Besiktas býður í Skrtel

Samkvæmt frétt Daily Mail hefur tyrkneska liðið Besiktas boðið Liverpool sjö milljónir punda fyrir varnarmanninn Martin Skrtel.

Slóvakinn er ekki talinn eiga sér framtíð á Anfield Road en Jürgen Klopp, knattspyrnustjóri Liverpool, notaði hann afar sparlega á seinni hluta síðasta tímabils.

Skrtel hefur verið í herbúðum Liverpool frá árinu 2008 og leikið 320 leiki fyrir félagið í öllum keppnum.

Skrtel er fyrirliði slóvakíska landsliðsins sem undirbýr sig nú af kappi fyrir EM í Frakklandi.