Gunnar: Mjög líklegt að ég fari í stærri keppnir

Gunnar Nelson segir töluverðar líkur á því að hann reyni að taka þátt í sterkari mótum. Þetta kom fram í viðtali við hann í kvöldfréttum á Stöð 2 þar sem sýnt var frá bardaga hans í gærkvöld.

Stjörnuleikur NBA í beinni á Stöð 2 sport | útsending hefst á miðnætti

Stjörnuleikur NBA deildarinnar í körfubolta fer fram í kvöld og er leikurinn í beinni útsendingu á Stöð 2 sport. Útsending hefst á miðnætti. Úrvalslið Vesturdeildar og Austurdeildar eigast við í þessum árlega leik sem fer fram að þessu sinni í Orlando.

Mahan tryggði sér sigur á Heimsmótinu í holukeppni

Bandaríkjamaðurinn Hunter Mahan sigraði Norður-Írann Rory McIlroy í úrslitum Heimsmótsins í holukeppni í golfi. Mahan tryggði sér sigurinn á 17. holu þegar hann hafði tveggja holu forskot á McIlroy.

Liverpool fagnaði sigri á Wembley | myndasyrpa

Liverpool hafði betur gegn Cardiff í æsispennandi úrslitaleik deildabikarkeppninnar í dag. Staðan var jöfn, 1-1, að loknum venjulegum leiktíma og bæði liðin skoruðu mark í framlengingu. Úrslitin réðust í vítaspyrnukeppni þar sem að Liverpool hafði betur. Gríðarlegur fögnuður braust út hjá leikmönnum, þjálfurum og stuðningsmönnum Liverpool í leikslok og í myndasyrpunni má sjá brot af því besta frá leiknum.

Lakers bauð Bynum fyrir Howard

Peter Vecsey blaðamaður á New York Post segist hafa heimildir fyrir því að Los Angeles Lakers hafi boðið miðherjan Andrew Bynum í skiptum fyrir miðherjan Dwight Howard hjá Orlando Magic en Magic hafi hafnað því og óskað eftir bæði Bynum og Pau Gasol í skiptum fyrir besta varnarmann deildarinnar undanfarin tímabil.

Stórkostlegt sigurmark Messi gegn Atletico

Lionel Messi var hetja Barcelona í 2-1 útisigri á Atletico Madrid. Í stöðunni 1-1 benti fátt til þess að Börsungar tryggðu sér sigur. Þá tók Argentínumaðurinn snjalli til sinna ráða og skoraði glæsilegt mark úr aukaspyrnu.

Magdeburg sigraði botnliðið | Björgvin með góða innkomu

Björgvin Páll Gústavsson lék seinni hálfleikinn þegar Magdeburg sigraði botnlið Eintracht Hildesheim 36-25 í dag. Magdeburg var aðeins einu marki yfir í hálfleik 17-16. Á sama tíma náði Melsungen jafntefli gegn Flensburg-Handewitt 32-32.

Kuyt: Þetta er ástæðan fyrir því að ég kom til Liverpool

Hollendingurinn Dirk Kuyt var í skýjunum með sinn fyrsta titil hjá félaginu. Kuyt skoraði í framlengingu auk þess að nýta sína spyrnu í vítaspyrnukeppninni í dramatískum sigri Liverpool

Liverpool deildabikarmeistari eftir vítakeppni

Liverpool tryggði sér deildabikarmeistaratitilinn með því að leggja Cardiff af velli í vítaspyrnukeppni. Staðan var jöfn 1-1 eftir venjulegan leiktíma og enn var jafnt, 2-2, að lokinni framlengingu. Liverpool skoraði úr þremur af fimm vítum sínum á meðan Cardiff nýtti aðeins tvö og því var það Liverpool sem fagnaði í leikslok.

Klose og Di Natele skoruðu | Enn tapar Inter

Lazio og Udinese unnu bæði leiki sína í ítalska boltanum í kvöld. Liðin eru með jafnmörg stig í 3. og 4. sæti deildarinnar í humátt á eftir AC Milan og Juventus sem verma toppsætin.

Sjöundi sigur Dortmund í röð

Robert Lewandowski skoraði tvisvar fyrir Dortmund sem lagði Hannover 96 í þýska boltanum í dag. Með sigrinum náði Dortmund fjögurra stiga forskoti á Bayern München sem lagði Schalke af velli fyrr í dag.

Hvorki Rooney né Cleverley með Englandi gegn Hollandi

Sir Alex Ferguson knattspyrnustjóri Manchester United hefur staðfest að hvorki Wayne Rooney né Tom Cleverley leikmenn leikmenn Manchester United verði með Englandi í vináttulandsleik gegn Hollandi á miðvikudaginn vegna meiðsla.

Trausti í þriðja sæti í Danmörku | Nálægt sínu besta

Trausti Stefánsson, hlaupari úr FH, hafnaði í þriðja sæti í 400 metra hlaupi á danska meistaramótinu í frjálsum íþróttum innanhúss. Trausti hljóp á 48.27 sekúndum og var nálægt sínu besta.

