Páll Baldvin tjáir sig ekki

Páll Baldvin Baldvinsson, bókmenntagagnrýnandi, vildi ekki tjá sig um þá ákvörðun bæjarstjóra Akranesbæjar að fela lögmanni bæjarfélagins að ritdómur Páls um fyrst bindi Sögu Akraness varði við lög. Ritdómurinn birtist í síðasta tölublaði Fréttatímans.

Eldgos gæti hafa brotist upp við Hamarinn

Líkur eru taldar á að lítið eldgos hafi orsakað hlaupið undan vestanverðum Vatnajökli í gær, að sögn Odds Sigurðssonar jarðfræðings. Tveir nýir sigkatlar, sem ekki var vitað um áður, komu í ljós í flugi almannavarna yfir svæðið í gærkvöldi.

Stærsta vandamál í dýravernd á Íslandi óleyst

Nefnd um dýravelferð skilaði af sér tillögum sínum að frumvarpi til nýrra laga um málaflokkinn síðastliðinn mánudag, þann 11. júlí. Árni Stefán Árnason, dýraréttarlögfræðingur segir að þó svo orðalag laganna auki greinilega vernd dýra, hafi hann orðið fyrir vonbrigðum með drögin en hann óttast að lögin muni ekki leysa stærsta vandamálið í dýravernd á Íslandi, verði tillagan samþykkt í óbreyttri mynd.

Brúarsmíði gengur vel - "Þetta er ekkert mál“

"Þetta gengur bara mjög vel,“ segir Sveinn Þórðarson, brúarsmiður hjá Vegagerðinni, en hann vinur nú ásamt tuttugu og þremur öðrum að smíða bráðabirgðabrú yfir Múlakvísl.

Akranes íhugar málssókn gegn Fréttatímanum

Bæjarstjóri Akranesbæjar hefur falið lögmanni bæjarfélagsins að meta hvort ritdómur Fréttatímans um ritið Sögu Akraness varði við lög. "Þeir sem gefa út og skrifa ritdóma og ætlast til þess að hlustað er á þá verða auðvitað að skilja að þeir geta haft hrikalegar afleiðingar með ábyrgðarlausu tali. Að þjófkenna menn og segja að þeir séu að ásetningi að falsa sögu er býsna alvarlegar ásakanir," segir Árni Múli Jónasson, bæjarstjóri Akranesbæjar, í samtali við Vísi.

Óhöppum Strætó fækkar um 44%

Óhöppum Strætó í umferðinni fækkaði um 44% á fyrri hluta þessa árs samanborið við sama tímabil á síðasta ári. Síðasta ár var þó metár hvað öryggi í akstri Strætó varðar. Alls voru 49 óhöpp skráð á fyrstu sex mánuðum ársins, en 88 í fyrra.

Vannærð börn í Sómalíu

Alþjóða Rauði krossinn segir að hvergi í heiminum sé vannæring barna jafn mikil og í Sómalíu, en þar hefur ástandið hríðversnað á undanförnum vikum. Fjöldi barna sem þjást af alvarlegri vannæringu hefur tvöfaldast síðan í mars í sumum hlutum Sómalíu.

Gefur lítið fyrir skýringar Kristjáns

„Mér finnst hann gera þetta á afar veikum forsendum,“ segir Jón Gunnarsson, þingmaður Sjálfstæðisflokksins, um þá ákvörðun Kristjáns Möller, formanns iðnaðarnefndar Alþingis, að verða ekki við ósk þriggja þingmanna um að nefndin komi saman til að ræða um málefni Drekasvæðisins.

Karlmaður á sextugsaldri enn þungt haldinn eftir bifhjólaslys

Karlmaður á sextugsaldri sem slasaðist alvarlega þegar hann féll af bifhjóli sínu þann 12. júlí síðastliðinn, liggur enn svæfður í öndunarvél. Ástand hans er óbreytt að sögn vakthafandi læknis á gjörgæsludeild Landspítalans.

Hraðamyndavélum komið fyrir í umferðargöngum

Hraðamyndavélar verða teknar í notkun í Bolungarvíkurgöngum og Héðinsfjarðargöngum á morgun. Um er að ræða stafræna myndatöku þar sem upplýsingar um hraðabrot eru sendar samstundis til lögreglunnar. Ekki er tekin mynd nema um brot sé að ræða, að því er fram kemur í tilkynningu frá Vegagerðinni. Um árabil hafa hraðamyndavélar verið í Hvalfjarðargöngum.

Svikahrappur kynntist fórnarlambi í árekstri

Karlmaður á sextugsaldri, sem sætt hefur rannsókn hjá lögreglunni á höfuðborgarsvæðinu, er grunaður um að hafa haft yfir hundrað milljónir af fólki með svikum og prettum. Fórnarlömbunum kynntist hann með ýmsum hætti. Til dæmis kynntust einn brotaþolinn og svindlarinn þegar bílar þeirra rákust saman.

