Jakob með 17 stig í tapleik Sundsvall

Jakob Örn Sigurðsson átti fínan leik í tapi Sundsvall Dragons gegn Södertälje Kings í sænsku úrvalsdeildinni í körfuknattleik. Lokatölur urðu 76-70 fyrir heimamenn í Södertälje Kings.

Jakob skoraði 17 stig í leiknum og var næst stigahæstur hjá Sundsvall. Hlynur Bæringsson átti einnig ágætan leik en hann skoraði 12 stig og tók 11 fráköst.

Sundsvall Dragons er þrátt fyrir ósigurinn í efsta sæti deildarinnar með 32 stig og hefur fjögurra stiga forystu á toppnum.