Jóhanna og Árni að gera það gott

Sundmennirnir Erla Dögg Haraldsdóttir, Birkir Már Jónsson, Árni Már Árnason og Jóhanna Gerða Gústafsdóttir kepptu í deildarkeppnum með háskólum sínum í Bandaríkjunum nú um helgina þar sem Árni Már og Jóhanna Gerða fóru mikinn.

Wenger: Allt fullkomið þrátt fyrir hræðilega byrjun

Arsene Wenger var í skýjunum með endurkomu sinna manna gegn Tottenham í dag. Liðið lenti tveimur mörkum undir snemma leiks en sneri við blaðinu með fimm mörkum í röð.

Kiel vann riðilinn á jafntefli í Danmörku

AG Kaupmannahöfn og Kiel gerðu 24-24 jafntefli í lokaleik liðanna í riðlakeppni Meistaradeildarinnar í handbolta í dag. Kiel vann þar með D-riðilinn með 16 stig, stigi meira en AG og fær lið sem hafnaði í fjórða sæti í riðlum A, B eða C á meðan AG þarf að mæta liði sem hafnaði í þriðja sæti.

Ferguson: Norwich átti stig skilið í dag

Sir Alex Ferguson var hæstánægður með sigur sinna manna á Norwich í ensku úrvalsdeildinni í dag. Hann viðurkenndi þó að heimamenn hefðu átt skilið stig.

Bæjarar með öruggan sigur á Schalke | Ribery með bæði

Bayern München andar ofan í hálsmálið á Borussia Dortmund í baráttunni um þýska meistaraskjöldinn. Bæjarar unnu þægilegan 2-0 sigur á Schalke í stórleik dagsins. Frank Ribery skoraði bæði mörk liðsins.

Gunnar: Hann var fljótur að stífna upp | Myndasyrpa frá bardaganum

Gunnar Nelson fór létt með Alexander Butenko í bardaga þeirra í Dublin í gærkvöld. Gunnar kom afslappaður til leiks og hafði yfirburði gegn Úkraínumanninum frá upphafi. Áður en fyrsta lotan var liðin var bardaganum lokið.

Love sigraði þriggja stiga skotkeppnina

Kevin Love kraftframherji Minnesota Timberwolves sem er hvað þekktastur fyrir frákastagetu sína kom mörgum á óvart með því að sigra þriggja stiga skotkeppni Stjörnuliðshelgar NBA körfuboltans í nótt. Hann sigraði Kevin Durant í úrslitum.

Jeremy Evans vann troðslukeppnina

Jeremy Evans stóð uppi sem sigurvegari í árlegri troðslukeppni NBA-deildarinnar í tengslum við Stjörnuleikshelgina vestanhafs. Evans er fyrsti leikmaður Utah Jazz sem vinnur keppnina.

Ótrúleg endurkoma hjá Arsenal gegn Spurs

Arsenal vann magnaðan 5-2 heimasigur á Tottenham í Lundúnarslagnum í dag. Gestirnir komust tveimur mörkum yfir snemma leiks og útlitið svart hjá lærisveinum Arsene Wenger. Þeir jöfnuðu hins vegar fyrir hlé og slátruðu gestunum í síðari hálfleik.

Íslendingar á bekknum eða í tapliðum í Belgíu

Alfreð Finnbogason og Jón Guðni Fjóluson vermdu bekkinn þegar Lokeren og Beerschot lögðu andstæðinga sína af velli í belgíska boltanum í gær. Ólafur Ingi Skúlason og Stefán Gíslason voru í byrjunarliðum Zulte Waregem og Leuven sem töpuðu sínum leikjum.

Kipyego fyrstur í mark | Vonbrigði hjá Gebrselassie

Keníumaðurinn Michael Kipyego kom fyrstur í mark í Tókíó maraþoninu sem fram fór í nótt. Kipyego, sem áður keppti í 3000 metra hindrunarhlaupi, hljóp á tímanum 2:07:37 klst.

McIlroy mætir Westwood í undanúrslitum á Heimsmótinu

Norður-Írinn Rory McIlroy og Englendingurinn Lee Westwood sigruðu andstæðinga sína sannfærandi á Heimsmótinu í golfi í Arizona í Bandaríkjunum. Bretarnir mætast í undanúrslitum í dag.

Ármann batt enda á 15 ára sigurgöngu Gerplu í frjálsum æfingum

Lið Gerplu voru sigursæl á Bikarmóti Fimleikasambands Íslands í Versölum í Kópavogi í gær. Ármann batt enda á 15 ára sigurgöngu Gerplu í frjálsum æfingum karla.

Ólafía Þórunn íþróttamaður vikunnar hjá Wake Forest háskólanum

Ólafía Þórunn Kristinsdóttir, kylfingur úr Golfklúbbi Reykjavíkur, var valinn íþróttamaður vikunnar við Wake Forest háskólann í Norður-Karólínu í Bandaríkjunum.

Zaccheroni valdi ellefu leikmenn sem spila í Evrópu

Alberto Zaccheroni, landsliðsþjálfari Japan, valdi ellefu leikmenn frá evrópskum félögum í landsliðshóp sinn fyrir leikinn gegn Úsbekistan í næstu viku. Japan lagði Ísland af velli í vináttulandsleik í gær 3-1.

