Fordæma smygl á notuðum reiðtygjum

Helstu hagsmunaaðilar í hestamennsku fordæma smygl á notuðum reiðrygjum og óhreinum reiðfatnaði til landsins og harma að enn ríki slikt skilningsleysi á hættunni sem það hefur í för með sér fyrir heilbrigði

Sumarbústaður brann til kaldra kola

Sumarbústaður brann til koldra kola í sumarbústaðalandi ofan við Reykholt við Tungufljót snemma í morgun.

Fundust á lífi eftir 50 daga á reki

Þrír táningsdrengir sem taldir voru af eftir að þeir týndust á Kyrrahafi fundust á lífi fimmtíu dögum eftir að síðast hafði frést af þeim. Drengirnir eru frá Tokelau eyjum sem lúta stjórn Nýja-Sjálands og lifðu þeir á kókoshnetum, regnvatni og sjófugli sem þeim tókst að handsama. Túnfiskveiðimenn sigldu fram á drengina sem voru um borð í litlum álbáti og fögnuðu þeir innilega þegar hjálpin barst. Ítarleg leit hafði verið gerð að drengjunum og eftir að hún skilaði engu höfðu minningarathafnir verið haldnar í heimabæ þeirra.

Ölvaður skipstjórnandi sigldi á annað skip

Skipstjórnandi á Vestfjörðum hefur verið dæmdur fyrir brot á siglingalögum með því að hafa stjórnað bát undir áhrifum áfengis og orðið valdur að árekstri bátsins við annan bát við svonefndan Hrygg út af Kópanesi. Atvikið átti sér stað í ágústbyrjun á þessu ári og handtók lögreglan manninn við komu hans ti hafnar á Bíldudalshöfn.

S-Kórea: Varnarmálaráðherrann segir af sér

Varnarmálaráðherra Suður-Kóreu sagði af sér í dag en hann hefur setið undir gagnrýni um að hafa ekki brugðist nægilega hart við því þegar Norður-Kóreumenn hófu stórskotaliðsárás á eyju sem tilheyrir Suður-Kóreu. Forseti landsins ætlar að tilkynna um arftaka ráðherrans á morgun.

Sveitarstjóri á Húsavík: Þetta er gleðidagur

„Fyrir það fyrsta þá er þetta er gleðidagur að sameiginlega matinu er lokið,“ segir Begur Elías Ágústsson, sveitarstjóri Norðurþings, um niðurstöðu Skipulagsstofnunnar sem Vísir greindi frá í dag.

Katrín Jakobsdóttir ólétt

Katrín Jakobsdóttir menntamálaráðherra ber barn undir belti. Þetta staðfestir hún í samtali við Vísi. „Ég var bara að segja þingflokknum frá þessu í gærkvöldi," sagði Katrín þegar Vísir náði tali af henni í morgun. Hún segir að þetta þýði að hún muni þurfa að taka sér leyfi frá störfum í maí ef að allt gengur að óskum.

Besti flokkurinn ætlar að skoða hvort Bubbi er bestur

„Við þurfum bara að sjá hvort hann samræmist því að vera bestur eða ekki," segir framkvæmdarstjóri og varaformaður Besta flokksins um Bubba Morthens, sem hefur lýst því yfir að hann áhuga á því að bjóða sig fram fyrir flokkinn. Besti flokkurinn hefur rætt það innan sinna raða að bjóða fram á landsvísu.

Ingibjörg Guðmundsdóttir er látin

Ingibjörg R. Guðmundsdóttir, formaður Landssambands íslenzkra verzlunarmanna og fyrrverandi varaforseti Alþýðusambands Íslands, lést í gær á Landspítalanum við Hringbraut, 61 árs að aldri.

Jarðskjálfti í Vatnajökli

Jarðskjálfti sem mældist um 3.9 á Richter kvarðanum reið yfir í Vatnajökli kortér fyrir tíu í morgun. Skjálftinn varð á eins kílómetra dýpi um ellefu kílómetra austur af Hamrinum og norðvestan við Grímsvötn.

Kokkalandsliðið náði 7. sætinu

Kokkalandslið Íslands lenti í 7. sætinu á heimsmeistaramótinu í Lúxemborg en alls kepptu 27. þjóðir á mótinu.

Kýr lokaðar inni árið um kring - bíta aldrei ferskt gras

Mjólkurkýr eiga samkvæmt reglugerð að fá átta vikna útivist á ári. Því er leyfilegt að þeim sé haldið inni samfellt tíu mánuði á ári. Þó er misbrestur á því að þær fái þessa tveggja mánaða útivist sem þeim ber, eins og Vísir greindi frá fyrr í dag en Matvælastofnun hefur kært níu kúabú til lögreglunnar fyrir að brjóta þessar reglur.

