Lögregla hafi ekki gengið of langt
Nefnd um eftirlit með lögreglu telur lögregluþjóna á vettvangi mótmæla fyrir utan ríkistjórnarfund í Skuggasundi hafa gætt stillingar á vettvangi og gætt þess að mótmælendum yrði ekki gert tjón umfram það sem óhjákvæmilegt var. Lögregla beitti piparúða á mótmælendur sem hindruðu meðal annars för ráðherra og leituðu nokkrir á bráðamóttöku í kjölfarið.