Mannfall í minningarathöfn um forsetabróður

Fjórir eru látnir eftir að sprengja sprakk í mosku í Kandahar í Afganistan þar sem fram fór minningarathöfn um Ahmed Wali Karzai, hálfbróðir Hamids Karzai forseta Afganistans. Ekki liggur fyrir hvort um sjálfsmorðssprengjuáras hafi verið að ræða. Hálfbróðirinn var skotinn til bana á heimili sínu fyrr í vikunni. Fjölmenni var við minningarathöfnina en sprengjan sprakk í lok hennar. Ekki kemur fram í frétt breska ríkisútvarpsins um árásina hvort forsetinn hafi viðstaddur athöfnina.

Allt var með kyrrum kjörum í Kötlu

Allt var með kyrrum kjörum í Kötlu í nótt eftir skjálfta þar upp á 2,6 síðdegis í gær. Þó var aðeins órói í Goðabungu, í austanverðum Mýrdalsjökli, en hann er ekki talinn vísbending um neinar frekari hræringar.

William og Isabella vinsælust í Danmörku

Nöfn tengd konungsfjölskyldunni eru vinsælustu nöfnin í Danmörku. Á síðasta ári var William vinsælasta nafngift nýfæddra sveinbarna en Isabella hjá meybörnum. Þetta kemur fram í nýjum gögnum sem danska hagstofan hefur birt og fjallað er um á vef Berlingske Tidende.

Lokuðu yfir milljón vefsíðum

Kínversk stjórnvöld lokuðu 1,3 milljón vefsíðum á síðasta ári. Aðgerðirnar tengjast að þeirra sögn ekki takmörkunum á málfrelsi í landinu.

Fótboltabullur slógust í miðborg Stokkhólms

Nokkrir eru sárir eftir að tveimur hópum fótboltabullna laust saman í miðborg Stokkhólms í gær. Um var að ræða þröngan hóp stuðningsmanna grannaliðina AIK og Hammarby sem eldað hafa grátt silfur saman um árabil og ítrekað komist í kast við lögin. Í átökunum í gær tókust hátt í 60 bullur harkalega á og þurfti lögregla að skakka leikinn. Barefli og litlir hnífar fundust á nokkrum ofbeldismannanna en enginn særðist alvarlega í átökunum.

Eltihrellir Halle Berry settur í bann

Óskarsverðlaunaleikkonan Halle Berry hefur fengið nálgunarbann á karlmann sem virðist hafa þróað með sér sérstakt dálæti á leikkonunni. Á undanförnum dögum hefur hann ítrekað mætt fyrir utan heimili hennar í Hollywood, bankað á dyrnar og farið inn í garð þrátt fyrir öryggisgæslu. Maðurinn sem 27 ára var í framhaldinu handtekinn og færður í fangaklefa.

Bensín hækkar í verði

Verð á bensínlítra losar 240 krónur á ný eftir að Shell og Olís hækkuðu bensínverðið um þrjár krónur í gær og dísilolíuna heldur minna. Búast má við að hin félögin hækki verðið í dag.

Funda vegna deilu flugmanna

Samningafundur verður eftir hádegi í deilu flugmanna hjá Icelandair og félaginu, en flugmennirnir felldu kjarasamnin, sem nýlega var gerður. Sú niðurstaða helgast einkum af því að flugmenn una ekki því hversu lengi þeir þurfa að búa við það að vera ráðnir á vorin og sagt upp á haustin. Þeir segja að árunum fari fjölgandi, sem nýir flugmenn þurfi að búa við þetta óöryggi. Áður hafi þeir þurft að búa við þetta í þrjú til fjögur ár, en nú séu þau orðin fimm til sex.

Hátt í 700 lögregluforingjar reknir

Hátt í 700 lögregluforingjar í egypsku lögreglunni hafa verið reknir vegna aðkomu þeirra að drápum á mótmælendum fyrr á árinu. Þá mótmæltu milljónir Egypta og kröfðust umbóta og afsagnar Hosni Mubarak, þáverandi forseta landsins. Talið er að allt að þúsund mótmælendur hafi verið myrtir í átökunum.

Óttast hrinu hryðjuverka

Hrina hryðjuverka vofir yfir Indverjum eftir að þrjá sprengjur sprungu í helstu viðskiptaborg landsins í gær. Enginn hefur lýst ábyrgð á ódæðinu.