Gróf tilraun til smygls á notuðum reiðtygjum

Notuð reiðtygi og óhreinn reiðfatnaður fundust í gær við tollskoðun á bíl sem var að koma erlendis frá með gámaflutningaskipi. Bíllinn sem er með íslenskt skráningarnúmer var einnig mjög óhreinn og var greinilega að koma beint úr umhverfi hesta. Um er að ræða brot á lögum um dýrasjúkdóma og vörnum gegn þeim, þar sem skýrt er kveðið á um bann við slíkum innflutningi. Frá þessu er greint á vef Matvælastofnunar.

Kastaðist út úr bílnum við árekstur

Harður árekstur varð á gatnamótum Bústaðavegar og Háaleitisbrautar nú rétt eftir hádegi. Fjórir voru fluttir á slysadeild. Samkvæmt upplýsingum frá slökkviliðinu kastaðist einn maðurinn út úr bílnum og er hann með höfuðáverka. Ekki er vitað um tildrög slyssins.

Óska eftir fundi vegna Sjóvá sölunnar

Fulltrúar Sjálfstæðisflokksins í viðskiptanefnd, þeir Sigurður Kári Kristjánsson og Guðlaugur Þór Þórðarson, hafa óskað eftir því að boðað verði til fundar í viðskiptanefnd þar sem farið verði yfir söluferlið á tryggingafélaginu Sjóvá sem nú hefur siglt í strand.

Dekkri spá setur forsendur fjárlaga ekki í uppnám

Jóhanna Sigurðardóttir, forsætisráðherra, segir að dekkri hagvaxtaspá fyrir næsta ár setji forsendur fjárlaga ekki í uppnám.

Jónína í þriðja sæti yfir mest seldu bækurnar

Ævisaga Jónínu Benediktsdóttur, sem Sölvi Tryggvason ritaði, er í þriðja sæti yfir mest seldu bækurnar á tímabilinu 15-21. nóvember. Það er matreiðslubókin Léttir Réttir Hagkaups eftir Friðriku Hjördídi Geirsdóttur, sem trónir á toppnum. Í öðru sæti er glæpasagan Furðustrandi eftir Arnald Indriðason.

Séra Sigurður vígslubiskup látinn

Séra Sigurður Sigurðarson, vígslubiskup í Skálholti, andaðist á Landspítalanum í Reykjavík í morgun. Hann var 66 ára að aldri. Eftirlifandi eiginkona Sigurðar er Arndís Jónsdóttir, skólastjóri. Þau eignuðust tvö börn, Stefaníu og Jón Magnús. Fóstursonur þeirra, Rúnar Kristjánsson, lést árið 2000.

Matvælastofnun kærir níu kúabú fyrir brot á lögum um dýravernd

Matvælastofnun Íslands hefur kært níu kúabú til lögreglunnar fyrir brot á reglugerð um nautgripahald og lögum um dýravernd. Kærurnar koma til vegna þess að búin hafa vanrækt að tryggja kúnum átta vikna útivist á ári. Þetta er í fyrsta sinn sem kærur af þessu tagi eru lagðar fram hér á landi. Ekki fæst uppgefið um hvaða kúabú er að ræða en þau eru öll enn með fulla starfsemi og selja afurðir sínar til íslenskra neytenda. Kærurnar voru lagðar fram í gær.

Akademíur staðfesta hlýnun jarðar

Þrjár af virtustu vísindaakademíum heims hafa komist að þeirri niðurstöðu að loftslagsvísindamenn hafi rétt fyrir sér þegar þeir halda því fram að hlýnun jarðar sé staðreynd og að maðurinn eigi þar stærsta þáttinn.

Bakkaframkvæmd myndi ógna 100 fornminjum

Hátt í 100 fornminjar eru í mikilli hættu vegna hugsanlegra framkvæmda á Bakka við Húsavík verði ráðist í byggingu álvers. Samkvæmt svartri skýrslu skipulagsstofnunnar mun stór hluti fornminja á svæðinu raskast varanlega og óafturkræft.

Meintur fíkniefnaframleiðandi í farbann

Karlmaður á þrítugsaldri hefur verið úrskurðaður í farbann til 22. desember að kröfu lögreglunnar á höfuðborgarsvæðinu.

