Eiði Smára dæmdar bætur

Eiði Smári Guðjohnsen hafa verið dæmdar 400 þúsund krónur í miskabætur vegna umfjöllunar DV um fjármál hans í desember 2009. Dómurinn var kveðinn upp í Héraðsdómi Reykjavíkur í gær.

Ingi Freyr Vilhjálmsson, blaðamaður DV, sem og ritstjórarnir Jón Trausti Reynisson og Reynir Traustason, þurfa hver um sig að greiða 150 þúsunda króna sekt sem rennur í ríkissjóð.

Vilhjálmur Vilhjálmsson, lögmaður Inga Freys, hyggst áfrýja málinu til Hæstaréttar fyrir hönd umbjóðanda síns. - th