Sævar Ciesielski er látinn

Sævar Ciesielski lést af slysförum í Kaupmannahöfn aðfaranótt miðvikudags. Hann hafði verið búsettur þar um skeið. Sævar var einn sakborninganna í Geirfinnsmálinu og hlaut þyngsta dóminn, ævilangt fangelsi í héraðsdómi.

Brúarvinnu lýkur líklega í kvöld

Búist er við því að bráðabirgðabrú yfir Múlakvísl verði tilbúin í kvöld eða nótt. Þá er þó eftir talsverð vinna áður en hægt verður að hleypa umferð á á nýjan leik.

Eimskip vill Hringrás ekki lengur á brott

Forsvarsmenn Eimskips telja ekki að starfsemi Hringrásar þurfi að flytjast frá Sundahöfn og fjær fyrirtækjunum í grenndinni. Starfsemi Eimskips raskaðist eftir brunann mikla aðfaranótt þriðjudags vegna eitraðs reyks sem lagðist yfir svæðið.

Pappírslausir skólar í S-Kóreu

Suður-KóreaSkólayfirvöld í Suður-Kóreu hafa ákveðið að allir skólar landsins verði pappírslausir árið 2015. Þá eiga nemendur að lesa allar námsbækur í lestölvum að undanskildum þeim yngstu sem í byrjun fá að lesa bæði bækur úr pappír og bækur í lestölvu.

Sker upp herör gegn fíkniefnaneyslu

Neytendum metamfetamíns hefur fjölgað mikið í Taílandi síðustu ár. Stjórnvöld ætla að skera upp herör gegn eiturlyfjaneyslunni. Í Taílandi eru ein hörðustu viðurlög í heimi gegn sölu og smygli á fíkniefnum. Um tíma voru þeir sem fundnir voru sekir um slíkt teknir af lífi. Neytendum metaamfetamíns hefur fjölgað um hundrað þúsund síðastliðin sex ár og er talið að þeir séu nú um 1,1 milljón talsins. Neyslan er mest í röðum byggingaverkamanna, að sögn breska dagblaðsins Guardian.

Fjöldi vanskilamála fyrir héraðsdómi

„Þeim leigjendum Félagsbústaða sem eiga í fjárhagsvanda hefur fjölgað,“ segir Sigurður Kr. Friðriksson framkvæmdastjóri Félagsbústaða hf. Á síðustu mánuðum hefur verið þingfestur í héraðsdómi allnokkur fjöldi mála Félagsbústaða á hendur leigjendum sínum. Sigurður segir að vanskilin hafi verið komin niður í 1,5 prósent af veltu Félagsbústaða árið 2007. Á síðasta ári hafi þau verið komin upp í 3,5 prósent. Þetta segi sína sögu.

Sneiða hjá íslensku vanköntunum

„Þetta þýðir það að verði þessar tillögur samþykktar þá ætti að verða tiltölulega auðvelt fyrir Íslendinga að komast að ásættanlegum niðurstöðum í samningum um sjávarútvegskaflann í aðildarviðræðum við Evrópusambandið,“ segir Þórólfur Matthíasson hagfræðingur um tillögur framkvæmdastjórnar Evrópusambandsins að nýrri sjávarútvegsstefnu, sem á að koma í staðinn fyrir núverandi stefnu.

Sóðarnir sektaðir á staðnum

Samkvæmt nýrri lagabreytingu sem tekið hefur gildi í Svíþjóð getur sá sem fleygir einnota flöskum og öðru rusli á götur og torg auk garða verið sektaður á staðnum. Upphæðin nemur 800 sænskum krónum eða jafnvirði 14.400 íslenskra króna.

Langt getur liðið milli sláttar og frágangs

Margir dagar geta liðið frá því að opin svæði, umferðareyjar og aðrar grasspildur í Reykjavík eru slegnar og að gengið sé frá viðkomandi svæði með orfi. Víða um borgina eru loðnar graseyjar við girðingar, ljósastaura og þar fram eftir götunum.

Gamall bíll brann á Selfossi

Eldur kviknaði í bíl í Heiðarhverfi á Selfossi um tíuleytið í kvöld. Samkvæmt upplýsingum frá lögreglunni er um að ræða gamlan bíl sem er notaður í varahluti. Ekki er vitað um eldsupptök. Lögreglan segir að ekki hafi stafað hætta af eldinum.

Skar typpið af og henti því í ruslakvörn

Catherine Kieu Becker, kona frá Suður Kalíforníu í Bandaríkjunum var færð í gæsluvarðhald í gær, sökuð um að hafa byrlað eiginmanni sínum ólyfjan, bundið hann niður í rúmið sitt, skorið af honum typpið og hent því í ruslakvörn.