Ævisaga Jónínu tvítalin á metsölulista bókaverslana

Birtingu metsölulista bókaútgefenda, sem unninn er af Rannsóknarsetri verslunarinnar, var frestað í gær vegna athugasemda annarra bókaútgefenda við sölutölur á ævisögu Jónínu Benediktsdóttur eftir Sölva Tryggvason sem verslanir N1 selja.

Félagsmálanefnd skoðar Árbótarmálið

Félags- og tryggingamálanefnd Alþingis ætlar að funda um Árbótarmálið á mánudaginn. Sigríður Ingibjörg Ingadóttir, formaður nefndarinnar, segist ekki vilja tjá sig um það þangað til.

Svört skýrsla Skipulagsstofnunnar um álver á Bakka

Það er niðurstaða Skipulagsstofnunar að heildaráhrif Kröfluvirkjunar II, Þeistareykjavirkjunar, álvers á Bakka við Húsavík og háspennulína frá Kröflu og Þeistreykjum að álveri á Bakka muni óhjákvæmilega hafa í för með sér umtalsverð umhverfisáhrif í skilningi laga um mat á umhverfisáhrifum.

Barnabók um útrásarvíkinga

„Ef þú spyrð mig, þá á að senda öllum útrásarvíkingunum þessa bók og kannski vakna einhverjir þeirra til lífsins,“ segir Huginn Þór Grétarsson rithöfundur. Hann gefur út fjórar barnabækur fyrir jólin en ein þeirra, „Kanínan sem fékk ALDREI nóg“, minnir óneitanlega mikið á útrásina alræmdu.

Harrier orrustuþotur breska sjóhersins heyra sögunni til

Blað var brotið í sögu breska sjóhersins þegar fjórar Harrier orrustuþotur tóku á loft frá flugmóðurskipinu Ark Royal í síðasta sinn í gær.

Mikill skortur á læknum og hjúkrunarfræðingum á Haíti

Mikill skortur er á læknum og hjúkrunarfræðingum á Haíti þar sem heilbrigðisyfirvöld berjast gegn útbreiðslu kólerufaraldurs sem hrjáð hefur íbúa eyjunnar.

Suður Kórea eykur herstyrk sinn á eyjunni sem varð fyrir árás

Stjórnvöld í Suður Kóreu ætla að auka fjölda hermanna sinna á eyjunni sem varð fyrir stórskotaliðsárás Norður Kóreu fyrir tveimur dögum. Jafnframt verður herstyrkurinn aukinn á nærliggjandi eyjum.

Par stal verðmætum úr ólæstum bíl

Karl og kona fóru inn í ólæstan bíl í miðborginni í nótt og tóku þar ýmis verðmæti til handargagns.

Fyrrum þingforseti fundinn sekur um peningaþvætti

Dómstóll í Texas hefur komist að þeirri niðurstöðu að Tom DeLay leiðtogi og fyrrum þingforseti Repúblikana í fulltrúadeild bandaríska þingsins sé sekur um peningaþvætti.

Hasshundur fann fíkniefni falin í bíl

Nokkur grömm af marijuana og amfetamíni fundust falin í tösku í bíl, sem lögreglan á Blönduósi stöðvaði í gærkvöldi við reglubundið eftirlit.

Götusmiðjan vill bætur líkt og Árbót

Hugsanlegt er að ríkið hafi bakað sér bótaskyldu með greiðslu 30 milljóna króna bóta til meðferðarheimilisins Árbótar í Þingeyjarsýslu. Lögfræðingur Götusmiðjunnar segir að samið hafi verið við skjólstæðing sinn á allt öðrum forsendum í sumar og ætlar með málið lengra á grundvelli jafnræðisreglu stjórnarskrárinnar.

Fimm milljarðar frá ESB til menntamála

Á þeim tæplega sextán árum sem liðin eru síðan Evrópusambandið fór að styrkja starfsmenntun og skólaverkefni hér á landi hafa tæplega fimm milljarðar króna að núvirði runnið til ýmiss konar verkefna hér á landi. Árangur starfsins verður gerður upp á afmælishátíð í dag.

Skiptar skoðanir um gildi nýs sáttmála

Forystumenn launþegahreyfinga hafa misjafna afstöðu til hugmynda um gerð nýs stöðugleikasáttmála. Sumir eru hlynntir en aðrir hafa miklar efasemdir um að sú leið gagnist umbjóðendum þeirra.

Frægur breskur matreiðslumaður vill uppræta brottkast á fiski

Frægur breskur matreiðslumaður, Hugh Fearnley-Whittingstall, hefur safnað yfir 30 þúsund undirskriftum þar sem skorað er á Maríu Damanaki, fiskveiðistjóra Evrópusambandsins, að banna brottkast á fiski.

