjavík sinnir ólíklegustu verkefnum, bæði stórum sem smáum, eftir því sem segir á vef hennar. Það sannaðist um kaffileytið í gær. Þá sat liðlega fertugur karlmaður fastur í lyftu í ónefndu fjölbýlishúsi. Hann hafði verið á ferð með tvo hunda og báru þeir ábyrgð á ástandinu.

Innlent
Fréttamynd

Hvetur ökumenn til að leggja bílum við myrkvun í kvöld

Sjóvá Forvarnahúsið hvetur ökumenn á þeim svæðum þar sem götuljósin verða myrkvuð í kvöld til að njóta myrkursins og leggja bílum sínum á tímabilinu 22-22.30 meðan myrkvunin stendur yfir við upphaf alþjóðlegrar kvikmyndahátíðar í Reykjavík.

Innlent
Fréttamynd

Dagur kjörinn formaður sveitarstjórnarráðs Samfylkingarinnar

Dagur B. Eggertsson borgarfulltrúi hefur verið kjörinn formaður nýrrar stjórnar sveitarstjórnarráðs Samfylkingarinnar, en það var gert á aðalfundi ráðsins á Akureyri í gærkvöldi. Formaður ráðsins var kjörinn í netkosningu meðal sveitarstjórnarmanna og segir í tilkynningu frá Samfylkingunni að þetta muni vera í fyrsta sinn sem sú aðferð er viðhöfð hjá íslenskum stjórnmálaflokki.

Innlent
Fréttamynd

Á slysadeild eftir árekstur við kyrrstæðan bíl

Þrjár fimmtán ára stúlkur þurftu að leita á slysadeild eftir að bíl, sem þær voru farþegar í, var bakkað á kyrrstæðan bíl. Við stýrið var 17 ára drengur og var áreksturinn svo harður að fjarlægja varð kyrrstæða bílinn af vettvangi vegna skemmda.

Innlent
Fréttamynd

FF fagnar nýjum tillögum um íbúðalánamarkað

Félag fasteignasala fagnar tillögum stýrihóps félagsmálaráðherra um að staðinn sé vörður um stefnu íslenskra stjórnvalda í húsnæðismálum og að Íbúðalánasjóður gegni þar mikilvægu hlutverki.

Innlent
Fréttamynd

Einhver dapurlegasti dagur langrar starfsævi

„Þetta er einhver dapurlegasti dagur sem ég hef lifað á langri starfsævi vegna þess að hér er verið að hefja mestu mögulegu óafturkræfu umhverfissspjöll sem hægt er að fremja á Íslandi og það á kostnað milljóna ófæddra Íslendinga,“ sagði Ómar Ragnarsson fréttamaður í samtali við NFS, en hann er nú staddur við Kárahnjúka þar sem hann hyggst fara á báti niður gljúfrin sem fara nú undir Háslón.

Innlent
Fréttamynd

Segja daginn sorgardag á Íslandi

Félag um verndun hálendis Austulands og Náttúruverndarsamtök Austurlands hafa sent frá sér yfirlýsingu þar sem þau segja daginn í dag sorgardag á Íslandi, en eins og kunnugt er hófst fylling Hálslóns í morgun. Félögin segir að með því hafi herför valdsins gegn vesturöræfum við Snæfell hafist og að Ísland verði fátækara í kvöld en það var í morgun.

Innlent
Fréttamynd

Krefjast stofnanasamnings án tafar

Almennur félagsfundur sjúkraliða í Reykjavík og nágrenni krefst þess að gengið verði frá stofnanasamningi við sjúkraliða án frekari tafa. Ályktun þessa efnis var samþykkt á fundi í gær.

Innlent
Fréttamynd

Stóraukin áhersla á íslenskt efni á RÚV

Stóraukin áhersla verður lögð á íslenskt efni hjá Ríkisútvarpinu samkvæmt samkomulagi sem menntamálaráðuneytið og Ríkisútvarpið hafa gert um drög að samningi um útvarpsþjónustu í almannaþágu. Samningurinn á að skilgreina nánar tilgang og hlutverk RÚV og þær kröfur sem gerðar eru til Ríkisútvarpsins á grundvelli þess frumvarps sem lagt verður fram á fyrstu dögum þingsins. Þetta kemur fram í tilkynningu frá menntamálaráðuneytinu.

Innlent
Fréttamynd

Fylling Hálslóns hefur gengið vel

Jökla var stífluð við Kárahnjúka á tíunda tímanum í morgun og gekk framkvæmdin vel að sögn talsmanns virkjunarinnar. Hálslón er byrjað að myndast og hefur það hækkað um tíu metra við stífluna frá því að tappinn var settur í. Fyrir neðan stíflu er Jökla að hverfa.

Innlent

Mest lesið