Virkjunarlónin gleyptu gríðarstóra flóðbylgjuna

Hlaupið sem kom úr vestanverðum Vatnajökli reyndist gríðarstórt og fór vatnsrennslið yfir tvöþúsund rúmmetra á sekúndu í nótt, sem er meira en í stærstu Skaftárhlaupum. Líklegast þykir að hlaupið komi úr jarðhitakatli undir jöklinum. Vísindamenn telja ekki bein tengsl milli þessa atburðar og hlaupsins úr Kötlu um síðustu helgi.

Sprengisandur opnast, mánuði seinna en í fyrra

Ein vinsælasta hálendisleið landsins, Sprengisandsleið, var loksins opnuð í dag, rúmum mánuði seinna en í fyrra en þá var leiðin orðin fær þann 10. júní. Búið er að opna allar þrjár leiðirnar til Norðurlands, um Bárðardal, Eyjafjarðarleið og Skagafjarðarleið, samkvæmt upplýsingum frá Vegagerðinni. Þar með eru allir helstu hálendisvegir orðnir jeppafærir, Gæsavatnaleið er þó enn lokuð.

Enn leitað víða að Belga

Björgunarsveitamenn og þyrla Landhelgisgæslunnar eru enn í víðtækri leit á Fimmvörðuhálsi að belgískum ferðamanni, sem þar er talinn slasaður.

Jarðskjálfti í Kötlu - engin vísbending um gos

Jarðskjálfti varð í Kötlu nú rétt eftir klukkan fjögur og mældist hann 3,1 á richter. Hjörleifur Sveinbjörnsson, jarðfræðingur hjá Veðurstofu Íslands segir að um stakan atburð sé að ræða og ekkert bendi til þess að gos sé að hefjast.

Frisbígolfvöllur opnaður á Klambratúni

Á Klambratúni hefur verið komið upp aðstöðu til að leika frisbígolf samkvæmt tilkynningu frá Reykjavíkurborg. Það var gert að ósk íbúa sem hafa um nokkurt skeið stundað þessa íþrótt á túninu. Búið er að setja upp leikvöll með níu teigum og körfum og er hann öllum opinn.

Ætla að bæta fjórða vörubílnum við selflutningana

Til stendur að bæta fjórða sérútbúna vörubílnum við selflutningana og hefur tekist að útvega enn öflugri langferðabifreið í flutninga með fólk yfir Múlakvísl samkvæmt stöðumati Almannavarna um ástandið í Múlakvísl.

60 björgunarsveitarmenn leita Norðmanns

Um 60 björgunarsveitarmenn leita Norðmanns sem leitað hefur verið að síðan klukkan tvö í nótt. Maðurinn slasaðist á hné og hafði samband við björgunarsveitina. Símasambandið rofnaði hinsvegar við hann og ekki hefur náðst í hann aftur.

Síbrotamanni gert að fara í meðferð

Karlmaður á fertugsaldri var dæmdur í tveggja ára fangelsi í Héraðsdómi Reykjavíkur í dag fyrir fjölmörg afbrot. Dómurinn er skilorðsbundinn þar sem maðurinn féllst á að leita sér aðstoðar vegna vímuefnaneyslu sinnar.

Mestur kynjamunur á stjórnendum Íslandsbanka

Könnun á kynjahlutfalli í stjórnum og framkvæmdastjórnum stóru viðskiptabankanna þriggja og dótturfélaga þeirra í bankaskýrslu ríkisins árið 2010 sýnir að alls staðar voru konur í minnihluta.

Lögreglunni óheimilt að miðla upplýsingum úr málaskrá til geðlæknis

Persónuvernd hefur úrskurðaði að lögreglunni á höfuðborgarsvæðinu hefði verið óheimilt að miðla upplýsingum úr málaskrá sinni til geðlæknis, sem átti að meta andlega heilsu mannsins sem kvartaði til persónuverndar, í tengslum við umsókn hans um endurnýjun skotvopnaleyfis.

Hannes tapaði í héraðsdómi

Fjármálaráðuneytið var sýknað af skaðabótakröfu Hannesar Smárasonar í Héraðsdómi Reykjavíkur í dag.

Enn leitað að ferðamanni á Fimmvörðuhálsi

Björgunarsveitir leita enn að norskum ferðamanni sem hafði samband við lögreglu í nótt og óskaði eftir aðstoð þar sem hann hafði slasast á hné og treysti sér ekki til að koma sér til byggða án aðstoðar.

Auðvelt að leysa út lyf annarra

Það virðist vera tiltölulega auðvelt fyrir óprúttna aðila að komast yfir lyfseðilsskyld lyf, ef marka má sögu Þóreyjar Hilmarsdóttur, sem fékk ekki útleystan lyfseðil sinn fyrr í dag þar sem hann hafði þegar verið útleystur nokkrum dögum áður.