Alþingismenn vilja að efnt verði til fjölda rannsókna

Sex þingsályktunartillögur um rannsóknir hafa verið lagðar fram á Alþingi síðan það kom saman 1. október. Snúa þær að einkavæðingu bankanna, Icesave, Íbúðalánasjóði, starfsháttum í ráðuneytum, athöfnum þingmanna í búsáhaldabyltingunni og stuðningnum við innrásina í Írak.

Bolvíkingar vilja fá skuld afskrifaða

Bolungarvíkurkaupstaður hefur óskað eftir að 81 milljónar króna skuld við Íbúðalánasjóð verði afskrifuð. Í byrjun síðasta árs felldi sjóðurinn niður 73 milljónir af 146 milljóna króna skuld sveitarfélagsins. Afangurinn var frystur í eitt ár. Nú vill Bolungarvíkurkaupstaður að það sem eftir er verði líka afskrifað. Ekki hefur verið tekin afstaða til þess.

20 milljónir notenda hafa viðkomu hér

Ísland væri eitt mesta ferðamannaland heims ef taldir væru með rafrænir ferðalangar eftir að gagnaver Opera Mini farsímavafrans var tekið í notkun í byrjun þessa mánaðar. Þessu er haldið fram í tilkynningu sem norska hugbúnaðarfyrirtækið Opera Software sendi nýverið frá sér þegar tekin var í notkun þjónusta Thor Data Center á Íslandi.

Víkur fyrir velferðarráðuneyti

Flytja á alla starfsemi Vinnumálastofnunar á höfuðborgarsvæðinu á einn stað. Hún er nú á fjórum stöðum og skapast af því mikið óhagræði, að sögn Gissurar Péturssonar forstjóra.

Árbótarmálið í hnotskurn

Fréttablaðið hefur undanfarna þrjá daga sagt frá því hvernig Árni Páll Árnason, þáverandi félagsmálaráðherra, og Steingrímur J. Sigfússon fjármálaráðherra ákváðu að greiða eigendum meðferðarheimilisins Árbótar í Þingeyjarsýslu þrjátíu milljónir króna í bætur vegna lokunar heimilisins. Þetta var meðal annars gert þvert gegn vilja Braga Guðbrandssonar, forstjóra Barnaverndarstofu, og vegna þrýstings frá þingmönnum Norðausturkjördæmis. Fjármálaráðherra segir að sanngirnissjónarmið hafi ráðið för. Barnaverndarstofa hefur þegar greitt tólf milljónir. Ráðgert er að greiða þær átján milljónir sem eftir standa þegar Alþingi hefur afgreitt fjáraukalög.

Velktist um í kerfinu í á þriðja ár

Umboðsmaður Alþingis átelur landbúnaðarráðherra fyrir að hafa ekki afgreitt umsókn innflytjanda um leyfi til að flytja inn egg frá Svíþjóð tveimur og hálfu ári eftir að umsóknin var lögð fram. Í nýju áliti umboðsmanns kemur fram að tilvonandi innflytjandi hafi í febrúar 2008 sótt um leyfi til að flytja inn sænsk egg. Hann kvartaði til umboðsmanns í ágúst síðastliðnum, þegar umsóknin hafði velkst um í kerfinu í tvö og hálft ár.

Samstaða með Palestínuþjóð

Félagið Ísland-Palestína efnir til samstöðufundar með palestínsku þjóðinni í Norræna húsinu 29. nóvember. Fram koma Árni Þór Sigurðsson þingmaður, Sveinn Rúnar Hauksson læknir, Kristín Sveinsdóttir og Hjálmtýr Heiðdal.

Tilfærsla fljótsins varhugaverð

Kristján Ólafsson, bóndi á Seljalandi, segir að landeigendur við fljótið telji að fyrirhugaður flutningur Markarfljóts til austurs vegna áhrifa á Landeyjahöfn muni hafa mikil áhrif á svæðinu. Í viðtali við eyjar.net segir Kristján að á frostavetrum hafi fljótið sprengt sér leið austur. „Nú er verið að hjálpa til við það af mannavöldum. Þetta eru náttúruhamfarir.“

Stórfelld rányrkja í Skotlandi

Sex skoskir skipstjórar, þar af tveir úr samtökum skoskra uppsjávarveiðimanna, hafa viðurkennt fyrir hæstarétti í Edinborg að hafa veitt og landað ólöglega tugum þúsunda tonna af makríl og síld. Samtök uppsjávarveiðimanna hafa gengið fremst í flokki þeirra sem gagnrýna makrílveiðar Íslendinga.