Kjartan Henry Finnbogason skoraði annað mark AC Horsens í sigri gegn Helsingoer í dönsku deildinni í dag.
Það var Simon Okosun sem að skoraði fyrra mark Horsens á 16. mínútu leiksins og allt stefndi í að það væri staðan í hálfleik en þá steig Íslendingurinn fram og skoraði á 44. mínútu og þannig var staðan í leikhlé.
Fleiri mörk voru ekki skoruð í þessum leik og því fengu Kjartan Henry og félagar stigin þrjú.
Eftir leikinn situr Horsens í 5.sæti með 10 stig.
Kjartan Henry skoraði í sigri Horsens
