Aftur markavika hjá Alberti og níu mörk á árinu 2017

Albert Guðmundsson skorar nánast í hverjum leik með unglingaliði PSV Eindhoven í hollensku b-deildinni og íslenski unglingalandsliðsmaðurinn bætti við einu marki í kvöld.

Albert skoraði fyrsta mark PSV-liðsins í 3-0 sigri á Helmond Sport en hann skoraði þrennu í sigri á FC Eindhoven fyrir aðeins fjórum dögum.

Þetta er önnur svona markavika hjá stráknum eftir áramót því Albert skoraði fimm mörk í tveimur leikjum með fjögurra daga millibili í febrúar.

Albert hefur nú skorað 13 mörk í hollensku b-deildinni á þessu tímabili þar af níu þeirra á árinu 2017.

Albert er á leiðinni til móts við íslenska 21 árs landsliðið á næstunni en hann var ekki valinn í íslenska A-landsliðið að þessu sinni. Albert lék sinn fyrsta A-landsleik í Kínamótinu í janúar.

 

FT PSV U21 - Helmond Sport: 3-0

1-0 Gudmundsson (13)
2-0 Lammers (19)
3-0 Piroe (24) pic.twitter.com/WBMcAsF077

— PSV International (@psveindhoven) March 17, 2017

46 - De tweede helft is inmiddels begonnen. Brengen de komende 45 minuten nog meer moois? pic.twitter.com/7L03iRdQqU

— PSV (@PSV) March 17, 2017