Gerrard: Síðasti úrslitaleikur var martröð

Steven Gerrard mun fara fyrir Liverpool sem mætir Cardiff í úrslitaleik enska deildabikarsins á Wembley í dag. Gerrard skoraði sjálfsmark síðast þegar liðið lék til úrslita og leikurinn tapaðist.

Ronaldo með eina markið í sigri Real Madrid

Portúgalinn Cristiano Ronaldo var enn einu sinni hetja Real Madrid sem vann 1-0 útisigur á grönnum sínum í Rayo Vallecano í dag.

Tvö skallamörk tryggðu Stoke sigur á Swansea

Stoke vann 2-0 sigur á Swansea í síðdegisleiknum í ensku úrvalsdeildinni í dag. Gylfi Þór Sigurðsson spilaði allan leikinn með Swansea.

United fylgir City eins og skugginn

Manchester United sigraði Norwich 2-1 á útivelli í ensku úrvalsdeildinni í fótbolta í dag. Ryan Giggs tryggði Manchester United sigurinn með marki í uppbótartíma.

Gunnar kláraði Butenko í fyrstu lotu

Það tók Gunnar Nelson aðeins fjóra og hálfa mínútu að leggja Alexander Butenko af velli. Gunnar hafði Butenko með armlás strax í fyrstu lotu.

Gebrselassie klár í slaginn í Tókíó

Hlaupagoðsögnin Haile Gebrselassie er klár í slaginn fyrir Tókíó-maraþonið sem fram fer á morgun. Flestir af bestu maraþonhlaupurum heims eru mættir og veðurspá eins og hún gerist best.

AC Milan og Juventus skildu jöfn í toppslagnum

AC Milan heldur eins stigs forskoti á Juventus á toppi ítölsku deildarinnar eftir 1-1 jafntefli liðanna á Guiseppe Meazza vellinum í Mílanó í kvöld.

Man City með yfirburði gegn Blackburn

Manchester City lagði Blackburn af velli í síðdegisleiknum í enska boltanum í dag. Mario Balotelli, Sergio Aguero og Edin Dzeko voru allir á skotskónum í 3-0 sigri heimamanna.

Fallegasta mark ársins?

Pólverjinn Marek Zienczuk skoraði stórkostlegt mark úr aukaspyrnu í 3-0 sigri Ruch Chorzow á Lech Poznan í pólsku deildinni á föstudagskvöldið.

Kristinn langt frá sínu besta | Þreyttur eftir mikið álag

Kristinn Torfason, langstökkvari úr FH, var langt frá sínu besta á danska meistaramótinu í frjálsum íþróttum í dag. Kristinn stökk lengst 6,90 metra í sinni fyrstu tilraun.

Keflavík lagði Stjörnuna (sjáið mörkin) | Skaginn sigraði ÍBV

Keflvíkingar lögðu Stjörnuna af velli 3-2 í Reykjaneshöll í dag. Þá unnu Skagamenn góðan sigur á ÍBV á Akranesi og Breiðablik rúllaði upp BÍ/Bolungarvík. Leikið var í öllum riðlum keppninnar í dag.

Irving bestur í leik hinna rísandi stjarna

Ungar stjörnur NBA körfuboltans mættust í Orlando í nótt en leikurinn er hluti af hinni árlegu Stjörnuleikshelginni. Kyrie Irving, leikstjórnandi Cleveland Cavaliers, var valinn maður leiksins.

Haukar bikarmeistarar árið 2012 | Myndasyrpa úr Laugardalshöll

Haukar urðu í dag bikarmeistarar í handknattleik karla eftir öruggan átta marka sigur á Fram. Haukar höfðu frumkvæðið frá upphafi og áttu Framarar engin svör.

Þórir og félagar áfram í Meistaradeildinni | Upp fyrir Füchse Berlín

Þórir Ólafsson og félagar hans í pólska liðinu Kielce eru komnir í sextán liða úrslit Meistaradeildar Evrópu eftir jafntefli gegn Medvedi frá Rússlandi 26-26.

Lambert með þrennu og Southampton í toppsætið

Rickie Lambert var hetja Southampton þegar liðið vann 3-0 útisigur á Watford í Championship-deildinni í dag. Með sigrinum komust Dýrlingarnir í toppsæti deildarinnar á kostnað West Ham sem gerði markalaust jafntefli við Crystal Palace fyrr í dag.

Kári spilaði allan leikinn í jafntefli Aberdeen

Landsliðsmaðurinn Kári Árnason spilaði allan leikinn með Aberdeen sem gerði 1-1 jafntefli við St. Mirren á útivelli í skosku úrvalsdeildinni í dag.

Valskonur höfðu betur gegn Eyjakonum | Myndasyrpa úr Laugardalshöll

Valskonur urðu í dag bikarmeistarar í handknattleik þegar þær lögðu Eyjakonur að velli 18-27. Sigur Valskvenna var öruggur og langþráður en liðið hafði ekki unnið bikarinn í tólf ár.