Margverðlaunaður karlakór býður til fjörlegra tónleika Magnús Guðmundsson skrifar 11. maí 2016 12:00 Svissneski karlakórinn Männerstimmen Basel syngur í Akureyrarkirkju í kvöld. Svissneski karlakórinn Männerstimmen Basel verður með tónleika í Akureyrarkirkju í kvöld kl. 20 og er aðgangur að tónleikunum ókeypis en tekið er við frjálsum framlögum að tónleikum loknum. Männerstimmen Basel er allsérstæður karlakór sem notið hefur mikillar velgengni á síðustu árum. Eitt af því sem einkennir kórinn er klæðaburðurinn sem samanstendur af hnébuxum, axlaböndum, skyrtu og flauelsjakka sem er í senn skemmtilega gamaldags og í sterkri mótsögn við afar nútímalega og lifandi tónleikaframkomu enda hafa þeir unnið til verðlauna víða um heim. Meðlimir kórsins eru á aldrinum 18-32 ára og þeir hafa heillað tónleikagesti bæði í heimalandi sínu og víðar með flutningi sínum. Þessi orkumikli kór sameinar ástríðu og afslappað andrúmsloft, bæði á sviði og utan þess. Samvera og góðar hlátursrokur eru eins mikilvægar og æfingar og tónleikar. Þar sem kórinn er á styrktarsamningi við bruggverksmiðju í Basel er alltaf gullinn mjöður á boðstólum á æfingum hjá þeim þar sem sungið er af hjartans lyst og mikilli innlifun. En á tónleikum eru allir á tánum og fylgja stjórnanda sínum, Oliver Rudin, og aðstoðarstjórnanda, David Rossel. Kórinn flytur afar fjölbreytta efnisskrá með kirkjulegri og veraldlegri tónlist frá öllum tímabilum tónlistarsögunnar en á hverju ári pantar kórinn nýtt tónverk frá þekktum tónskáldum. Männerstimmen Basel hefur tvisvar unnið Gullverðlaun á World Choir Games í Riga, verið valinn besti kór Sviss og besti karlakórinn á Montreux Choral Festival. Auk þess hafa þeir drengirnir fengið Fleischmann International Trophy á Írlandi 2011 fyrir besta flutninginn á samtímatónlist. Menning Mest lesið Heitustu hinsegin pör landsins Lífið Byrjaði í smábrotum en vatt svo upp á sig Lífið Dró Antonio grunlausan með sér í Gamla bíó Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Sunneva og Tanja ræða lýtaaðgerðirnar sínar Lífið Sóldís Vala er Ungfrú Ísland Lífið Búið spil Lífið Forsetagæinn hyggst hlaupa sitt lengsta hlaup til þessa Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Svissneski karlakórinn Männerstimmen Basel verður með tónleika í Akureyrarkirkju í kvöld kl. 20 og er aðgangur að tónleikunum ókeypis en tekið er við frjálsum framlögum að tónleikum loknum. Männerstimmen Basel er allsérstæður karlakór sem notið hefur mikillar velgengni á síðustu árum. Eitt af því sem einkennir kórinn er klæðaburðurinn sem samanstendur af hnébuxum, axlaböndum, skyrtu og flauelsjakka sem er í senn skemmtilega gamaldags og í sterkri mótsögn við afar nútímalega og lifandi tónleikaframkomu enda hafa þeir unnið til verðlauna víða um heim. Meðlimir kórsins eru á aldrinum 18-32 ára og þeir hafa heillað tónleikagesti bæði í heimalandi sínu og víðar með flutningi sínum. Þessi orkumikli kór sameinar ástríðu og afslappað andrúmsloft, bæði á sviði og utan þess. Samvera og góðar hlátursrokur eru eins mikilvægar og æfingar og tónleikar. Þar sem kórinn er á styrktarsamningi við bruggverksmiðju í Basel er alltaf gullinn mjöður á boðstólum á æfingum hjá þeim þar sem sungið er af hjartans lyst og mikilli innlifun. En á tónleikum eru allir á tánum og fylgja stjórnanda sínum, Oliver Rudin, og aðstoðarstjórnanda, David Rossel. Kórinn flytur afar fjölbreytta efnisskrá með kirkjulegri og veraldlegri tónlist frá öllum tímabilum tónlistarsögunnar en á hverju ári pantar kórinn nýtt tónverk frá þekktum tónskáldum. Männerstimmen Basel hefur tvisvar unnið Gullverðlaun á World Choir Games í Riga, verið valinn besti kór Sviss og besti karlakórinn á Montreux Choral Festival. Auk þess hafa þeir drengirnir fengið Fleischmann International Trophy á Írlandi 2011 fyrir besta flutninginn á samtímatónlist.
Menning Mest lesið Heitustu hinsegin pör landsins Lífið Byrjaði í smábrotum en vatt svo upp á sig Lífið Dró Antonio grunlausan með sér í Gamla bíó Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Sunneva og Tanja ræða lýtaaðgerðirnar sínar Lífið Sóldís Vala er Ungfrú Ísland Lífið Búið spil Lífið Forsetagæinn hyggst hlaupa sitt lengsta hlaup til þessa Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira