Smá púsluspil fyrir þjálfarann Kristinn Páll Teitsson skrifar 10. október 2018 12:45 vísir/ernir Helena Sverrisdóttir, ein besta körfuboltakona landsins, er búin að koma sér fyrir í ungverska bænum Ceglédi þar sem hún leikur með körfuboltaliðinu Ceglédi EKK. Er þetta í annað sinn sem Helena leikur í Ungverjalandi eftir að hafa áður leikið með Diósgyőri VTK. Mikil endurnýjun hefur átt sér stað hjá Ceglédi, bæði í aðdraganda tímabilsins þegar Peter Jankovic tók við liðinu og hjá leikmönnum. Ceglédi er með fleiri erlenda leikmenn en nokkru sinni áður, alls fimm. Gerði það liðinu erfitt fyrir að stilla saman strengi sína á undirbúningstímabilinu en þrátt fyrir það var Helena brött þegar Fréttablaðið sló á þráðinn til hennar. „Þetta hefur gengið svona upp og niður, félagið var ekki alveg tilbúið að fá jafn marga nýja leikmenn og raun bar vitni en þetta er allt saman að koma og við höfum ekki yfir neinu að kvarta persónulega. Við erum búin að koma okkur vel fyrir, fjölskyldan, og þau hafa lagt sig fram við að bjóða okkur velkomin. Litla stúlkan okkar er að slá í gegn og Finnur hefur notið þess að vinna sem styrktarþjálfari liðsins,“ sagði Helena en maður hennar, Finnur Atli Magnússon, sjálfur fyrrverandi landsliðsmaður í körfubolta, fékk starf hjá félaginu. Helena hefur áður leikið undir stjórn Jankovic og þegar hann sýndi því áhuga að fá hana til liðsins var hún strax áhugasöm. „Ég þekki Jankovic mjög vel, hann var þjálfari minn hjá Good Angels í Slóvakíu og við vorum bæði mjög spennt fyrir því að vinna saman á ný. Ég vissi hver hans leikstíll væri og hann hvernig best væri hægt að nýta mína hæfileika.“ Með gamla þjálfaranum fóru sex leikmenn sem höfðu leikið með liðinu undanfarin ár. Þá skipti liðið út tveimur erlendum leikmönnum á dögunum. „Þetta fór á ákveðinn byrjunarreit þegar sex leikmenn fóru með þjálfaranum og það komu fimm erlendir leikmenn inn, fyrir vikið erum við ekki komnar eins langt og æskilegt hefði verið. Það tekur tíma að stilla saman liðið, sérstaklega eftir að tveimur erlendum leikmönnum var skipt út á dögunum,“ sagði Helena en deildin er með afar sérstakar reglur um fjölda erlendra leikmanna inn á hverju sinni. „Ungversku stelpurnar sem urðu eftir í liðinu eru margar svolítið ungar en komnar í stærra hlutverk en þær þekktu áður og það tekur tíma fyrir þær að komast inn í þetta Það er regla hér að það séu allavega tvær heimakonur inná allan tímann og í fyrri hálfleik þarf allavega önnur þeirra að vera undir tvítugu, þetta eru afar sérstakar reglur,“ sagði hún og bætti við: „Við erum með þrjár stelpur úr U20 landsliðinu en ein þeirra er á Ólympíuleikum æskunnar í Argentínu. Það verður gott að fá hana aftur. Þetta er ákveðið púsluspil fyrir þjálfarann að vera með útlendinga en mega ekki spila öllum í einu.“ Liðið er án sigurs í deildarkeppninni og fékk stóra skelli á undirbúningstímabilinu en Helena telur að það séu betri tímar fram undan. „Það hefur ekkert gengið vel körfuboltalega séð, við erum að tapa full stórt og við erum ekki komnar nógu langt. Við áttum flotta spretti í fyrstu umferð þó að það væru margar að spila út úr stöðu og við höfum tapað ansi stórt. Það sama gerðist um helgina, við töpuðum of stórt að mínu mati miðað við frammistöðuna en við vorum að fá sterka leikmenn inn sem eiga að hjálpa okkur,“ sagði Helena og hélt áfram: „Það mun taka tíma að stilla saman liðið en við þurfum að taka stór skref í einu því næsti leikur er á föstudaginn og svo styttist í fyrstu leikina í Evrópukeppninni í lok október.“ Körfubolti Mest lesið Bein útsending: Íslenska ofurfólkið keppir við þau bestu í heimi Sport Í beinni: ÍA - Víkingur | Víkingar ætla að halda toppsætinu Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Í beinni: Man. Utd. - Brentford | Hitnar enn frekar undir Ten Hag? Enski boltinn Fannst Inter besti kosturinn: „Ekkert að því að búa í Mílanó“ Fótbolti Í beinni: FH - Valur | Valsmenn þurfa sigur í Evrópubaráttunni Íslenski boltinn Eigandinn þuklaði á fyrirliða kvennaliðsins Enski boltinn Þrjú mörk á sjö mínútum í sannfærandi sigri Spurs Enski boltinn Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Helena Sverrisdóttir, ein besta körfuboltakona landsins, er búin að koma sér fyrir í ungverska bænum Ceglédi þar sem hún leikur með körfuboltaliðinu Ceglédi EKK. Er þetta í annað sinn sem Helena leikur í Ungverjalandi eftir að hafa áður leikið með Diósgyőri VTK. Mikil endurnýjun hefur átt sér stað hjá Ceglédi, bæði í aðdraganda tímabilsins þegar Peter Jankovic tók við liðinu og hjá leikmönnum. Ceglédi er með fleiri erlenda leikmenn en nokkru sinni áður, alls fimm. Gerði það liðinu erfitt fyrir að stilla saman strengi sína á undirbúningstímabilinu en þrátt fyrir það var Helena brött þegar Fréttablaðið sló á þráðinn til hennar. „Þetta hefur gengið svona upp og niður, félagið var ekki alveg tilbúið að fá jafn marga nýja leikmenn og raun bar vitni en þetta er allt saman að koma og við höfum ekki yfir neinu að kvarta persónulega. Við erum búin að koma okkur vel fyrir, fjölskyldan, og þau hafa lagt sig fram við að bjóða okkur velkomin. Litla stúlkan okkar er að slá í gegn og Finnur hefur notið þess að vinna sem styrktarþjálfari liðsins,“ sagði Helena en maður hennar, Finnur Atli Magnússon, sjálfur fyrrverandi landsliðsmaður í körfubolta, fékk starf hjá félaginu. Helena hefur áður leikið undir stjórn Jankovic og þegar hann sýndi því áhuga að fá hana til liðsins var hún strax áhugasöm. „Ég þekki Jankovic mjög vel, hann var þjálfari minn hjá Good Angels í Slóvakíu og við vorum bæði mjög spennt fyrir því að vinna saman á ný. Ég vissi hver hans leikstíll væri og hann hvernig best væri hægt að nýta mína hæfileika.“ Með gamla þjálfaranum fóru sex leikmenn sem höfðu leikið með liðinu undanfarin ár. Þá skipti liðið út tveimur erlendum leikmönnum á dögunum. „Þetta fór á ákveðinn byrjunarreit þegar sex leikmenn fóru með þjálfaranum og það komu fimm erlendir leikmenn inn, fyrir vikið erum við ekki komnar eins langt og æskilegt hefði verið. Það tekur tíma að stilla saman liðið, sérstaklega eftir að tveimur erlendum leikmönnum var skipt út á dögunum,“ sagði Helena en deildin er með afar sérstakar reglur um fjölda erlendra leikmanna inn á hverju sinni. „Ungversku stelpurnar sem urðu eftir í liðinu eru margar svolítið ungar en komnar í stærra hlutverk en þær þekktu áður og það tekur tíma fyrir þær að komast inn í þetta Það er regla hér að það séu allavega tvær heimakonur inná allan tímann og í fyrri hálfleik þarf allavega önnur þeirra að vera undir tvítugu, þetta eru afar sérstakar reglur,“ sagði hún og bætti við: „Við erum með þrjár stelpur úr U20 landsliðinu en ein þeirra er á Ólympíuleikum æskunnar í Argentínu. Það verður gott að fá hana aftur. Þetta er ákveðið púsluspil fyrir þjálfarann að vera með útlendinga en mega ekki spila öllum í einu.“ Liðið er án sigurs í deildarkeppninni og fékk stóra skelli á undirbúningstímabilinu en Helena telur að það séu betri tímar fram undan. „Það hefur ekkert gengið vel körfuboltalega séð, við erum að tapa full stórt og við erum ekki komnar nógu langt. Við áttum flotta spretti í fyrstu umferð þó að það væru margar að spila út úr stöðu og við höfum tapað ansi stórt. Það sama gerðist um helgina, við töpuðum of stórt að mínu mati miðað við frammistöðuna en við vorum að fá sterka leikmenn inn sem eiga að hjálpa okkur,“ sagði Helena og hélt áfram: „Það mun taka tíma að stilla saman liðið en við þurfum að taka stór skref í einu því næsti leikur er á föstudaginn og svo styttist í fyrstu leikina í Evrópukeppninni í lok október.“
Körfubolti Mest lesið Bein útsending: Íslenska ofurfólkið keppir við þau bestu í heimi Sport Í beinni: ÍA - Víkingur | Víkingar ætla að halda toppsætinu Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Í beinni: Man. Utd. - Brentford | Hitnar enn frekar undir Ten Hag? Enski boltinn Fannst Inter besti kosturinn: „Ekkert að því að búa í Mílanó“ Fótbolti Í beinni: FH - Valur | Valsmenn þurfa sigur í Evrópubaráttunni Íslenski boltinn Eigandinn þuklaði á fyrirliða kvennaliðsins Enski boltinn Þrjú mörk á sjö mínútum í sannfærandi sigri Spurs Enski boltinn Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira