Við erum að spila bæði með ljósi og mynd Gunnþóra Gunnarsdóttir skrifar 2. desember 2017 10:15 Hér er Hnúkaþeyr í öllu sínu veldi, oktett með blásturshjóðfæri sem ætlar að skapa hlýja vinda nú í skammdeginu. Tónleikarnir okkar eiga að veita birtu og yl í skammdeginu þó við séum ekki með hefðbundið jólaprógramm. Svo eru þeir spennandi því þar er meira en bara tónlistin, hún Hrund Atladóttir vídeólistakona ætlar að prýða dagskrána með vídeóverki í bakgrunni. Við erum sem sagt að spila bæði með ljósi og mynd,“ segir Kristín Mjöll Jakobsdóttir, fagottleikari í blásaraoktettinum Hnúkaþey, um tónleika sveitarinnar í Norðurljósasal Hörpu klukkan 17 nú á sunnudaginn. Tónleikarnir bera heitið Hlýir vindar, sem vísar auðvitað til nafns kammerhópsins. Á dagskránni eru fimm ólík verk eftir íslenska höfunda. Eftir Sigrúnu Kristbjörgu Jónsdóttur verður frumflutt blússkotin ballaða sem hún umritaði fyrir Hnúkaþey á síðustu vikum. Hún nefnir það Chorale. Náttúrustemningar eru ávallt skammt undan hjá Hnúkaþey og tvö tónverkanna eru samin sérstaklega fyrir sveitina, Andar eftir Önnu Þorvaldsdóttur og …?það kemur, …?það fer, eftir Elínu Gunnlaugsdóttur. Í Andar leika andardráttur og öldufall stórt hlutverk og verk Elínar kemur og fer eins og vatnið sem streymir áfram endalaust. Nonett eftir Pál Pampichler Pálsson og Scherzo eftir Herbert H. Ágústsson eru elstu verk efnisskrárinnar, Kristín segir þau litrík og kraftmikil. Þau voru samin árið 1984 fyrir sveitina Ensemble Reykjavik-Wien sem frumflutti þau í Vín sama ár. Hljóðfæraskipanin er blásaraoktett og trompet. Páll og Herbert fæddust báðir í Austurríki en fluttu til Íslands um miðja síðustu öld og vörðu starfsævi sinni í þágu íslensks tónlistarlífs. Herbert lést í júní síðastliðnum en Páll Pampichler er nú búsettur í Graz í Austurríki. Hnúkaþeyr var stofnaður árið 2003 og er samkvæmt 250 ára hefð skipaður tveimur óbóum, tveimur klarinettum, tveimur hornum og tveimur fagottum. Stjórnandi á tónleikunum er Carlos Caro Aguilera en Hnúkaþey skipa Peter Tompkins og Eydís Franzdóttir á óbó, Ármann Helgason og Rúnar Óskarsson á klarinett, Emil Friðfinnsson og Frank Hammarin á horn, og Snorri Heimisson og Kristín Mjöll Jakobsdóttir á fagott. Trompetleikari er Baldvin Oddsson. Tónleikarnir eru hluti af tónleikaröðinni Sígildir sunnudagar. Menning Mest lesið Mammaðín er tilraun til að sporna gegn hræðilegri þróun Tónlist Arna Ýr uppljóstrar um kostnað brúðkaupsins Lífið Allt í keng: „Líkurnar aukast þegar flugan er í vatninu“ Lífið Eintóm gleði á Bræðslunni Lífið „Þetta er ekki jafn svakalegt og maður ímyndar sér.“ Lífið Björk með besta atriði í sögu Ólympíuleikanna Tónlist Tónlistarmaður selur eina glæsilegustu eign Hafnarfjarðar Lífið Segir lúsmýið ekki biðja um of mikið Tónlist Nýtur lífsins áhyggjulaus í áhrifavaldaferð í Króatíu Tónlist Birtu nýja stiklu fyrir Rings of Power Lífið Fleiri fréttir Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Tónleikarnir okkar eiga að veita birtu og yl í skammdeginu þó við séum ekki með hefðbundið jólaprógramm. Svo eru þeir spennandi því þar er meira en bara tónlistin, hún Hrund Atladóttir vídeólistakona ætlar að prýða dagskrána með vídeóverki í bakgrunni. Við erum sem sagt að spila bæði með ljósi og mynd,“ segir Kristín Mjöll Jakobsdóttir, fagottleikari í blásaraoktettinum Hnúkaþey, um tónleika sveitarinnar í Norðurljósasal Hörpu klukkan 17 nú á sunnudaginn. Tónleikarnir bera heitið Hlýir vindar, sem vísar auðvitað til nafns kammerhópsins. Á dagskránni eru fimm ólík verk eftir íslenska höfunda. Eftir Sigrúnu Kristbjörgu Jónsdóttur verður frumflutt blússkotin ballaða sem hún umritaði fyrir Hnúkaþey á síðustu vikum. Hún nefnir það Chorale. Náttúrustemningar eru ávallt skammt undan hjá Hnúkaþey og tvö tónverkanna eru samin sérstaklega fyrir sveitina, Andar eftir Önnu Þorvaldsdóttur og …?það kemur, …?það fer, eftir Elínu Gunnlaugsdóttur. Í Andar leika andardráttur og öldufall stórt hlutverk og verk Elínar kemur og fer eins og vatnið sem streymir áfram endalaust. Nonett eftir Pál Pampichler Pálsson og Scherzo eftir Herbert H. Ágústsson eru elstu verk efnisskrárinnar, Kristín segir þau litrík og kraftmikil. Þau voru samin árið 1984 fyrir sveitina Ensemble Reykjavik-Wien sem frumflutti þau í Vín sama ár. Hljóðfæraskipanin er blásaraoktett og trompet. Páll og Herbert fæddust báðir í Austurríki en fluttu til Íslands um miðja síðustu öld og vörðu starfsævi sinni í þágu íslensks tónlistarlífs. Herbert lést í júní síðastliðnum en Páll Pampichler er nú búsettur í Graz í Austurríki. Hnúkaþeyr var stofnaður árið 2003 og er samkvæmt 250 ára hefð skipaður tveimur óbóum, tveimur klarinettum, tveimur hornum og tveimur fagottum. Stjórnandi á tónleikunum er Carlos Caro Aguilera en Hnúkaþey skipa Peter Tompkins og Eydís Franzdóttir á óbó, Ármann Helgason og Rúnar Óskarsson á klarinett, Emil Friðfinnsson og Frank Hammarin á horn, og Snorri Heimisson og Kristín Mjöll Jakobsdóttir á fagott. Trompetleikari er Baldvin Oddsson. Tónleikarnir eru hluti af tónleikaröðinni Sígildir sunnudagar.
Menning Mest lesið Mammaðín er tilraun til að sporna gegn hræðilegri þróun Tónlist Arna Ýr uppljóstrar um kostnað brúðkaupsins Lífið Allt í keng: „Líkurnar aukast þegar flugan er í vatninu“ Lífið Eintóm gleði á Bræðslunni Lífið „Þetta er ekki jafn svakalegt og maður ímyndar sér.“ Lífið Björk með besta atriði í sögu Ólympíuleikanna Tónlist Tónlistarmaður selur eina glæsilegustu eign Hafnarfjarðar Lífið Segir lúsmýið ekki biðja um of mikið Tónlist Nýtur lífsins áhyggjulaus í áhrifavaldaferð í Króatíu Tónlist Birtu nýja stiklu fyrir Rings of Power Lífið Fleiri fréttir Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira